اللي حاابه تنحف وعندها اراده تدخل معاااي

@الحلى كله@;12089712:
هلا فيك ونرحب بك معنا

تسلمين اختي على الترحيب الطيب

بس ابي اعرف طريقتكم هل لكم يوم محدد للميزان عشان التزم فيه
وشنو الدايت هل كل واحد له دايت معين ولا ماشين على نفس النظام <<<متشجه :lol:

زوجي حبيب قلبي;12088785:
انا مو سمينة بس فيا كرشة من الولادة

هلا فيك معنا معا للتحقيق حلم الرشاااقه

السلام عليكم
الاخت سويت <<يوم الميزان هو يوم الاحد
بس لسا اختي عصفووره ماحطت النتاايج
يالله تكونين معنا الاسبوع الجاي
والدايت كل وحده تمشي بطريقه معينه
المهم الاحد من اللي نزل من وزنه

@الحلى كله@;12092291:
السلام عليكم
الاخت سويت <<يوم الميزان هو يوم الاحد
بس لسا اختي عصفووره ماحطت النتاايج
يالله تكونين معنا الاسبوع الجاي
والدايت كل وحده تمشي بطريقه معينه
المهم الاحد من اللي نزل من وزنه

شكرا حبيبتي وان شاء الله الاحد اخبركم وزني لاني باديه لي فتره
ويمي انزل لين الاحد :worn_out::thumbs_up:
اطرش الوزن ولا صوره ؟؟ ولا كيف

هلا اختي سويت:lol:
يوم الاحد توزنين اول ماتصحين وترسلين لصاحبة الموضوع
عالخاص وهي تجمعهم وتعلن.. انا امس ارسلت لها وزني
بس مااعلنت اتوقع ماارسلوا لها البقيه:o

Sweet Mom;12092425:
شكرا حبيبتي وان شاء الله الاحد اخبركم وزني لاني باديه لي فتره
ويمي انزل لين الاحد :worn_out::thumbs_up:
اطرش الوزن ولا صوره ؟؟ ولا كيف

ماشاءلله عليك شكلك شااده الهمه
حلوو الله يوفقك ويوفقنا ان شاءلله
<<<داخلين حرب حنا ههههه

& om shoug &;12084772:
صباح الخير بناااات اخباركن
ان شاء الله تكونن بخير وصحه
طبعا من امس بديت برجيم 3 ايااااام
امس الحمدالله ألتزمت فيه
طبعا ابدأيومي بشرب كوبين مويه واكل كم قطعه من ثمرة الاناناس

اليوم الأول:

الإفطار:

- نصف ثمرة جريب فروت+ شاي أو قهوة سادة.

الغداء:

- علبة تونة مصفاة من الزيت+ 2 توست أو رغيف سن.

العشاء:

- 2 شريحة لحم مشوية أو ربع فرخة مشوية+ سلطة خضراء+ ثمرة فاكهه (( هنا اخذت تفاحه))

لكن بدلت بين وجبة الغداء والعشاء لان العشاء حسيته ثقيل شوي فخليته غداء
والحمدالله عدى اليوم الاول بسلام:lol:

وطبعا مشيت نص سااعه كان ودي امشي ساعه بس البارح كنت بالسوق ولفيت لف مو صاحي جيت وانا مهدوده لكن الحمدالله قاومت ومشيت النص سااعه
_____________________

اليوم الثانى:

اللي هو اليوم حيكون كالتالي
بس والله شكله مجاعه :-# وما يشبع :( بس الله يعين
لاجل عين تكرم مدينه <<<<< مادري ايش دخل المثل :)

الإفطار:
- بيضة مسلوقة+ توست سن+ إصبع موز صغير.
الغداء:
- جبن قريش+ 2 توست سن.
العشاء:
- 2 هوت دوج أو سجق مسلوق أو مشوى.
- ثمرة فاكهة. طبعا هنا راح تكون جريب فروت

والله يكون بالعون

عواافي على قلبك
موفقه يارب

بحرينيه وكلي فخر;12085242:
مرحبا

بنات

شخباركم جميعا


اسمحوا لي صار لي ظروف منعتنى انى التزم بالدايت كم يم

ومن اليوم راجعه بكل حماس انى ابدا الدايت من جديد

وعالساعه 10 عندي اروح الجيم تمارين ايروبكس

وان شاء الله راح التزم على طووووووووول خلاص بطلنا لعب

هلا فيك من جديد وتسعدنا رجعتك معنا
ربي يقوي عزيمتك وتشدين الهمه معااااانا

روحي ابوي;12088419:
مساكم ورد اليوم فطوري كان صحن كرز مع كورن فليكس سبيشل ك وحليب خالي الدسم
الغداء نصف حبة اندومي مع لبن خالي الدسم
والعشاء ماراح اتعشى وتماريني مثل ماهي يارب العون منك يارب ننحف كلنا بخير وسلامه وحشتوني حيل

مسااء الخير
عواافي على قلبك

& om shoug &;12088684:
مسء الانواااار


اليوم الثالث والاخيرمن متابعة رجيم 3 ايامويومياتي لليوم هيطبعا الصباح على الريق اكلت قطعة اناناس وشربت كوبين ماء
والفطور كان
- خمس قطع بسكويت "تاك" أو رغيف سن+ شريحة جبن أبيض+ تفاحة. هنا اخذت رغيف خبز اسمر بدل البسكويت
الغداء:-
بيضة مسلوقة+ توست سن

العشاء:-
علبة تونة+ سلطة خضراء.- ثمرة فاكهة.

