تجمع وتجهيزات ورغي حوامل مصر لشهر شوال 1430( عيد الفطر المبارك )

وانا معاكم بردو في موضوع الاكل ده، يظهر الرجالة كلهم حالتهم صعبة في الاكل مع اني كنت واخدة فكرة زمان مختلفة خالص انهم معظمهم مش بيقولوا علي حاجة لا مادام اكل بيتي وطازة، طلعوا بيتأمروا عن البنات بشكل مستفز، احنا بردو كل يوم نقعد نفكر ساعات واسأله ويقولي انا زهقت ومش عارف ولما اقترح انا يقولي لا لا لا مش عايز، فبقوله طيب وبعدين يبقي ايه باقي مادام كله لا.

بصره انا كمان جوزى كده مش بياكل خضار ولا اى حاجه عدله عايز كله نواشف او اكل جاهز حاجه تزهق

meshmesh_romio;10306736:
بصره انا كمان جوزى كده مش بياكل خضار ولا اى حاجه عدله عايز كله نواشف او اكل جاهز حاجه تزهق

وانا والنواشف دي اصلا مصيبة، اه صحيح جميلة اوي وكله بيحبها بس بقعد اقوله بالطريقة دي التحن هايبقي علي ودنه لو هايبقي اكلنا كله نواشف ومحمرات وحاجات كده، الطبيخ هو مش بيحبه خالص والصلصة، بس انا لما بعملها بيحبها عن طريقة مامته لكن بياكل بسيط اوووي منهم وفي انواع خضار كتير مرفوضة تماما من غير ما يدوق حتي.

ماميهات شهر 8:
ranonte 8/2009
11/8/2009 مشامى ( أم يوسف و دانا )
15/8/2009 نوناس ( أم حلا )
16/8/2009 little cat ( ولدت و جابت بنوتة )
17/8/2009 عروووس جديد ( أم سلمى )
23/8/2009 ryad666 ( أم يوسف و عبد الرحمن )


ماميهات شهر 9:
11/9/2009 لمبادا ( أم اياد و زياد )
15/9/2009 ميرفى50 ( أم جومانا )
14/9/ 2009 فراشة الإيمان ( أم زياد )
27/9/2009 manoooooo ( ام معاذ )
31/9/2009 mermera

ماميهات شهر 10:
11/10/2009 Umm Moaz ( أم معاذ و البراء )
12/10/2009 yomizo ( بنوتة باذن الله )
lifedrop 13 /10/2009 ( بنوتة باذن الله )
23/10/2009 crazy ananas ( بنوتة باذن الله )



ماميهات شهر 11:
16/11/2009 طالبة الجنة ( بنوتة باذن الله )
18/11/2009 jumanaa ( ولد باذن الله )
24/11/2009 أجمل ايام العمر ( بنوتة باذن الله )
28/11/2009 kato ( بنوتة باذن الله )

ماميهات شهر 12:
1/12/2009 garfield ( بنوتة باذن الله )
2/12/2009 سندريلا مصر ( بنوتة باذن الله )
10/12/2009 جنة الحياة ( بنوتة باذن الله )
14/12/2009 meshmesh_romio ( بنوتة باذن الله )
20/12/2009 البرج اليسر ( ولد باذن الله )
24/12/2009 دارين ( ولد باذن الله )
30/12/2009 boky2010 ( بنوتة باذن الله )



ماميهات شهر 1:
5/1/2010 loveway
15/1/2010 دموع اشتياقى
19/1/2010 DodyCat ( ولد باذن الله )
27/1/2010 smily547 ( بنوتة باذن الله )


ماميهات شهر 2:
20/2/2010 Roshy&Hany ( ولد باذن الله )
24/2/2010 mashimaro16
25/2/2010 katkoot48
28/2/2010 om_tota ( بنوتة باذن الله )




ماميهات شهر 3:
2/3/2010 كوبايه مايه ( ولد باذن الله )
3/3/2010 عروس البحر
26/3/2010 قصة كبيرة


ماميهات شهر 4:
7/4/2010 صوت العيون
15/4/2010 ياسمين 100 100
16/4/2010 عروس حبيبى
23/4/2010 princess_miro
23/4/2010 miko85
30/4/2010 d.aml 86



ماميهات شهر 5:
7/5/2010 sweet_toota
12/5/2010 love_me_more307
22/5/2010 bright bride
24/5/2010 miobillo





