قروب وجيم Fitness Camp‏ للرشآآقه (( المطور )).. ! آلجزء (( III )) آآنتهى التسجيل

تكفون أبي مسسآعدتكم موعآرفه أرتب جدولي للدآيت :(

السلام عليكم
اخباااركم مع الداايت
وودي اسجل معكم بسي اخاف ماتبووني
احس انكم تشجعوون
اذا تقبلووني معكم اعطيكم وزني
واعرفكم بنفسي
اخليكم ان شاءلله توصلون للوزن المطلووب

مرحباااا عراايس ..


اليوم يومياتي ,,


الفطــــور مالي خلق كالعااده ,,


والغدى شويه خضاار مع صوص الطماطم ,, خبز الاسمر ,,


بعدهاا بجم سااعه التمارين كالعااده ,,


والمغرب كنت حااسة بالجوووع خذتلي تفاحه مع برتقااله ,, قعدت مع اختي وكلنااا ,, خخخخخ



والعشاا.. امممممم فكرت وطلعت معاي اسلق البيضه مع شريحه جبن احطهم في الخبز الدايت ,, وبس بدون عصير على بالعاافيه بشرب مااي عقب سااعه ,, خخخخخخخخخ


ااااااااااه يا قلبي عذاااااااااب ,, تعب ههههه


وبس ..



وبعدهاا بسااعه امشي سااعه ..




راجعه لكم ,,

مرحبا بنات
اليوم كان فطوري صمونة صغيرة وقطعة جبنة ونسكافيه بس اكلت قطعة كيك كمان ما قدرت اقاوم للاسف
قبل الغدا اكلت برتقال
و الغدا كان شوية لحم غنم ونص خبزة بدون اللب مع الامرق وبضع حبات برقوق مجفف
المغرب اكلت حبة معمول اما العشا فمش عارفة بس رح حاول خفف لاني واكلة كثير اليوم
الرياضة لسه ما عملت

@الحلى كله@;14536372:
السلام عليكم
اخباااركم مع الداايت
وودي اسجل معكم بسي اخاف ماتبووني
احس انكم تشجعوون
اذا تقبلووني معكم اعطيكم وزني
واعرفكم بنفسي
اخليكم ان شاءلله توصلون للوزن المطلووب

عليكم السلام والرحمة
ياهلا والله
حياج الله بينا
خلاص اكتبي وزنج وطولج
وبعد قياساتج
الصدر
الخصر
البطن
الحوض
الارداف

وبانتظارج

وحبيت انبهج ان كل خميس نوزن ونرسل الوزن لفنووش
واذا حابة لازم تلتزمين بارسال الوزن

ع ـزف منفرد;14535586:
تكفون أبي مسسآعدتكم موعآرفه أرتب جدولي للدآيت :(

هلا زوزو
حبيبتي عزف منفرد

اكلي اللي خاطرج فيه بس بتخفيف

كتبت اشياء وش كثر وضيعتهم

امثلة

الفطور
توست اسمر
او اذا تحبي ابيض
مع شريحة جبنة
او بيضة مسلوقة
او مقلية بس حاولي تحطي زيت شوي
بمقدار ملعقة شاي
او مربى او لبنة او جبنة==ملعقة وحدة

او شابورة مع كوب حليب
او كورن فليكس
بس حطي لج بالملعقة بحيث يكون 6 ملاعق
وصبي عليه كوب حليب

او خبز
بس الخبز حاولي تقطعين لج قطعة بحجم 2 توست
وحتى صمون عادي تاكلينه
بس شيلي حشوة العجين اللي داخلها عشان تخف النشويات
وعموما وجبة الفطور اهم وجبة
لانها تحسسج بالشبع ول اليوم وهذا عن تجربة
اذا ماافطر ف الليل اميل للاكل اكثر
لكن لما افطر مااحس بجوع الا بشكل خفيف

وجبة الفطور تحترق كلها
خصوصا لما تكون الصبح مو الضحى
وخصوصا اذا كنتين تتحركين ف هالفترة
يعني تقدرين تاكلين كمية كبيرة من الاكل
بس مو تاكلين وتظلين جالسة مكانج او تنامين عقبها

ونصيحة جربتها
اول مااكوم اشرب كوب ماي دافي او 2 او 3
حسب اللي تتقبله نفسي

عقب ربع ساعة
تفاحة او نص
وعقبها الفطور
هذي الطريقة تخليج ماتجوعين ابدا

الغذاء

اكلي من الموجود ع السفرة
بس مو تكثرين
احسبي ملاعق الرز بحيث انها تكون 10 ملاعق طعام
واذا زدتي ف ايام نادرة لاتزيدين عن 15
اما قطعة الايدام سواء كان سمك او دجاج او لحم
خليه يكون بحجم كف اليد=100غرام
وكثري من السطات اكثر
بس السلطة العادية مو اللي فيها زيوت وصوص
واذا كنتين تطبخين الغذاء
ضيفي فيه خضروات عشان تقدرين تاكلينها وتكثرين منها اكثر من الرز
لكن مو القصد هني البطاطس

