لكل بنت عندها اراده وجاده تتفضل معانا في تجمع اللياقة وصحة

مهذبة;8467320:
مشكورة أختي أزهار على مجهودك ولاتخافين مستحيل انس الموضوع
أنا جالسه انتظر يوم السبت علشان اشوف نظامك وبصراحه روعة حتى الرجيم
مافي تقيد مثل بعض الرجيمات وان شاءالله احاول التزام فيه وبالنسبة لي السمنه متجمع
عندي في منطقة البطن والجوانب ويارب تختفي بس بالنسبة الى الكمون مادري اخاف
ماقدر اشربه عادي لو حبيت اشرب شي ثانيا انا حابه اشرب شاي الرشاقه
مادري هل يكون مثل جودة الكمون ولا على العموم انا بحاول ويارب اقدر عليه بس لوسمحتي ممكن تقوللي كيف طريقته با الضبط وكم ملعقة كمون اضع
الله يعطيك العافية ياأزهار

الادوية المسهلة: مثل شاي الرشاقة ونبات السنامكي والاكاسيا .. وهذه الادوية خطورتها بالتعود عليها وكسل وظيفة الجهاز الهضمي وبعض الادوية المضادة لهضم الدسم تسبب الاسهال ونقص العناصر الغذائية المهمة مثل الفيتامينات وبالتالي حدوث بعض الاثار الحتمية مثل تشقق الجلد والاظافر وضعف المناعة وتساقط الشعر والدوخة وضعف البصر

ولو كانت كما يدعون ليس لها اثار جانبية وعشبية و و و و ..الكثير من الوعودولكن حذار من الادوية فلها اثار جانبية على المدى البعيد ان لم تظهر الان تظهر بعد وقت طويل

أحلى الليالي;8467868:
تسلمين يالغاليه أزهار الله يعطيك العافية ان شاء الله ماننسى
بغيت أقولك انا عندي بطن شوي مترهل انا لي أسبوع الحمدلله
أقوم معى زوجي في الصبح الساعه 8تقريبا امشي نص ساعه
واسوي تمارين نص ساعه والمساء كمان نص ساعه مشي ورياضة
والحمدلله نزلت تقريبا كيلو ونص مادري اش الافضل المشي قبل
الاكل ولا بعد الاكل والكمون اخذ حبوب ولا مطحون

كثري من تمارين البطن
واذا سويتي التمارين خلي بطنج مشفوط
يعني طول ماانتي تعملي التمارين خلي بطنج لداخل
وانا مثل ماقلت لازم اذا رحتي تعملين رياضة يكون بطنج فاضي افضل ولما تخلصين الرياضة لازم ماتاكلين على طول يعني بعد الرياضة بساعتين تبتدين تاكلين
والكمون مطحون
يعني ملعقة صغيرة مع ليمون منقوع على الاقل مدة ساعتين وبعدها تشربينه

{صمت الحنين،،;8469382:
سؤال قبل لا نبتدي :

عادي نشرب شاب بحليب وسكر
لاني ما اقدر استغني عنه :(
؟؟

السكر حاولي تقطعينه وبدل السكر حطي عسل
وبالنسبه لشاي بالحليب مااحبذه لانه مافيه فايده

ليش ماتشربين حليب قليل الدسم بالعسل واذا كنتي ماتحبينه حطي اشويه هيل او زنجبيل واضمن لج انه(y)(y)(y)

لانه هذا افضل لكل مره لانه احنا معرضين لهشاشة العظام فا الحليب بدون الشاي الافضل لكن

الاميرة 2;8471153:
بصراحة كلي همه واصرار على الدايت وخاصة يوم شفته وااايد عجبني يالله يابنات قريبا بنودع السمنه المززززعجة والف شكر كابتن ازهار وياليت يستمر هالتجمع لين الكل يوصل للهدف