والمشي لمدة ساااعه على جهاز الاوبرتراك


وعلى فكره بنات توزنت اليوم الفجر وكان 78و 7 جرام

عواافي على قلبك
ومبرووك نزوولك ان شالله تكسرين 75

زوجي حبيب قلبي;12088785:
انا مو سمينة بس فيا كرشة من الولادة

حياك معاانا حبيبتي
يسعدنا انضمامك معنا ونرحب فيك F:

Sweet Mom;12089467:
مساء الخير

انا عضوه يديده صراحه ودي انظم لقروب انحف فييييه وانا على طول اتجول بعروس حيل احبه
وتوني مسجله فيييييييييييه

هل تقبلوني معاكم

اكييد نرحب فيك معانا F:
ويسعدنا انضمامك معنا حبيبتي
وان شالله توصلين للوزن اللي تتمنينه يارب معانا

Sweet Mom;12089745:
تسلمين اختي على الترحيب الطيب

بس ابي اعرف طريقتكم هل لكم يوم محدد للميزان عشان التزم فيه
وشنو الدايت هل كل واحد له دايت معين ولا ماشين على نفس النظام <<<متشجه :lol:

مثل ماقالت لك الاخت الحلى كله :thumbs_up:
كل وحده متبعه نظاام
والوزن يوم الاحد ترسلوني لي عالخاص وانا اعلن النتائج العام

Sweet Mom;12089467:
مساء الخير

انا عضوه يديده صراحه ودي انظم لقروب انحف فييييه وانا على طول اتجول بعروس حيل احبه
وتوني مسجله فيييييييييييه

هل تقبلوني معاكم

حياكِ الله معانا
موفقه يارب

@الحلى كله@;12089664:
الحمدالله على رجعتك واشتقنالك
وبالعافيه اللي اكلتيه :)
ومبروك الف الف مبروك

الله يسلمكِ يارب وتشتاقلكِ العاافيه ويبارك بأياامكِ
الف شكر لكِ

عصفورة الشرقيه;12094148:
عواافي على قلبك
ومبرووك نزوولك ان شالله تكسرين 75

يعافيكِ ربي وان شاء الله يارب اغمض عين ;) وافتح والاقي وزني 75

الله يسعدكن ويوفقكن يارب F:

صباح الخيرات واليرات الذهب :083:

اخباركن

خلصت رجيم 3 ايام والبارح يالله دفيت نفسي دف :| كنت جيعانه بشكل فضيع
ونفسي اكل كبسة رز برياني :hysterical: >>>>>>> مشكله هالرز
لكن الحمدالله قااومت :-# وانتهى على خير وبدون تخبيص وشفت ان هالرجيم ينزل مابين نص او كيلو
تقربا نزلت عليه كيلو لكن الحمدالله نعمه انه تحرك هالوزن الي كأنه جبل
وفعلا مثل مااقالت خيتوو الحلى كله لازم الوحده تغير بنظام الاكل مو نفس الاكل اللي متعود عليه يوميا وربي يسعدها على نصيحتها

__________

يومياتي لليوم

بعد صلاة الفجر شربت كاسين مويه على الريق
بعدها بساعه اكلت حبة جريب فروت
وهالحين جالسه افطر بس هالمره فطوري غير
قهوة عربيه + 7 حبات تمر
الغداء بأذن الله
حيكون ربع دجاجه مشويه مع سلطه خضراء
والعصر عندي مشواار لسوق :064: جالسه اجهز لزواج اخوي
العشاء بأذن الله خفيف زبادي مع خيار
وعلى الساعه 11 بأمشي سااعه
وان شاء الله من يوم السبت راح ابدأبرجيم 5 اياام
هو حلوووو واعجبني نظامه :thumbs_up:
هذا الرجيم واللي تبي تشاركني فيه حياها الله معي :04:
5كيلو في 5 ايام
هدا الرجيم مجرب وبنزل كيلو كل يوم وهو رجيم لمدة خمس ايام وممكن تكرري بس بعد ما تعملي يوم راحة بين كل 5 ايام
الفطور لمدة 5 ايام:
ملعقة لبنة +2قطعة توست +كوب حليب خالي الدسم
الغداء:
اليوم الاول-قطعة توست +صدر دجاج مسلوق
اليوم التاني- سلطة خضار +حبة تفاح
اليوم الثالث- 2بيضة مسلوقة +قطعة توست
اليوم الرابع- علبة تونا مصفاة من الزيت
اليوم الخامس- نصف كوب رز +علبة لبن
العشاء لمدة 5 ايام:
نوع واحد من الفاكهة حسب الرغبة وباي كمية
ملاحظات هامة :
1.يجب شرب 8 اكواب من الماء يوميا
2.خلو الاكل من الملح والزيت او استخدام ملعقة واحدة من الزيت عند الزوم
3.يمنع اكل الموز او المشمش



