للي عنده أي سؤال في التغذية أنا حاضرة ؟؟

هاى اختى العزيزه لو سمحتى كنت عايزه اسالك انا جسمى اطرافه رفيعه اعمل عشان يبقى جسمى متناسق لانى لو حبيت اكل بلاقى كل الاكل بيبقى الطخن فى لبطنى بس على هيئه دهون واطرافى ما بطخنش خالص اكل ايه والعب رياضه معينه ارجوكى ساعدينى ولكى خالص دعواتى وشكرا ارجو الافاده

غاليتي

احزاااااااان

شي طبيعي كنتي معوده جسمك على نظام معين واستجاب له النظام

مع الرياضه وضعفتي والحين بس بطلتي ثبت وزنك تبين تنزلين أكثر


لازم تكون طاقة الحرق أكبر وهالشي ماراح يتحقق

إلا عن طريق الرياضه

أتمنى تكونين فهمتي قصدي وأتمنى لك التوفيق

عذبة الأحساس ..

غاليتي

((طلوع الفجر))

بالعكس أنصحك إنك

تستمتعين بسفرك وماتشيلين هم زي ماأنتي عارفه في السفر

يكثر المشي والحركه وتكون النفسيه تمام وهالشي راح يساعدك على الإستجابه

صدقيني تابعت حالات كثيره وتفاجأت إن بعد السفر اوزانهم صارت أقل من قبل

أبدأي وجبتك بالفطور زي ماأنتي متعوده وبالغداء حاولي تبدائين بالشوربه وأنصحك ما تاكلين سلطات

مو مضمونه علشان تتحاشين التسممات أما إذا كان المطعم مضمون فإبدأئي بالسلطه وكلي أكلك قليل الدهون

((مشوي))

وأشربي مويا كثير وماراح يتغير جسمك

تحيتي لك وسفر سعيد

عذبة الإحساس ..

غاليتي

بنوتة الإمارات

أتمنى ترسلين لي رساله خاصه ..

تحيتي لك

غاليتي

ريم الكويت

إيش نوع الدهون اللي تقصدينها ؟؟

وعصير البرتقال لا يذيب الدهون لاهو ولا جميع الأحماض ..

الــــــــسلام عليج يا اخصائيتنا ,. اشلووونج عساج بخيـــــــــر !!.

حبيت أسألج ,. هل صحيح انه تحليل الدم ال CBC مايبين الا 60 % من الحاله الحقيقيه للجســـــم ؟.

أنا نسبة الهيموقلوبين بدمى 13 ونسبة المعادن والفيتامينات مو عاليه ولا منخفضه يعنى زينه ودكتورة التغذيه اللى اراجع

عندها عشان النحافه قالت ماتحتاجين حبوب تقويه بس مره رحت العطار عشان اشترى خلطه حق مشكلة تساقط شعرى الفضيعه قالى

راوينى اضافرج راويته لقااااها متقصفه وموطويله ,. سألنى اذا شفتى تتشقق ؟. قتله اييه شفتى اللى تحت كل شهرين ثلاث تتشقق

جنه احد جايب سجين وفاتحها من النص وتصير تعورنى ,. قالى 1/ شعرج يتساقط و 2/ اضافرج هشه وماتطوول و 3/ ويهج اصفر

ومرهق ,. عندج نقص فيتامينات وحديد !!. قتله بس تحليل الدم يقول عكس جذى ,. قالى تحليل الدم مايبين الا 60 % من الحاله الحقيقيه

للجسم ,. هل هالشى صحيح ؟.

علما بأنى اراعى شعرى ومااعامله بعنف اثناء التمشيط او الربط ومااكثر من غسله وعمرى ماصبغته ونادر جدا مااستخدم السشووار

لانه ناعم وسيبرى وجل عمرى ماحطيت على شعرى وامى وخالاتى وعماتى ماشالله شعرهم مايطيح ,. وانا احاول اكل كل شى

صحى بشكل متوازن ,. طولى 170 ووزنى 58 ودورتى تنزل بشكل خفيف الى عادى من يومين الى ثلاث ايام ,.

