-تكملة_ إلى بنات عروس ...اللي تم غلقه_للتواصل _

:9_33:مرحبا بنات ما شاء الله عليكم على هذا الحماس و الله برافو عليكم.
طول اليوم كانت الكهرباء مقطوعة لذا ما دخلت النت.
شكرا على كيفه و بنفسجة على التشجيع.:9_33::clap:
انا مليت من السوائل من بكرة ان شاء الله راح ابدا ريجيم الدتوكس لتنقية الجسم مدته 3 ايام علشان حسافر يوم الخميس و حرجع السبت و بعدين باذن الله راح ابدا ريجيم السحاب انا نزلت عليه كثير.

ام حبيبي وسام شكرا على تشجيعاتك الدائمة رغم انك مابتعملي ريجيم و ان شاء الله تنضمين للقافلة في اقرب وقت:1_3:

ممكن أبدأ معاكم ؟؟

الوزن 90

الطول 159

الوزن المطلوب 70

المفروض 60

بس الشغله بالتدريج

أوك حبايبي

ميرسيه

:9_33:ام البنتين و الله اشتقنا لك فين هذه الغيبة و الف حمد لله على السلامة يا رب يوفقك و يخلي لك بناتك الثلاث:clap: اهم حاجة في الرضاعة انك تشربي ماي كثير و على الخصوص قبل الرضاعة بنصف ساعة:1_3:

:9_33:أهلا ومرحبا فيكي 55سهرانة55 يالله حبيبتي تشجعي كلنا ايبتدين باوزان كبيرة و الحمد لله بننزل بالتدريج:clap:
اي ريجيم راح تتبعين و الرياضة؟

mo0o0o0n و الله ما شاء الله عليكي رغم تخبيصاتك وزنك ماشي تمام المهم ما يزيد .
و على فكرة مافي حدا بيعمل ريجيم بيلتزم به حرفيا لازم من بعد التخبيصات المهم ما يبالغ و يزيد وزنه بس لو نفسك في حاجة الذوقيها فقط.

بتبع أتكنز لأني مره جربته و جاب فايده معايه و بالنسبه للرياضه عندي سير

و بحاول أمشي عليه ساعه يوميا و بعدين أزيد

أشكرك على ترحيبك انشالله أكمل معاكم و أنحف

تحية الى حبيبتي sousou83 ان شاء الله تكوني متابعينا من لبنان.
فييييييييييييينك قطرية؟
حبيبتي الفاتنة لو خلصتي امتحاناتك نحن بانتظارك.

ممكن انتي تنصحيني باعتبارك مجربه

يعني ايش انتي استعملتي ريجيم و رياضه

كم أخذت منك وقت

كم كنتي تنقصي بالأسبوع ؟

يعني احكيلي عن تجربتك اذا ممكن

و مشكووووره

:clap:ان شاء الله حبيبتي 55سهرانة55 توصلين للوزن لي تبغيه في اقرب وقت المهم ما تستسلمي و اهم شئ الرياضة و ساعة على السير في اليوم كافية كافية علشان جسمك ما يتعب و كمان ما تملي انا الحمد لله بلعب رياضة ايروبيك كمان ساعة في اليوم من شهر 10 الماضي و الحمد لله لسة مستمرة.
ربنا يوفقنا جميعا:clap:

اول ما بدأت الريجيم اعتمدت على التخفيف علشان جسمي يتعود و بعدين عملت ريجيمات كثير بس كنت بسرعة بمل منها .واهم حاجة علشان تضعفين و جسمك ما يترهل و ما يرجع وزنك انك تنزلين شوي شوي انا كنت بحط هدف اني انزل 4 كيلو في الشهر و الحمد لله جابت نتيجة و كل الوزن لي نزلته ما رجع ثاني رغم اني بخبص احيانا.

انا بديت انقص وزني من شهر 1 و الحمد لله نازل لحد هلا 21 كيلو كان وزني 98 و الان 77 كيلو و كل هذه الزيادة كانت من الحمل ابني عمره هلا 1 سنة و شهر و الحمد لله ما بقى عندي بطن و اهم شئ هو الاستمرارية و كمان انا ما بحب اتعشى و يمكن هذا لي ساعدني كثير لان اغلبية الوقت بتعشى بس زبادي او حليب حتى لو مكنتش عاملة ريجيم .