ياريت اللى مش فى اللسته تقولى تاريخ ولادتها عشان اضيفها

,؛.انا هعمل مندى اهو نواشف وهو بيحبه وشهل وبسيط ومش محتاج وقفه كتير,

http://www.baby2see.com
مواقع حلو اوى للحوامل وعلشان خاطر كتكوت كمان دخلى تاريخ اخر بريود هيطلعلك حامل فى اد ايه بالضبط

عجبتك الطريقه يا بسبس ؟؟؟؟؟؟

,؛.الرجاله ممله جدااااااااااااا انا جوزى لو لقى الاكل لونه اصفر يقولى دا فيه كارى اقوله لااااا دى البصله متشوحه يقولى بردو لااااا والله جنان بجد هيموتنى ناقصه عمر

,؛.طريقة ايه يت مشمش؟؟؟

طريقة المندى اللى حطيتهالك بالصور

,؛.هى فين دى يا مشمش مشوفتهاش خالص,ظ؛.
,؛.استنى هشوف الصفحات اللى ورا,ظ؛.

ياقهرتى انا عماله ادورلك وانتى تقولى مشوفتهاش عااااااااااااااااااااا

miobello;10306756:

مواقع حلو اوى للحوامل وعلشان خاطر كتكوت كمان دخلى تاريخ اخر بريود هيطلعلك حامل فى اد ايه بالضبط

ميرسي يا جميلة بس مش هتصدقي، حطيت التاريخ وكله وبشوف بقي هايحسبهالي كام، تصدقي انه طلعني 18 اسبوع مش 17 بس سبحان الله كاتبلي ميعاد ولادتي في نفس الشهر اللي الدكتورة حسبهولي والتيكر بتاعي كمان. :D:D:D:D

CuTie KaTkOoTa;10306784:
ميرسي يا جميلة بس مش هتصدقي، حطيت التاريخ وكله وبشوف بقي هايحسبهالي كام، تصدقي انه طلعني 18 اسبوع مش 17 بس سبحان الله كاتبلي ميعاد ولادتي في نفس الشهر اللي الدكتورة حسبهولي والتيكر بتاعي كمان. :D:D:D:D

هى حكايه حامل فى اد ايه دى بتختلف صراحه على حسب فتره التبويض ممكن فى اولها نصها اخرها ودى حاجه ربنا بس هو اللى اعلم بيها احنا كلنا بس بنتوقع وكله بايد ربنا بقى المهم نقوم كلنا ان شاء الله بالسلامه

meshmesh_romio;10306668:
مندي الدجاج بطريقة منال والخطوات بالصور
السلام عليكم ورحمة الله وبركاته
المقادير
2كوب رز - 2ملعقة كبيرزيت - 1حبة متوسطة بصل مفروم ناعم - نصف عود دارسين - 6-8حبة قرنفل - 6-8حبة هيل - 1ونصف ملعقهصغيرة ملح - 2حبة متوسطه طماطم مفرومه ناعم - قرن فلفل اخضر حار - 3ونصف كوب مرق
تتبيلة الدجاج
1كيلو دجاج - 1ملعقه صغيرة ملح - نصف ملعقه صغيره هيل مطحون - 1ملعقه صغيره بهار مشكل - نصف ملعقه صغيره قرفه مطحونه - 1ملعقه صغيره كركم - ربع ملعقه صغيره فلفل اسود - نصف ملعقه صغيره لومي مطحون - 2-3 ملعقه كبيره عصير ليمون - 2 ملعقه كبيره زيت





في قدر متوسط الحجم سخني الزيت واضيفي البصل وقلبي على نار متوسطه الى ان يصبح ذهبي اللون





ابعدي القدر عن النار واضيقي اعواد الدارسين والقرنفل والهيل والملح والطماطم وقلبي لتتوزع المحتويات مع بعضها





صفي الأرز من الماء واضيفيه الى القدر وقلبي بحذر الى ان تتوزع المكونات جيدا




ضعي الأرز في طبق الفرن وقطعي قرون الفلفل طوليا وانزعي البذور وضعي القرون على سطح الأرز ثم صبي المرق فوق الأرز





غطي الطبق بطبقة الألمونيوم وباستعمال طرف السكين اعملي 5-6 شقوق في ورق الألمونيوم





ضعي قطع الدجاج في طبق واضيقي الملح والهيل والبهارات والقرفه والكركم والفلفل واللومي وعصير الليمون والزيت ووزعيها على الدجاج




