ابي اضعف عشان عرسي/ برنامج حمية للي تبي تضعف وياي

noot;11576213:
مرحبا


اليوم فطوري كان نسكافيه دايت وتفاحه


الغدا أكلت صحن كورن فلكس دايت

هلا وسهلا ومرحبا بالجميع
يومياتي
الفطور : 2 توست اسمر + حبة جبن مثلث + شاي من غير سكر
الغداء : سمك مطبوخ مع رز ( كلت شوي سمك تقريبا سمكة صغيرة والرز كلت شوي لانة اللة لايوريكم صاير الرز كلة شوك والي يشوفني اكل بيقول هاذي تبحث عن كنز مايدري اني ابحث عن شوك واشيلة )هههههه
العشاء : بما انكم قاعدين تمدحون في الزبادي خلاص قررت اني اتعشى زبادي بس يمكن اكل معة حبة توست اسمر
المشروبات : ماء ( ترى يابنات الماء ينحف ويشيل السموم من الجسم )
يمكن اشرب بردقوش

اليوم تعشيت شاورما دجاج وحده و2 برتقال :091: ادري الشاورما ما كان ليها داعي بس شسوي ما قدرت اقااوم:035::035:

الحب الأجمل ~

هيه .. بعد كم من يوم للرجيم تحسين روحج صرتي خفيفة ..
حتى الكسل يروح عنج تبين كل شوي تقومين و تسوين شغله عشان يخفف وزنج ..
الماجي يأثر .. بس اذا تبين حطي منه كمية بسيطة .. انا نفس الشي يوم اسوي شوربة كنت احط الماجي عشان الطعم .. بس بديت أخفف احط شوي و شوي لين استغنيت عنها تماما ~
و الشاورما يا قلبي انتي لو مسويته بروحج بيطلع فناان و صحي .. بدل اللي في السوق .. صح اللي نشتريه طعمه خبال .. بس حاولي تقللين منه .. اذا بغيتي .. خلي لج يوم راحة بعد كل 6 أيام رجيم من دون غش .. و كلي في اليوم السابع اللي تبينه بس بكمية معقولة ما تؤثر وايد ع الوزن .. واصلي حبيبتي و موفقة ان شاء الله .. و يااارب توصلين للوزن المطلوب :032: ~

ملوووكة ~
هههههههههههههه هيه هذا حلم الحين .. الكاكاو :دمووووع: ~ ..
بس يلا باكله عقب ما اخلص بإذن الله .. فـ ييبي زبادي .. أحب أثلجه و آكله .. خاصة أنه الصيف بدا و الدنيا بدت تحر .. و تنويع بعد .. لأني امل آكله بالطريقة العادية كل يوم ..

الله يسلمج .. انا الصبح فطرت 2 توست مع جبن خالي الدسم و بيضة ..
عقب ما حسيت باليوع .. فـ ما تغديت .. رجعت البيت هلكاانه و نمت على طول .. قمت الساعة 7 .. كلت لي جبن خالي الدسم مع 2 توست و حبة طماطة .. و زيدت عليهم قطعه صغيره دجاج مشوي ~ و خلاص ..

بالنسبة للرياضة .. جهاز السير عندي فيه خلل .. بييب حد يصلحه قريب ان شاء الله .. فأحسن شي اسويه هو نط الحبل+ تمارين بنت عذااري وااااااااااااايد مفيدة .. جربيها باسبوع خلج مواظبة عليها و جوفي الفرق بجسمج + كارديو .. ( رقص بس بطريقة رياضية ) .. عندي اشرطة و هالسوالف ..
بس هالأيام قاعده اتكاسل شوي شوي عن الرياضة .. يبالي زفة محترمة عشان اتنشط مرة ثانية ~
يلا حبيبتي .. واصلي و ان شاااء الله تصيرين رشييقة و عسل ~ :032:

أمولة ..