:9_33:تصبحين على خير حبيبتي 55سهرانة55 و ان شاء الله اكون افدتك و لو شوي بكرة نتلاقى ونكتب يومياتنا باذن الله و البنات راح يفيدوكي و يشجعوكي على الاكيد بتجاربهم الحلوة و بالتوفيق ما تنسي اشربي ماي كثير را ح تفيدك:1_3:
:9_33:

صباح الخير
يايه اسابق بنفسجيه ههههههههههه
شحااالكم واخبااااركم


مووون انا عندي سكر لرجيم بس ماستخدمه
حاطه الرجيم بين عيوني :dd:


ام بنتين يعني كنتي اتشاركين من قبل ووقفتي صح
بشرينا شو صار معاج


imona-06 يامرحبابج نورتي
كيف رجيمج اللي بتسوينه ؟ عجبني اسمه هههههههه


سهرانه حياج بينا وان شاء الله تلتزمين بالرجيم
وانشووفج كل يوم عشان انشجعج واتشجعينا


بنفسجيه علووومج شو سويتي اليوم ؟

:2_106:
صباااح الخييير ( بيني وبينكن لا تخبرون حد كنت يايه اقول صباح العسل وبعدين محيتها وقلت صباح الخير بما انه العسل ممنوع يعني اوني عشاني ما اشهيكن :2_22: )

توني نااشه وسويتلي جااهي من دون شكر وحليب .. بعدني ما شربته .. هاذوه عداالي :2_22:
والحلينه يالسه اكل نص برتقاله .. ما اباها تخلص حراام :sad:
وبعد شويه بييني البيض
:2_106:

وابشركن بعد
امس ما سويت رياضه
ولا رحنا نمشي :gum:
يوونا عمااتي وتاخرن عدنا وما رمنا نطلع .. بس اليوم ان شاء الله معاوضه

اشحااالكن بنوتااااات
شو الرجيم وياكن ان شاء الله كل شي تمااام

هيه صح ما رحبت بالبنات اليدااد
مرحبابكن حبوبات وان شاء الله كلكن تخفن وتغدن غزلاااااااااان :D_smil1: بس شدن حييلكن واتبعن الرجيم وواصلن الرياضه :ok: وكل شي تمااام

موون
يباالج ضربه صغيرونه .. تدرين انا امس يايه صوب المطبخ واشم رييحة حلووووووووه جان اسكر خشمي :2_22: قالت امايه شفييج قتلها اكلكم ريحته حلوه وانا قلبي رهيف ما اتحمل .. قعدت تضحك :gum:
والحينه يوم سرت اسوي الجاهي شفت كييك جدااامي .. وقعدت ابحلق فيه اقول في خاطريه قطعة وحده ما بسوي شي .. موون كل يوم تخبص من عندها وانا حلييلي ما اخبص في شي .. وحده ما بتضر خخخخخخخخ
بس اشكر فنننني فدييتني ياربي .. قلت لاااا ماابى كلها شكر وزبده وكريمة وبلاااوي ..
والحمدلله انتصرت في المعركه :D_smil1:

على كيفه
اشحاااالج الخويه.. هههههههه هيه والله المطبخ روحه حمام سونا
عيل خلاص مب لازم تلعبين رياضه كل يوم سيري سوي غدا وعشا وبتفيدين وبتستفيدين
ماماه ترى الغدا يوم جبن قريش او اي جبن منزوع الدسم مب تسيرين تحطيلي جبن كرفت :2_22:

تدرين الشمكله ماعندي جبن منزوع الدسم !! ولا جبن قريش واصلا ما اعرفه انا شو هذا جبن قريش ؟؟ كيف طعمه يكون ؟ ومن وين اييبه ؟

imona-06
حتى انا تصدقين بسرعه امل من الرجيم .. بس ان شاء الله هالمره ما امل دامكم ويايه
العفو افا علييج .. لازم نشجع بعضنا ..


بسير اتريق :B_wink:

فدييت النشيطين اللي سبقووني
الحمدلله يعلني افدااج عللووم الخير .. انتي شعلوومج
ما سويت شي اوني بتريق .. الجااهي برد حتى من الصبح مخلتنه عدالي ولا شربته

حلوول معاد هوب شاهي هههههههههههه
ماشربه احسنلي
يقطع الكبد


بعدين تعالي
:dd: انتي اللي ماتعرفين لجبن قريش
خوفي اتحطين جبن بوك ههههههههه

طلبت من الدكان جبن قالي مافي منزووع الدسم
خذت مال البقرات الثلاث :dd:
احب المااالــح
وبعد بيبسي دايت :D_smil1:

غرييبه
قطريه .. وليوبارد قطر
ماالهن حس
ويينكن ؟؟ عسى المانع خيير ياربي

ههههههههه حلول عااد الله يهديج
لا خلاص شربته .. صح انه كان دافي بس يالله من حلاته يعني وهو حار كله واحد .. في الحالتين مافيه طعم !!!
ههههههههه والله ما اعرفه .. انا ما دقيتله الدكان لانه ادريبه ما عنده ..
اممممم شو ها البقرات الثلاث ؟؟ مب المثلثات اللي مثل البقره الضاحكة !! صح ولا
انزيين وشو عاد low fat ولا عاادي حتى لو ماكان منزوع الدسم على الاقل يكون low fat

عااااشو بيبسي دايت بعد .. ترى انا ما يخصني .. مب تشربن عمسؤووليتي انا قلتلكن اللي مكتوب
ههههههه امس ما تجرات اشرب
يعني بصراحه احسه مثل العادي ؟؟ كيف يعني طعمه حلوو ومافيه شكر !!! هاي مب داخله مخي

خبريني الحينه شو اسوي بالجبن ؟؟

ان شاء الله يكونن بخيــر