بعرف شالسالفه ؟. ليش مع انه نسبة الهيموقلوبين والمعادن والفيتامينات بدمى زينه حالتى جذى ,. شعر متساقط واضافر هشه

ماتطوول وبشره مرهقه وصفــــره ,.

السلام عليكم ورحمة الله وبركاته
مشكورة على المجهود الرائع ويجزيك الله كل خير

حبيبتي هذه أولى مشاركاتي
حبيت تعطيني بعض النصائح لزيادة الوزن

عمري 23 سنة طولي 162 وزني43
علما بأني لا أتبع أي نظام غذائي
لأن حياتي مخربطة نوم وسهر

وحبيت تفيديني عن أحسن حبوب فتح شهية لأن شهيتي ضعيفة شوي
استخدمت قبل فترة البرياكتين لكن بعد ما تركته رديت مثل قبل وأسوأ

وحبيت أسأل عن الحلبة وهل هي تسمن لأني استخدمتها مع الحليب
من شهرين تحسنت بس شوي ورديت مثل قبل

وعن الحبوب الصينية ايش أضرارها صديقتي استخدمتها هي وغيرها
وما شافوا منها ضرر


وللمعلومية نحافتي هذه وراثة >>>>>>فهل هناك أمل


مشكورة مقدما
وآسفة على الإطالة
انتظرك

السلام عليكم ورحمة الله وبركاته

غاليتي

كويتيه مذهله

طبعا تحاليل الدم تكشف لنا حقيقة الجسم لكن على حسب نوعها يعني بعض الأحيان تطلب الطبيبه المختصه التشييك على معدن معين

أو مثلا الحديد لأنها شاكه بشي معين نتيجة نقصه وبمجرد ماتطلع عندها النتجيه تمام خلاص تطمن لكن هناك تحاليل مختصه أكثر

لكل العناصر الغذائية في الجسم بالنسبة لتساقط الشعر فهناك أسباب كثيره له ولكن أهم سبب هو نقص البروتين في الغذاء

واعوجاج الأظافر وتقعرها سببه نقص الحديد في الغذاء وبالنسبه لألتهاب زاوية الفم ووجود الندب وتورم وتشقق الشفاه سببه عوز

فيتامين ب2 (الريبوفلافين) طبعا اي نقص في أي مصدر من مصادر الأغذية راح يزول بمجرد تنظيمك لأكلك وأرجو إنك ترسلين لي

رساله على الخاص وأنا راح أساعدك بكل اللي أقدر عليه

وأهم شي لا تخافين كل شي بإذن الله بالتغذية راح يكون تمام ..

السلام عليكم ورحمة الله وبركاته

غاليتي

دمعة الحياة

لا يأس مع الحياة ولا حياة مع اليأس والأمل بالله وحده ومافي شي على الله بعيد

أنا اللي حسيته من كلامك إن عندك لخبطه بالنوم والنوم أهم شي ينظم غذائك وعليه تعتمد حياتنا

وحسيت إن نفسيتك مو تمام 100% وزي ماأنتي عرفه 90% من الحل نفسي ولا تستبعدين أي شي

لأن كل شي راح يصير بعزيمة وإصرار منك غاليتي بالنسبه للحلبه والحليب ممتازه جدا وشوفي موضوعي

إذا كنتي تعانين من النحافه تعالي أساعدك هذا موضوع مثبت وشوفي النظام الغذائي اللي فيه وإن شاء الله

راح تسمنين بس أبي منك متابعه معي على الخاص علشان أعرف إيش توصلتي له

وماتشوفين شر

عذبة الإحساس ..