موفقات خير يارب

الف مبروووووك للي نزلوا اوزااانهم




وحظ اوفر للحلى كله يارب توعضينه بالاسبوع الجااي


والرشيقاات اللي انضموا لنا الاحد الجاي
راح انزل اوزانكم معااانا

& om shoug &;12094371:
صباح الخيرات واليرات الذهب :083:


اخباركن

خلصت رجيم 3 ايام والبارح يالله دفيت نفسي دف :| كنت جيعانه بشكل فضيع
ونفسي اكل كبسة رز برياني :hysterical: >>>>>>> مشكله هالرز
لكن الحمدالله قااومت :-# وانتهى على خير وبدون تخبيص وشفت ان هالرجيم ينزل مابين نص او كيلو
تقربا نزلت عليه كيلو لكن الحمدالله نعمه انه تحرك هالوزن الي كأنه جبل
وفعلا مثل مااقالت خيتوو الحلى كله لازم الوحده تغير بنظام الاكل مو نفس الاكل اللي متعود عليه يوميا وربي يسعدها على نصيحتها

__________

يومياتي لليوم

بعد صلاة الفجر شربت كاسين مويه على الريق
بعدها بساعه اكلت حبة جريب فروت
وهالحين جالسه افطر بس هالمره فطوري غير
قهوة عربيه + 7 حبات تمر
الغداء بأذن الله
حيكون ربع دجاجه مشويه مع سلطه خضراء
والعصر عندي مشواار لسوق :064: جالسه اجهز لزواج اخوي
العشاء بأذن الله خفيف زبادي مع خيار
وعلى الساعه 11 بأمشي سااعه
وان شاء الله من يوم السبت راح ابدأبرجيم 5 اياام
هو حلوووو واعجبني نظامه :thumbs_up:
هذا الرجيم واللي تبي تشاركني فيه حياها الله معي :04:
5كيلو في 5 ايام
هدا الرجيم مجرب وبنزل كيلو كل يوم وهو رجيم لمدة خمس ايام وممكن تكرري بس بعد ما تعملي يوم راحة بين كل 5 ايام
الفطور لمدة 5 ايام:
ملعقة لبنة +2قطعة توست +كوب حليب خالي الدسم
الغداء:
اليوم الاول-قطعة توست +صدر دجاج مسلوق
اليوم التاني- سلطة خضار +حبة تفاح
اليوم الثالث- 2بيضة مسلوقة +قطعة توست
اليوم الرابع- علبة تونا مصفاة من الزيت
اليوم الخامس- نصف كوب رز +علبة لبن
العشاء لمدة 5 ايام:
نوع واحد من الفاكهة حسب الرغبة وباي كمية
ملاحظات هامة :
1.يجب شرب 8 اكواب من الماء يوميا
2.خلو الاكل من الملح والزيت او استخدام ملعقة واحدة من الزيت عند الزوم
3.يمنع اكل الموز او المشمش




موفقات خير يارب

صباح النور ياعسل
تمام اخبارك انتي
اممممم برياااني والله شهيتيني فيه بس باكله وانا نحيفه ان شالله
ايوه قااومي خلييك شديده عالاكل
انا امس زوجي راح ماكدونالدز وطلب له وجبه
وقالي لي تبين قلت له لاااااا 8o| ماراح يغريني الاكل :-#
قبل اذا متبعه رجيم وطلب له وجبه على طووول اطلب لي ;)

صح كلام الاخت الحلى كله الله يعطيهاالعافيه
لازم تنوعين بالرجيم والرياضه بعد

وعووافي اللي اكلتيه
والله يكون بعونك عالسوق والله تعب

وبالتوفيق بالرجيم الجديد :thumbs_up:

وقالي لي تبين قلت له لاااااا 8o| ماراح يغريني الاكل :-#

ايوه خلينا كذا اردتنا قويه :thumbs_up:
يعافيكِ ربي
والف مليوون مبروك لي و للاخوات على النزول
خيتووو الحلى كله جظ اوفر وان شاء الله تعوضينه

صبااااح الخييير رشيقااات
اشتقت لكم مررره :087:
بناات اعذروني ماحطيت الاوزان
لان المنتدى كان عندي معلق مدري لييه

بالنسبه للرجيم امس واللي قبله
اكلي قليل جدااا ومع ريااضه

اليوم صحيت وشربت 4كاسات مويه
شربت كوب زنجبيل وقرفه وبشربها الحين
بعده باكل قطعة اناناس
الفطوور
ملعقة جبنه انا ماعندي جبنه بستبدلها بلبنه و1بريد

الغدا
بيكون صدر دجااجه وسلطه
وبرجع اكمل اليووم