تجمع وتجهيزات ورغي حوامل مصر لشهر شوال 1430( عيد الفطر المبارك )

ممكن
يابيبيو تنزلى معم مامتك او لو ليكى اخت كبيره متجوزة ومخلفه هيكونوا ادرى منك شويه
او مع حماتك لو تستحمليها هههههههههههه

hoba555;10319254:
طيب معلش يا توتي لو فيها رخامه متعرفيش كوافير كويس في الهرم او فيصل عايزه اقص شعري

هوبا بصي انا اسمع عن ايمن صلاح في شارع الهرم انه كويس اوى
هو سنتر كبير دورين اللى تحت لغير المحجبات واللى فوق نحجبات بس
واللي بيقصوا فيه ستات والقص هناك ب 25 جنيه
والوش والحواجب ب 10
يعنى اسعاره معقوله وبفكر اروح له الاسبوع ده ان شاء الله عشان اقص شعري تانى قبل مااولد
لان القصثه اللى فاتت كانت كروته ومحستش انه اتقص اساسا هو تقدري تقولى عليه انه اتساوزى بس لكن قص محستش بقصه غيرت شكله مع ان كنت قصاه ب 40 عند نورماندى في مدينه نصر
بس عاوزة اروحله بقى قبل ماتفرم في المفرمه الجديده عشان افوق
واحاول كمان ابقى اصبغه في البيت قبل مااولد برده اهو يبقى الواحد خارج من جحمل بحمله نضافه الله اعلم هاعرف اعملها تانى امتى ههههههههههه

سلامتك ياكاتوا الف سلامة عليكى ياقمر ريحى انت بس على اد ماتقدري وان شاء الله بكره تبقي تمام ونسمع عنك كل خير

هاجيلكم تانى
لازم اقوم عن غصب واقتدار

فيه قصه حلوه يا يميم بعتتهالي ساره ابعتهالك
هقصها ان شاء الله
انا سمعت عنه الكوافير ده بس مش عارفه تقريبا بنت اتكلمت عنه وكانو مش كويستن هي كانت عامله كيرياتين
بس مش فاكره هو ولا اللا عشان مظلمش حد بس بنسبه 70 في الميه هو

انا مولدتش قبل ميعادى يا توتى الدكتور اول مره رحتله بعد الحمل قالى هتولدى يوم 23 وبعدين انا اجلت لكن فى اليوم ده جالى طلق ونزل دم فطبعا مكانش ينفع اولد فى يوم تانى غير ده

هو احنا نبدا نلبسهم لبس تقيل من امتى علما بانى ساكنه فى المقطم والجو بيبقى تلج

http://www.forums.3roos.com/t482017.html الحوانل الجدد هينفعكم ده

سالاده حمدلله عالسلامه وربنا يباركلك فى زيزووووووو

قصة كبيرة;10319344:
صحيح يا بنات سمعت من فترة كده دكتور فى التليفزيون بيقول ان المواليد لازم يتوزنوا كل شهر مثلا عشان الام تعرف اذا كان لبنها كفاية ولا لأ .. لانه لو بيزيد بشكل طبيعى يبقى مش محتاج صناعى لكن لو مش بيزيد يبقى اللبن قليل .

طبعا ده لام اول سنة متابعة علي حسب ما يحدد الدكتور يعني لما البيبي يتولد دكتور يكشف عليه ويشوف وزنه وبعد كده بتعملي متابعة عشان يشوف الوزن والطول وغالبا كده كده الواحد بيروح للدكاترة في الاول من غير متابعة لان اول كام شهر بيبقي عندهم مغص فا بتروحي كده كده اصل الواحدة اول ما تولد بتبقي مرعوبة علي البيبي فاي حاجة تجري علي البيبي حتي لو البيبي يكشط تلقينا بنجري علي الدكتور حتي علي البراز بنبقي فكرين انه عنده اسهال بس ده بيبقي الطبيعي في اول كام شهر فالواحد هيروح كده كده ومنها هيشوف الوزن

السلام عليكم ورحمه الله وبركاته

يميم انتى مولدتيش لسه ربنا معاكى يارب يارب يارب

قصة كبيرة;10319392:
ايوة يا هوبا تمام.. وكمان الرضاعة هى اللى بتحفز الصدر على انتاج اللبن.. ومفيش حاجة اسمها تنظيم رضاعة فى الاول. البيبى لازم يرضع وقت مايحب ويشبع..