حبيبتى ليه ماردتيش عليا نا كان نفسى اعرف اعمل ايه عشان يبقى جسمى كويس عشان اطرافى رفيعه ايه نوع الرياضات او الاكل الى الى مفروض اخده بليييييييييييز ردى عليا ولكى الكثير من الدعاء
اختك اسراء

واخيــــــــــــــــرا رديتى زين مابقيتى ل وووووو ل

وينج يا زينه عسى المانــــــــــع خير !!.

حبيبتى قوليلى شنو اسم التحاليل المختصه اكثر عشان اطلب من الدكتوره تسويها لى

اكثر اكلى منتجات البـــــــــــان خصوصا الجبن والروب " الزبادى " والبيض والفتره الاخيره صرت اكثر من

اكل الخضروات الورقيه الداكنه والخضــــــار وكل شى مفيد ,.

اعتقد عندى مشكله فى امتصاص العناصر الغذائيه ,. يمكن نسبتها بدمى تكون اوكى بس اعضاء الجسم المختلفه ماتمتصها بشكل

عدل ,. لو فيه تحليل معين يكشف هالشى يا ليت لو تقولين لى اسمه عشان اسويه ,. والله يا عذبة الاحساس اكل احسن من اخوانى من

ناحية النوعيه و الكميه مع هاذا هم طبيعة شعرهم واضافرهم وبشرتهم احسن منى واكل بعد احسن من بنات خالى ومع هاذا هم احسن

منى مع ان فيهم فقر او ضعف دم ويلخبطوون وايد بالاكل بس ماادرى اشسالفتى !!.

عذبه اذا تبين تسألينى اسئله واجاوب او اى شى انا حاضره وناطره ردج بس لا تزرعينى مثل المره اللى طافت وشاكره اهتمامج ,.

مراحب غاليتي

مذهلة الكويت

أنا أسفه على تأخري ومو بسبب إهمال لا والله أنا ماكنت موجوده في الفتره الماضيه

وإن شاء الله راح أساعدك بكل اللي أقدر عليه إذا رحتي للدكتوره قولي لها أبغى تحاليل شامله وهالشي غاليتي

راح يتظمن تحليل البول والبراز أعزك الله بالإضافه للدم يعني تشييك كامل وبعد ماتسوين التحليل شوفي إيش الخلل اللي عندك

وإذا تبين نظام غذائي متوازن أنا حاضره بس إرسلي لي على الخاص

تحيتي لك

عذبة الإحساس ..

عذبة الاحــــــساس مارديتى على تساؤولاتى ,. ماابى نظام غذائى ,. انا ماعندى نقص بأى

شى وهاذا اللى مجننى ,. سألتج يمكن يكون عندى مشكله باٍمتصاص اعضاء جسمى لعناصر الغذاء

يعنى عناصر الغذاء المختلفه تكون بدمى اوكى مثل مو مبين بتحليل الدم بس اعظاء جسمى

المختلفه ماتمتصها بشكل جيد مثل الاضافر والشعر والبشره عشان جذى انا اعانى من مشكلات

فيها !!. يمكن يكوون هاذا التفسير ,. انزين اذا كان هاذا التفسير شنوو الحل ,. شقووول حق

دكتورتى شنو اسم التحليل اللى اسوويه ,.

بعدين تحليل البوول والبراز مايبين نسبة العناصر الغذائيه بالجسم حسب علمى ,.

يمكن يكون هناك تسرب لهالعناصر تقصدين ؟.

انزين يقوولون يمكن تكون الوحده ماتعانى من نقص حديد فى الدم بس بصيلة شعرها تعانى من

نقص حديد وهذا اللى يسموونه " فقر دم بصيلة الشعر " شنو اسبابه ؟. ليش بصيلة الشعر

ماتمتص الحديد اللى يوصل لها من الدم ؟.

ويقولون بعد انه خميرة البيره تحتوى على المجموعه الكامله من فيتامين ب ,.

خميرة البيره عباره عن شنوو ؟. هل هى اقراص تنووكل مثل الكبسووله تنصحينى فيها يا عذبة

والا لأ ,. واذا اييه شنوو احسن انواعها ,.