تعجبني الارادة القوية

حبيت ازيد على النقاط اللي لازم نلتزم فيها
11- شفط البطن دائما قد ماتقدرين
12-الجلوس باستقامه لان هذي الجلسة تساعد على الحرق وتخلي الجسم(r)(r)
13- لاتاكلين الفواكه بعد الوجبه على طول لانها تسبب غازات وانتفاخات
بعد الوجبه بنص ساعه الى ساعة

صباح الخير بنات ها شلون الهمة (y)يلا أح 2

صباح الرشاقة اخباااركم يارب تكونون مبتدين من الصبح وكلكم ارادة وعزيمة والهدف خلوه قدام عيونكم ابد ابد لاحد يضعف عشان لقمة وبعدين يتحسف يالله بداية موفقة للجميع

صباااح الورد لكم جميعاً ،،

اليوم أول يوم نبتدي فيه الريجيم ، وإن شاء الله نستمر عليه
ونوصل للوزن اللي نريده ،،

كيفكم يا بنات ؟ كيف الهمه اليوم ؟ بشروني .. :)

ربوع الشام;8476401:
صباح الخير بنات ها شلون الهمة (y)يلا أح 2

الاميرة 2;8477652:
صباح الرشاقة اخباااركم يارب تكونون مبتدين من الصبح وكلكم ارادة وعزيمة والهدف خلوه قدام عيونكم ابد ابد لاحد يضعف عشان لقمة وبعدين يتحسف يالله بداية موفقة للجميع

عندي كم سؤال لأختي أزهار :

- شو رأيك بفكرة حبوب خل التفاح ؟ قراتها هنا في المنتدى وعجبتني الفكرة
هل من الممكن نطبقها ولا بتأثر علينا ؟؟

- بخصوص الرياضة متى أفضل وقت نمارسها فيه ؟ وشو هي الأنواع اللي تنصحينا بها؟

- بالنسبة لليمون بالكمون متى نشربه بالضبط ؟

:)

ايش اخباركم يابنات ان شاء الله الارادة قووووووووووووووووووووووية انا من فرحتي بهذا التجمع صحيت من الساعة 5 الصبح

يارب يوفقنا وكل وحده تصل لي مراده قولوا أمين

ما شا الله عليكم يا بنات .. كلكم صاحيات من الصبح الا انا الكسوله .. صحيت الساعه 2 الظهر :S و جالسه اشرب ماي الحين :) ان شا الله بكرا اصحى بدري و ابطل النوم للظهر .. و ارادتي للحين 100% الله يوفقنا بنات و نوصل للي نريده ياااا رب :)

ماشاء الله عليكم يابنات أشوفكم من الصباح
دخالين كل هذ ه حماس:groupwave: يالله ان شاء الله على طول
ويارب مانخلص الا كل وحدة وصلت للوزن الي تبيه بس لوسمحتو ممكن تعلموني
طريقة بالضبط علشان ابتدي اشرب من بكره وياررررررررررب اقدر عليه

بنوتات لازم نصحى بدري ، لان وجبة الفطور مهمة للجسم
يعني لازم نلتزم بالنوم المبكر والنهوض المبكر ، واللي ما تتقيد بنعاقبها خخخخخ

وانا بعد ما صحيت مبجر اليوم :(

ان شاء الله من باجر

بس الحمد الله ملتزمه بالرجيم

و احس نفسي مرتاحه :)


أزهاار ممكن تقولين انسب وقت للرياضه ؟؟؟؟؟؟

1-اسمها انين الماضي
2-وزنها 74
3-طولها 161.5
4-الوزن اللي حابه اوصل له 64

مساء الورد على الجميع
أما مابديت الضبط لأن عندي ظروف هاليومين
وأن شاء الله تنتهي على خير وأبدى
لكن مانسيت شرب الماي والفطور بدري والرياضة
والله يعين الجميع

هاه حبايبي اخباركم يارب تكونون على نفس الهمه يالله هذا اول يوم وخلص الحمدلله وعساكم ع القوة