ابي اضعف عشان عرسي/ برنامج حمية للي تبي تضعف وياي

هلا الماااسه حياتي

انا طولي 162
ووزني 87

وخاطري اوصل 65 او 60

انا بتبع رجيم اني ما احرم عمري من شي

بس اني اااكل بحدوود وبكميه قليله اكثر من الاول

مع الريااااااظه والمشي باذن الله

وشرب الماااااااااء بكثره

وشرب شاي اخضر مع زنجبيل مرتين يوميا

وبجوف بينفع وياي او لا

بس اول شي لازم نحطه ببالنا

ان الوزن ما ينزل بسرعه قصوى عند بعض البنات اللي من امثالي

ينزل ببطا بس هذا بعد انجاااااااااااااااااااااااااااااااز عقولت لمووووووووووسه *^

بس ادعوووولي بناااااااااات ادعوووووووولي ان اسوي ريااااظه لني حييييييييييييل ما ادانيها ما اعرف ليييييييييييييش كلامكم عطاااااني بور اني اسويها لا خليت منكن حبيبات البي ^^

اليوم يا بناتات حسيت باحباط الصراحة .. :091:
كانت عندنا لمة عائلية .. البنات كلهن متيمعات .. و شووفوو شو لابسات ..
بناطلين و قمصآآن آخر كشخة .. تنانير .. بديهات رووعة .. برمودات ..
كل وحدة طالعة أروع من الثانية بسبة لبسها ..
انا الوحيدة اللي لابسة جلابية طويله و وسيعة عشان تغطي هالكتل اللي عندي ..
حسيت روحي غريبة عنهم و الله .. :( .. و كأني مخلوق من عالم ثاني ~
ما قدرت اشارك حتى بالمحادثات البسيطة .. لأني كنت حاسة أني مستحية ..
قاعده اوسوس اقول اكيد يقولون مسكينة .. مب رايمة تلبس حلو لأنها دبة .. و من هالأفكار ~
مع العلم .. ما اجامل نفسي .. بس بشهادة الكل .. انا احلى وحدة فيهم ..
بشرتي الحمد لله صافية و فااتحة من الله .. ما احط عليها شي ..
و شعري اسود و طويل ( يرحم أيام زمان يوم كان كثيف ) ~ بس هالجسم ؟؟؟؟ ~
حسيت باحباط و الله .. باجر لي عرست ما ادري شو أسوي ويا هالزوج المسكين ..
اللي مبتلش بوحدة وزنها قريب الامية .. حتى لو قال انه ما عنده مانع .. بس تدرون عاد كيف الرياييل

احاول اشجع نفسي .. اني بنقص قبل العرس .. و بستوي حلوة بالفستان .. و محد بيعلق
على الوزن .. بس ارد اتحطم .. و اقول ليش أسوي كل ها و أتعب عمرها .. الوزن ما بينزل
و بالعرس ببتلش بوزني و لازم أتقبل هالشي ~
الموضوع مب ارادة و ما اراده .. لو بغيت أقدر اضبط نفسي .. و آكل اكل الرجيم بدون لا اغش مول ..
بس النفسية صارت ما تساعد أبدا .. صرت دايما احس بالاحباط بسبب هالوزن ~
حتى السوق اذا طلعته .. احس اني ابي ادفن روحي بمكان عشان محد يشوفني
و كأني مخلوق غريب ياي من الفضاء ..
الناس ما تتطالع .. بس انا هالوسواس ذبحني ..
صرت أكره أروح الجامعة عشان ما اشوف رشيقات و حلوات حواليني .. ما احب اتسوق ويا اختي ..
لأنها رشيقة و ثيابها دوم ستايل ..
ما احب اقعد ويا امي .. لأنها كل كلمة و ثانية تطري وزني و تقول نقصيه ..
حبيبتي و الله .. اعرف انها تبي مصلحتي .. و لا هي شو بتخسر و لا بتربح من ورا وزني .. ~
بس و الله هالنفسية صايرة غير شكل ~