انتي عارفة الموضوع ده فيه كلام كتير ومدارس كتيرة في مدرسة تقول رضعي الطفل كل ما يعوز يعني لو لسه مرضاعها وعيط كمان نص ساعة رضعية
وفي مدرسة تقول كل 3 ساعات
بصي انا جربت الطريقتين ولي بصراحة لقتها صح المدرسة الثانية بتاعت كل 3 ساعات
لان كل ما ترضعي الطفل كل شوية مش هيلحق يهضم ويعمله مغص وغازات وانه عايز يرضع كل شوية دليل انه مرضعش كويس من الاصل او اللبن قليل عشان كده بيطلب الرضاعة كل شوية ولو بيطلب دلع ولبنك كتير هيروح مرجع
اما الطريقة الثانية اولا هتساعدي اللبن انه يتكون وبالتالي لما تيجي ترضعي اللبن هيبقي كتير عشان مرضعش بقالك 3 ساعات وبتالي هيشبع والطفل الي بيشبع مش هيعيط عشان جعان قبل 3 ساعات او ساعتين ونص

ازيك يا اناناسه اخبارك ايه انتى والبيبى هتولدى امتى وخلصتى تجهيزات ولا لسه

بالنسبه للرضاعه انا كنت برضع زيزو كل شويه كنت بحس انه موش بيشبع كويس اول ما يبتدى رضاعه ينام ويصحى على طول لكن الدكتور قالى كل 3 ساعات حتى لو عيط كنت برضعه كل ساعتين لقيه بيشبع كويس وبينام فتره طويله بس طبعا بيبقى صعب نسيبه يعيط بي الدكتور قالى لو عيط برضه مترضعيهوش ودلوقتى الوضع بقى اريح وخصوصا انه كان عنده كانديا فى لسانه مكانش بيعرف يرضع اساسا هما اول شهرين كانوا متعبين جدااااااااااااا بعد كده بدا يهدا

كنت عاوزه اسال عن القشط ده ايه فايدته وبيحصل ليه

salad;10320148:
ازيك يا اناناسه اخبارك ايه انتى والبيبى هتولدى امتى وخلصتى تجهيزات ولا لسه

بالنسبه للرضاعه انا كنت برضع زيزو كل شويه كنت بحس انه موش بيشبع كويس اول ما يبتدى رضاعه ينام ويصحى على طول لكن الدكتور قالى كل 3 ساعات حتى لو عيط كنت برضعه كل ساعتين لقيه بيشبع كويس وبينام فتره طويله بس طبعا بيبقى صعب نسيبه يعيط بي الدكتور قالى لو عيط برضه مترضعيهوش ودلوقتى الوضع بقى اريح وخصوصا انه كان عنده كانديا فى لسانه مكانش بيعرف يرضع اساسا هما اول شهرين كانوا متعبين جدااااااااااااا بعد كده بدا يهدا

كنت عاوزه اسال عن القشط ده ايه فايدته وبيحصل ليه

الكشط ده دليل ان الطفل خد كفايته من الرضاعة وانه شبع وده حاجات زايدة
وبيحصل عشان فم المعدة سعات بيبقي لسه واسع فابينزل اللبن ويحصل ارتجاع عشان كده بيقوللك لازم تكرعي الطفل الدكتور شبع التكريع بانك حطة زجاجة ماية في باب الثلااجة وملياها علي اخرها كل ما هتفتحي الباب هدلدا شوية لكن لو قفلتيها بغطا ء مش هتدلدا مايه الغطاء ده زي التكريه للطفل يخليه يقلل الكشط

