يــالله خــلونــا نخــفف لـيناير 2011

ام عــلاوووي;14323264:


مره جفت في برنامج يقلون اذا توجهتين الى الاكل قبلهاا ..

روحي واقفي قبال منظره وجوفي جسمش من كل الجهاات وراح تتراجعين ولا تاكلين :worn_out:

تخبيصه يوم او يومين ممكن نعديهااا لكن مو ع طول لانه نظامش وتعبت اليوم تروح !!!



هههههههه ...

ماليكم الا بالماااي او لعلووج :thumbs_up:

ترى مو مسموح الغياب عن اليومياات ...

في ناس تتمنى تشارك وتنزل يومياتهاا اقل شي تنزلين التهبيبات ..

وحتى لو في تخبيصات نحطها علشان نستحي نكتبها مره ثانيه ونعيدهاا ...

هذا هو الهدف من انه كنت يومياتنااا ...

ولا ما بتكتبهم عدل ما برد عليهاا مر 2 :p

خبصتين كتبي يومش سمعتين :worn_out: علشان لا تعيدينهاا ..!

اني اعتمادي ع العلوج
عشان مااقعد واقول باكل هالشي
خب عيوني كله تزغلل
كاكوات حلاوات انواع واشكال
مينو شبس كل شي موجود


الحين علي واجب 3 ايام
يومياتي مانزلتهم مادري من متى

نور الورد;14324768:
شخباركم ان شا الله زينين
ام علاااوي اني سالت اذا يصير اكل العشي بيض مع التوست عن يا زعم عندي نقاط الريوق ما استغليتهم ههههه بس ياالله كليت التوست والجبن وخلااااص افتكيت بكرة افراج هههههه بس صدق ناوية استمر لان حسيت اني اقدر اقاوم كثير من المغريات

اي الماما شالت لي من عيش الماااا لباجر اتقول لي لازم اطهرين ب ط ن ش ابه
وناوية باجر اكل الغدي ٥ ملاعق رز منه بس ما بكثرهم


بسالكم
هندكم حل للحرحشة ويباسة الصدر حدي مو قادرة ولا خي رايحة عني الكحة :( وصوتي بااااااايح وش الحل !


Sent from my iPhone using Tapatalk

عليش بالعافية
كنت بقول ليش بماانش ملتزمة وية الرجيم
شيلي ليش منه ع مايكمل البرنامج


بالنسبة لصدرش
اني قلت ليش انتين نفس امي صدرها مايروح
وكل ماتتعالج وتروح خاص مافي فايدة
جربت كل شي يقولون ليها
واخر شي استفادت ع
ملعقة عسل صغيرة فوقها رشة كركم شووووي
قفشة قبل النوم وقفشة ع الريق
والحمدلله العلاج الوحيد اللي ناسبها

نور الورد;14324781:

المكرونة اللي سويتها البارحة وقاومتها


Sent from my iPhone using Tapatalk

بالعافية
صراااحة تبين عجيييبة
شكلها تتزلح مو منشفتنها؟؟

..دارين..;14325628:
ماعليش شر

في وصفه 100% مابطيقنها بس كلش زينه للصدر والكحه وحتى البلغم والبلاعيم

كوب حليب تحطين فيه ملعقه عسل + ملعقه كركم وتشربينه ويفضل على الريق وقبل النوم

يعني نفس الطريقة اللي قلتها
بس بدون الحليب
ع الاقل تتخفف بالحليب اهون من بدونه

همــسات;14326976:
ام علاوووي

بما ان ما عندي ريوق شفت في المكتب البسكوت المالح ابو قرطاسه صفره اذا تعرفينه اصير اكله لو ما يناسب احس راسي بدور خصوصا ان البارحه عشاي بيض مفيوح واليوم بواصل وبسوي رياضه عبارة اتعب
بسرعه ردي علي

خيو همسات
عادي اكلي البسكوت الاصفر
هذا المالح صح؟؟
اذا هو 4 بسكوتات بنقطة وحدة بس

ان شاءالله
اشوفها واجيبها
اني حطيتها ف الجزء الاول
او يمكن هذا بعد مادري
بشوفها وبجيبها

الرجيم الي مع الشوربة...