الله يعينني .. ادعوا لي بنات .. انه الله يثبتني .. و اوصل للوزن اللي ابيه قبل العرس ..
و انه تروح عني حالات الاحباط هاذي ~ و استعيد ثقتي بنفسي .. ~

حنونة حبيبتي ..
هالطريقة فناانه .. اعرف وحدة جربت الطريقة و نفع وياها ..
كانت تاكل من اللي متوفر .. بس بكمية بسيطة .. يعني ما تشبع نفسها أبدا ..
و ما تيوع نفسها يوع شديد .. يعني تقسم وجباتها لخمس وجبات بسيطة باليوم ..
و الشاي الأخضر و الزنجبيل نفعها وايد .. + المااي مثل ما قلتي ..

و كانت تمشي لها ساعة يوميا ..
واصلي على هالشي .. و ان شاااء الله تصيرين قمررر يا قمررر ~

الحين حطي لج هدف .. تبين تنقصين خمس كيلوات .. حاولي كل جهدج تنقصينهم ..
و ان شاء الله ينزل كل الوزن الزايد و تصيرين رشيقة يا حلوة ~
ربي يوفقج قلبي :032: ~

لمووووووووووووووووووسه حبيبتي لا تزعليني منج

انتي اللي كنتي اتشجعينا لا تخلين هالياس يا ثر علييييييج

كل وحده فينا اكييييييييد يوم تشوف اللي احسن عنها اتغار وتستحي من شكلها

انا بعد حرمة اخوي كل شوي تظحك ع كرشتي يوم البس بديهات وبنطلونات وكنت بالبدااااااايه اظاااااااايق

بس عقب قلت ليش ازعل عمري خلها تولي

وصرت البس اللي ابيييييييه حتى لو عندي كرشه صغنونه وترهلات عادي بلبس وبتكشخ

بس من دااااااااااخلي ابي اظعف

بس ما اذم عمري قدام احد

قررت بقرارة يوفي ان لازم اكون رشيقه شرااااااااااااااااااتهم وابهرهم بالنتيييييييييجه

بس ما اخبر احد اني اسوي رجيم


عسب جي اخترت هالرجيم اني اااااكل كل شي بس بحدود عسب يوم اقعد ويا اهلي واكل جداامهم

واقول الحمد الله اكتفيد محد يقولي شو تسوين رجيم ؟؟

لنهم شافوني اكل وياهم

بس اذا شافوني ما اكل بيعرفو اني اسوي رجيم وبيقعدو يراقبوني يشوفوني قاعده اظعف او لا ؟؟

وانا ما احب جي

حتى الرياااااااظه

بسوي عمري كل يوم اني العب ويا اليهال بالحوش وبركظ وبمشي وياهم

وبنط حبل بعد خخخخخخخخخ

بس المهم اني ما احسس احد اني اسوي رجيم عسب افاجئهم ان شااااااااااااااء الله

لمووووووسه حياتي خلج مثلي فديتج قوي اراااااااااادتج

اكيييييييييد الواحد اتيله لحظااااااااااااات ظعف

بس انتي لا تخليها لحظات ظعف خليها لحظااااااااااااات تحدي حق عمرج

قولي لنفسج انا بتحداج يا نفسي اني بوصل لهالوزن وبصير شرات فلااااااااااااانه


يلا حبووووووووبه شلي الاحبااااااااااااط عنج وشدي حيييييييييييييلج ويااااااااااااااااانه

تراج انتي سندنا فديتج ^^

الماسة حبيبتي اليأس مو هو الحل ترى كلنا مثلك نشوف اللي ارشق منا ونغار ونسمع

التعليقات اللي تسم البدن ولكن بأيدنا حل واحد ان احنا ننقص من وزنا اذا انحبطنا ما بنستفيد

