ابي اضعف عشان عرسي/ برنامج حمية للي تبي تضعف وياي

اهلين بالرشيقات
يومياتي
الفطور : 2 توست اسمر + جبن فيتا وفوقة شوي زعتر + شاي من غير سكر
الغداء : شوي رز + شوي دجاج يعني تقريبا كبر حجم البيضة + خضار + نص كاس لبن
العشاء : تونة + خبز

امل جديد

انااا يومياتي كالتالي
الريوق
2 توست اسمر
ملعقة لبنه
وشاي اخضر بدون سكر
وملعقتين عسل عشان بلاعيمي
وبين الريوق والغدا تفاحه خضرا
وكاس صغير حليب الصويا
والغدى كان قطعتين صغار سمك مشوي
والحين اشرب عصير ليمون صرت ماشرب شي اثناء الاكل عشان ما ينفخ بطني
وووووووووبس العشى بيكون فواكه يمكن تفاح وكيوي

ملوووكه
يومياتج اليووم ممتاااااااااااااازه شطوووره تسمعين الكلام

نووت
حياااااااااج الله بيننا

يو مي
يومياااتج ممتازه مشالله عليج عدى اليوم بدون تخبيص

انشالله اليوووووووم وكل يووووووووم مانبي نخبص يابنات

اي والله انا مليييييت ابي اضعفففففف وابي ارجع البس سمووول لا واذا كلش كلش ميديم وناااااااسه

راحت ذيج الايام الي كل شي وسيع لوول ولا كنت افكر شنو اللبس الي يضعف كللل شي كان يطلع حلوو

انا قبل كنت حاطه فبالي اني بوقف الريجيم 25 -3 بس الحين اشووف شكلي مطوله
تخيلي شهر كااامل عقب يومين بكمل شهرر ومانزلت غير 2 كيلوو مع اني صج صج ملتزمه بس جسمي بسرعه ياخذ عالريجيم ومايحرق

فالحين مسويه ريجيم ال5 ايام لكسر ثبات الوزن وبعدها يمكن اسوي ريجيم التمر واللبن لمدة 3 ايام وبعدها برجع لريجيم النقاط

عشان مايثبت جسمي ولايتعود على نظام معين

الله يوفقكم يارب

حبيبتي الله يوفقك حبيت ازيد على رجيمك ....اشربي عصير الحارق للدهون :كيوي ونصف اناناسه وليمونه وشريحتين زنجبيل طازه بالليل على الساعه 9 مجرب مررره ممتاز وخففيه بمويه

أمولة حبيبتي أخبارج اليوم ؟ إن شاء الله أحسن ؟ آمييين الله يسمع منج قلبي .. و نصير حلواات و قمرااات :032:

ملوكة .. العفو حبيبتي ..
هيه لا تخليه يغريج .. خلج مقاااومة عشان تصيرين قمر ~ :03:
أكلج هالمرة تمااام .. بس ملاحظات بسيطة..
مع الأيام استغني بزبادي الفراولة .. و كلي زبادي عادي خالي الدسم ..
الوزن بينزل بطريقة عجيبة لأنه الزبادي يساعد على حرق الدهون بطريقة فعالة ~

المووووز .. و ما ادراكِ ما المووز .. حاولي تستبدليه بالكيوي و لا الأناناس و لا التفاح و لا البرتقال.. و اللي عندج سويه ميلك شيك حق ريلج و شربيه لين يخلص كله ..
و ما عليه كلي كم من حبة عن خااطرج
و قوليله لا تشتريه لين أنزل الـ عشرة كيلو ~

و برافوو..:093: .. قللتي الحليب .. قلليه شوي شوي لين تقدرين تشربين الشاي بدونه ..
موفقة حبيبتي .. واصلي و استمري عشان تصيرين قمر يا قمر .. ~ :032:

نوت .. هلا بج ويانا مرة ثانية حبيبتي ..
بس لا تكثرين من النسكافيه .. اشربي كوب واحد في اليوم فقط ..
واصلي حبيبتي .. و ان شاء الله تصيرين قمرر :032:

يو_مي .. انتي الصراحة تماااام .. امشي بهالطريقة ..
و شوية مشي بتصيرين روووعة ان شاء الله ..
و إذا تحبين السمك كثري من المشوي منه ..
لأنه وااايد يساعد على تنزيل الوزن ~ موفقة قلبي :032:

دلووعة .. :093:ابيج جذي .. ماشية صح ..
و ان شاء الله تضعفين و تصيرين تلبسين سمول بعد ~
أتريا يوم الوزن بفارغ الصبر .. و ان شاء الله اشوفكم منزلات ..
هيه مشكلة اللي وزنها ما يتقبل الرجيم .. بس حاولي ..
و مثل ما تسوين .. التنويع حلو بين الرجيمات .. موفقة حبيبتي ..
و ان شاء الله تصيرين قمرر :032:

خاطري في بنوتة .. و يوفقج حبيبتي ..
و يرزقج ببنوتة حلوة تسعدكم و تجمل أيامكم .. و ان شاء الله تضعفيين
شاركينا يا قمر عشان تصيرين أقمر << أكثر قمرا ..:037: ~ :032:

لوفلي ون .. خلااص خليني أجربه الاسبوع و ان شاء الله يصير عجيب ~
و تسلمين حبيبتي على مشاركتج الحلوة وياي .. و تسلمين على التشجيع ~ :032:

عن نفسي .. اليوم تاريخ17 مارس 2010

الفطور شريحتين توست اسمر مع شريحة جبن خالي الدسم و بيضة ~

بعدني ما تغديت .. :094:

موفقات حبيباتي .. و للأماااااام :032:

هلا يا عرايس

دلوعة قطر والماسة ويومي ونوت و كلللللللللل العرايس انتو شطار لانكم تلتزمون بالريجيم ولكم مني :025:

انا عن نفسي امس ما تعشيت كان المفروض يكون عشاي فواكة بس ما قدرت اكل شي لان

راسي كان يعورني فشربت بس ماي واكلت 4 رقايق شيبس مالح لان حسيت ان ضغطي نازل

وحسيت بتأنيب ضمير :033:

اما اليوم فأكلي بيكون

الريوق الساعة 8 : 2 بسكويت دايجستف لايت + شاي مع شوي حليب ومكعب واحد سكر

انزين بنوتات بسألكم عن الفول المدمس اللي يجي معلب هل يصلح للريجيم او يمتن ؟؟؟؟؟؟؟؟؟

بنوتات انا اليوم كليت قطعة كيكة صغيرة ما قدرت احرجوني في الشغل :033::096::039:

حبيبتي ملوكة .. ما تشوفين شر حبيبتي .. في عدوينج ان شاء الله ~

ممتازة .. بس لا تنامين و انتي يوعانه فديتج .. حتى لو خيارة تكفي و توفي .. و
4 رقايق شبس ما بتضر .. فـ بنعديها على خير هالمرة .. :084:
نزول الضغط مشكلة كبيرة .. بالنسبة لي اذا سويت رجيم ينزل السكري بشكل حااد ..
عشان جي آكل تمرات و أشرب عصير تفاح مع الرجيم ~
فاذا حسيتي ضغطج نزل كلي شي مالح و لا تهملين روحج .. :083:

الفول و الحمص .. هالشيئين ما استغني عنهم وقت الرجيم ابدا .. طبعا مجرد اسخنه ع النار و آكله
صحن فول يخليج تشبعين بشكل كبير .. و تمر فتره و انتي مو مشتهية أكل .. فإذا قدرتي .. كليه .. مثلا وقت الظهر مع سلطة ( الأفضل تاكلين صدر دياية او ستيك او سمج طبعا يا مشوي يا بالفرن .. مع سلطة .. عشان ما تقللين من العناصر بالجسم ).. أو ع الساعة 6 صحن فول مع سلطة .. يخليج تشبعين لين اليوم الثاني .. ( حاولي بعد الساعة 6 ما تاكلين غير الخفايف .. نفس سلطة خضرا و لا عصاير ما فيها سكر و لا زبادي خالي الدسم ) ..

و ان شاء الله ينزل وزنج فديتج .. و تصيرين عسل ~:032:

ثانكس الماسه :040: اخر مرة ما عيدها

الحين شربت شاي اخضر

وغداي باكل سندويجة فول مدمس مدام قلتي لي انه زين :093:

وعندي سلطة فواكه فيها كيوي وباباي وبرتقال وخيار اذا جعت باكله وبشرب شاي اخضر

والعشا للحين ما قررت شنو بس انشالله شي خفيف في طلعتي من الشغل بحاول اخذ لي

زبادي قليل الدسم علشان اتعشى فيه مع خيار وكيوي

ماشالله تبارك الرحمن
الله يوفقك يالالماسة

ها بشرينا كم نزلتي لحد الحين

ملوووكة ~
هيه جي خلج .. شااطرة و تسمعين الكلاام ..

برافووو .. اكلج كله تمام التمام الحين .. ~ و الزبادي روووعة ترا اتعب و انا امدحه ..
ممتاز لحرق الدهون ~
شدي حيلج غلاية .. عشان تستااانسين عقب بالوزن الجديد :032:~
لا هنتي .. و لا تنسين بالدرب و انتي رادة من الدوام ييبي لي كم من كاكاو
<< تبي تموووت ههههههه:037:

موفقة حبيبتي ~

أرناق ~
هلا فديتج .. و يوفقج وياي و يوفقنا جميعا ان شاء الله ~
نزلت للحين 3 كيلوات الحمد لله ..
مع اني توقعت أكثر لأنه وزني من النوع اللي ينزل بسرعة .. بس غشيت بعض المرات :094:
عاد خلاص .. ان شاء الله اوقف الغش عشان اصير جميلة :040:~
لا تحرمينا من تنويرتج الحلوة فديتج ~ :032:

هلا حبايبي شخباركم ؟ الله يوفقكم كلكم وتوصلون للهدف المطلوب
اليوم لي ثالث من الرجيم والحمدالله احس روحي صرت خفيفه ويوم الجمعه بيكوون الميزان الله يستر
اليوم ريوقي حليب قليل الدسم وجوافه والغدا : شوربه شوفان بس حطيت فيها ماجي تعتقدون يأثر ؟ وبعد شوي باكل فاكهه لأني للحين احس بالجوع ادعوا لي اني اواصل هالمره واوصل لهدفي يارب

حبيبتي الماسة مستحييييييييييل اجيب كاكاو بييب لج زبادي وياي

انزين ما قلتي لنا شنو تاكلين و شنو الرياضة اللي تسووينها علشان نستفيد :ok:

مرحبا


اليوم فطوري كان نسكافيه دايت وتفاحه


الغدا أكلت صحن كورن فلكس دايت