كثرت عليج بالأاسئله بس شسووى مالى غيرج خصوصا انه اخصائية التغذيه اللى اراجع عندها مو

ذاك الزوود وصارلى امطوفه موعدين وناويه اغيرها ,.

بليــــــــــز جاوبى على تساؤلاتى عشان عندى قرووب اسئله ثانى ابى امطرج فيه والله يعينج

على يا قــــــــــــــــــــــلبى ,.

السلام عليكم ورحمة الله وبركاته

غاليتي

مذهلة الكويت

مافي شي إسمه إن الأظافر والشعر ماياخذون كفايتهم لأن الدم غاليتي يمر على جميع مناطق الجسم لكن وجود هالشي دليل على

نقص عنصر غذاءي في الغذاء ويسبب نقصه ظهور هذا العرض يعني لما ينقص عندي عنصر معين يكون هو المسؤل عن نظارة وقوة

الأظافر راح يطلع هالشي على هيئة ضعف وتقوس في الظفر وهالنقص قلت لك إياه سابقاً وبعدين شي ثاني مو معناه إني أكل كثير

يعني أوفي إحتياجاتي لا يالغاليه نوعية الطعام تأثر بعد علشان كذا نصحتك بعمل نظام غذائي متكامل وإذا إنتي حاسه إنك مو

بحاجه له فقولي لي إنتي إيش دليل هالأعراض ؟؟؟

وبعدين مين قالك إن تحاليل البول والبراز أعزك الله ماتكشف عن شي لا هي ماتقل أهمية عن الدم لأنها نواتج عمليات عديده في

الجسم وهذا مايشمله التحليل الشامل للدم وهذا ماله إسم محدد يطلق عليه تحليل دم شامل ..

بالنسبه لحبوب خميرة البيره هذي حبوب فعلها مؤقت يعني راح تزيد الوزن وبعد تركها راح يرجع مره ثانيه متوفره بأنواع عديده

في الصيدليات وأنا ماأنصح في إستخدامها لأنك مو بحاجه لزيادة وزنك فمافي غير التوازن

الغذائي بنظام يحتوي جميع العناصر الغذائيه

وأنا حاضره لأي سؤال غاليتي ..

مشكووووورة أختي على اهتمامك
وفعلا مثل ما قلتي في عندي لخبطة في النوم حاولت أن أعدلها ما في فايدة
وفعلا نفسيتي مو تمااااااام >>>>>>>كأنك عايشة معاي وأنا مادري<<<<<<ما شاء الله عليكي
بس أختي ما جاوبتيني على
7
7
7

دمعة الحياة:

وحبيت تفيديني عن أحسن حبوب فتح شهية لأن شهيتي ضعيفة شوي
استخدمت قبل فترة البرياكتين لكن بعد ما تركته رديت مثل قبل وأسوأ

وعن الحبوب الصينية ايش أضرارها صديقتي استخدمتها هي وغيرها
وما شافوا منها ضرر


وللمعلومية نحافتي هذه وراثة >>>>>>فهل هناك أمل


انتظرك

على فكرة أمي تنصحني بحبوب زيت كبد الحوت بس أي نوع أفضل

وان شاء الله اتابعك على الخاص لما توصل ردودي15

اختى الحبيبةاريد سؤال من فضلك
عندى ولد عنده 10 اشهر والى الان لم يظهر له اسنان ولم يحبى
شنو اعطيه من الطعام ممكن يساعده
ولكى منى الف شكر

عذبة الأحســــــــاس شكلج بتشوتينى من المنتدى بس مالى شغل انتى كريمه وانااستاهل ,.

اوكى امنت بـــــــاالله عندى نقص ولازم احسن تغذيتى هاذى اتفقنا عليها ,.

وعلى فكره انا اركز على النوعيه اكثر من الكميه عندى المام بسوالف التغذيه ,.