رصي قطع الدجاج المبهره فوق طبقة الألمونيوم التي عملت فيهاالشقوق سابقا





خذي طبقتين من الألمونيوم ثم غطي الدجاج مع احكام التغطيه على الجوانبوادخلي الطبق في الفرن لمدة 60 - 70 دقيقه





يقدم وبالهناء والعافيه












اى خدعه وجمايلك سابقه ومغرقانا يا ست بسبس

,؛.تسلميلى يا قمره والله مش عارفه اقولك ايه بس هى دى طريقتى بس الطماطم جديده عليا نعملها ونشوف ويارب تعجبه يااااااااارب

تقولى ايه ياعبيطه ده انتى جمايلك مغرقانا ههههههههههههههههههه

كوباية مايه;10306629:
,؛.بنات انا عارفه انى خنقتكم وكرهتكم في نفسيتكم وفيا انا شخصيا بس انا محتااااااره دلوقتى معنديش غير فراخ هعمل ايه بقى عاااااااااااااااااااا هو انتوا ليه محدش فيكو بيقولى حاجه جديده او اكله جديده ,ظ؛.
,؛.ليه مش بلاقى حد يساعدنى عاااااااااااا,ظ؛.

اعملي برياني يابسبس

كوباية مايه;10305613:
,؛.صبااااااااااح الخير يا حلوين وحشتوووووووووووونى جدا,ظ؛.

أخييييييييييرا

قلقنا عليكي والله وبعتنا المندوب يميم يكلم مامتك علشان نطمن ... مش اللي يختفي يعرف الناس ولا ايه؟؟:D

garfeild;10305788:
ازيك يابسبس والله انتي كمان وحشتيني اوي
انا كنت عند ماما من يوم 15 رمضان وقضيت العيد هناك ورجعت بيتي الحمد لله
وانا الحمد لله كويسه اخر اسبوع في السابع ويارب يتمم باقي الشهور على خير يارب
وانتي مش مهيبره ولا حاجة ههههههههههههههههههههه انا حامل ان شاء الله في بنوته واتفقت انا وجوزي نسميها لمار ان شاء الله ادعولي تكون طفله سليمة معافاه يارب
وانتي يابسبس عرفتي انتي حامل في ايه ولا لسه؟

بجد بلاش لمار ... أنا مش هقول تاني علشان شكل الناس مش مصدقاني ... اعملي انتي بحث جامد بس شوية وشوفي معناه ايه

garfeild;10305830:
طيب وهي زعلانه ولا مبسوطه انها حامل في ولد يابسبس كان نفسها في بنت
قدر الله وماشاء فعل

لا عادي يا جميلة مبسوطة والحمد لله:D

كوباية مايه;10305900:
,؛.انا روحت للدكتور قبل ما اسافر كنت فى الاسبوع ال 14 ومكنتش عامله حسابى يقولى النوع بس لقيته ربع ساعه بيقلب فى البيبى ويهز البطن جامد عشان يتشقلب وقعد يقولى البيبى دا شقى وواخد راحته ومش مدينى فرصه اشوفه خالص ههههههههههههه مع ان الام والاب هاديين قلتله والله يا دكتور شكلك متعرفناش


,؛.انتوا عارفين انا خايفه اوى اوى اوى من موضوع الشقاوه دا عشان انا جوزى وهو صغير كان شقى جداااااااااااا لدرجة انه مره ولع فى الشقه بتاعتهم وانا كمان يعنى مكنتش ملاك ابدا وكنت شقيه ونطيت مره من الدور التانى ال ايه بلعب باليه هههههههههههههههههه فا خايفه اوى ان البيبى يطلع فعلا شقى كدا وخايفه لا يأذى نفسه

مش عارفة انتي متوقعة يطلع هادي لمين يعني:ss: ... على فكرة الحاجات دي بتبقى وراثة

miko85;10305927:
بعد الشهر الرابع....
ادعولي تعبانه خالص غير اعراض الحمل الترجيع والغثيان عندي مغص في المثانه وكاني مزنوقه ومش عارفه اروح الحمام دكتوره اخر مره للدكتوره قالتلي اعراض حمل...
طلع عندي صديد في البول....والتهاب في مجري البول
ادعولي ان شاء الله

سلامتك يا ميكو ... اشربي مية كتيييييير على أد ما تقدري

كوباية مايه;10305928:
,؛.ماشى يا ست سيمو هقوله انهارده وهشوفه هيغير رأيه ولا ايه
,؛.بيبو احنا بنحط بس مش كتير لان كترها مسكر انما قليلها لأ وهى اقل كميه منها بتفى بالغرض,ظ؛.