شي بالعكس بنرجع لورى وانتي ماشالله عليج يا الماسة قاعدة تمشين في الدرب الصحيح

ولا تفكرين الحين لا تخيلي نفسج عقب سنة من الحين وانتي مجتمعة معاهم وتكونين انتي

اجمل وارشق وحده:072: وتشوفينهم دباديب :085: يلا حبيبتي اضحكي ترى احنا كلنا

معاج نشجعج و محتاجين انج تشجعينا اصلا انتي عطيتينا الدافع ان نسوي التجمع






aml jaded

شلونج حبيبتي ولهنا عليج احنا بعد

انا الحمد لله تمام احيانا اخبص واحيانا امشي سيدة بس الخبر الاكيد ان دبتي صغرت شوي

:ok:

وابشركم يا بنات انا اليوم وزنت ووزني قبل كان

67.5 كيلو ووزني الحالي



















قولو ما شالله














66.4 كيلو يعني نقصت كيلو و 100 غرام يا سلااااااااااااااااااااااام الحمد لله رب العالمين

ترى بنوتات انا من النوع اللي وزني ما ينقص بسرعة كنت اسوي رياضة يوميا ولمدة ساعة وما

ينزل وزني الا نص كيلو في الشهر تخيلو بنات اما الحين خلال اسبوع نزلت كيلو بالريجيم فقط

بدون رياضة الحمد لله تدرون شلون بفايدة الشاي الاخضر والفواكة وخصوصا الكيوي احس انه

نفع معاي وايد

الحمد لله رب العالمين ومواصلين انشالله لازالة باقي الكيلوات الثقيلة :083:

حنونة المنونة .. تاكل عيش و صالونة :032:
<< بالمدرسة كانت عندنا ابلة عربي تنادي وحدة من البنات بهالطريقة :094: ~
و الله انج عسسسل .. كلامج عجييب .. انا يوم اسوي رجيم كل اللي بالبيت يعرف ..
لأني ما اقرب صوبهم أبد .. و اشرد منهم إذا كلوا شي جدامي .. :094: ~
بس يساعدوني .. و يلعبون معاي تنس .. و حالة .. و بصراحة التنس روووعة .. يشد الجسم
و بنفس الوقت يضعف .. و تتحركين وايد ~


دامه منج اكيييييييد بستانس عليييييييييييه

هي جي ابااااااااج


انا قبل شوي اكلت لي شوي مكرونه ويا الاهل وما كثرت قالولي كملي قلت لهم بس شبعت هههههههههه

وانا لا شبعت ولا شي ههههههههههه

وببتدي من اليوم انقص من اكلي

واساااااارع بالريااااااااااظه اللي مادانيها هئ هئ هئ

ام الغالين
تعوودت والله عالشاي الاخضر بس الحين ماعدت اشربه عالريج
خلاص بشرب حليب الصويا مع الريوق وبخلي الشاي لبعد الريوق بساعه

الماسه
خلينا نخلي الوزن يوم الاحد لان لو نوزن الجمعه الويكند بيكون ماخلص والعالم للحين تخبص فنبي النتيجه النهائيه للاسبووع فالاحسن نوزن صبح الاحد شراايج؟ وشرايكم بنات

والبنات الي يقولون كيلو واحد ترى والله كيلو واحد احسن من ولاشي انا تميت اسبوعين اسبوع زايده نص والاسبوع الثاني ثابته والاسبوعين الي قبلهم نزلت كيلوين ونص واستخفيت لوول وهالاسبوع نزلت بس الاحد بقوولكم كم

والله ترى الكيلو مب شوي في موضوع حاطته وحده من العضوات لو تشوفون كيلو الشحم شلون شكله بتعرفون انكم سويتوا انجاااااااااااز

