للي عنده أي سؤال في التغذية أنا حاضرة ؟؟

السلام عليكم ورحمة الله وبركاته

غاليتي

((فتاة البحرين))

طبعا اللحم مهم جدا وزي ماأنتي عارفه إن راح تجيك فترة حمل وولاده

وجسمك يحتاج للبروتين والحديد أكثر من أي فترة ثانيه

فأتمنى إنك تراجعين نفسك وتبدأين تاخذينه لأنه مهم

تحيتي لك

عذبة الأحساس ..

السلام عليكم ورحمة الله وبركاته

غاليتي

لغة الحياة

الحمد الله دام وزنك زاد فهذا دليل على إستجابته

غاليتي أشياء رئيسيه عليك عدم تركها

أول شي خلي وجباتك أكثر

أكثري من شرب الحليب لأن زي مانعرف دائما اللي يعانون من النحافه يكون عندهم نقس في المغذيات

ومنتجاته كالزبادي واللبنه والجبن

غير كذا اللحم شي مهم إنك تاكلين لحم كافي خلال غذائك وأنصح باللحوم البيضاء كالسمك والدجاج وأن تكون اللحوم الحمراء أقل

ولزيادة نظارة البشره وتعويض جميع النقص في الفيتامينات أنصحك بالفوكه والخضار حاولي تاكليها إما طازجه أو على هيئة عصير

والنظام إذا شفتيه رفع الوزن في فتره مثاليه ومو سريعه وبدن مستحضرات طبيه خطره فهذا دليل على أن الجسم بدأ يستعيد حيويته

واستجاب للنظام أكثري من شرب الماء تريبا من 6-8 أكواب بالتدريج

بالنسبه للوزن ففي حالة ثباته هذا دليل على إن الطاقه المأخوذه أصبحت مساويه تماما للطاقه الخارجه

زيدي كمية الأكل وأنتظر فتره ولا تستعجلي وإن شاء الله سيكون كما تريدين ..


وأتمنى لك التوفيق

عذبة الأحساس ..

وعليكم السلام ورحمة الله وبركاته ..

أختي عذبة الإحساس ..

التزمت بإحدى نصائحك، وهي أنني زدت عدد اكواب الحليب التي أشربها

وبفضل من الله زدت كيلو ..

بقي أمامي 9 كيلو كي اصل للوزن المثالي..


**جزاك الله خير ورزقك ما تتمنين في الدنيا والآخرة..
حفظك الله..

انا عندي مشكله وياليت احصل الرد سريعا

مشكلتي ان وزني ينزل بسرعه ويرتفع بسرعه

ولا استطيع المحافظه على وزني اما الحرمان من الاكل او الرجوع الى الوزن الزئد.......

ودمتي ............

السلام عليكم ورحمة الله وبركاته

غاليتي

papillo

طبعا زي ماإنتي عارفه إن للشمس تأثير كبير على البشره وتغير لونها

أو شي إنك تحمين جلدك بوضك كريم النهار وتحاولين إن بشرتك تكون متغطيه

وقت المشي بالشمس وبالنسبه للغذاء أنصحك بالإكثار من شرب الماء كي لايكون هناك

جفاف في البشره وفي نفس الوقت شرب العصيرات وتناول الفاكهه خصوصا اللي لونها برتقالي

أو أصفر وشي ثاني حلو للون البشره الشمندر

تحيتي لك

عذبة الأحساس ..

السلام عليكم ورحمة الله وبركاته

غاليتي

SOZA


30 كيلو في 3 شهور للأسف مافي رجيم ينزل الوزن بهالسرعة وبهالكمية من الوزن

الحد الطبيعي إنك تنزلين 12 كيلوا علشان تضمنين إنها ماترجع مره ثانيه

وخلي في بالك كل شي ينزل بسرعه راح يرجع بسرعه الضعف ..

أتمنى إنك تنتبهين على نفسك

عذبة الأحساس ..