قصة كبيرة;10319301:
يعنى يا هوبا لما اجى اشترى فى 12 هلاقى صيفى عادى؟؟

معتقدش يا بيبو انتى ممكن تلاقى حاجات بكم قطن لكن نص معتقدش
وعموما انتى هتحتاجى فالاول اللى بكم وقطن يعنى ممكن تشترى فى 12 عادى وبعد كدا ابئى اشترى النص بس انا فاكره ان التوحيد والنور شهر 2 اللى فات كان فيه سالوبيتات بنص
فممكن تجيبى الكوفيراته والهدوم الداخلى الاول ولو هتجيبى جلابيات قطن هى كلها بكم وموجوده طول السنه ولو عوزه حاجه بنص استنى على 2 كدا
فممكن تبدئى بالحاجات اللى ملهاش دعوه بالجو

kato;10319305:
انا الحمد لله يا قمر اةة يا حبيبتى هتلاقى لبس فى الشتا انا لغاية دلوقتى لسة ماشترتش حاجة وهشترى الشهر الجاى ان شاء الله اعتقد ان هدوم البيبى اللى ممكن تكون موجودة طول السنة عشان الناس بتخلف طول السنة
بنات انا عندى مغص جامد وظهرى بيوجعنى ورجلى فيها خدلان وبطنى شادة جامد انا خايفة تكون اعراض ولادة من الصبح وانا تعبانة جدا

وانتى ايه اللى مخليكى مستنيه كل ده انا بحمد ربنا انى كنت بجيب من الخامس لانى دلوقتى مليش خلق عاللف كتير وكدا
حاولى تبدئى عشان متتزنقيش ومتكتريش وهاتى مقاس من 0ل3

اهم حاجه متفضليش تقلقى نفسك كل شويه محدش بيولد قبل معاده اللى عند ربنا
فريحى كدا واسئلى الدكتور فالحاجات اللى حسه بيها ومفيش حد بيولد فى لحظه مش اى حاجه تحصل يبئا بتولدى :D
واهدى كدا ش عوزين هايدى تطلع عصبيه هههههههههههه

toty858;10319311:
ربنا يخليكى يا اننوسة بجد مشدودة اوى هههه لاقينا حاجة تشغلها بس يازوق الكى بورد برجلها هههه وبتضحك

ياسلام احنا تحت امر مايا وكنت عوزه اجبلها حاجه تانى بس روحت اعمل العشا معلش عشان ابو اناناسه :D
المره الجيه اجبلها حاجات تانى :wink:

قصة كبيرة;10319344:
صحيح يا بنات سمعت من فترة كده دكتور فى التليفزيون بيقول ان المواليد لازم يتوزنوا كل شهر مثلا عشان الام تعرف اذا كان لبنها كفاية ولا لأ .. لانه لو بيزيد بشكل طبيعى يبقى مش محتاج صناعى لكن لو مش بيزيد يبقى اللبن قليل .

انا بسمع د مدحت الزيات وفعلا كل مره بياكد عالوزن والطول فى اول سنه والاهم اول 6 شهور لان المفروض البيبى يزيد كيلو فالشهر فالاول عشان هيخص فى النص التانى من السنه عشان بيعمل مجهود اكتر من الاول

قصة كبيرة;10319379:
الحمد لله كويسة يا جميل
ايوة ده اللى بتكلم عليه يا انوسة.. انى هبقى عايزة اشترى سالوبيتات خفيفة مش شتوى .. وانا عايزة انزل اشترى على السادس او السابع ان شاء الله يعنى عز الشتا.. بس انا هولد فى مارس ان شاء الله

هتلاقى سالوبيتات قطن وهى مناسبه للوقت بتاعك

kato;10319380:
ازيك يا انوس عاملة اية واخبار اناناسة اية مش انا دخلت الثامن والحمد لله ربنا يسهل عقبال التاسع عشان اخلص صحتى راحت :ss::D