وانا مب موقفه ريجيمي ليما اوصل الوزن الي ابيه والاكل لاااااااااااااااااااحقين عليه يابنات طول عمرنا بيظل قدامناااا مابيفيدنا بشي
انا عمري 22 سنه ودوم اقووول 22 سنه وانا اكل مافااااادني مالقيت من وراه غير المتن خليني اشد على عمري شووي كم شهرر مافيها شي وبعدين بتم طول عمري على نفس النظااام بحاول اشرب الشاي الاخضر بانتظام واكثر من الفواكه خاصه بالليللللل لان اكل الليل يمتن والسوويت والحلويات لو وايد فخاطري باكل قطعه صغيره الواحد لازم يعوود نفسه ان مب كل شي فخاطره ياااكله لأ كل شي بحدود ولو التزمت اسبوع اكافئ نفسي اخر الاسبوع بشي بسيط بدون ما اخربهاااا واعفس الدنياا

والماسه
مشالله الي نزلتيه زين وترى دوم اول اسبوع يكون اصعب لان الوحده للحين ماتعودت عالنظام الجديد وانا بالنسبه لي بالعكس فبداية الريجيم اسمح لنفسي بالتخبيص واعتبرها فتره تدريبيه وبالتدريج التزم اكثر عشان ما اغير نظامي مره وحده واخرتها ازهق وارجع اكل دبل

اهلين بنات منورين اليوم
لا للاحباط شدو حيلكم وان شاءللة نبي ننحف كلنا
الماسة لا لا ترى بتزعلينا كيذا خليك قوية واستمري في الرجيم وبتشوفين كيف بتصيرين احلى منهم جسم قولي ان شاءللة
يومياتي
الفطور : 2 توست اسمر + جبن فيتا + كاس حليب خالي الدسم
شربت قهوة : وكلت سويس رول بالفراولة
العشاء : شوي رز + شوي لحم + بقدونس + كاس لبن

الماسه

هاللحضات الانتحاريه التهوريه كلنا نمررررررر فيها بس بقوولج بالعكس احرصي ان لبسج هالفتره يكون كلللله واااسع قد ماتقدرررين لييييش عشان لى ضعفتي ولبستي على قد الجسم يبين الفرررق الشاااااسع والكل ينتبه وصدقيني كلهم بيغارون وبيحتروون انج نزلتي وزنج ومحد انتبه لج كثررررري من الزبادي والاناناس والكيوي والتفاح الاخضر والشاي الاخضر هذووووول اصدقاء الرشاقه

وفالجمعه الجايه استشوري شعرج كحلي عيونج وحطي جلوس مناسب للون جلابيتج وشوية اكسسوارات وبتحسين بتغيييييييييير فنفسيتج وانج مب اقل عنهم بووولاشي ولاتكرهين روحة السوق بالعكس شوفي انا الحين مانعه نفسي من السووق بس محدده لنفسي مبلغ لو وصلت الوزن الي فخاطري بروووح السوووووق وبخمه خمممممممم وبشتري كل الي فخاااطري وبكشخ وبتعدل علىىىىىىىى كيف كيفي ليش اشتري الحين وانا ناويه اضعف حطي هالشي دااافع وانتي اولردي عرووس يعني شوفي جهزي كل شيييييييييي من الالف للياء حق عرسج ماعدا الملابس
اشتريها قبل العرس بشهر او حتى اسبوعين لو قدرتي عشان تكونين ضعفتي وبنفس الوقت تاخذين كل شي جديد ومشالله اسواق الامارات تجنن وكل شي فيها
لاتقولين مابيمدي انا بساعدج لو تبين وعادي اشتري ملابس تكفيج لمدة شهر بس لييييييش؟ حطي فبالج لانج بتضعفين اكثررر واكثررر ومن الاكس لارج ل لارج ومنها لل ميديم والسمووووووووول بعد ليش لا مهما كان قياسج حطي فبالج ان هالقياس مجرد مرحله انتقاليه للي بعده الاصغر والاحلى فلاتكثرين من الملابس عشان تقدرين تشترين اكثر لما تضعفين ياعمرررررري وحطي فبالج ان احنا مابنسمح لاي وحده فينااااااااا انها يصيدها احباط وماتلتزم

نسيت اقولكم يومياتي

مافطرت لاني قاعده متاخر

والغدى
2 برجر دجاج مشوي

والحين بشرب شاي اخضر

والعشى بيكون كيوووي صديق الرشاقه

حبااااايبي انتو و الله ~ :087:
و الله ما تدرون اشكثر زادت عندي الهمة عشان أنزل وزني ~
و إن شاء الله اوصل للهدف اللي ابيه ..