السلام عليكم ورحمة الله وبركاته:

أولا شيء احب اقولك أنا وزني مثل طولي تماما 145 طولي ووزني 45 والحين نقص اشوي صار 43 وزني أعرف مو طويلة بس آنا حلووووووووة خخخخخخخخخخخ تراضي نفسها بس عن جد ماامزح المهم سؤالي في الغذاء طبعا آنا ماااحب الفطور اقصد مااحب آكل شيء بالصبح ولاني احب التمر آخذ لي 15 تمرة وآكلهم وبس ا شعر بالنشاط وبعدين امارس الرياضة مباشرة ماانتظر ساعتين :down: لأني مستعجلة وراي جامعة المهم الغذاء آنا مااحب الأرز اكره يسوي لي خربطة في بطني وتلوع جبدي لين أكلته ماادري ليش لذلك مااكله دائما آكل بطاطس مع السلطة وطبعا لازم يكون مع اما سمك او دجاج او لحمة، وبس وآكل خمس تمرات وأو عشر في العشاء آنا عشائي خفيف مااحب آكل اي نوع من اللحم بالليل سوا الابيض او الاحمر لاني تتكركب بطني منه لذلك آنا احب الخبز الأسمر او الي بالنخالة طعمه لذيييييييييييييد طبعا لازم معاه جبنة وخضار كثير اكل معاه طمام وجزر وفلفل بارد وخس وبقدونس وخيار يااااااااااااااااااااي انا هذا عشائي يوميا ماايتغير بس احبه وطبعا ماقلت لج عن شيء انا مجنونة فواكه احبها بشكل فضيع فضيع وكل الفواكه تستهويني ماعدا الموز مااحبه بشكل كبير وطبعا آكل منها ثلاث إلى اربع مرات في اليوم من الفواكه ماتتصورين آنا آكل فواكه كثيرة بشكل ماتتصورينه والماي مااستغني عنه دائما حاملة معاي قنينة ماي غريبة لين شافوني مو حاملة معاي ماي

بس حبيبتي بدون مااطول عليج خبريني غذائي هل فيه خلل والله شلووووووووون خبريني ومشكورة ياعمري :smile:

السلام عليكم

ابي اسألج لو سمحتي اختي ....

شو نوع الفيتامين (كبسولات) اللي تعطى لمرضى فقر الدم؟

السلام عليكم ورحمة الله وبركاته

غاليتي

طير البحرين

بالنسبه ل 15 تمره في الصباح كثير جدا وأنا أأكد لك أهمية وجبة الفطور

مو مشكله أبدي بالتدريج إلى ما تتعودين عليها وبعدين بالنسبه للحليب ماأشوفك ذكرتي إنك تشربينه فلازم تشربين حليب

أو لبن أو زبادي ثلاث مرات في اليوم أختاري أي نوع منهم طبعا هذا يشمل الجبن واللبنه وغير كذا الغدا مو شرط رز

ومو ضروري في له بدائل كثيره مثل المكرونه والخبز وبالنسبه للخبز الأسمر ممتاز جدا ((النخاله))

عشاك فيف وممتاز لكن نرجع ونقول التمر كثير خليها بس ثلاث حبات مرتين باليوم ..ولاتنسين إنها تعتبر بديله للفواكه

الفواكه والخضار رائعه ومو شرط تاكلين لحم على العشا العشا الخفيف الباكر أفضل


حاولي تنظمين وجباتك وكمية أكلك لاتزيد ووازني بينهم وإن شاء الله راح تكونين تمام

لك تحيتي

عذبة الأحساس ..

السلام عليكم ورحمة الله وبركاته

غاليتي

((ونه))

إذا كان عندك فقر دم ناتج من نقص الحديد

فإن الطبيبه راح تعطيك حبوب حديد بالإضافه إلى نظام غذائي خاص فيك ..

علشان ترتفع نسبته في الدم

تحيتي لك

عذبة الأحساس ..