اليوم الأول (جميع أنواع الفواكه ما عدا الموز) تناول كثيرا من من الفواكه التي ترغب بها مهما كان نوعها ما عدا الموز، لا بأس من تناول عصير الفاكه الغير محلى بالسكر، وأكثر من الشوربة الحارقة، وينصح بالإكثار من البطيخ أو الشمام حتى تزيد احتمالية نقص كيلو واحد في هذا اليوم!
اليوم الثاني (جميع الخضار) 1- تناول الكثير من الخضراوات وكثيرا من الشوربة
2- في وجبة العشاء تناول حبة بطاطا واحدة مطبوخة مع الزبدة إضافة للشوربة
3- تناول الخضراوات التي ترغبها سواء كانت معلبة أو طازجة أو مجمدة أو مسلوقة (بدون إضافة أي نوع من الصلصات أو البهارات)
4- ابتعد عن تناول كافة أنواع الحبوب – القمح – الفول – المكسرات بأنواعها .
اليوم الثالث (يوم الخضار والفاكهه بدون موز!) تناول كل ما تريد من الخضراوات والفواكه وكثيرا من الشوربة ولا تتناول بطاطا هذا اليوم أو موز.
اليوم الرابع (الموز والحليب!) تناول كثيرا من الشوربة مع 8 حبات من الموز لتحصل على البوتاسيوم وكذلك ثلاث أكواب من الحليب قليل الدسم للحصول على الكالسيوم اشرب كثيرا من الماء وأضف إليه كثيرا من مسحوق النخالة لتجعل عمليتي الهضم والإخراج طبيعية.
اليوم الخامس (بروتين وطماطم) تناول كثيرا من الشوربة مع لحم العجل أو السمك المسلوق أو الدجاج بعد إزالة الجلد بعد السلق وتناول البندورة حيث بالإمكان أخذ 560 جرام من لحم العجل وعلبة كبيرة من البندورة أو 6 حبات من البندورة تأكد من تناول 12 أكواب من الماء هذا اليوم لتغسيل أجهزة الجسم الداخلية من بقايا الحم المهضوم.
اليوم السادس (اللحم والخضار) تناول كثيرا من الشوربة ولحم العجل وكثيرا من الخضروات هذا اليوم عدا البطاطا كما بإمكانك أن تأخذ 2-3 قطع من اللحم الشرائح الستيك إذا رغبت وأي نوع من الخضروات أو الألياف الخضراء . تذكر أن الشوربة هو الأساس في هذه الحمية!.
اليوم السابع ( الرز البني ، عصير الفواكه والخضار) تناول كثيرا من الشوربة مع كمية غير محدودة من الأرز البني والفواكه والخضروات ما عدا البطاطا حتى تشبع تماما.
ملاحظات هامة :
بعد نهاية اليوم السابع إذا اتبعت التعليمات السابقة تماما فسوف تكون قد فقدت 5-7 كغم وإذا فقدت أكثر من 7كغم توقف عن هذه الحمية ليومين فقط قبل العودة مرة أخرى لإتباع الحمية ابتداء من اليوم الأول .
حيث لكل شخص تركيبة خاصة بجسمه فتأثير هذه الحمية يختلف من فرد لآخر ولكن هناك حقيقة ثابته وهي أن هذة الحمية تنظف أجهزة الجسم من المكونات الملوثة لهذه الأجهزة لذلك تعطيك شعورا بالراحة تجعل جسمك نقيا وتشعر بأنك أكثر حيوية .
يمكن متابعة هذه الخطة في الوقت الذي تراه مناسبا لك وستعشر بالفرق ولكن يحبذ أخذ راحة لمدة ثلاثة أيان ما بين كل أسبوع يتم فيه أكل الوجبات بشكل عادي دون اسراف طبعا
يمنع قطعيا خلال هذه الحمية تناول الخبز والكحول والمشروبات الغازية والمشروبات المخصصة للحمية ويمكن تناول أي أدوية وصفها لك الطبيب خلال اتباعك لهذه الحمية بأمان

