حلم العذارى
اتذكر تواجدها كان ويا تواجدي في المنتدى
وفترة خطوبتي وخطوبتها مع بعض
كنت استفيد من ردودها من ذاك الوقت الى هذا الوقت
ارتاح لكلامهاا واحسها قريبة للقلب
شفتها في زواج زوز البحرين
وما ادري ليش قلبي حس ان هذي هيه حلم العذارى وكانت قاعدة صوبي بس استحيت اروح اسلم عليها
بس ما شاء الله عليها عرفتني من شنطتي وجت تمت تسولف ويايي
من سوالفها ويايي ما كأني للمرة الاولى اشوفها او اقعد وياها
حدها عجبتني .. اتمنى لها كل خير وصلاح والله يسلمها من كل شر
[ هذيان ]
بداية أنا إلي تشرفت بمعرفتج وشوفتج والله!.
+
ترى شفنا بعض بخطوبة " زمن الطفولة " ههههههه :bleh:
وتسلمين على إبداء رآيج الشخصي والله
أفرحني وأسعدني من قلب :smile:
الشاهد الله إني أعتبرتج أخت في الله
ويا حلاتها من مصادفة , :8875:
*
الحين بقول رايي في نور ركن العروس حلومة...
صراحة من اول ما جافيتها في التجهيزات حسيتها انسانة مندفعة وما شاء الله وااااااايد تساعد البنات وماقط مرة لا حظتها تطنش احد ماتخلي لدرجة بنات وايد يحبونها ويذكرونها بالخير ومرة كنت مقتبسة صورة جلابيتها وماكنت اعرف انها مالتها وكنت اسأل البنات اذا يعرفون وين احصل مثلها فوحدة من البنات ما اذكر مين قالت لي تدرين ان هالجلابية لبنت طيبة واااااااايد ولما تجوف سؤالج ما راح تخليج وقالت انها حلم وفعلا شوي الا هي رادة علي وتعرضها علي اذا ابي البسها صج تفاجأت من اسلوبها وايد اخجلتني معنه في رودودها في المنتدى تحسين فيه جفاف بس بالعكس بنية طيوبة وايد ودلوعة في نفس الوقت وماترضى احد ولما يكون عندها راي تحب تقنع الناس فيه بقد ما تقدر خصوصا اذا كانت واثقة منه وما شاء الله هالبنت عيني ان شاء الله عليها باردة كلامها واسلوبها اكبر من عمرها بحكم التجربة اللي عاشتها في حياتها
في ناس وايد اظلموها من اسلوبها وانه صراحة حسيت في تناقض شوي في شخصيتها من قبل ما اعرفها بس الحين غيرت رايي لكن انه ماقلت لكم ان كان في تواصل بيني وبينها على الرسائل الخاصة والمسن وتلاقيت وياها في الطبيعة وانصدمت من اللي عرفته من الطبيعة بنت كلش غير عن المنتدى ومن اللي جافيته بعد انهاكيوتة وحساسة وحلوة فعلا طلعت دلوعة لكن والله يابنات طيبة وايد وايد وانه حبيتها وايد وارتحت لها وتشرفت فيها وفي والدتها واتمنى لها ولد الحلال اللي يستاهلها ويقدرها لانها جوهرة وكلامي بدون مبالغة واللي راح يعرفها على الطبيعة راح يعرف هالشي
احبج حلومة
واااااااي ,
وقسم بالله دمعت عيوني هههه :tears:
أنا ما أستحمل هالمواقف :schmoll:
أحرجتي تواضعي يالورد
إنتي إلي ذهب
وتشرفت بمعرفتج وشوفتج
وحتى الماما فرحانة بمعرفتج :yes:
وإنتي بعد شي مختلف عن المنتدى
إنسانة رائعة شكلاً وروحاً
أشكرج على إبداء رآيج يالغالية ,:shiny:
*
راي في حلومه ..
والله شقول لكم عن هالبنت الطيبة الحلوة مهما قلت بيظل في اشياء وايد ناقصه .. يعني من اول ما دخلت المنتدى وانا اشوف اراءها و ردودها على كل البنات وحده وحده بدون استثناء سواء عضوه جديده او قديمه تعرفها او ما تعرفها ما تبخل على احد بشي حتى لو تعطيه الشي من اغراضها بس ما تكسر بخاطر هالشخص .. وفعلا ردودها تدل على خبرتها في اشياء وايد وهذا يعطي انطباع انها اكبر من الكل بس انصدمت يوم عرفت عمرها !! .. يعني ما شاء الله فعلا كلامها و اراءها تعطيها اكبر من عمرها
بنت خدومه شيومه طيوبه وحبوبه ... وما انسى مساعدتها لي في زواجي والتقيت فيها على الطبيعه حدها نونو وتسولفين وياها كأنج تعرفينها من زمااان ماشاء الله عليج .. و ماقصرتي مشكوره بعد على تلبية دعوتي وحضورج زواجي .. مع اني كنت حابه اتعرف عليج اكثر لكن كنت مضغوطه هذيك الايام وكل شي بسرعه بسرعه ..يالله ان شاء الله الايام جايه اتعرف عليج اكثر وعلى كل بنات تجمعنا الحلو .. ونتلاقى في اقرب فرصه
و لما عرفت ان حلومه ارتبطت وانفصلت من مده وايد عورني قلبي عليها وما صدقت وحسيتها تستاهل كل خير .. عسى الله يرزقها بولد الحلال اللي يقدرها ويسعدها ويعوضها
اتمنى لج التوفيق من كل قلبي وفرحت وايد لما سمعت خبر الوظيفة الجديده خصوصا ان يوم التقي فيج كنت توج قاعده عن الشغل ودعيت لج ان الله يعوض عليج بوظيفه احسن والحمدلله شكلج مرتاحه في هالظيفة اكثر من اللي قبلها
ما شاء الله عليكم بنات ..,
حللتوا شخصيتي وكتبتوا عن قصة
والله ما أستاهل كل هلأشياءات :cry:
أحرجتوني واااااايد
ثانكس على رآيج
وأنا بعد شرفتني وأسعدتني شوفتج & معرفتج
*
وبالنسبة لرأيي في حلوومة
والله ما ادري شقول عن ها البنية .. طيبة وتسااعد الكل .. وما تنسى انها تلبي طلب احد ..
ولا مرة شفت بنت طلبت شغلة وما ردة عليها .. يعني ما شاء الله عليها عطاء للاخر ومن غير مقابل ..
واعية وفاهمة للحياة .. الحياة علمتها واجبرتها انها تستفيد من تجاربها وتتحمل الصعوبات اللي تمر فيها ..
تفكر بعقلانية ومن غير اندفااع .. احسها رومانسية واايد و ذوووق .. وعندها سرعة كبيرة في اقناع الاخرين ..
ويسعدني ويشرفني اني اتعرف عليها بشكل شخصي واتعرف على كل البناات طبعاا ..
اتمنى لها الخير والصلاح والموفقية في حياتها ..
وهذي باقة ورد لها ..
واااي , شهالذوق يالذوق :8875:
ثانكس على هالبوكيه الحلو مثل راعيته والله
شاكرة لج إبداء رآيج فيني
وصج , صج
الحياة تجارب مرة , والأهم إنج تكسبين فيها مب تخسرين !. :up:
*
حلم العذاراى ,,, فيها طيوبه وو خدومه ,,, وو حساسه جدااااااا ,,, تفكيرها اكبر من سنها
احسها واجهت ظروف صعبه بس تغلبت عليها وو انصدمت بحياتها واجد بسبب طيبتها
متفاءله وو بنفس الوقت حذره في اتخاذ القرار ,,, شخصيه رومانسيه وااااااااجد
وو ذوقها نوعا ما صعب وو كلنا البنات احس ذوقنا فيه صعوبه بشغلات وو شغلات
بالنهايه اتمنى لها التوفيق ووو يعطيها كل اللى بخاطرها
>>> متى يجي دوري هههههههههههههههههههههههههههههههه
إي!.
أنا فعلاً حساسة
بس محد يلاحظ حساسيتي إلا الناس القريبين مني جداً :21_184:
يعرفون إني حساسة وايد
وذوقي فعلاً عسر وصعب .. مب أي شي يعجبني ههههه
وهالشي ترى ساعات آذية :sm215:
أستانست بمعرفتج ملوكة & بشوفتج
ولا يهمج جاينج دور الحش قريباً ههههههههههههه :dd:
*
طبعا انه ما اتابع مسلسلات بس حبيت اسئل عن مسلسل قلوب للايجار
متى ايحطونه؟؟؟؟ وعلى اي قناة ابي قناة تحطه على الساعه10 او11
ما أقدر يمر علي شهر رمضان وما أتابع مسلسلات الكاتبة ( وداد الكواري ) :JUMP:
قلوب للإيجار ينعرض على 3 قنوات
- قطر / 3 ونص العصر
- MBC / 12 الليل
- الكويت / 1 الفجر
