خلوكم معي خطوه بخطوه مع ريجيم دشتي>>>يشمل طبخات الريجيم بالصور

هلا بنات مساء الخير...

انا امس واليوم فطوري كان..كوب كوفي+ملعقتين جبنه البيدزا رووووعه ماخذتها من المعرض عند وحده بحرينيه من منتجات الغاده...بس بعدين اكتشفت انه فيه جزر...خسراه..جان اروحلها امس واخذ من عندها نوعين جبن على مرتدلا والثاني على فلفل رومي...ياسلام عالطعم...

وامس كان غداي سلطه خضرا حطيت فيها 2ملعقه صغيرة مايونيز+ملعقه صغيرة ماسترد+2ملعقه جبن كاسات.+3همبورجر دجاج+دايت فيمتو...

اليوم كان غداي نفس السلطه +3حبات كفته لحم+ماي..


وامس انا واختي طلعنا رحنا المعرض من هناك طلعنا ورحنا بيدزاهات اهي اطلبت بيدزا وانا ماستحملت يوعانه حدي جان اروح مطعم روابي الشام واطلبلي صحن شوارما+دايت سفن..اكلت وشبعت الحمدلله...

والعشا اليوم مممممممم يمكن راح اكل بيض مسلوق+جبن على مرتديلا+خس...

هلا علاوي
اخذي الفيتامينات احسن ترى لناة هالرجيم الفواكة والحليب ممنوع
فعلشان مايصيدج نقص اخذيهم
ماتشوف شر الصغيرة
وهالجو حزة مرض حتى عبادي صار لة كم يوم زكام وبلاعيمة واشوف اليوم السعلة زايدة

وعن ترك الرجيم
اني بعد ماسويت الرجيم شهرين تركت الرجيم شهر تقريبا وقعدت ىكل عادي
حتى على العشى بعض الاحيان ىكل سندويجتين شاوراما وقلت اذا وزنت بطلع زايدة 10 كيلو
اتصدقين والله ثم والله ثم والله وزني مازاد ولاتحرك بعد
حتى اني استانست وتشجعت اني اكمل علية
لا تخافين ولا تحاتين
بس اهم شي الحلويات اذا تركتين الرجيم ماتكثرين منها
يلا بخليكم وبقوم اتغدى جووووووووعانة حدي
بسوي لي كفتة لحم وبققص معاه اشوي خضرة وماييونيز وباكلة
اشوفكم بعدين

اهلييييين بنات كيفكم وش اخبار الريجيم معاكم ؟ :gum:
ومافيه احد غير ام عبادي وزن ؟؟ يبشرنا :21_201:
انا قلت بقعد كم يوم ماني وازنه بس حاسه بفرق بجسمي الحمدلله :shy:واقولكم انا مشكلتي المشي اتكييييسل مع ان السير عندي بلبيت بس كل شوي اقول شوي بس من امس عزمت يوميا على المشي وامس طلعت انا وزوجي ومشينا تقريبا 40دقيقة بس كانت بمهل لكن اليوم زوجي بالدوام ففرصه مشيت نص ساعه :ongue:

بنات بالنسبه للفيتامين سالت الصيدلي قالي مافيه اي فيتامين له علاقة بالبناء والهدم فاذا عندكم اسم نوع معين ياليت تخبروني اجيبه

واليوم سويت اجنحة الدجاج من الكبير على الغداء كااااااانت لذيييييييييييييييذه :up:والعشاء سويت لي حمسة بالنقانق على طريقة الاخت نوره على مااعتقد بس مابعد اكلتها لاني قبل مامشي اخذت لي ملعقة فول سوداني واحس انها مشبعتنيييي مو مشتهيه اكل :21_11::21_11:

مرارررررررررررررررررررررررررررحب خواتي والله ما شاء الله من كثر الاسامي حوليت ههههههههههههه قلت ماراح ا اذكر اسم..... عاد من كثر ما حبيتكم مابي احد يزعل.....:sad::sad::sad::sad::sad::sad::cry::cry::cry::cry::cry::cry:و ياريت والله نقدر نشوف بعض يالله بسوي جولة سياحية بابتدي بام عبادي ( بيتنا مقابل فخر البحرين اللي في المدينة ) والباقي بالدور حسب الاقرب خخخخخخخخخخ
بالنسبة للفيتامينات ما في اي فيتامين له علاقة البهدم والبناء وهي بس تسد النقص في الغذاء وتعوض الجسم وتساعده عشان ما يتعب

بالنسبة للي يحبطون الواحد فتجاهلهم احسن شي والكاتمين الغيظ لو مو محترين ما تكلموا خخخخخخخخخخخ:dd::dd::dd::dd::21_112::Z_cool_c::21_209:

بالنسبة هههههههههههههههههههه ياكثر ما اقول هالكلمة ... اللي يترك الرجيم ماراح يرجع له الوزن الا اذا رجع واكل كل شي بشراهة يعني اذا ردع الاكل عادي مو كثير مارراح يزيد كثير
المهم وين الرد ما قلت لكم خلونا نكتب لستة list التسوق حق الرجيم وين الرد هااا وينه :mad2::mad2::mad2::mad2::mad2:

يالله مع السلامةماقدر اكمل معصبة خخخخخخخخخخخخخخخخ بروح فرة في المنتدى وراجعة

واخيرا احد دخل
بين فترة وفترة ادخل مااشوف احد
بعيدة عن اهلها بالعافية الدجاج

ضحكة كذوووبة لا تقولين صوب فخر البحرين يعني تقريبا صوبنا قريب منا عدل مدل هههههههههههههههه
وعن رد اللستة
اني ماشفت السؤال
بس كنت كاتبة الي اخذتة هالمرة من السوبر ماركت حق الرجيم
والي هو
جميع انواع الاجبان
مثلث ابو الولد ههههههههههههه اموت علية
وسليس
وجبن سائل
وجبن حديد هههههههه احنا انسمة حديد بس ماادري شسمونة الي يجي في علبة حديد
وحلوم
وجبنة بيضة
واخذت من المثلجات
كفتة وبرجر دجاج + لحم
وهامور فيلية+ روبيان
وعندي كباب من قبل بس بصراحة كلش ماعجبني ولا حبيتة
وبيض
وكريمة الخفق
ومشروووم
وطبعا الخضرة معروفة
الي هي طماط وفلف اخضر وخيار
وهذا الي اذكرة

نورة1980;6782109:
هلا بنات مساء الخير...

انا امس واليوم فطوري كان..كوب كوفي+ملعقتين جبنه البيدزا رووووعه ماخذتها من المعرض عند وحده بحرينيه من منتجات الغاده...بس بعدين اكتشفت انه فيه جزر...خسراه..جان اروحلها امس واخذ من عندها نوعين جبن على مرتدلا والثاني على فلفل رومي...ياسلام عالطعم...

وامس كان غداي سلطه خضرا حطيت فيها 2ملعقه صغيرة مايونيز+ملعقه صغيرة ماسترد+2ملعقه جبن كاسات.+3همبورجر دجاج+دايت فيمتو...

اليوم كان غداي نفس السلطه +3حبات كفته لحم+ماي..


وامس انا واختي طلعنا رحنا المعرض من هناك طلعنا ورحنا بيدزاهات اهي اطلبت بيدزا وانا ماستحملت يوعانه حدي جان اروح مطعم روابي الشام واطلبلي صحن شوارما+دايت سفن..اكلت وشبعت الحمدلله...

والعشا اليوم مممممممم يمكن راح اكل بيض مسلوق+جبن على مرتديلا+خس...

نووره حسبي الله على بلييسج طااحوا في خااطري:D_smil1: خخخخخخخخخخخخخخخخخ بالعاافيه حبيبتي بش شهيتيني ..........