ما كان كثيره مسكر فقليله حرااااام

meshmesh_romio;10305939:
خلو عندكم دم وقولولى عنوان لفلى فرع الدقى

بصي يا ستي انتي هتطلعي من مترو الدقي هتلاقي نفسك في شارع التحرير ... اسألي أي حد حواليكي أروح ميدان المساحة منين هيشاور لك ... لو مش عايزة تسألي حد امشي لحد ما توصلي لتقاطع شارع الدقي مع شارع التحرير هتلاقي شارع زي ما يكون موازي لشارع الدقي بس مايل شوية امشي فيه للآخر هتلاقي نفسك في ميدان المساحة ... امشي شوية كده هتلاقي مكدونالدز أول ما تقفي قدامه بقى عدي الميدان هتلاقي أور كيدز في وشك ... مفيش بقى تفاصي أكتر من كده :cool:

miko85;10305966:
انتوا كلكم حوامل في بنات معادا بسبس ورشا

وجومانا ... ودودي

كوباية مايه;10305977:
,؛.لا يا ميكو وجومانا كمان حامل فى ولد بس معرفش مين تانى بقى

,؛.اسكتو اخت جوزى لسه متعرفش انى حامل فى ولد وجوزى مش عايز يقولها عشان هى لما عرفت انى حامل راحت حملت مباشرة بعديا بشهر ونص بالظبط وهى نفسها فى ولد جداااااا لانها عندها بنت وحماتها بتعايرها وكدا )رربنا يهديى يعنى( المهم كل شويه تقولى انتى حامل فى بنت وانتى مش عارفه ايه وانا والله ما فارقه معايا خاااااالص لانى اصلا بحب البنات عشان الدلع بس كل شويه تقولى دانتى جوزك قرفان منك عشان حامل فى بنت وحاجات كدا ولما جوزى مرضيش يقولها راحت مسيحالى عند العيله بتاعتهم كلها انى حامل فى ولد ومش عايزه اقولها وانى انا واحده وحشه

بجد أهل زوجك الله يعافي الكل عاملين زي الناس اللي بنشوفهم في المسلسلات ... مكنتش متخيلة إن فيه ناس كده بجد:ss:

miko85;10306023:
والله بس قله...انا نفسي في بنت بحب جدا البنات وبعدين في ناس بتفكر في الولاد والبنات لحد دلوقتي....كل يجيو ربنا كويس
انا قدامي لما بنتين لا ولدين

أو ولد وبنت انتي كيسين مش كيس واحد :D

قصة كبيرة;10306052:
بنات عايزة اقولكم على تطعيم مهم للبيبهات هو مش نازل مع تطعميات وزارة الصحة.. روحى للدكتور هو يطعمه. بيبقى على اربع شهور تقريبا وهو تطعيم ضد فيروس الروتا.
فيروس الروتا فيروس ملوش علاج. بيبقى زى النزلة المعوية اسهال وسخونة والبيبى بيتعب جامد ربنا يحفظ اولادنا جميعا.. ولانه مالوش علاج الدكاترة بيفضلوا يدوا محاليل وادوية للاسهال .. حاجات لعلاج الاعراض يعنى مش لعلاج المرض نفسه.

عبدالله أخده بس بيتاخد من أول شهر ونص ومش بعد ال6 شهور ... لأني سألت كذا دكتور قالوا لي لو التطعيم هيقلل نسبة الإصابة ولو 10% أو حتى هيخفف من الدور شوية يبقى الأحسن يتاخد

قصة كبيرة;10306124:
بصوا يا بنات ده جدول التطعيمات اللى تبع وزارة الصحة
الواحدة مننا فى اول حمل مابتبقاش عارفة حاجة

http://go.3roos.com/qFJDYHY4yN6

مهم جدا جدا يا بنات المتابعة المنتظمة مع دكتور أول سنة ... سواء البيبي عيان لا قدر الله أو لأ لازم يروح اادكتور كل شهر

انتى لحد دلوقتى لسه معملتيش الاكل ؟ هو جوزك بييجى الساعه كام

,؛.تسلميلى يا مشمش يا حبيبتى معلش ممكن مشاركات تطير منى اصلى دايل اب بعيد عنك