خلوكم معي خطوه بخطوه مع ريجيم دشتي>>>يشمل طبخات الريجيم بالصور

بس بنات ابي اسألكم هل السيزر سلاط ممنوعه بعد؟؟ لأنه الدرسنغ اعتقد عباره عن مايونيز بس طبعا بدون قطع الخبز اللي معاها.. انا امووت فيها بلييز قولولي.. و بعد البافلو ونقز؟؟ ما اعتقد انه عليه بقصم!! والا شو رايكم؟؟

واما قمرهم كلهم عن سالفة تتركين الرجيم كم يوم وتاكلين بس حلويات
ردج عليج ضحكة كذوبة
واني معاها في الرد
اكلج للحيلويات راح ترجع وزنج
لو تاكلين خبز وعيش اهون من الحلويات
واذا كنت انيت في خاطرج اكلي شي قليل جدا
ترى خسارة الوزن الي نقصتية تردينة لا سمح الله
واني اقول دام جسمج تعود على الرجيم
خلاص امشي علي
واخذي لج هالكافي الي قلت عنة
وترى يبين انه من غير سكر
لانة طعمة اشوي مر
بس بصراحة يغني عن الكافي العادى
يعني حزة الي اتحسين روحج كلش تبين تاكلين اي شي حلو
بحاول احط لكم صورتة

ويش هالطبخات الزينة قمرهم كلهم
جوعتيني اني اليوم صايمة ولله الحمد
وناوية ان شاء الله افطر على تمر ولبن
ترى التمر ولبن في رمضان مسموح عند رجيم الدشتي
بس عاد 3 تمرات وكوب لبن
بتحوشينا قمرهم كلهم
حاولي انش اطلين علينا

هلا هذا قلبي
نورتي الموضوع
وان شاء الله اهني نشجعك وتشجعينا
حبيبتي المايزنيز عادي في الرجيم
والنقتس اهم شي مايكون علية بقسماط فيكون عادي
والسلطة عادي اهم شي مايكون فيها خبز

بنات بقول لكم ويش راكم كل وحدة اتسوي لها شريط وزن احسن
علشان اهي تتشجع لما اتشوف وزنها قاعد ينزل
واحنا نعرف كل وحدة ووزنها مايحتاج كل مرة نسال
وعلشان احنا نتشجع بعد
الي تبي تقول لي بسوي لها

علاوي عزيزتي
عن الصويا ماادري بشوف في الكتاب عندي
بس ماجي مسموووح

مراااااااااااااحب واهلين للغالين اخباركم الصويا اختي مسموح عادي

ام عبادي انا ابي شريط لو سمحتي :8884::8884::8884::8884::8884::8884::shy::shy::shy::shy::shy:

ماذا تريدين من معلومات يا فتاة

راجع لكم في الليل .......ززز باروح بيت امي عندنا ضيوف بكرة بساعدها بالتحضيرات ............زززززز

يالله كاتش يو ليتور:Zd_bye_3::Zd_bye_3::Zd_bye_3::Zd_bye_3::Zd_bye_3::Zd_bye_3::Zd_bye_3::8875::8875::8875:

ضحكة كذوبة
كتبي لي كم كان وزنج قبل الرجيم
والحين كم وكم تتمنين يصير

بنات بقولكم عن وصفه لذييييذه وايد تنفع حق هذا الرجيم.. انا كنت اسويها مع الخبز.. بس الحين بالخس هههه

تجيبين صدور دجاج مقطعه مربعات.. و تسلقينهم .. و بعدين في الخلاط تحطين بصله متوسطه مقطعه .. (لاني ما احب شكل البصل في الاكل).. وحبة فلفل بارد مقطع.. و كوب كريمه.. ملعقتين مايونيز.. ملعقتين صويا صوص.. مكعب ماجي.. شوية ملح و فلفل اسود.. ربع كوب عصير ليمون.. تخلطينهم في الخلاط عدل و بعدين تحطينهم على النار مع قطع الدجاج الناضجه.. لحد ما تحسين انه نشف الماء شوي و بعدين تحطين عليه جبن موزاريلا والا بارميزان و رشة اريجانو.. تطلع كأنها دجاج بالمايونيز بس طعمها روووعه...

جربوها و ادعولي :)

يسلموووو هذا قلبي وصفة سهلة
ان شاء الله بسويها:)

وانا ام عبادي ابي :21_184:
انا بصراحة سويت لي لكن ماعرفت وين انسخه والصقه وين يعني وين التوقيع ؟:21_133::21_133::21_133::21_133:

بعيدة عن اهلها ولا يهمك
بس كتبي لي وزنج قبل الرجيم والحين كم وكم تبينة يصير
اي احد يبي شريط يكتب لي هالاشياء
ومن عيوني ولا يهمكم:)

اول مابديت ريجيم كان 76 ولما بديت دشتي كان 74 والحين 70 واتمنىىىىىىىىىىى 58 زي ماكنت لكن يالله ال 60 نعممممممممة

انا اعرف اسويه بس بعد مااسويه شلون اجيبه هنا :2_106::2_106:

هااااااااااااي بناات اخبااركم ...............والله طاافتني اشيااء واايد خخخخخخخخخخخ

وليش يااحلويين مااقلتوولي ان المااجي مسمووح:mad: حراام علييكم :confused::D:cry:عبالي ممنوع عااد انا امووووت فييه وحاارمه نفسي منه واحس الاكل بدونه مااله طعم اشوه

....كأني قرييت المخللات ممنوعه :21_184:سؤال لييش هي ماافيها سكر
؟؟؟؟<<<<<<لاني كلت قطعه على العشى طااحت في خااطري
وصلصه الطمااطم شنو ممنوعه والا لا ؟<<<<<<<<<مسختها صح:21_184: هههههههه

العشى كان من المعصره:bigsmile: خخخخخخ

ماعرفت شااطلب خذت عصير ليمون و صحن نقاانق وبرجر طبعاا كلت اللي في النص بس لو تشووفون شكي مييته ابي اقرمه كله:cry: هههههههه حتي سندويشه ولدي كانت في يدي بالخطا بغييت احطها بحلجي:bigsmile: خخخخخخخخ والله حااله تعذييب:)

وغدااي كان دجااج مشوي وسلطه عاديه مع باذنجان مقلي ومع جبنه حلوم قطعتها وقليتها طلعت رووعه :)

اليوم ريلي يااي من السفر طبعاا طريج بر وياايب خراابييط ويااه كروااسون مشكل جبن وزعتر وغير السندويشات الثانيه هاي طبعاا جااهزه وفي اكيااس بس كاان خااطري فيهاا ابي بس اذووق :(

اختي قمرهم ترووحين وترديين بالسلاامه ولاتخبصيين واايد:no:خخخخخخخخخ

واذا على الجبنه من عيوني اطرشها لج برسم الخدمه بالبريد المستعجل ههههههه
<<<<<<<<< ترى صاادقه مااتغشمر :)

المنتجات من البحرين من محل الغاده حفظييه يمكن تزورينهم في يووم :)

واختي هذا قلبي حيااج الله معاانا والله ينولج اللي في بالج ان شاء الله ؟؟؟؟

[QUOTE=كلـ قمرهم ـهم;6790230]والله مفتشله منكم
انا مااعرف فصيلة دمي:o
انتم كيف عرفتوها اكيد من المستشفى طبعاا
بس اقصد سألتو عنها؟؟
اكيد بتكون مكتوبه بملفي بس من زمان الحمدلله مارحت المستشفى
واسأل امي تقول والله مدري
قلتلها تشوف شهادة ميلادي لان عندها


واخزيااااااااااااااه:o:o:o
و انتي تعرفين فصيلة دمك
حسيت اني جااااااااااااااهله


غريبه شلون ماتعرفين فصيله دمج ......احنا حبيبتي لازم بنعرف لانه مكتووب في البطاقه الشخصييه هههههههه

روحي سوي تحليل فصيله يمكن تعرفيين

مع اني ما كنت ابي اوزن بس ووزني كالن 94.5 والحين صار 91.3 وبما ان طولي 158 فاتوقع اني ابي اصير 58 او 59 :21_209::21_209::21_209::21_209::21_209: دبة صح ؟؟؟؟؟؟؟؟ بس يالله حطيه 60والله احراج

المهم انا بكرة بادخل حرب خخخخخخخخخ باروح عزيمة وطبعا قلت لكم قبل وين و نقطة ضعفي خخخخخخخ الخالة الحبيبة وطبخاتها الجديدة اللي لازم نذوق منها ...... ادعوا لي بقوة العزم والله الروحة بكر لبيت امي جهاد خخخخخخخخخخخخخخخخ اليوم رحت اساعدهم خخخخخخخخخخخخ ااااااااااااااااااااه والله كل الحلويات اللي احبها مسوينه عن قصد جيز كيك وكنافة ............. وفي طريقة جديدة حق حلاوة ذكروني اقولكم عليها بعد الرجيم والله روعة......... المهم خالتي غصبتي اكل محشي خخخخخخخخخخخخخخ عاد اناه خذته بس قمت اعطي بنتي الصغيرة حشوة الرز خخخخخخخخخخ واكل الكوسة ههههههههههههههههههههههههه ما شافتني الحمدلله ......... يالله شوفكم بكرة في الليل ان شاء الله

بعديه عن اهلها هذا الشريط
واذا ماعجبك قولي لي اغيرة لك
شوفي بعلمك اشولن اتنزلينه
اول شي سوي لة كوبي من اهني
وبعدين روحي الرسائل
وبتشفين على يدج اليمين فية مثل تغير الصورة واشياء واجد
ومنها مكتوب تعديل التوقيع
طقي عليها وبتشوفين مربع كبير
مثل الي تبين تكتبين موضوع سوي لة بيست هنام وبعدين سوي حفظ التوقيع
وبيصير لج
مايبي لة شي سهل

ضحكة كذذوبة هذا شريطش واذا ماعجبش قول ياغير اليش