وزنكـ فوق التسعين .. تعالى انظمى لنا ..

السلام عليكم ورحمة الله وبركاته ،،،

مساكم الله بالخير يا عرايس والله موضوع حلوووو للأسف توني شايفته لأني كنت مسافره وتوني راجعه اليوم، المهم أنا معاكم لأني خلاااااااص لاااااااااااااااازم التزم بنظام معين عشان انقص من وزني لأني كل ما ابتدي في ريجيم اتملل واتركه يولي (6) طبعا بليس سبب البلاوي اللي احنا فيها لكن خلاااااااص لازم التزم وانقص من وزني والبركة في الإرادة اللي بنقويها كلنا مع بعض

انا وزني 85 وطولي تقريباً 162 وعمري 33 سنة متزوجة من عشر سنوات وللحين ما حملت (الله كريم) المهم اختنا شما العيناويه نزلت موضوع حلو في قسم المتأخرات عن الحمل وهو نظام حق اللي تبغي تتخلص من تكيس المبايض وتحلم بالنونو وأنا الحين ماشيه عليه وهو سهل كلش الفطور توست اسمر مع جبن لو فات او كورن فلكس فتنس مع حليب لو فات او شابورة الريحيم مع حليب لو فات او شاي حليب لوفات بدون سكر او سكر دايت، الغدا دجاج او سمك او لحم مشوي مع سلطة والعشا يمكن يكون نفس الغدا او نفس الفطور ،، انا عن نفسي احاول كل شي يكون لوفات يعني الحليب الخبز المعكرونة آخذ السمرا وامس اشتريت طحين بر من برادات السدحان اللي في الرياض (بما اني كنت في الرياض) وباحاول اسوي لي معجنات بالطحين الاسمر يعني عشان ما اتملل واجس اني مقيده، ولما كنت في الرياض تغديت من مطعم عالم الحمية مرة ومن مطعم ثاني بعد تقريباً نفس الأسم وهذاني احاول اتمسك بالنظام واشرب ماي وايد والله كريم مب ناقصني غير الرياضة وانشاء الله احصل وقت لأني بصراحة اشتغل وادرس في الجامعة وهالأيام امتحانات نهائية

المهم طولت عليكم غداي اليوم كان سلطة تونة وحتى عشاي نفس الشي وفطوري كان شابورة الريجيم مع شاي حليب لو فات بدون سكر وانا اكتب لكم الحين يمي كوب شاي اخضر:D

والله يقدرنا نوصل للوزن المطلوب

بانتظار يومياتكم يا عرايس الرشاقة:tongue:

السلام عليكم ورحمة الله وبركاته ،،،

هلااااااا والله بأهل الرياض تسلمين يا لينا يا الغالية على ترحيبج فيني عاد انا توني اليوم الفجر راجعه من الرياض الصراحة وبدون مجامله انا احب الرياض وايد يا ختي اسواقكم تهبل تهبل تقدرين تقولين انا زائره دائمه للرياض من سنة 2002 لين اليوم وانشاء الله على طول :D