عزيزتي اريد اسالج سمعت ان الموز يساعد على زيادة حجم الردفين فهل هذا صحيح ؟

وسؤال آخر شرب الماء الدافئ مع الليمون في الصباح وقبل النوم هل يساعد على تذويب الدهون المختزنة في الجسم.؟؟؟


وآخر سؤال مرة وحدة انا أشرب تقريبا كوب من الحليب قبل النوم وفي بعض الأحيان يصيبني امساك شديد في الصباح وانا اتبع نظام صحي فهل هذا من الحليب علما من ان طولي 156 ووزني 51 كيلو يعني افضل إني اشرب الحليب الصبح ولا في الليل؟؟؟



شكرا لكي مقدما

اختي عذبه الاحساس ....


ليش ما رديتي على سؤالي انا في حاجه ماسه والمشكله وزني يزيد بسرعه وينزل بسرعه

وشهيتي مفتوحه ودايما احس بالجوع اتمنى الرد بسرعه

السلام عليكم ورحمة الله وبركاته

غاليتي

((طلوع الفجر))

بالنسبه للسؤال الأول

لايوجد غذاء معين يسمن منطقه معينه ..

وبالنسبه للسؤال الثاني

لايوجد حل سوى إتباع نظام غذائي مدروس ونظام رياضي متخصص..

بالنسبه للسؤال الثالث

مافي فرق لكن جربي أشربيه الصباح وكلي علبة زبادي قليل الدسم على العشى وشوفي ..

تحيتي لك

عذبة الأحساس ..

السلام عليكم ورحمة الله وبركاته

غاليتي

((قمر الدوحة))

أيش الأشياء اللي تسوينها غلط ((ترجاف الوزن )) أو الصعود والنزول السريع

يرجع لعدم التنظيم ولا تنسين للنوم دخل في المسأله والحركه ((ممارسة النشاط الرياضي))

ونوع وكم الوجبة وأوقاتها ..

شوفي يومك وراجعي الخلل اللي فيه وصدقيني راح تزول هالأشياء بمجرد التنظيم

تحيتي لك

عذبة الأحساس ..

غاليتي

(((أحزااان)))

بالنسبة للذره 60 غرام منها أي مايعادل ا/2 كوب

تحتوي تقريبا على 80 كالوري طبعا بما إنها من المواد الكربوهيدراتيه

وتعتبر من بدائل مجموعة الخبز والحبوب فأفضل إنها ماتكون يوميه وإنها تنحط كمكمل

للطبق الغذائي بمعدل بسيط جدا وإذا كنتي تاكلينها من فتره لفتره وبكميه جداً بسيطه مافي أي مشكله

تحيتي لك

عذبة الأحساس ..

مشكورة اختي على الرد

اختي عذبة الاحساس انا عندي سؤال من فضلج


ان شاء الله راح اسافر قريباً وانا اتبع نظام غذائي صحي + رياضة تمارين في البيت بس قاعدة أفكر وقت السفر أخاف يرجع وزني خلال مدة السفر وأنا اريد أحافظ من ناحية الغذاء الصحي والرياضة وفي نفس الوقت خايفة إتني ما أحصل وقت للرياضة


فأحتاج نصايح ممكن تفيدني وقت السفر عشان وزني ما يتغير

شاكرة لج

سلام عليكم

شحالج اختي ..يعطيج العافيه على الموضوع ..

بحيت اسالج كم سؤال

السؤال الاول :

انا وزني 81 وطولي 164,5 و عمري 21 سنه حبيت انزل وزني ممكن تعطيني نظام غذائي يتبع على السعرات الحراريه .

السؤال الثاني :

كم جرام .. يزيد الانسان كيلو واحد . ان شاءالله تكونين فهمتي عليه ..

والسؤال الاخير :

تعرفين رياضه اقدر العبها في اثناء السباحه عشان ينزل من وزني .. لأنه العب رياضي صارلي شهر وقالولي لا تستمرين لأنه اذا

ودرتيه راح تمتنين زياده وانتي بعدج مش معرسه .. فقلت بسبح احسن للعلم انا عظمي عريض شوي :(

ارجو انج تساعديني .. والسموحه على الاطاله :)

أريد أرجيم أتبعه . وأشكركم :pain:

وينج اختي عذبه

يمكن ناس ياكلون في الفطور دهون وعصير البرتقال مذيب الدهون ...