ياريم انا بأرضع بس مش ماشية على ريجيم
أنا علشان مشيت على ريجيمات كتير فتقريبا خلاص عرفت إزاى أنا ماشية
كويس وإزاى أنا كده خرفت فى الأكل
بالنسبة لأنك بترضعى فممكن يكون أنسب ريجيم ليكى هو ريجيم النقاط
يعنى ممكن تحددى لنفسك 1800 سعر فى اليوم
وتبحثى عن جداول سعرات المواد الغذائية وتبدأى تشكلى وجباتك وتحسبى
سعراتها وسجلى كل وجبة ومحتوياتها فى كراسة
بحيث إنك ما تتعدى ال1800 سعر فى اليوم حتى لو قضيتى اليوم كله تأكلى
شوكلاتة ومكسرات ومقليات المهم تلتزمى بحد السعرات
ونصيحة الحاجات اللى إنتى عارفة إنك ضعيفة قدامها زى الشوكلاتة
والشيبسى والحلويات
ما تدخليهاش بيتك خالص غير لما تضعفى قوى وعلى قد إشباع رغبتك فقط
وعيالك ما تجيبيش لهم علب بالجملة أو كراتين جملة للحلويات
لأنى لما كنت بأعمل كده كنت فى اوقات السهر مع عمار ألاقى نفسى
جعانة أضعف وأجيب من الحاجات دى والاقى نفسى بس ممكن فى السهرة
دى اكسب لى 600 :800 سعر:confused:
فبطلت الموضوع ده بدأت أجيب لها بالعدد على قد إستخدامها ويوم ما يكون
نفسى فى حاجة أجيب يادوب على قد المرة دى بس وابص على السعرات
الحرارية واحاول اجيب الأقل فى السعرات
أم أمير وعليكم السلام
وبعدين هو فينا من كده ;)
على فكرة بقى إحنا لسه ما اتحددش إذا كنا خسرنا ولا لا
لان ألماسة ما نزلتش وزنها والفرق من غيرها بينا قريب قوى :p
وعندا بقى فى الفريق الأخضر النهاردة بقى حاولت أظبط أمورى أكتر ولعبت
رياضة وإن شاء الله هأظبط أمورى مع وجود الضيوف :cool:
بس ربنا يعينى وييسر لى أمورى
البندرى فينك النهاردة ولا برضه لخبطتى زينا :p