العصرية
اكلي تمر مثلا كوجبة سناك مع قهوة خليجية لانها بتكون بدون سكر
واذا تقدرين تشربين قهوة قشر القهوة هذي فوائدها اكثر والكل يمدح فيها
خصوصا للرجيم
او تقدرين تاكلين فواكه
وف اليوم يفضل اكل 5 حبات فواكه لان فيها فوائد طبعا
وتقدرين تحسين بالشبع بدون ماتاكلين اشياء مافيها فايدة

اما العشاء
يفضل يكون خفيف وعقب الصلاة
او قبل النوم ب3 ساعات اقل شي
واذا تقدرين وقت اكثر يكون افضل

وعندج خيارات
مشاوي بس مو بكثرة
وهو يفضل اشياء خفيفة
مثل
زبادي
تاكلينه بدون شي
او كتغيير مع خيار
او ناس تسوي سلطة فواكه بالزبادي بدل الكريما
حليب
خالي او مع شابور او كورن فليكس او بسكوت الشاي(4قطع)
لبن

و اذا انتي مشتهية شي اكلي
بس لايكون اخر الليل قبل النوم مباشرة

وف ناس تستغني عن العشاء وتضعف بشكل رهيب
لكن مو كل الناس تتحمل
واللي مايقدر ع شي لا يجبر روحه يسوي لان بيجي يوم بيتعب منه وبيوقف
وحنا مانبغي شي يوقفنا بالعكس نبي نستمر حتى نوصل اهدافنا

انا جربت اني اتعشى قبل النوم بفترة
واول مابديت رجيم كنت انام عقب الصلاة وماقدر اتعشى
وف الاساس اكون متغذية متاخر
اخلي الفاكهة قبل الاذان كعشاء

الحين ساعات اتهاون ف وقت العشاء
لكن الواحد لازم يضغط ع نفسه عشان يحقق اهدافه
اذا ماتوافرت الارادة القوية مستحيل نوصل لاهدافنا

ينات القروب شخباركم؟؟؟

وينكم ياجماعة؟؟؟
نمتون؟؟؟

كان فنوش مالها وجود اليوم

يومياتي لليوم

الفطور
2 توست اسمر
جبن
طماطم
كوب كوفي


الغذاء
2 بسكوت مالح

العشاء
صمون
قطعة فلافل
طماطم


شرائح شبس مملح
قطعة صغيرة حلا

رياضتي اليوم
مشي مايقارب 10 دقايق

ركبت الطابق الرابع مرتين
ونزلته مرتين بعد

اهليييين بنوتات

هلالا و الله الحالمة .. ما ادري عن البنات شكلهم نايمين


يومياتي


الغذاء= 5 ملاعق صالونة سمك كلت فيها ربع سمكة
افندي

العصر= هوت شوكلت بدون سكر

العشاء= شاورما دجاج
تبولة
نص صدر الدجاج
نص خبز

برتقالة
موزة

مساء الخير

عذراً على الانقطاع والله غصبن علي :thumbs_down:

الحمدلله الامور على مايرام بالبحرين وان شاء الله دوم

يومي لتاريخ 20 فبراير

الريوق لا شيء :thumbs_down:

الغدا بقدونس وصالونة عدس شوية وكليت قرص خبز يمكن نتفة بس :thumbs_down:

العشاء فطيرة دجاج ولبن اكتيفيا

الرياضة لا شيء :'(

مرحبا بنات
اليوم كان فطوري كوب ونص كوفي بدون سكر
وشوية خبز اقل من الربع مع 1 جبنة مثلثة واكلت قطعة معمول وقطعتين بسكويت محشو شكلاته
تمشيت نص ساعة
في المدرسة صديقاتي شاركوني بالاكل خدت 2 كوكيز الساعة 10
الغدا كان نص خبزة وشوية كفتة مع بيضة وصلصة الطماطم واكلت برقوق مجفف مطبوخ مع شوية قرفة وسكر
العشا ما لازم اتعشى
للاسف يومي كله تخبيص
بنات بليز انصحوني ما اقدر ما اكل حلويات في يوم بحاول اقاوم لكن ما اقدر
لهيك حطيت الحلوى بالفطور لكن بليز لو ما كلت حلويات يكون احسن
حاسه ان وزني رح يزيد

مسائكم عسل < لازم تطرين شي فيه سكريات

بنات اقدر انضم معاكم للمره الثانيه . بعد ماتسنعت الظروف ؟

ورد نرجسي;14535428:

السلام عليكم ...كيف الحال

مشكورة فنوش على كلامك وعقبال مانشوفك عروسة وام ان شاء الله

جدولي الى الان ملخبط لاني اروح مع ولدي وان شاء الله اذا جلست احاول انتظم ان شاء الله

AL-7alema;14538028:
ينات القروب شخباركم؟؟؟

وينكم ياجماعة؟؟؟
نمتون؟؟؟

كان فنوش مالها وجود اليوم

AL-7alema;14538053:
يومياتي لليوم

الفطور
2 توست اسمر
جبن
طماطم
كوب كوفي


الغذاء
2 بسكوت مالح

العشاء
صمون
قطعة فلافل
طماطم


شرائح شبس مملح
قطعة صغيرة حلا