انا شرييت من عندها بس خذت اجاار حق ريلي والجبنه يدووب ذقتها عجبتنب:sad: بس خفت اخذهاا واخلص عليها لاني كنت مسويه رجيم وتوني مااسوييت رجيم دشتي وانا من ادري انه في شيء بالثلااجه لازم اخلص عليه :sm2441: فقلت مااشتريهاا احسن حتى هي اللي تبييع ضحكت علي :21_133::21_133:خخخخخخخخخخخ .بس اللحيين مقهووووره :mad2::mad2:حدي لييتني مااخذه مناه اللحين يصير اكل لالا شكلي برجع المعرض اشتري طااح خاطري في المرتديلا ماشفتهاا :dd:ههههههههه



وبروح رواابي الشاام بعد اشتري صحن شواارماا....هههههههه :dd: انتي شكلج صوب بييتنا:dd: خخخخخخخخخخخخ

هلا ام عباادي اخباارج ...والشر مااييج ان شاء الله وسلاامته عبادي ماايشوف شرر

ان باجر برووح اشتري من الصيدليه بس اذكر كنت استخدم فيتااميناات متكاامله كلهم في حبه وحده اعتقد اسم سيترووم برروح اخذ والا بشووف شنو موجوود .....

وعزيزتي بعيده عن اهلها انا بحط وزني الخمييس ان شاءالله عشان اكون كملت اسبوع من بلشت الرجيم ؟؟؟؟؟؟

وان شاء الله ارووح اجرب الجوانح.....

اختي ضحكه انا بعد سمحييلي لا تعصبيين مااانتبهت ولله ههههههههههه

اختبي ام عبادي جبن حديد احنا انسميه جبن قوااطي مو تقصديين الشييدر خخخخخخخخخ وعلى قوولتج شرييت كل انوااع الجبن طلعت حرتي وابو الولد هاي بيتنا لازم حتى ريلي يحبهاا بس منزلينها على كأس بس من جد فضيعه احسن من المثلث كريميه هههه جربيها وكلنا نفس الاشيااء الا هم كنت ادور تتبيله للسطله مافيها كربوهيدراات

شكلي برووح بعد هالاسبوع وبقوولكم

الشر مايجيش علاوي
ويبي لي ادورة الي في كاسات مااعتقد نزل عدنا ولا يمكن نزل ولا ندري بالدنيا ههههههه
احس انه هالرجيم يكلف ولا ويش رايكم ههههههههه بسرعة اتخلص الاغراض

قمرهم كلهم اشوفك موجودة
شخبارك؟؟
وين هالغيبة

قمرهم كلهم شفت موضوعج في منتدى عالم حواء صح؟
ولا وحدة ثانية ماخذة موضوعج
بس مااعتقد لانة مثل الصور بعد

ضحكة كذوووووووووبة;6772704:
هلا قمرهم كلهم .......... قبل ما ارد على سؤالك حبيت اقولك البروستد والكنتاكي ممنووووووووووووووووع الا اذا شلتي الطبقة اللي عليها خخخخخخخخخخخ واللي اهي احسن والذ شي

المهم بالنسبة للبرغر في كثير بس اللي جربته وكانت لذيذ هو من شركة امريكانا وفي نوعين نوع عادي ونوع جامبو ....الجامبو الذ ............. عندك كمان منتجات شركة الكبير المثلجة في كباب وشيش طاووق وهامور فيليه وكور لحم ودجاج وفي اصابع جبن والله هالشركة روعة .... ايه وبعد عندهم بيتزا مو اللي فيها طحين لا بيتزا جبن شكلها مثل الناجتس تنقلي في زيت مناسبة للرجيم لانها بس جبن وزيتون وخضار
لما اروح اشتري اغراض راح اجيبلك اسماء بس من جد الكبير واريكانا عندهم اشياء تهبل

بالنسبة للمطاعم
بما ان حنا هنا بالبرحرين فاغلب المطاعم عندهم مشاوي من كباب وريشلحم وشيش طاووق وتكة ودجاجة مشوية ...... واخذ كمان شاورما في صحن او كبدة في صحن
والمطاعم المشهورة
كنتاكيو بيتزا هت ما اقرب منها من يوم ما طبقت الرجيم
هارديز في عندهم وجبة قطعة لحم كبيرة داخل خس وفيها طماطم اسمها لو كارب تنفع للرجيم والا اشتري اي ساندويش واخذي الخضار اللي داخله وقطع اللحم هههههههه لانها ما شاء الله تجي كبيرة
ماكدونالدذ لما اروح اخذ صحنين سلطة سيزر لان فيها خس وجبن ودجاج
تشيليز مارحته غير مرة وخذت اكله حارة ههههههههههه قللبت بطني لاني ما اقدر على الاكل الحار
واللي فيه بهار
جيسميز اخذ منعندهم غريل جكن ساندويش اللي هو دجاج مشوي يجي في براون بريد بس ما اكل الخبز او سلطة
يم يم تري اخذ منه الترياكي اكل اللحم والخضار خخخخخخخخخخ واترك اارز او المكرونه اللي معاه
بالنسبة للمشروبات اذا فيه دايت سفن اخذ واذا ما فيه تتئ تهئ ماي بس


خلني اذكر بعد راح اكتب

المهم ايش رايكم نكتب لستة تسوق لرجيم دشتي عشان نعرف اهم الاشياء والمنتجات اللي ممكن نشتريها والمتوفرة

قبل لا انسى اللي تسال عن تناول الفيتامينات وحبوب منع الحمل مادرري تنظيم الدورة عادي مالها علاقة ما تسوي شي وعشان تطمأن خلها تسال الصيدلي او دكتورتها
بالنسبة لكم لازم كل وحدة تاخذ مالتي فايتمين ومعادن عشان تعوض النقص اللي صاير في مصادر الاغذية وكونكم ما يصيدكم شي ما له علاقة لاززززززززززززززززززم تاكلون

السلاااااااام عليكم

مشكورين للي سألو عني
واسفه عالتأخير
كاعندي مشكله بالدي اس ال

هلا ضحكه
اكيد انا اشيل الطبقه الخارجيه من البروستد والكنتاكي
اصلا انا مااحب الجلد

وبالنسبه لامريكانا قد جربتها وكرهتني بالمفرزن ابي شركات ثانيه
الكبير قد جربتها اهون من الباقي
فيه شركه عندنا مدري اذا عندكم اولا اسمها رضوى البرغر ماعجبني كثير لابأس فيه هو كل منتجاته كلها دجاج بس فيه عندهم اشياء متبله وحركات شكلي بجربها
هاذي جايبتها من النت لسا ماشريتها



والبرغر الجاهز اسوي نفسك اشيل الخبز واكل اللحم بالسلطه والمايونيز
اما برغر هارديز من زمان ادوره ماحصلته كان عندنا من سنتين اختي كانت تطبق الريجيم واكت معاهاكان روووعه بس ماحصلته بالمنيو يمكن صاير بالطلب

والفيتامينات والله كنت اتكلم انا وزوجي فيها اليوم صايرين كسالى ونتعب من اي مجهود بسيط ويومنا كله نوم قال شكله لازم ناخذ فيتامينات

وجسميز كيف نوعية اكلاته نفس تشيليز؟؟؟
عطيني عنوانه بالضبط احتمال اروح البحرين

**ام عبادي القمر**;6789604:
قمرهم كلهم شفت موضوعج في منتدى عالم حواء صح؟
ولا وحدة ثانية ماخذة موضوعج
بس مااعتقد لانة مثل الصور بعد

ايوه انا

بس هنا حماس اكثر
احب موضوعي هنا
مع اني ارد هناك نفس الردود كوبي وبيست بس مافي حمااااااس

**ام عبادي القمر**;6773447:
بسم الله الرحمن الرحيم
الحمد الله رب العالمين


وكريمة الخفق اني اولا مرة اخذها وبجربها
بس يعني اقدر استخدمها مع اي طبخة
مثلا اني اليوم بسوي العشى لحم مفرووم
اقدر اخلي عليها واحطها بالفرن؟؟

ايه تقدرين تستخدمينه باي حمسه او بالفرن بس هو عادة يحطون عليه نشا او طحين عشان يثقل ويصير رايب
بس انا احط معاه ملعقة جبن سايل واخلطه بالخلاط واخليه يغلي مع الحمسه لحد مايثقل

واخذت الذ واحسن
شي
قعدت ادور كافي قليل السعرات الحرارية
لقيت مجموعة من الكاكوا خالي من السكر طعما اممممممممممممم جنان
رووووعة قليل علية
اخذت لي نوعية نوع دارك
والنوع الثاني بالحليب
ادري بالحليب ممنوع
اصلا اني ماباكل منه الا اذا قص علي ابليس ههههههههههههه
افضل من آكل اي نوع عادي

مراح اهاوشك عن كاكاو الحليب لأنك معترفه
بس بسألك عن اللي بدون الحليب متأكده كلششششش مافيه سكر
انا اكثر شي اشتقتله هو الحلا

**ام عبادي القمر**;6773477:
وعن المطاعم

اما عن المطاعم الوجبات السريعة اني موتي جسميز امووووووتة علية
ومااكل من الا يوم الي اسوي اووووف من الرجيم
يعني كون مثلا مسوية الرجيم فترة طويلة
آخذ لي وم اجازة واطلب لي وجبة من جسميز
او كنتاكي
بس جسميز اكثر

شهيتوني بجسميز

**ام عبادي القمر**;6773498:
بنات شوفوا وزني في الشريط 90 صح
وزنت امساعة في جيان
بس ماادري الميزان صح ولا لا
طلع

توقعوا :wink:
خلاص بقول هههههههههههههه:

85(y) ماشاء الله لا اله الا الله
تتوقعون صح
اني صح توني مبتدية رجيم من امس وماشية علية مضبوط
بقبل كنت اخفف واجد
يعني اكلي جدا خفيف
وبعض الاحيان آكل كلشي بس بعد بشكل خفيف
بروح اوزن في المستشفى وبتاكد

[SIZE="4"]مبررررررررروووووووووووووووك وعقبال ال60 انشالله بصحه وعافيه

[/SIZE]

alawe;6773519:
هلاا بناات اخبااركم .......

اختي قمر مثل مااقلتي شلي اللي تقدريين تااكليينه من دجااج والا لحم والا روبيان والصيني بعد بس لاتاكليين نودلز و الصووص اذا فيه نشاء لاتقربينه

انا عشان كذا سألتكم
اعرف ان الصيني يتبلون الدجاج او اللحم بالطحين ويقلونه بعدين يسسوون حمسه عشان كذا خايفه وغير كذا الصويا فيه سكر

بعيده عن اهلها;6774302:


\وانا اريحه بعد 9 ايام عند اهلي ياخوووفي اخرب بس لاانشاء الله لان الحلو بهالريجيم ان خياراته كثيرة بس يابنات سمعت انه يناسب لفصيلة الدم o مادري صح هالكلام او لا

انتي وين ساكنه بعيده
غرررررررت من البحرينيات بيتعرفون على بعض خخخخخخخخ
لهجتك كأنك من الشرقيه
صح



[SIZE="4"]الله يهديك قمرهم البروستد مغطا بالبقسماط مايصير وبعد مايصير النودلز اطلبووووا اي شي من غير رز وخبز واتوقع الستيك خياراته كثيره ومو ممنوع

[SIZE="4"]لااااااااااااااا تخافين
شفيك مو واثقه فيني اكيييييييييد النودلز ممنوع انا اقصد قبل الريجيم هذا طلبي ومع الريجيم بطلب بدون الرز والنودلز
[/SIZE][/SIZE]

**ام عبادي القمر**;6776410:
واني بعد سمعت انه يناسب فصلية(( اوو)) لان هالرجيم يعتمد على البروتنيات والبرتنيات تناسب هالفصيلة
واني الحمد الله من هالفصيلة:)

والله مفتشله منكم
انا مااعرف فصيلة دمي:o
انتم كيف عرفتوها اكيد من المستشفى طبعاا
بس اقصد سألتو عنها؟؟
اكيد بتكون مكتوبه بملفي بس من زمان الحمدلله مارحت المستشفى
واسأل امي تقول والله مدري
قلتلها تشوف شهادة ميلادي لان عندها

alawe;6777179:
من جد فرحتوني انا فصيلتي o+ بعد وانا شاء الله ينفع معااي انا بحط لكم وزني يووم الخمييس بس انا وزنت واحس الميزاان يتحرك ههههههههه

واخزيااااااااااااااه:o:o:o
و انتي تعرفين فصيلة دمك
حسيت اني جااااااااااااااهله

alawe;6781331:
هلابناات

السؤال هو صج اذا تركت للرجيم اللي نزلتهم بيرجعون بسرعه ؛؛؛؛؛؛؛؛ ومشكوورين <<<<<<<<خلااص برووح خخخخخخخخخخ:sm113: موفقيين ان شاءالله واختي قمر ويينج وحشتينااا وام عباادي الله يرزقج ان شاء الله ويعطييج على قد نييتج ياارب:888345:

انا بصراحه ناويه اتم عالريجيم على طول
عشان ماارجع للوزن
يعني تعودت على فراق الخبز والرز
بس بخلي الخبز للفطور
والباقي باكل بدون نشويات
يعني بخلي نصيب النشويات اليومي يكون في كيكه او عصير او فاكهه لأن هذول االي فقدتهم بصراحه

بعيده عن اهلها;6787925:
اهلييييين بنات كيفكم وش اخبار الريجيم معاكم ؟ :gum:
ومافيه احد غير ام عبادي وزن ؟؟ يبشرنا :21_201:
انا قلت بقعد كم يوم ماني وازنه بس حاسه بفرق بجسمي الحمدلله :shy:واقولكم انا مشكلتي المشي اتكييييسل مع ان السير عندي بلبيت بس كل شوي اقول شوي بس من امس عزمت يوميا على المشي وامس طلعت انا وزوجي ومشينا تقريبا 40دقيقة بس كانت بمهل لكن اليوم زوجي بالدوام ففرصه مشيت نص ساعه :ongue:

[SIZE="4"]انتي ماوزنتي شكلك مثلي مانقصنتي؟؟؟غير الاربعه اللي بالبدايه

بنات بالنسبه للفيتامين سالت الصيدلي قالي مافيه اي فيتامين له علاقة بالبناء والهدم فاذا عندكم اسم نوع معين ياليت تخبروني اجيبه

خذي اي فيتامين ينصحك فيه
وانتي اسأليه وقوليله عن نوعية الريجيم والفيتامينات اللي تناسبه

11:[/SIZE]

نوره وعلاوي
شهيتوني بالجبنه الله يسامحكم

انا مره جربت نوع زي كذا بكارفور كانت لذيييييييييذه
بس ماعندنا كارفور الا بالخبر
شكلي باخذها اذا رحت وبصورها لكم

الحين بقولكم اخر المستجدات عندي

امس الثلاثاء ولله الحمد خلصت المرحله الاولى

والنتيجه نفس ماهي في اول اسبوع
4 كيلو فقط بس الحمدلله اختي تقولي برافو هي تمت 19 يوم مانقصت 4

وزوجي نقص 5 كيلو ماشاء الله 3 كيلو في اول اسبوع و2 كيلو في الاسبوع الثاني
بس مازا فوق ال100 كيلو بس كل اصحابه يقولون مبين عليك النحف

وانا من بدت الريجيم ماشافني الاشغالتي وزوجي كلهم يقولون مبين النحف وانا بعد احس خفت التصفطات
وبنطلوني اللي احبه سكر علي بالراحه

بس طمعانه بالمزيد ان شاء الله

عشان كذا قررت قرار خطييييييييييييييير وابي رايكم

خاصة [COLOR="red"]ام عبادي مالنا غنى عنك يالخبيره

قررت اني اترك الريجيم هاليومين بس طبعا مراح اخبص كثير بس بعوض اشتياقى للحلا

وبنروح الخبر وانشالله مقرره مااكل كربوهيدرات كثيير يعني استمر بالريجيم بس اكل حلا وخاصة اننا بنروح عند ناس
لأن كل الي ابي انزلهم 4 كيلو
فقلت اخرع جسمي بالاول بالحلا لأن شكله تعود عالريجيم وبعدين ارجع اعيد المرحله الاولى وبكذا انشالله انزل الاربعه كيلو اللي ابغاها

انا كنت مقرره ادخل المرحله الثانيه لكن قريت في موقع الدكتور ان مع دخولك للمرحله الثانيه وادخالك لبعض الممنوعات راح تقل سرعة نزولك فخفتلأن بنص 8 بتكون عندنا ملكه وابغا انزل قبلها لازم

هاه شرايكم تتوقعون قراري يجدي نفعا؟؟؟؟؟؟؟؟؟؟؟؟؟؟؟؟؟؟حلوه يجدي

اما بالنسبه لاخر الايام بالريجيم
صرت مااكل يادوب وجبه وحده بس واكون مغصوبه مو مشتهيه بس من الجوع
اشتهي الاكل برا اكثر
والفطور اكون مواصله مانمت وافطر مع زوجي اومليت محشي بالجبن

يوم الاثنين تعشينا مشاوي بصراحه ادمنتها بدون خبز رهيييبه وهامور مشوي بعد حلووو

اما الثلاثاء
سويت لزوجي ايدام خضارولحم >>>مرق
وانا سويتلي دجاج محموس مع فلفل اخضر وملفوف وحطيت عليه كريمه كانت روووعه
ادمنت كل شي فيه كريمه

ردي علي يام عبادي بخصوص فكرتي الخطيررره[/COLOR]

:mad:ام عبادي وعلاي

بغيت اقولكم ماعليكم من احد

ونصيحححححه قريتها في عالم حواء واشوف انها صحيحه

لااحد يدري انك مسويه ريجيم....

كذا الناس بيصيروون يراقبونك وحى لو نازله بيقولون مو مبين بس كذا تحطيم........

كلش لاتعلمون حتى اقرب الناس لكم خاصة ان ريجيمنا مايفضح بالعزايم

يعني اذا احد عرض عليك حلا قولي مو مشتهيه واصري اكيد بيقولون مسويه ريجيم بس لما يشوفونك دبيتي بالعشا بيقولون لا شكلها مو ريجيم وبيبطلون يطالعونك


انا لما جتنا مرة اخوي وقلتلها اني نازله 4 كيلو والله من بعدها مانزلت شي
مع انها مسكينه ماتقصد بس قالتلي مااشوف انك نازله اربعه اشوفك سامنه
قلت انتي ماشفتيني من شهرين كنت اسمن من كذا


خلاص اتفقنا قولو بطلنا الريجيم

بصراحه بطو كبدي هاللي حطموكم:mad:

بما ان ام عبادي جراتي غير موجودة خخخخخخخخخخ راح ارد انا لا تخربين الرجيم بالحلا الكاكاو فيه كافيين يعني لو رجعتي له ماراح تتركينه اكل فواكه احسن بس حتى الفواكه حاسبي لا تاكلي اللي فيها سكر كثير مثل الموز والمانجو والعنب انا عن نفسي اذا اشتقت للسوالف هذي اكلها :21_131::21_131::21_180::21_180::21_180::21_180::21_133::21_133:خخخخخخخخخخخخخخخ ادري بتقولي خبصت لا بس الله يعزك اعلكها خخخخخخخخخ وبعدين ارميها .......... اخذ الطعم خخخخخخخخخخخ بس

نصيحة اللي بديتيه لا تخربينه واصلي عشان تلفتي الانظار في الملكة وخصوصا للي ماشافوكي من زمان :cool2::cool2::cool2:(r)(r)(r)

حبيت اقولكم ام عبادي

ان وجودك في هالموضوع هو اللي اعطاه الاهميه

بصراحه مفروض انتي صاحبة الموضوع مو اناخخخخخ

ترى مانقدر نستغني عنك

ضحكة كذوووووووووبة;6790406:
بما ان ام عبادي جراتي غير موجودة خخخخخخخخخخ راح ارد انا لا تخربين الرجيم بالحلا الكاكاو فيه كافيين يعني لو رجعتي له ماراح تتركينه اكل فواكه احسن بس حتى الفواكه حاسبي لا تاكلي اللي فيها سكر كثير مثل الموز والمانجو والعنب انا عن نفسي اذا اشتقت للسوالف هذي اكلها :21_131::21_131::21_180::21_180::21_180::21_180::21_133::21_133:خخخخخخخخخخخخخخخ ادري بتقولي خبصت لا بس الله يعزك اعلكها خخخخخخخخخ وبعدين ارميها .......... اخذ الطعم خخخخخخخخخخخ بس

نصيحة اللي بديتيه لا تخربينه واصلي عشان تلفتي الانظار في الملكة وخصوصا للي ماشافوكي من زمان :cool2::cool2::cool2:(r)(r)(r)

ياحبيبتي
انا عارفه انه ممنوع وفيه كافيين

بس انا ناويه هاليومين ابطلللللللل يعني ممكن اكل رز وخبز بس انا مو مشتهيتهم صرت اقدر استغني عنهم

عشان كذا بكتفي بالحلا
وبعدين ببدا من يوم الجمعه او السبت المرحله الاولي من جديد

بنات بما اني بغيب عنكم هالويك اند

جبتلكم شوية طبخات وافكار صلح للريجيم

بس طبعا انتم غيرو اللي مايصلح مايحتاج اقولكم

هذا طبق ستيك من الاخت ام اياس في عالم حواء

المقادير

لحم مقطع مكعبات متوسطه (بقر او غنم ) انا استخدمت بقر مع اني ما احبه بس زوجي يحبه وهو المتوفر

1 ملعقة اكل زبدة عادية او زبدة مارجرين

كوب فطر (طازج افضل) مقطع جوانح

نصف كوب بصل مقطع صغير

فص ثوم مفروم

2 ملعقة اكل بابريكا

ربع ملعقة اكل فلفل اسود

كوب مرقة ماجي (ماجي مذوبة في ماء)

نصف كوب كريمة حامضة (sour cream)>>>مااعرفها بس اتوقع انها مثل الزبادي استبدلوها بكريمه عاديه
2ملعقة اكل دقيق>>>>cancle

التقديم ... مع رز او مكرونه>>>كااااااانسل


الطريقة

في مقلاة على نار متوسطه ذوبي الزبدة ثم اضيفي لها اللحم وقلبيه جيدا ثم غطيه واتركيه حتى ينضج
مع التقليب بين فترة واخرى ( حاولي ما تخلين الصوص اللي يطلع من اللحم ينشف بنحتاجه بعدين )




هنا صورته بعد مانضج




شيلي اللحم من المقلاة واتركيه جانبا .. في نفس المقلاة وعلى بقية صوص اللحم اضيفي
( الفطر والبصل والثوم والبابريكا و الفلفل ) وقلبيه الى ان يتشوح الفطر ويذبل




اضيفي مرقة الماجي والكريمة الحامضة والدقيق وقلبيه جيدا حتى يثخن






اضيفي اللحم واستمري بالتقليب ( اذا حسيت انه تلكع عليك اضيفي شوي ماء) واتركيه يطبخ قليلا






وانتهينا وقدميه مع رز او مكرونة وبالعافية على قلوبكم