مو باقيلي على العرس غير 15 اسبوع تقريبا ~
ابي على الأقل بكل اسبوع انزل كم من كيلو محترم ..
عشان و ربي يوفقني و يوفق كل البناتات ان شاء الله ~

هدفي الحين الـ 8 كيلوات .. ابي باسبوعين من الحين يكون وزني 90 كيلو ~
بالضبط تاريخ 4/ابريل .. و إذا نقصت أكثر .. فيه الخير و البركة :095: ~

يوم 4 ابريل يكون يوم راحة .. بس بدون تخبيصات تهدم كل اللي بنيته .. يعني ع الخفيف ~

عقب بيكون هدفي الـ 10 كيلوات اللي بعدها .. و ابي انقصها في ثلاث أسابيع ~
من تاريخ 5/ابريل لين تاريخ 25/ابريل ~ يعني يكون الوزن 80 كيلو ~

يوم 25 ابريل يكون يوم راحة ~

عقبه هدفي 10 كيلوات .. و نفس الشي .. ابي انقصها بـ ثلاث أسابيع ~
من تاريخ 26/ابريل لين تاريخ 16/مايو ~ بيوم الوزن لازم يكون وزني 70 كيلو ~

يوم 16/مايو راحة ~

الهدف اللي بعده 10 كيلوات زيادة .. بثلاث اسابيع ..
من تاريخ 17/مايو لين تاريخ 6/يونيو ~ .. بيوم الوزن لااااازم يكون وزني 60 << غصب :094:

يوم 7/يونيو راحة ~ لأنه يوم خاص :094: ~

الهدف اللي بعده .. و بيكون آخر هدف بإذن الله .. انقاص العشر كيلوات الباقية ~
من تاريخ 8/يونيو لين تاريخ 27/يونيو ~ الوزن المطلوب : 50 كيلووو :03: ~

و جدامي تقريبا اسبوع او اسبوعين قبل لا أعرس .. بخلي فيهم برنامج تثبيت الوزن ~
و ان شاء الله اوصل لتاريخ 27/6 .. و اشوف عمري وصلت الخمسين كيلوو ( طولي 155 سم )~ْ

ربي يوفقني .. و يوفق كل البنات ان شاء الله .. كل وحدة تحط لها خطة .. و تمشي عليه ..
و ان شاء الله نصير حلواات و انيقاات ~

عسب اتنشط زيادة .. بكتب روتيني .. اللي بإذن الله قررت أني امشي عليه بحذافييره ~

الفير أول ما انش للصلاة .. باكل لي تفاحة ( خضرا ) .. و عقبه بنص ساعة كوب ماي ..
الفطور ( ايام الدوام .. سندويشتين جبن ( خالي الدسم ) مع شاي أخضر بدون سكر طبعا ~

لأني واااااااايد أيوع بالدوااام ولاازم آكل لي شي ~
بودي سندويشة احتياطية عشان اذا حسيت باليوع ما اسير الكافتيريا + بشل وياي تفاحتين ~
طبعا السندويشة خبز أسمر ~ القمح الكامل مساااعد فعال في انزال الوزن ~

الغدا .. ستيك او صدر دجاج بالفرن بدون زيت .. وياهم سلطة ..
أو صحن فول بدون زيت و وياهم سلطة ~

العشاء .. قبل الساعة 6 بيكون ان شاء الله .. شوربة حارقة الدهون .. أو شوربة الملفوف ~
مع سلطة خضرا ~

بين الوجبات إذا حسيت باليوع باكل لي روب خالي الدسم .. او خضرة او فواكه ( مثل الكيوي
و لا الأناناس ) ~
بكثر من الماي و الشاي الأخضر و الزنجبيل ~

بالنسبة لـ الرياضة ..
جهاز السير عندي فيه مشكله .. ما ادري شو فيه :091::091: .. امشي عليه خمس دقايق
و يوقف .. و اذا شغلته ما يطيع يمشي غير كم من ثانية .. لازم اخليه مرتاح بالساعات عشان
يمشي لي خمس دقايق مرة ثانية ~
فـ قررت اسوي كارديو .. يا ريت لو أحصل نادي يسويه ( رياضة رقص ) ..
و نط الحبل مفيييد وايد ..
و طبعا المشي .. من بعد صلاة العصر لين صلاة المغرب بمشي .. << سنة الرسول عليه الصلاة و السلام ~
و بسوي تمارين بنت عذاري الصبح مرة و الليل مرة ايام الاجازات .. و ايام الدوام بالليل قبل النوم مرة ~
و ان شاااء الله يوم الأحد القاادم بيكووون يوم الوزن مثل ما قالت الحلوة دلووعة .. لأنه الأنسب
لي أنا بعد .. و معظم الخوات .. ~

و ربي يوفقنا لما يحب و يرضااه :032:

اهلين بنات
يومياتي
الفطور : 2 توست اسمر + جبن فيتا + كاس حليب خالي الدسم
سناك : علبة زبادي
العشاء : شوي رز +شوي دجاج + بقدونس + كاس لبن
المشروبات : بردقوش

الماااسه

عفيييه علييييج حبيبتي
جذي الهممممه لاتضعفيييين وكل ماتحسييين بالضعف فكري بالراحه النفسيه اللي بتحصلييينها لي ضعفتي وحطي جدامج لبسه انتي في خاااطرج تلبسينها وبجذي بيكون الهدف واااضح جداااام عييينج يعني هو صج ان انتي وراااج عرس ف لازم تخفيييف بس دافع اللبسه احسن لانه يكووون جداااامج وشوي شوي صغري السااايز لين توصلييين لين الوزن المطلووووب ويااارب يااارب مايجي العرس الا انتي الموووديل اللي حلمتي فيييه يااااارب

Snow Flower;11604219:

هيلو بنااات

تجمعكم وايد وناسه واحسه وايد يحمس ان الوحده تلتزم بالرجيم

انا توني باديه يوم الخميس وراح اشاركم بيومياتي ان شاء الله

اليوم:

الفطور: بيضه مسلوقه+ جبن + شاي بدون سكر

الغدا: ستيك مشوي+ سلطه

بعد الغدا شاي اخضر

سناك: خيار

العشا: بيضه مسلوقه+ جبن

بعد العشا شاي اخضر

ان شاء الله لين يوم الاحد اكون نازله شي

في شي انا اخذ جبوب ديكوتان حق البشره, الحبوب اللي تجفف البشره, سمعت انها تزيد الوزن
انا من بديت اخذها شهر &#1633;&#1634; زدت كيلو, بس ماأدري هل هالحبوب تأثر على نزول الوزن؟
اللي عندها خبره بليز تعلمني :(

aml jaded;11604566:

أم الغالين الثلاثه

ما شاء الله عليج شفتي الماسة الكل يشجعج كلامج كله عدل

مشكور على التشجيع كلامج شجعني حتى انا :)

دخلو موضوعي و شوفي جداولي :)

هذا اللينك

http://forums.3roos.com/showthread.php?t=517044&page=4

احنا هني كلنا نآزر بعض ف اي وحده تفكر ف التخبيص تيجي هني وتقرا الكلام المكتوووب وان شااااء مايجي وقت عرس مااااسه الا واحنا كلنا وصلنا للوزن مايصير بس هي تضعف:037:

الله ينحفنا بصحه وسلاااامه ياااااارب

وطيراااان على موضووعج ياااحلووووه