هذا البرنامج
اذا عجبكم بجيب ليكم الشوربة نفسها
ناس تقول ماتتحمل تاكل بس فواكه طول اليوم
بس اني حسيتها عادي
ومن زمان كان خاطري اسويها
وصار الاسبوع اللي بديت فيه بدا محرم
وتعرفون يعني ويش محرم
لكن التزمت واطلع من البيت ومااكل ولا شي
والحمدلله
هي المفروض تنزل مع الالتزام 5 الى 7 كيلو

بنت الاصايل;14327051:
اي عرفته اللي مكتوب عليه كراكرز!
تقريباً كل البسكوتات نفس السعرات بس هذا خفيف شوي.. الـ100غرام 8 نقاط..
يعني الباكيت فيه 3 نقاط بالضبط..:p

ماشاءالله عليش بنت الاصايل
صرتين استاذة ف النقاط
تعلمتينهم بسرعة

بجيب ليكم الشوربة من الحين
عشان بقوم بروح اسوي التمارين وباكل لي شي عن الجوع

بعطيج وصفتي
انا الي شفته ان ناس تقول طعمها كريه وماتنأكل
لكني حسيت هالوصفة طعمها مقبول مع اني مااحب طعم الملفوف ف الطبخ
مثل شوربة الخضار العادية

المكونات هذي لأسبوع كامل
وانا اخذتها من موسوعة ويكيبيديا

1ملفوف كبير= كرنب.... انا كان عندي لونين ملفوف حطيت نص ابيض والنص الثاني من البنفسجي
2 فلفل أخضر
6 بصل اخضر او عادي...انا استخدمت العادي لأني شفت ف المنتديات ان البصل الاخضر يغير طعمها الى مر فما حبيت اغامر
6 فصوص ثوم... نسيت احطها بالشوربة فاستخدمت البودرة
3-5 طماطم أو 2 علبة معجون طماطم.... انا استخدمت النوعين
احزمة كرفس
مكعب ماجي أو كيس شوربة جاهزة... انا استخدمت الشوربة البودرة
ملح وفلفل حسب الرغبة.... استخدمت ملح البحر افضل من العادي
الطريقة..
اول شي اقطع كل الخضروات
اغليها بالماء لمدة 10 دقائق
افرمها ناعم بمحضرة الطعام او اي الة عندج
اغليها مرة ثانية نص ساعة

سويتها سادة بس فيها ملح
حطيتها ف الثلاجة مثل ماهي طبعا بعد مابردت
وكل يوم كنت اغرف لي وازيدها بهارات مع فلفل اسود وثوم بودرة ومعجون طماطم
تاخذ لها غلوة خفيفة وبعدين اكلها
شوربتي صار لونها غامق من لون الملفوف البنفسجي
بس اول مااغليها مع معجون الطماطم تتغير وتصير عادية

الهدف من هالشوربة انج كل مااكلتي منها حرقت الدهون اكثر

هالرجيم شفت انه ينزل نفس عدد الكيلوات حتى لو بدون الشوربة
حاولت اسويه ماقدرت لأني احس روحي اجوع بس مع الشوربة كنت راضية عن الاكل
يعني كان في شي اقدر اكله مع الرجيم حتى لو كان مايزيدني سعرات حرارية بس يملا المعدة

هذا الرجيم يعتمد ف المراكز الطبية لمرضى القلب الي يعانون من السمنة و يحتاجون لعمليات مستعجلة

وهو ما يحتاج لعمل رياضة خلال فترة الرجيم لكن لو صار يكون زيادة الخير خيرين مثل مانقول

بقى علي اكتب يومياتي مال هاليومين

انتظروني ف تخبيصاتي

يومياتي يوم الاحد
روتي صمون يجي طويل مثل الفرنسي
اكلت قطعة منه مع بيضة
5 كرز معلب
شبس جم وحدة

