منآيـر بنت حمرآن النواظر~;13393728:
مهمة اليووووووم
سويها لكل رجل 15 مره واذا حاابه زيدي
سويها بحيث ماتلمس رجلك الارض لحد ماتخلصين الــ15 مرره
وبث :094:
سهله صبايا صح..
منوووره شخبارج وشخبار الدايت معاج والوزن معاج ؟؟ طمنينا
اذا ما نزلتي ترا عادي لا تيأسين .. يعني كلنا على نفس الحال ..
تعالي شوفي النتايج الاسبوع هذا ..وبتعرفين قصدي :D
توأم روح حبيبي;13393792:
صباحووووووووووووو بناااات توني صاحييييه :)
امممم وبس شربت ماي واكلت برتقاله
انا محبطه واييييييييد:p احس العرس قريب باذن الله واانا ما خفيت وايييد :-#واحس نفسي من التوتر المفروض التزم برياضه وووووو اشيا خلطات الجسم بس ما ما عرف ما حاسه اني اسوي شي :(
كلش اتهرب ما اعرق خايفه ومحبطه والحين لازم اتجهز حق العرس ملابس وكذا وما اعرف كيف اشترررررررري وانا بهالجسسسسم :(
اصيح اصييييييييييح وحاسه نفسي بروحي ف هالدووااااامه :badly:
تووووومي حبيبة قلبي أعرف احساسج .. لا تتوتررررين ولا شي .. فيه وقت على العرس .. توه الناس .. اربع شهووور .. ترومين تنجزين أشياء وايد طول هالوقت ..
وبعد تقدرين تضعين .. خلاص ما باقي شي على الستين .. صدقيني ترومين ..
وبعدين التخطيط هو الحل السحري لمشكلتج ..
ايلسي مع نفسج .. هاتي ورقة وقلم وحطي افكارج في الورقه ..
شوفي شو ناقصنج .. وشو تبغين اتسوين ..
مثلا الخلطات والماسكات سويلها جدول بترتيب معين طول الاربع شهور هاذي ..
يعني السبت كذا .. الاحد كذا ... الخ
بالنسبه للثياب فيه اشياء قياسها ما يتغير وايد مثل الجلابيات التشيرتات
يعني تقدرين تسوين الحين وضيجيهم قبل العرس بشوي
واشياء تقدرين تتحايلين فيها ... اهدي انتي بس وحطي لج خطه وامشي عليها ..
رواجي;13394183:
السلام عليكم
يومياتي لامس الخميس الغداء كان قطعه لحم صغيره مع سلطه روب
والعشاء كان زهره مفيوحه
وكلت اسكريم بس علبه صغيره وهو خفيف
اسمحولي ماقدر امتنع عنه
واليوم قعدت للحين مالي خلق اكل قاعده انتظر الغداء ويمكن مايعجبني
لان طباخنا صاير اكله يجيب الهم
وخصوصا مع الدايت ونفسيتي المحبطه والامتحان لايعه جبدي
متابعتكم صبايا وهالله هالله بالهمه
بالنسبه للمهام انا اسمحولي هالفتره امتحان وفيني الله يكرمكم الدوره وماتبي تنزل عدل
متابعه بصمت
الله معاج رواجي ..
على فكرة ترا الايسكريم فيه كاليسيوم .. وفيه دراسه تقول انه الكاليسويم يسارع في عملية حرق الطعام .. بس عاد لا تكثرين منه وايد والمهم انه يكون خفيف
قطريه_H;13394262:
امس طول اليوم ماكلت شي الا بسكويته وشاي
وبالليل كلت مشاووووي ختمتها هههه
والحين قايمه ومالي نفس لشي !!
بس حاطه ببالي اتغدى برتقاله :)
مناااااااااير سويت المهمه وناسه خخخخ
تعبت شوي بس كملت ..
ماشاء الله عليج شو هالنشاط .. من اول يوم سويت المهمه ..
بس ترا شكلج مب ملتزمه بدايت معين ..
احسن لج تختارين نظام معين وتمشين عليه مثل نظام السعرات او النقاط .. لانه جذيه حرام بضيعين وقت ع الفاضي وما بتنزلين وانتي حارمه نفسج من الاكل ..
الاسبوع اللي طاف انا كنت مثلج بحكم انه جدولي متلخبط بس حاولت الاسبوع هذا ارتب نفسي قدر ما اقدر والحمدلله نحجت ونزل وزني المره اللي طافت كان ثابت ..
رواجي;13394818:
تغديت سمكه صغيره وتبوله
وبعد شوي بروح المجمع مع بنات عمتي وعمي
وان شاء الله ماخربط
بالعافيه عليج رواجي ..
رحله سعيدة ان شاء الله ..