خميــــــرة البيره مااعتقد انها لزيادة الوزن اهى تحتوى على المجموعه الكامله لفيتامين ب يعنى الهدف من استخدامها التغذيه مو

زيادة الوزن وفيه اخصائية تغذية وخبيرة اعشاب عندنه بالكويت اسمها شى الانصارى مو ذاكره اسمها كله يسوون معاها لقاءات

بالتلفزيون انصحت فيها وهى طبيه مو تجاريه عااد انا قلت اخذها دام عندى نقص بس تفاجأت فيج تقولين مو زينه ومفعولها مؤقت ,.

وانصحت فيها حق البشره بعد !!. انذوب الكبسوله بماى ورد وانخليها على البشره نص ساعه مفعولها عجيب مع الاستمرار بشهادة

اللى جربها لان كلها فيتاميناات ,.

صـــــــرااحه حطمتينى كنت ناويه استخدمها هى وحبوب زيت كبد الحووت !!.

وهم استغربت يوم قلتى مافى شى اسمه انه الشعر والأضافر مايخذوون كفايتهم !!. عيل ابشنوو تفسرين سالفة فقر دم بصيلة الشعر

على فكره انا كله اسووى ال CBC وال FULL وكل مره يطلع عندى كل شى اوكى ,.

انزين حبيبتى اشرايج نتفق على شغله ماابى نظام غذائى تدرين شنوو ابى ابى مثلا تقولين لى مجموعة الخظروات تركزين على

هالشغلات مثلا الجرجير والطماط والخيار

ومجموعة الفواكه تركزين على هالشغلات المووز والتفاح

ومجموعة الحليب تاخذين كووب حليب الصبح وغوطى رووب بالليل

ومجموعة اللحوم .. الخ

او تعطينى نظام غذائى متكامل انتى على رااحــــــــــتج ,.

وبــــــــــــليز تحملينى لانه شكلنا امطولين مع بعض هاهاهاااااى

تــــــــــقبلى فائق تحياتى يالغالــــــــــــيه

اختي

اني وزني 45.5 و ابغي اوصله 40

وطولي ما ادري و الله يمكن بين 153-155

و الحين قاعده اكل عادي في النهار و اوقف اكل من الساعة 9 للعم اني انام 4 الفجر

و ما ابغي انزل بسرعة على مهله لاني ما ابغي ارجعه بسرعة فابغي اعرف هليفيدني اذاسويت جدي يعني حتى لو انزل في الشهر 2 كيلو عادي المهم ما ارجع بسرعة لوزني الاولي

للعلم اني مرتاحة كثير بهذا النظام

عزيزتي أشكرج على همتج العاليه في تقديم المساعده والاجابه على الاسئله..

أنا مشكلتي شعري .. اول ما اسوي ريجيم يبدأ يطيح يا ريت والله تساعديني وتعطيني اسم حبوب فيتامينات مناسبه تغذي شعري مع العلم ان اكلي متوازن..

غاليتي

((كويتيه مذهله))

بالنسبه لخميرة البيره أنا أبدا ماأنكر فائدتها وأن فيها عناصر غذائية مفيده ولكن كان قصدي على السلع المروجه

لزبادة الوزن واستخدامها على فترات طويله وبكمات كبيره جدا طبعا خميرة البيره زي ماقلتي تستخدم لجمال البشره

أو تستخدم كمدعم ومكمل غذائي ولكن لايعتمد عليها لفترات طويله .

طبعا هي يجي منها نوعين حبوب YEAST أو مسحوق .. وحتى حبوب زبت كبد الحوت إذا استخدمتيها بمتابعة طبيبه متخصصه

تعرف الكمية فهذا أفضل وزي ماقلت وأكرر مره ثانيه مافي أفضل من التغذية المتوازنه لأن كل غذاء كامل يبعدنا بأذن الله

عن الأمراض والنقص

تحيتي لك

عذبة الأحساس ..