الغذاء
مشخول لحم+سلطة





والعشاء
سويت لي صنطرة
وتذكرت اني ابغي انام من وقت
اكلت منها اقل من النص وخليتها

نقاطي تقريبا 15

يومياتي يوم الاثنين

3 ك ماء وتفاحة
الريوق
سليس اسمر وجبن
توني ماكلة الا زوجي جاي وجايب وياه اكل بيتريق
صار خاطري واكلت
صمون بس هذا يجي اصغر من مال امس
اكلت بمقدار نص صمون البحرين
وية قطعة صغيرة من البرقر>> اقل من الربع بواجد
مع طماطم
نص دونت
وصنطرة

كل هذا ف الريوق
ماخليت شي
لا والغذاء جايني

خاطري ف مموش
فقمت وسويت غذانا قلت ياتصيب ياتخيب
بس الحمدلله نجحت الطبخة
ماصورتها لان الكاميرا ماكانت عندي ف المطبخ

الغذاء
مموش وية 20 ربيانة>>> ادري واجد بس الربيان فيه ريحة امي مستحيل ارميه
سلطة
صنطرة

بتقولون ماخلت شي لليل

رحت المـ....تم

العشاء
عيش ابيض
ناشف دجاج والو>>> ماحسبت اللقمات بس مو اكثر من 15
وشربت شاي مادري جم استكانة
يعني الشكر مادري عنه جم

نقاطي وصلت 20 ويمكن اكثر
سويت التمارين من الصبح
ومشيت ف الليل30 -40 دقيقة

اخر شي يومياتي امس

3 ك ماء
اك صغير حليب مع نباتة

الريوق
بيض وطماطم>> اقل من بيضة
نتفة روتية صغيرونة
جبنة
نص خبز لبناني>> بس خبزنا كبير اكبر من خبز البحرين
موزة
3 تمر مجفف بدون دبس


الغذاء
سوو لينا نفس طبخة الليل
نص صدر دجاج مطبوخ
الو مقلي>>> تخريب اكييييد
رز اقل من 15 ملعقة

وشاااي وااااااااااجد
يعني 6 قلاصات تقريبا

النقاط مع الشاي اكثر من 18

وماتعشيت

وش رايكم ف تخبيصاتي
صراحة تخبيصاتي كلها ف البيت
لو رحت واني مجوعة روحي جان مازادت النقاط لهالدرجة

يالله الحمدلله ع كل حال

اليوم كنت تعبانة ومو قادرة اسوي التمارين
خصوصا عقب مشي الليلة اللي قبل طلع التعب والشد اللي ف جسمي
لكن سويت تمارين منوعة وقللت العدد
ومشيت العصر ساعة الا ربع او الا عشر

سلااام
رحت سويت التمارين
واكلت تفاحة
والحين قاعدة اكل تينة مجففة عجبتني

بنت الاصايل;14327051:
اي عرفته اللي مكتوب عليه كراكرز!
تقريباً كل البسكوتات نفس السعرات بس هذا خفيف شوي.. الـ100غرام 8 نقاط..
يعني الباكيت فيه 3 نقاط بالضبط..:p

AL-7alema;14327217:
خيو همسات
عادي اكلي البسكوت الاصفر
هذا المالح صح؟؟
اذا هو 4 بسكوتات بنقطة وحدة بس

تسلمين خيو
واحسن ما فيه ان اعطش عدل كل ساعه قاعده اكل ثنتين وراهم قلاص ماي

شحوالكم ياالرشيقات

وحشتوني


صار ليي يومين مابينت النت مقطوع
بس التزمت بالرياضه قعدت اسوي التمارين القبليه
ومشيت مضبوظ بس ماقاومت المينو اللي عندي كل يوم اكل 2

بقوم اصلي وبسوي الغذا وراجعه ليكم

هلووووووووووووو بنات شخباركم؟؟ وحشتوووووووووني صار لي جم يوم مادخلت
ومابحط لكم يومياتي لا مالت امس ولا اليوم :( خربطت وخبصت واجد

تعرفون بعد امس اول امس ويش كان وكله عيوووش واختي وبنات خالتي هني وماشالله الشباب كل شوي اجويبون لينا شي
يعني ويش بعد راح كل شي هههههههههههههههه

بس انشالله برد ارجع من باجر لانه اليوم بعد عفسه عندي هههههه
وسوري بنات ماقريت كل الصفحات لانه مستعجله بمشي بعدين انشالله

مع السلامه