الحمد لله كويسين يا كاتو ربنا معاكى خلاص هانت بس حاولى تشغلى نفسك بحاجات النونو عشان الشهر التامن ده رخم شويه وطويل :)
وربنا يسهلك وتوصلى التاسع بالسلامه ويعوضك فى بنوتك بئا
مهما بيخلصوا فينا اللى عملناه فى حياتنا وبيخدوا كل حاجه وهما نزلين مش بيسيبوا حاجه حتى الكالسيوم :D يله فداهم وربنا يجبهم بالسلامه يارب

قصة كبيرة;10319585:
انا مقلقة حاسة انى مش هعرف اشترى حاجة خالص

هو احنا مفروض ننزل مع حد ولا عادى مع نفسنا ..!!

بصى انا نزلت شويه مع ماما وشويه مع اصحابى وفالاخر كان ابو اناناسه بيودينى المحل وانا اجيب فانتى عادى ممكن تنزلى لوحدك لو فى محل قريب منك وعارفه انتى هتجيبى ايه
الموضوع مش مقلق بس زيه زى اى حاجه انتى اول مره تعمليها انا فالاول كنت بدخل المحل ومشتريش حاجه واحس انى هبله كدا ومش فهمه حاجه وبعد كدا فهمت
واحنا معاكى لو عوزه تسئلى على حاجه


(f) يميم ربنا معاكى يارب ويقومك بالسلامه وتيجى توتى بالسلامه يارب وتفرحى بيها انتى وموكه وباباهم يارب (f)

عيال انا مناخيرى بتنزل هو ده من الضغط وله جيوب انفيه :ss:

الحمد لله يا سالاده الحمد لله خلصت مش فاضل غير شويه حاجات صغننه
دعواتك :)

ربنا يكرمك يامورو
انا ان شاء الله هاولد يوم الخميس الجاى على طول ده
الدكتور قالى اكون فيالمستشفى الساعه 8 الصبح هايعملولى شويه تحاليل ويجهزونى للعمليات
يللا دعواتكم بقى مش هاوضيكم :)

ربنا يخليكى على الدعوة الحلوة ياانوسة

salad;10319803:
انا مولدتش قبل ميعادى يا توتى الدكتور اول مره رحتله بعد الحمل قالى هتولدى يوم 23 وبعدين انا اجلت لكن فى اليوم ده جالى طلق ونزل دم فطبعا مكانش ينفع اولد فى يوم تانى غير ده

هو احنا نبدا نلبسهم لبس تقيل من امتى علما بانى ساكنه فى المقطم والجو بيبقى تلج

ابتدي في آخر 10 تلبسي بكم وبنطلونات بس خفيفة قطن عادي ... وبعد ما الدنيا تبرد تاني غيري الفانيلات الكت ولبسي بكم .... وبعد كده لبسي شتوي وعلى آخر 12 بقى لبسي شتوي رسمي

انا عندى زيود موش بيكشط خالص حتى لما بكرعه او بديله لبن صناعى عمره ما قشط ولا مره اوديه لدكتور ولا عادى

متنسيش تدعيلى يا يميم ربنا يقومك بالسلامه ان شاء الله
تنورى بينا بالنونو ان شاء الله

بجد يا يميم ربنا معاكى انا بحبك وبعدين احنا عشره برضو حتى لو مش جامده بس بعزك يعنى
والمهم انتى كمان ماتنسيناش انا وندى وكل الحوامل بدعوه كدا وانتى بتولدى
وربنا يقومك بالسلامه ويطمنا عليكى وعلى توتى يارب

salad;10320369:
انا عندى زيود موش بيكشط خالص حتى لما بكرعه او بديله لبن صناعى عمره ما قشط ولا مره اوديه لدكتور ولا عادى

مش انتي بتروحي متابعة مع دكتور لزياد كل شهر؟؟

اسألي لما تروحي المرة الجاية