و عليكم السلام و رحمة الله و بركاته ..
انا تمام التمام حبيبتي .. اخبارج انتي ؟ اخبار صحتج ؟ و أخبار الرجيم ؟!
آمييين يااا رب ..
هيه و الله انا بعد كارهة السوق ما ابي اتسوق خير شر .. حتى لجهازي تصدقين مالي نفس
أتسوق له .. ابي اضعففف بالأوووول .. ~
و ان شاء الله اصير ضعييفة عشان اتسوق على راحتي ~
تسلمين حبيبتي ع تشجيع البنات .. واصلي و استمري .. و بشرينا أول بأول بنتايج الوزن .. و ان شاء الله تصيرين موديل و قمرر ~ :032:

نوت ..

فديتج انتي مااشية صح 100 بالامية ..
استمري على هالطريقة .. و ان شاء الله ينزل الوزن و تصيرين قمر يا قمر ~ :032:

يو_مي ..

برااافووو .. أكلج صحي و متكاامل ..
حاولي تاكلين سلطة و خضرة بشكل عام .. تراه وايد يساعد
و مثل ما قلتي .. الماي مهمممم جدااا في الرجيم .. لأنه وااايد يساعد على تنزيل الوزن ..
تابعي حبيبتي و ان شاء الله توصلين للوزن المطلوب و تصيرين عسل ~ :032:

هلا عروسات

امس خربطت على العشاء لان كان عندنا عيد ميلاد :039: :096:

مادري ليش ماقدر امسك نفسي عن الاكل المغري

لكننا صااااااااااااااامدون

واحس دبتي صغرت :03:

اليوم الريوق : سندويش جبن + شاي حليب مع مكعب سكر وشوية حليب

بنوتات اي نوع سكر تستخدمون ؟

الماسه شنو هي تمارين بنت عذاري ؟؟؟؟

آآآآآآآآآآآآآآآآآآآآآآآآمين ان شالله تضعفين على عافية وصحة يالماسة

مرررررررررررررررررررررررررررررررحبا
يومياتي
الفطور : 2 توست اسمر + جبن فيتا + 2 حبة خس + حليب خالي الدسم كاس
الغداء: شوي رز + شوي لحم + بقدونس
المشروبات : كاس بردقوش + كاس شاي معة شوي مرة سكر
العشاء : زبادي + 1 توست اسمر
التخبيصات : كلت شوي بسكوت لواكر
بنات بكرة الوزن : علشان تطلع نتيجة الوزن مضبوطة لازم نوزن اول مانقوم من النوم وقبل مانأكل اي شي اونشرب وطبعا نروح لدورة المياة قبل (يكرم السامع قصدي القاري )

وينكم يا عرايس اكيد تخبصون نفسي :041:

اهلين بنات كيفكم
يومياتي
الفطور : 2 توست اسمر+ جبن فيتا + شاي من غير سكر
الغداء : بيض وخبز + كاس حليب خالي الدسم
العشاء : زبادي +1 توست اسمر + كاس بردقوش من غير سكر
وزني
قولو ماشاءللة
نقصت كيلو و300 غرام
الان وزني 87,7
ياللة يابنات اكتبو اوزانكم

سوري بنات انقطعت عنكم

اليوم شربت شاي اخضر عالريوق

والظهر كلت قطعتين فيليه سمك

والعشى نودلز


وورحت بيت صديقتي كان خااااطري فسويت وخذت حبه بعدين قلبي عوورني كلت اقل من ربعها
ورفيجتي مسويه سويت كلت منه 3 ملاعق صغار بس قلت عن خااطري مع ان طعمه يجنن بس لما سئلتها شنو حاطه فيه قلت لااايباااا رشاقتي اهممم اهمم اهمم

بنااات لاتنسوووووووون يوم الاحد يووم الوزن صح الماسه؟؟

وبقووولكم يالحلوات يالي تخبصوون شفايدة الريجيم لو خبصتي

والي بتخبص تذوووووووووق بس عن خاطرها انا خلاص اتبعته نظاااااااام عندي لو خاطري اخبص ممكن لقمه وحده بسسس وما اكثر ابداا لان حرام يروح تعب الريجيم عالفاضي

