مسابقه ... {{ الرابح ...الاكبر }} ... للباحثات عن الرشاقه ... (1) ..

هههههههههههههههه

أيوا كده تبقى تجمع حريم نتعرف وندردش

مش الأول عامل زى تجمع الرجالة

يقعدوا ساكتين ويادوب كل واحد يرد على قد المطلوب :lol:

يومياتى النهاردة

بعد الفجر أخدت برتقالة وموزة

وبعدين على الساعة 11 أكلت سندوتش طعمية بالسلطة

وإن شاء الله غدانا فراخ مشوية وسلطة

آه نسيت شربت كوباية حليب صويا أخيرا لقيته النهاردة فى السوبر ماركت

عملاه شركة الربيع وطعمه يشبه الحليب أوى السعرات اللى فيها 58 سعر

بالنسبة للرياضة نزلنا السوبر ماركت واتمشيت فيه ساعة

ومن شوية لعبت على جهاز الواى فيت وعلى حساباته حرقت ما يعادل 215

سعر حرارى

ريم ومين قال لك إنى ماشية على الريجيم أنا مش بينفع معايا الريجيم

وخاصة مع الرضاعة لو قللت السكر ييجى لى هبوط على طول

بس بأحاول احوله لاكل صحى منه يفيد جسمى ويقوى صحتى

وفى نفس الوقت الاكل الصحى سعراته أأقل

آخر ريجيم مشيت عليه كان ريجيم النقاط

هو بصراحة أحسن أنواع الريجيم اللى مشيت عليها

والفايدة اللى خرجت بيها منه هى إن اتعلمت قبل ما اشترى حاجة أو حتى

آكلها ابص على عدد سعراتها علشان لو نفسى فيها قوى وسعراتها عالية

أخد بس منها اللى يشبع رغبتى او على الأقل ألغى شىء مقابلها أو ألعب

رياضة تحرق السعرات بتاعتها

اسورة الفريق الأخضر مترصد لنا شفتى أم امير بتقول إيه عايزاكى تطبخى

علشان ما تخسيش ونخسر

صحيح عندك أفكار كويس لطبخ صدور الفراخ ؟؟

كده اللى بيرضعوا انا وأسورة وبسمة وريم فى حد تانى ؟؟

ام أمير يارب يستجيب منك دعواتك:D

وربنا يحفظ لك أولادك وتشوفيهم عرسان وعرايس :adore:

البندرى يبقى كده

بكرة يوم الأمتحان يكرم فيه المرء او يهان:hysterical:

يارب رحمتك بينا عالم بحالنا ترحمنا وتحقق لنا آمالنا كلنا

تصدقى نفسى انط الحبل زى زمان

لكن مع زيادة الوزن دى كلها نط الحبل يعنى كارثة على ركبى تخيلى كل

الوزن ده شغال ضغط عليهم بيتهيألى إنهم بيبقوا هيطقوا من جنابهم :confused:

يلا ربنا كريم

البندرى مافهمتش الجملة اللى كتبتيها معلش فسريها أكتر

أسورة حمدا لله على السلامة

الحمد لله إن الأمور بقت أحسن

يلا أديكى اتدبستى مع الدكتورة دى وخلاص

ربنا يسترها معاكى وما تسببش ليكى أى مشاكل تانى

وأبشرك إن شاء الله فى نقصان فى وزنى:D

والكلام اللى قالته لك الدكتورة كنت عايزة أقوله لك لكن قلت يمكن هى

أصلا أكلها كده قليل قوى

لكن فعليا أكلك ما ينفعش لواحدة بترضع

لازم يكون لك حصة من الخضار مع كل وجبة وحصة فاكهة

وموضوع عدم الفطار ده غلط كبير قوى خاصة للى عايزين يخسوا

افطرى ولو بحبة فاكهة وحبة خضار

اعملى لك طبق صغير من حبوب الكورن فليكس مع الحليب مع كوباية عصير

المهم افطرى بأى حاجة مفيدة

يلا بقى بلاش الريجيم الشديد اللى كنت ماشية عليه وزودى كمية الأكل

شوية وإن شاء الله هتخسى :D

كتبت رد الصبح وضااااااااااااااع

ماعلينا نرجع نكتب تانى

وزنت نفسى النهاردة الفجر والحمد لله الحمد لله

لقيت وزنى 108:biggrin:

يارب عقبال الكل ما ينقص أوزانهم

أسورة إن شاء الله تنقصى وزنك وفى نفس الوقت من غير ما تجوعى قوى

وتتعبى

علشان آلاء تكبر وتبقى حلوة :)

أم أمير الله يكرمك إنتى اللى تتحبى ياقمر :)

يومياتى النهاردة إن شاء الله

فطارنا كان بيضة مقلية بنصف ملعقة سمن صغيرة وربع رغيف وحبة جبنة

كيرى وسلطة

وبعدين كوباية شاى بالزنجبيل

والغداء إن شاء الله بريانى بصدور الفراخ والرز البنى ومعاه سلطة

الرياضة مش عارفة هأقدر العب النهاردة ولا لا

لانى شغالة توضيب فى الشقة وتنظيف

لو لقيت فيا صحة هالعب ما لقيتش خلاص هأكتفى بمجهود التنظيف

إيه يابنات معقولة لسه ما وزنتوش ولا لسه ما صحيتوش من النوم اصلا

أخيرا حد دخل النهاردة

ده انا شكيت إن فى حاجة حصلت وأنا ما أعرفش

مبروك ياالبندرى كده إنتى نزلتى 1600 جرام صح؟؟

كده لغاية دلوقتى فريقى الأحمر هو الفايز :D

انا خسرت 2كجم الحمد لله