΅ مجلڛ بناااااټ , شهږ رمضاטּ 1430 - 2009 م ΅

أنا الشوق;10194349:
تعالي أموله

شسمها الشركه اللي قلتي عنها ذيج المره
وفي وين موقعهم
وشنو المؤهلات اللي يبونها؟؟

كمام الأمل;10194410:
اهليين شواقه اسمها شركة بروكير ميديك(ProCare Medic ) واهم مديرهم لبناني وايد حليو
وموقعهم عقب فندق الريجنسي في مبنى غرفة التجارة والصناعه نفس المبنى اللي فيه ديري كوين اللي هناك مقابل المرفأ المالي تقريبا...
المؤهلات جامعيه بس ع حسب الوظيفه لانها توها يديده ويبون لوايد تخصصات يعني يبون مندوبيين ومهندسيين .... بس اشوف الغالبية شهادتهم تبع البزنس والهندسه انا استغربت انه متصليين لي تخصصي شوي بعيد انا مارحت قدمت اهم بروحهم متصليين لي ما ادري شسالفتهم يمكن خذو اوراقي من مشروع مال وزارة العمل يازعم :tongue:
وراتبهم البيسيك 350 دينار و100 دينار علاوة سكن ومواصلات
ووقت الشغل من 8 إلى 4 واجازه يوميين بالاسبوع الخميس والجمعه هذا اللي عرفته عنهم لحد اللحين..
لو تبين رقمهم خبريني بطلعه لج

تستاهلين كل خير اموله

ورأي في سنفونيه يمكن ماحتكيت وياها وايد بس من الشخصيات الي تدش القلب بسرعه كصداقه او كسوالف او كتواجد وكان لها تواجد جدا مميز بالتجهيزات والله يوفقها طيبه وايد وتستاهل كل خير

صباح الورد لكل وردة هني ...
اختي مصخنة وايد ودايما قاعدة معاها من جذي مشغولة عنكم وماتبي تروح عيادة او مستشفى تقول يمكن فيها فلونزا الخنازير هههههه وتصيح

سنفورة ...
حبيبتي انتي اختي هاذي اهي زايدة عن امس

رآيي في العضوة ( سنفونية حب )

إيييييه!. :smile:

أتذكر حوستها ولويتها في التجهيزات علشان زواجها

وكنت متابعة معاها ,

والحمد لله الله يسر أمورها وتزوجت .. وحضرت حفلة زواجها :up:

ما شاء الله عليها حدها كيوتة , وبيبي فيس نوعاً ما

إنسانة لطيفة للغاية وذويقة فعلاً

تعاملها وأسلوبها راقي وايد

كنت متعودة عليها في تجهيزاتنا ومتعودة أتواصل معها

تدش القلب هالبنت !.

وسافرت شهر العسل وأفتقدتها بقووووة :schmoll:

والحمد لله رجعت

وكاهي معانا بالشات

تنورنا بتواجدها اليومي ,

ما قط شفت منا موقف .. دائماً أسلوبها راقي مع الكل :21_213:

الله يسعدها ويهنيها ويوفقها يا رب ,

احس انها انسانه رومانسيه وليحين تعيش مرحله طفوله متأخره :tongue: ههههه
احسها بيضه وضعيفه وقصيره شوي وشعرها سود وناعم لجتفها تقريبا وتسوي لها عنقوصين
ودايما تلبس وردي هههه
احسها حساسه وتزعل بسرعه
ماتحب تحتك مع ناس ماتعرفهم ومن النوع الخجول وبس هذا انطباعي :tongue:

كمام الأمل;10194423:
عذوبه عفويا عفويا خخخخخخخخ

عذاب;10194426:
امولة يبغون اي تي او ما تدرين اذا يبون ابغي المعلومات عن الشركة مشكورة حبيبتي

اهلييييييييييييين سوسو

شخبارج حبيبتي وحشتيني موت

كنت اتذكر انج مريضة في فترة من الفترات بس انا صادتني ظروف قوية ما كنت اقدر اكتب اهني في الموضوع
انشاء الله الحين احسن ؟؟؟

اي اي وصار شي عن ذاك الموضوع اللي خبري خبرج خخخخخخخخخخخخخخخ

هلا حبيبتي سوسو صباحج عسل وربي يوفقج ويطلع مشروعج تمام وع مستوى المطلوب منج واحسن..
لا للحين ما داومت بس نكمل اجراءات التوظيف يازعم..

سنفونية حب;10194468:


هلا والله عذابي ما يوحشج لا حبيب ولا غالي .. انتي بعد لج وحشه وافتقدناج انتي وبعض البنات اللي اختفوا .. بس يا الله معذورين و الغايب عذره معاه
و اهم شي انج رجعتي وطليتي علينا واطمنا عليج ويارب نطمن على باقي البنات

و عن الموضوع اللي خبرج ههههههههه لا ما في شي خخخ حتى زوجي حسيته صاده احباط يوم اقول له وصلت الحجية ههههههه ... والحمدلله على كل حال وربج يكتب لنا ان شا ءالله ...
وعن المرض الحمدلله طلعت النتايج سليمة .. للحين في عندي الالام بس اخف من قبل ومعطيني ادويه ومراهم و جل عشان يخففون علي بس ما احب هالسوالف كلش .. ومخليه روحي جذي

عذاب;10194486:




امولة مشكورة حبيبتي نخدمج في الافراح

عسى ما شر اشفيج ؟؟؟

سنفونية حب;10194517:
الشر ما يجيج عذابي .. بس كانت عندي الالام في ظهري وجهة خواصري فشكو ان فيني الكلى او حصى
بس الحمدلله طلعت النتيجة سلمية و السبب من عضلات ظهري صاير فيهم شد وهو اللي يسبب هالالام .. من جذي عطوني هالادوية و قالت الدكتورة اذا استمر فترة اطول بحولوني على العلاج الطبيعي

وعن سنفونية تصدقين عااد .. انه بعد قالوا لي فيني حصى وسويت اشعه وطلع صج عندي حصى صغيرة ..
بعيد الشعر عنج ان شاء الله .. الله لا يراويج ولا يراوي حبيب ولا صديق لج ان شاء الله .. الم الحصى مأساه .. يألم ويخلي الظهر يشير والكلى تتيبس مدري شلون الم لا إله إلا الله .. ادعوا لي تروح وافتك .. صار لها سنة وشي وكل استعمل ادوية .. يروح الالم ويرد بعد شهرين ثلاثة .. قالوا لي هذا يمكن تتفتت وترد تزرع .. والله العالم ..

مرحبا حبايب قلبي

انا بحط رأيي في سوسو (سنفونية حب)
طبعا هالبنت شقول وشنو اخلي والله العظييم ماراح اقول اي كلمة مجامله بس جد هالبنت عزيزه وايد ع قلبي وصراحه ما حبيت التجمع وقمت اشارك بشكل يومي إلا يوم ما انضمت لنا اخلاقها جدا عالية ومحترمه هالبنت تحسينها رومانسيه وحالمه وفي شغلات مشتركه بيني وبينها نفس ما قالت وعندها طموح بس يبي لها دفعه وتشجعييع عشان تقدر تحققه ع ارض الواقع...
ما تحب تجرح احد ابدا لو شافت شي ما يعجبها تسكت وحتى اسلوبها ما يبين متغير او شي وفي نفس الوقت قلبها ابيض ما تشيل ع احد ابدا وما تعرف تجامل لو شي ما عجبها تسكت بدون ما تنتقد او تجرح غيرها..
احسها هادئه وفي نفس الوقت تحب السوالف وهذاره مثلي هههههههههه لو لقت الناس اللي يناسبون مودها وشخصيتها..
انسانه ذويقه في شكلها العام وفي طريقة كلامها وفي كل شي ماشاء الله عليها...
تحسس كل شخص باهميته في حياتها وتقسم وقتها ع المهم وعقب الاقل اهميه فتلاقيين محد يزعل منها لانه كل شخص ماعطته حقه وجزء من وقتها...
احسها جديه في تعاملها بس لو الموقف يستعدي غشمره وضحك ممكن تتغشمر وتضحك بس تميل للجد اكثر وبنفس الوقت الوقت تدش القلب ما تحسين جديتها فيها ثقاله بالعكس كل من يحبها وكل من يحب يسولف معاها..
والله لو اقول من اليوم لي باجر ما بخلص بس جد جد وايد احبج سوسو واحسج وايد قريبه مني وافتقدج لما ما تدشيين واحاتيج لما فيج شي..
الله يوفقج وييسر امورج ويهنييج ويرزقج بنونو صغيرون ينور حياتج ويوفقج بعد في مجال شغلج وتقدريين تطوريين وتصيريين اكبر باش مهندسه في البحرين والخليج كله ههههههه...

(y)(y)

اوافقش الراي

اني بعد حبيت هالبنية من اول نظره :tongue: حشى ههههه

,,

بس ما زلت اطالبها بصورة الشجره مالت التوزيعات ولا راوتني اياها :o