واذا احنا صغار الحين واجسامنا جذي متى بنستانس ونكشخ براحتنا؟؟؟ هاااااااااااا علمووووووووني متى؟؟ يالله اشووف اعقلوا وكل وحده تتخيل عمرهاا كاشخه ولابسه الي ودها فيه وبتزيييييييييييد مناعتكم ضد الحلويات والتخبيص

عسىىىىىىىربي ينولج اللي بباااااااالج وتظعفييييين ياعيوني وتطلعيييييييييييين احلى عرووووووس



عيل شو تسوين فيني انا


مافي رجييييييم ما طبعته واقول بطبقه وما اطبق شي


ماااااشي ارااااااده عندي


والرياااااااااااااظه ما ادااااااااانيها ابد ابد ابد


والرقص ما ارقص لني احاول ابتعد عن الاغاني فمااشغلها

ولا قبل كنت وايد ارقص ههههههههه


والله ا اخت يماعرف شو بسوي بعمري


اظاااااااايق من كرشتي يوم اجوفها ويوم اجوف الترهلااااااااااات

واقووووووول بنفسي خلاص بسوي رجيييييييييم

ويوم اجوف اكل حلو انسى كلامي ههههههههههههههه


يلا شجعوني وياكم يبالي شغل


خلني انحف من الحين ابرك لي حتى قبل لا انخطب عسب ما يغمى عليه عقب ههههههههههههه

دلوووعتي

انا قلت لج هناااك الشاي الاخضر ع الريق مب زين وعن التخبيص والله انج صااااجه وعلى قولتج اذا مالبسنا وكشخنا الحين واحنا صغاااار متى بنستمتع

ان شااااء الله يااارب كلنا نضعف بصحه وسلااااامه

حناااان الروووح

حطي صورررة وحده ضعيفه وجسمها فنااان جدامج عشان تكووون لج دااافع عشان تضعفييين وتتخيلييين جسمج يكون نفس جسمها وعن الرقص الحين في اناشيد الدق فيها نفس دق الاغاني شغليهم وارقصي عليهم اذا انتي ماتبين تسمعين الاغاااني الله يثبتج ان شاء الله

يالا ان شاء الله نسمع اخبااار طيبه عنكم هالاسبوووع

هي والله صح كلاااااااااااامج في انا شيد فيها دق بالدوف بس

والله صدق تنفع

والحين اذكرت اني شاريه لي حبل عسب انط عليه من فتره وراااااااكنته عندي الله يهديني بس

فديتج والله حمستيني

هلا بنااات شخباركم وشخبارر الرجيم انشاالله موفقين جميعا
هلا الماسه حبيبتي شخبارك انشاالله احاول ااخفف من الماجي
تصدقون اليوم لي سادس من الدايت وما نقصت الى كيلوو واحد بس:091:
صدقت خبصت شوي بالأكل خصوصا امس الجمعه بس كنت متوقعه اكثر يالله مو مشكله كيلو احسن من لا شيء ( اشجع روحي :01:

يااااااحيااااااااتي


هذاانجااااااااااااز انج نقصتي كيلو

وان شاء الله على طووووول

انتي نفسي انزل كيلو واطلع هالكيلو هههههههه


بس مشكلتي ان ان نحن من عاداتنا لازم نجتمع عالاكل وناكل ويا بعض

وكل انواع الاكل موجوووووده هههههههه ماروم امسك عمري الصراااااااحه

هاي المشكله اللي تواجهني

@حنان الروح@ && الحب الأجمل

الف مبرووووووووووووووك نزول الوزن ترى كيلو واحد مو شوي تخيلو خلال شهر واحد يصيرون 4

وخلال شهرين يصيرون 8 وهكذا ليما نوصل للهدف والرشاقة :08:

دلوعة قطرية اي والله المفروض ما نخبض ونضع حلم الرشاقة نصب اعيننا :ok:والله اني

احس روحي مخربطة شوي في ايام بس ايام ثانية اعوض فيها

مثل اليوم نفسي مسدودة عن الاكل ونفسيتي تعبانة

تقرير الامس:

الريوق:سندويشة جبن + جاي حليب

الغدى:كيوي

المغرب:شيبس ولبن

العشا : سندويشة جبن

وتقرير اليوم:

الريوق :سندويشة جبن + جاي حليب

الغدى :سندويشة جبن + جاي اخضر

العشى مادري للحين ما قررت

بنات مادري شفيني على سندويش الجبن والفلفل هههههههههههه :085: كل ما اكل منه ما

اشبع

باقي البنات طمنونا عليكم وانشالله الوزن بيكون يوم الاحد ونلاقي نفسنا نزلناااااااااااا :025:

ويا ريت بنوتات تكتبون لنا شنو تاكلون لاني الصراحة ما عرف شنو الاكل المناسب للريجيم

ونوع اللي تمللت من الاكل المعهود فهل من افكار بليز ساعدوني ترى مالي غيركم يشجعني

كل اللي حولي يعلقون على وزني ونوع اللي انحبطت ولااااااااااازم اضعف عشان صحتي

وبس تحملو بروحكم وانشالله ما طولت عليكم

آلسلام عليكمـ و الرحمة ~
هلاآ بناتات .. :032:
إشحالكن ؟!~

سوري و الله .. أدري اطول عليكم و مقصرة بحقكم .. بس و الله صايرة بزي هاليومين ~|
يوم الجمعة ( امس ) .. كان يوم الوزن .. بس ما اشوف حد منكم كتب وزنه اليديد ..

أنا وزنت .. و الحمد لله .. ناقصة 3 كيلو و نص .. << ترا هذا مع بعض التخبيصات .. لو انا
ملتزمة حرفيا .. جان نقصت أكثر ~ :094: |
وزني الحين 98.4 .. و اول ما بديت الرجيم كان 101 .. او 102 .. ما ادري بالضبط كم .. ~

يلا حبيباتي أبي اعرف شو سويتو .. حتى لو مخبصة .. لو نزلتي 100 جرام .. تراه انجاز
لا تستهينون فيه .. 100 جرام على 100 جرام نوصل للكيلو .. و كيلو على كيلو .. ننقص
كيلوات .. فاللي تشوف انها نقصت شي كانت تتوقع أكثر منه ما تستاء .. لأنها انجزت ..
و الصبر اهم شي << هذا اللي اغلبنا يفتقده ~

ملاك العروس ~
مبروووك .. اخيرا صغرت الدبة شوي :037: ~ يلا ثابري و واصلي و ان شاااء الله توصلين للنتيجة
المطلوبة ..
و هاذي تمارين بنت عذاري ..
شي موضوعين .. شوفي أي واحد منهم يناسبج.. ~ ( انا اسوي الاثنين ) ~

تمارين بالصور و لبشرة بلا تشققات وبلا تصبغات من بنت عذارى

تمارين بنت عذاري للتخلص من الكرش وترهل البطن وشد الظهر والأفخاذ والأرداف

وااايد مفيدة .. اول يوم بتحسين عضلاتج انشدت .. و تحسبن بصعوبة بالتحرك ..
بس عقب يتعود الجسم و يتحد واااايد ..
خلال اسبوع لو واضبتي عليه ( مرة بالصبح و مرة بالليل ) بالتحسين بالفرق ~

يو مي ~
مبروووووووووووووووووووووووووووووك عليج حبيبتي الكيلو و الـ 300 جرام اللي نقصيتهم ..
و عقباااال ما توصلين للوزن المطلووب .. واصلي حبيبتي ~:032:

دلوعة قطرية ~
هيه .. يوم الجممعة كان يوم الوزن .. يلا خبرينا شو سويتي ؟!
كلامج صحيح 100 بالامية .. لازم نيود أعمارنا شوي عشان نصير حلوات .. و صدقتي .. بهالعمر
و جي اجسامنا ما نقدر نكشخ ولا شي .. لازم نحاول و نحاول لين نوصل للوزن المطلوب ~

و بصراحة شااااااطرة انتي .. ما شاء الله عليج .. ارادتج قوويييية .. ربي يحفظج ..
و عقبال ما توصلين للوزن المطلوب :032: ~

حنان الروح ~
هههههههههههههههههههه .. حبيبتي و الله .. :032:
لا ان شاء الله تنخطبين و انتي رشيييقة .. بس شدي الهمة من الحين ..
لا دهون و لا سكريات .. و لا ميزان إلا يوم الجمعة الصبح ~ اوكيييه ~
اتبعي اي خطة رجيم تناسبج .. و تحسبن انها ما بتتعبج و بنفس الوقت وزنج ينزل ~
و اذا وزني و حسيتي روحج مب اوكيه ( يعني بعد اسبوع من الرجيم ) .. لا تيأسين ..
اللي نقصتيه مثل ما قلت فوق انجااز .. و ترا هذا معناته انج تغلبتي على
روحج و نزلتي هالكم منجرام .. معناته بترومين تنقصين غيره و غيره ..
واصلي فديتج و موفقة ..
اكتبي يومياتج عاد عشان تتشجعين و نتشجع .. و نصير رشيقاات ~| :094:
خبريني كم طولج و وزنج و كم تبين تنقصين ؟!
هيه صح .. نسيت أقولج عن الرقص ..
منو قال تحتاجين أغاني للرقص ؟! مثل ما قالت أم الغاليين .. شي اناشيد عجيييبة ..
و ان شاء الله ينفع .. و ترا نط الحبل مفييييييييد و يضعف ..
و لا تنسين المشي ثم المشي ثم المشي ~ و وفقج ربي .. | :032:
و عن انج تجتمعين ويا العايلة .. بفتره الرجيم .. لا تاكلين وياهم .. سوي لج أكل خاص .. ادري
صعبة لأني واجهت نفس المشكله .. بس العايلة تفهمت عقب .. و هالشي بيسااعد ان شاء
الله .. و اذا ما ترومين .. ما عندج غير أنج تيودين روحج .. عن الأكل
و موفقة ان شاء الله

أم الغاليين الثلاث
فديتج و الله .. و جودج منوور المكان .. و تشجيعج للبنات يفرحني و يفرح البنات و الله ~
تسلمين قلبي و لا تحرمينا من طلتج .. و ربي يحفظج لج الغاليين الثلاثة :072: ~

الحب الأجمل ..
منحبطة ؟! تدرين انه في ناس تسوي رجيم قاااااااااااسي و ما يطيع هالكيلو ينزل إلا بعد شهر؟!
لأنه اجسامهم ما تحرق الدهون .. و ما تستقبل الرجيمات .. ~ لازم تستانسين على هالكيلو
و يكون داافع قوي أنج تنقصين غيره و غيره و غيره عشان تصيرين قمر يا قمر ~
واصلي و تاابعي و ان شاء الله توصلين للهدف المنشود بنجااح .. و انتي راضية عنه تمام الرضى :032:

شروق المساء
حيااااج ويانا حبيبتي ..
خلي شعارج بعد اليوم .. لا دهون لا سكريات ..
سوي الرجيم اللي يناسبج و واضبي عليه .. بس خبرينا كم طولج و وزنج و كم تبين تنقصين ؟!

شروق المساء;11594631:

هل انضم معكم

ابييييييييييي وزني ينزل

واااااااااااااااااااااااا

شاااعدووني

حياج حبيبتي بالعكس تشرفينا وتنورينا :094: