اللي بدأت محاوله تخفيف الوزن و تحب تشاركنا مشاعرها اليوم

عزيزتي أم القوقو مشكووووره على اهتمامج وردج علي يالغاليه إن إشاء الله تقومين بالسلامه وأنا ما راح أنساج راح أدعيلج بصلاتي ...... نسيت أقول لج إني كنت أسوي رياضه المشي قبل رمضان والحين في رمضان بديت من يومين أمشي على مكينة المشي ومن باجر إن شاء الله راح أسوي رياضة شد الكرش وراح اشتري حبل للقفز
أووووو طولت عليج واااايد بس يالله ماعلي انتي حبوبه وراااح تتحمليني عزيزتي بس عندي سؤال أخير أبي كيف كنت تعرفين كم سعره كلتي في اليوم يوم كنتي تسوين هذا الرجيم (السعرات الحراريه)وأنا يعني يوم آكل عيش شوي مع صدر ولبن قليل الدسم مع سلطه على الفطور وأشرب ماي وعصير بين الفترات أو آكل حبة برتقالة وسلايس فيه جبن وطماط على السحور .يعني هل تجاوزت 900 سعره حراريه أم لا؟ وكيف أعرف كم سعره أنا كلت في اليوم ؟؟؟؟؟


والسموحه على الإطاله

أهلا بالجميع وكل عام وانتم بخير
انا للاسف خربت الريجيم من بداية الشهر لكن وعدت نفسي اني اسوي كنترول على اكلي من اليوم ورايح
ام القوقو حبيبتي اللله يتمم حملك على خير ويرزقك بنت زي القمر اممممييين

مضاوي

ارسلت لك على بريدك الخاص رساله شوفيها

بالنسبه للرياضه شطوره ما شاء الله عليك

بس لا ترهقين نفسك و تكثرين في البدايه عشان ما تملين

خير الامور الوسط

و فرحت يوم قلتي دعيتي لي بصلاتك

بالتوفيق يا عسوله

يا رب ترزق كل البنات الرشاقه و الصحه


نبراس الشرقيه

وش قصتكم يا بنات لا تخررربون الله يصلحكم

بس برضه كويس انك عزمتي تبدين من الحين

تذكروا يا بنات بقول لكم شي

انتي تسوين ريجيم لنفسك مو لاي احد ثاني

يعني المستفيده الوحيده هي انتي

حاولي انك تحددين اهداف صغيره مثلا 5 كيلو كل مره

بالنسبه للي عندها مشوار طويل شوي

و كل ما خلصتي ال5 كيلو على خير كافئي نفسك بشنطه مثلا او صندل

جديد لحد ما توصلين الوزن المطلوب

ذيك الساعه كافئي نفسك بلبس جديد على مقاسك الجديد

يكون طقم مع شنطتك الجديده و صندلك الحلو

و تخيلي كيف بتطلعين و كيف بيكون شكلك

و انتي داخله على ناس مثلا او زايره ناس بلوك جديد تماما

رشاقه و ملابس جديده و شنطه و شوز

بتكونين وحده مختلفه وحده جديده

و حتى احساسك بيكون غير

و نفسيتك متفتحه بتحسين نفسك زي الورده

كنتي مسكره و الحين تفتحتي

و بتكونين راضيه عن نفسك و بتعرفين معنى الثقه

صدقوني

احلى احساس في العالم

لا تحرمين نفسك من هاللحظه

تحياتي لكم جميعا و تمنياتي لكم بالتوفيق

salam aalaykom akhawate iche akhebarekom meaa régime we ramada
kifik habibeti ome koukou yeseale 3alik l khire wel 3afeya in chae lah kifik meaa hamel ya rab yekawimik bi salama we yeji bébé aala khire ya rabe ama 3ani ana badite régime awel ramadan arebi3ae badite lissa mawazantiche nafessi atemana yekon khire
alefe maberok li kol mane nazalate kiloyate we 3okebali we aakebal taneyin ya rabe

السلام عليكم ورحمة الله وبركاته

ام القوقو يا رب يبارك لج في صحتج وعافيتج ويأجرك خير على تعب الحمل ويقومك من الحمل والولادة بالأجر والمثوبة والولد الصالح

ابارك لكل المثابرات والله يعينا ونوصل كلنا للوزن اللي نبيه ..

انا ما زلت صامدة يعني الحين صار لي شهر خلاله نزلت تقريبا 6 كيلو واتمنى اني انزل خلال هذا الشهر اللي هو اكتوبر يا رب انزل 4 كيلو من غير شر يعني على العيد بإذن الله يا رب اكون نزلت مجموع الشهرين وهو 6 + 4 = 10 كيلو
والله الموضوع بالنسبة لي مثل الحلم

طبعا مع الرياضة 40 – 45 دقيقة مشي وبعض التمارين خمس مرات اسبوعيا على الاقل ... بس والله اشعر اني انا اللي اتحكم في اموري واختارها .. يعني صرت اقدر اقول لا .. وقدرت اقوم عن الاكل وانا لسه ما شبعت تماما .. وخلاص بطلت الاكل قبل النوم مباشرة باختصاااار شعور راااااااائع .

انا من تجربتي اني لازم احط الاكل اللي يناسبني في صحني واملاه تماما بانواع الاكل المناسبة وآكل صحني بدون ما ازيد من هنا لقمة ومن هناك شويه وفي النهاية ما ادري شكثر كلت... واقوم بمجرد ما اخلص صحني.. وتصدقون وانا قايمه عن الطاولة احس بالفرح اني ثبت وواصلت وتزيد ثقتي بنفسي وبقدرتي على الاستمرار.

يا خواتي واصلوا لا توقفون واذا خبصتوا كثير زيدوا شوي في التمارين او المشي وما عليكم شر .. خواتي اهم قاعدة انكم لاااااااااااااااااااااازم تركزون على انجازاتكم ولو كانت بسيطة مب تركزون على الاخفاقات ... حطوا انجازاتكم قدام عيونكم وفي عقلكم وفي قلوبكم وافتخروا بنفسكم وشوفوا الثانيين اللي نزل وزنهم .. هم مب احسن منا ولا زادوا علينا بشيء الامر كله عزيمة ورغبة قوية واصرار على تقديم كل اللي يلزم عشان يتحقق الحلم وتكونين انتي مصدر الهام للاخرين.

السلام عليكم ورحمة الله وبركاته

انا لسه داخله وعايزه اشترك معاكم

يلتري لسه فيه وقت ولا انتوا خلصتوا

انا نفسيتي تعبانه اويييييييييييييي عشان رمضان يومين اكون كويسه اوي واكون منتظمه فيهم اوي ويومين اكل جداا بالذات وقت مايكون عندنا عزومه والله كل مااكل شويه اعد اعيط عشان نفسي اخس خمسه كيلوا علي الاقل علي العيد والمصيبه اني متابعه مع الدكتور بس والله مش قادره ياريت تساعدونيييييييييييييييييييييييييييي

والله ربنا هيجزيكم خير لو ساعدتوني وشجعتوني

وبشكركم علي الموضوع الجميل ده

يا اهلا وسهلا ومرحبا اختي sane3et_7iah

اختي الغالية لازم يكون عندك اصرار طالما الهدف مهم بالنسبة لك .. تعلمي تقولي لا واستشعري الاحساس الرائع .. وما تجوعيش نفسك اوي لان مستوى السكر في الدم اذا انخفض كتير يخلي الانسان يأكل بشراهة
كلي وجبة متكاملة على الفطور وبعد التراويح كلي حبة فاكهه او بسكوته او حتة حلو صغننه وبعدها بثلاث ساعات كلي وجبة متكاملة وعلى السحور كلي حاجه خفيفة زبادي ونصف رغيف او كورن فليكس مع حليب قليل الدسم او أي حاجة تانية تكون خفيفة

sane3et_7iah رمضان ده فرصة لازم تستغليها وشوفينا ادي احنا كلنا خسينا كل وحده حسب طاقتها وانت مش ناقصك حاجه عشان تخسي الا اللهم انك تنوي وتعزمي على انك تبذلي كل شيء ممكن عشان تخسي من غير شر (يعني تبتعدي عن الدهون والمقليات قدر الاستطاعة – الحلويات والسكريات تقللي منها وتكثري من السلطات والخضروات )

صدقيني يا اختي الغالية انت هتشبعي هتشبعي في كل الاحوال ان كلتي دسم هتشبعي وان كلتي اكل صحي هتشبعي فاختاري اكلك بعناية لكن الفرق بين الحالتين انك بعد ما تخبصي الدنيا تحسي بالذنب وشعورك يكون سيء جدا بينما في الحالة التانية تحسي بانك بالفعل ماشية صح وتبئي مستنيه النتيجة بكل فخر صدقيني هتشوفي نتايج ما كنتيش تحلمي بيها.

يالله يا بطله عاوزين نسمع الاخبار اللي تفرح قريب وهي كلها 5 كيلو .. امال انا اقول ايه..

انا بنفجر من الاكل

خلاص


وزني 100

وكل يوم اكتب جدول حق الريجيم واقرر

ومن ابدا الفطور لين ارقد مااوقف

يالله تعبت

جربت كل الادوية

بس برجع وباخذ حبوب ريدكتال علشان تسد نفسي

ان شاء الله قرحه في المعده

السلام عليكم ورحمة اله وبركاته
مرحبا بنااااااااااااات شلونكم عساكم بخير؟ :)
وألف مبروك ياأم القوقو عالنونو والله يقومج بالسلامه ياربي
أنا من أمس قعدت ساعه أقرى كلامكم ويوم بقيت أرد عليكم إلا فصل :( النت وخلص الإشتراك :(
والله ياأم القوقو ويال بنات عموما إنكم تشجعون الواحد وأنا ابي أنزل من وزني بسرعه وأبس أنزل 15 كيلو عرسي بقاله شهر ونص انا بديت من أول مافصل عندي النت رحت امشي وتشجعت وبعدها تسحرت على قلاص حليب خال دسم ونمت وقبل الفطور مشيت 20 دقيقه وأذن وتفطرت ربع تمره وقلاص ماي ورحت صليت عشان مااحس بالجوع وأكلت بعد الفطور بساعه أناناسه كامله عشان تحرق الدهون وظليييييييت ماسكه روحي لحتى الساعه 11 وأكلت 2 شريحة توست مع لبنه خالية الدسم وطماط وخيار وعصير جريب فرووت أدري بتقولولي الله يلوع جبدج هههههههههههههههههههه بس شسوي والله يابنات عرسي مابقاله شي ومسكت روحه وتصورو يا بنااات إني نزلت كيلوووو بيوم
قووووولوووووووو ماشالله تبارك الرحمن لاتحسدوني عشان ماامتن وانا مو ناقصه ههههههه

بس عرفت ان الاناناس يحرق الدهون هو ويا عصير القريب فرووت وأنشالله بتبع هالطريقه ويالله يا بناااات تشجعووو لنعلن الحرب بين الشحوم والكروش والدهون مع النحافه والرشاقه
يااااااااااااااااااااااااااااااااااااااااارب نضعف ونصير رشيقات ياااااااااااااااااااارب أصير منيكان بعرسي يااااااااااااااااااااااااااااااااااااااااااااااااااااااااااااااااااااااااااااااااااااااااارب
وياريتكم تقبلوني وحده منكم وبعطيكم النتيجه بعد اسبوع واقولكم جم نزلت :)

مع السلامه

الف مبروك للي ضعفوا
لهلا وسهلا بالمشتركات الجدد
احب ابشرك يا ام القوقو وجميع الاخوات اني مسكت نفسي شوي عن الاكل واليوم وزني 63 ك وانشاء الله على العيد يكون 60 ك انشاء الله يارب

بسم الله الرحمن الرحيم

كيف حالكم يا بنات ان شاء الله بصحه و عافيه

تدرون غرت منكم ما شاء الله كانت امنيتي اني اسوي ريجيم

و معاي احد يتابعني و يشاركني كل شي

لكن اقول ان شاء الله تنحفون على خير

و لما يجي دوري بالريجيم اكيد بلقى احد يبتدي معاي

المشكله اني تعلقت فيكم و حسيت كاننا مجموعه قاعدين نشتغل

على مشروع مع بعض و متحمسين و نستنى النتائج بفارغ الصبر

على ما اولد ان شاء الله بتكونون تخرجتوا هههههه و انا ببدى مع

المبتدئات الجدد

على العموم اتمنى لكم التوفيق و الرشاقه

لحد يقول حرام ما راح اسوي ريجيم بستناها

ما ابي اشوفكم اذا بديت اسوي ريجيم ولا وحده مفهوم ؟؟

كلكم ان شاء الله تكونون رشيقات

----------------

ناتاشا

كيفك عيوني انا بصحه و عافيه الحمد لله

و مشكوره على الدعوات الحلوة

مبروك البدايه الحلوة ما شاء الله استمري

ان شاء الله رمضان وجهه خير عليك و على الجميع يا رب

و اذا وزنتي بشرينا

بالتوفيق يا عسل

----------------------

غرشوب وش اخبارك من زمان عنك

ما شاء الله عليك وش الاخبار الحلوة

خليك دايما صامده

و ما شاء الله عليك على الاراده

الله يثبتك يا رب لحد ما توصلين للنهايه

الف مبروك ال6 كيلو ما شاء الله تبارك الله انجاز راااااااائع

و ما تدرين قد ايش كلامك و نصايحك للبنات مؤثره بغيت انا ابدى اسوي ريجيم

مشكوووووووووووووره يعطيك العافيه

و اكيد البنات بيستفيدون من تجربتك

و احلى شي عجبني يوم قلتي :

اهم قاعدة انكم لاااااااااااااااااااااازم تركزون على انجازاتكم ولو كانت بسيطة مب تركزون على الاخفاقات ...

الله يجزاك الف خير عن كل غرام ينزلونه البنات اللي يستفيدون من كلامك

و ردك على اختنا sane3et_7iah

رائع و يدل على تعاونك و حبك للاخرين

الى الامام دوما و طمنينا عليك

-----------------

sane3et_7iah

اختنا غرشوب ما قصرت

انتي حاولي تمسكين نفسك عن الاشياء الي تسمن

و لو حسيتي انك جوعانه مره خوذي لك زبادي قليل الدسم

او اناناس او خضار مسلوقه

و كثري من شرب الماء لانه يساعدك على الاحساس بالشبع

و طمنينا عليك

----------------------------


نوووسه

حبيبتي انا اعرف وحده كان وزنها 105 كيلو

و الله انها اخر مره شفتها عود الظاهر وزنها يا 50 يا اقل

ما فيه شي مستحيل

و بعدين انا زعلانه منك

ليش تدعين على نفسك بالقرحه بالمعده

اعوذ بالله

يا شيخه عساي اكون نفيخه ما ادخل مع الباب و انا بعافيه

و لا المرض

صدقيني بقول لك شي مره تمنيت اني امرض بقلبي

ما قلتها حتى بس تمنيت امرض عشان انحف

و الله العظيم اسوأ و اشين احساس بالعالم كله

المرض

تتمنين انك تتحركين انك تاكلين اي شي ما تقدرين

بس طايحه و الدنيا سوداء في وجهك

من بعدها حلفت ما عاد اتمنى المرض

صدقيني الصحه نعمه ما يعرف قدرها الا المرضى الله يشفيهم

شوفي عيوني

سوي زي ما قلت لك لا تحرمين نفسك ابدا

قللي الكميات و حاولي تدخلين الخضار و السلطات

بدل المشروبات الغازيه و المقالي و الحلويات

و صدقيني حددي لنفسك كل مره هدف 5 كيلو

و اذا حققتيه كافئي نفسك بهديه

او لو كان عندك احد الوالدين او اخت او اخو ممكن يساعدك و يشجعك

كل ما انجزتي هدف بتمشيه او هديه صغيرونه للتشجيع

انتي ابدي و توكلي على رب العباد صدقيني بتتسهل باذن الله

تذكري مشوار الالف ميل يبدا بخطوه

و انتي مشوارك تقريبا 50 او اقل بعد

عشان كذا مو بعيد ان شا ءالله لو بديتي الحين

اتمنى لك التوفيق

اهم شي لا تغشين و تخربين كل شي

خليك انتي مراقبه نفسك

و اعرفي ان كل مره تشتهين فيها شي و لا تاكلينه هي انجااااز

رااااائع بكل معنى الكلمه

و علطول خوذي ورقه و قلم و فرررغي كل القهر و اللي في بالك على هالورقه

و بعد ما تخلصين راح تحسين بتحسن ان شاء الله و تكونين نسيتي السالفه

و ممكن اذا قدرتي بعد تدخلين على النت و تشاركينا مشاعرك

ادعو لك و للبنات بالرشاقه من دون شر يا رب

-------------------------

فطووطه

اهلا و سهلا يا عروستنا

حياك الله

و ان شاء الله بعرسك تكونين احلى مانيكان

بس عاد لا تحرمين نفسك و تجوعينها عشان ما تتعبين

يعني يا عسوله خوذي لك وحده توست بر على السحور

ما يصير تصومين على جوع نخاف عليك تدوخين و لا تتعبين لا سمح الله

بالنسبه للكيلو ما شاء الله الف مبروك انا ما ابغا احبطك

لكن عموما في البدايه تروح السوائل في الجسم عشان كذا ننحف بسسررررعه

نصيحتي انك تستمرين على الحماس الحلو

لكن لا توزنين امسكي نفسك و اوزني كل اسبوع

و صدقيني باذن الله راح تفرحين و تنططين من النتائج الحلوة

و صادقه الاناناس و الجريب فروت ممتازين للتنحيف

لكن اهم شي لا تاكلونهم على معده فاضيه مو زين

تمنياتي لكم جميعا بالرشاقه

---------------

نبراس الشرقيه


الحمد لله على السلامه و العوده الحلوة

ان شاء العيد بيكون 60 لك او اقل من دون شر يا رب

و اصلي الله معاك يا عسوله

بالتوفيق

فطوطه والله ونوّر الموضوع ولا يهونون الاخوات كلهم
يا رب يسعدك يا رب وتكونين احلى عروس ونفرح كلنا لج بنزول وزنج وبزفافج .. بس فطوطه اسمحي لي اقولج شيء... لا تحرمين نفسج وايد انتي صايمه يعني انت بحاجه لغذاء متوازن بس مو دسم
وبالتوفيق دووم وبانتظار اخر اخبارج يا الغالية
وعلى فكرة عجبتني فكرة الربع تمرة حاسبتها بالجرام .

نبراس والله اني فرحت لك واصلي اختي وعسى ربي يبشرك بالجنة وهذي البشاير اللي توسع الصدر والا فلا

ام القوقو الغالية هنا يا مرحبا يا مرحبا والله اشتقنا لك اختي
كلامك يريح ويساعد كثير الله لا يحرمنا من طلتك الغالية يا الغالية ويجعله كله في موازينك ويضاعف لك الاجر اضعافا مضاعفة يا رب

بس حبيت اقول لك ولكل خواتي اللي مشاركينا هنا اني احبكم في الله واتمنى الله يجمعنا كلنا في جناته ونقعد نتذكر هالايام

وبصرحه لو ما لنا من وراء هالموضوع الا محبتنا تكفي والله تكفيني انا على الاقل

الله يرزقنا الصحة والعافية والجسم الحسن ويرزقنا حبه سبحانه ويحبب فينا ملائكته وخلقه.

ام القوقو مره ثانية فرحت والله بتواجدك وان شاء الله على سلامتك بإذن الله عندما تبتدين عديني معاك باديه بحول الله.

غرشوب

اهلا و سهلا

ما شاء الله عليك متابعه مو بس لنفسك حتى البنات تردين عليهم

و ما تبخلين بوقتك و مساعدتك الله يجعلها بموازين حسناتك

شكلي بعينك رسمي وكيله ههههههه

و فعلا انا نفس الشي احس اننا زي الخوات الله يجمعنا على خير

و على طاعه في الدنيا و الاخره

بس ما ابيك تبدين معاي ابغاك تصيرين رشيقه وقتها مفهوم ؟

بالتوفيق عسوله و الى المام جميعا و لا تنسون شعارنا :




الى الرشااااااااقه نمضي

موضوع حلو ولي عوده يعطيك العافيه ام القوقو

نقصت في الأسبوع الثاني من رمضان 2 كيلو إنشاله عى نهاية رمضان اخلص السبعه كيلو الزايده إذا في إراده بعد بكمل الرجيم ....والله الرياضه نفعتني وايد على فكره أنا قمت أمشي على المكينه وشوي أركض أحس الركض كسر جسمي في أول يومين لكن ألحي عادي واحس ان له فايد كثيره .....
لولاه لما كنت نقصت 2 كيلو في اسبوع

سلالالالالالالالالالالالام
للحلواااات
مضاوي مبرووووووووووووووووووك
ان شاءااله توصليين للوزن الي ببالك يااااااارب

واهم شي داومي عالرياااااااااااضه
تشششد الجسسسسم
ياليتيني اتحمسسسسس عليها مالي خلقها مررره عندك حل

مررررااااااحب يا بنوتات

وشلونكم و ش اخباركم مع الريجيم

ان شاء الله طيبين

عاشقه الورد

حياك الله يا عيوني

و ننتظرك ان شاء الله تلقين نتيجه و تنبسطين معانا

مضاوي 991

الف الف الف مبــــــــــــــــــــــــــــــــــــــــــــــــــــــــــــــروك

الكيلوين

ما شاء الله تبارك الله

انجاز رااااااائع و ممتااااااااااااااااااز

استمري و كملي لا توقفين

و باذن الله على العيد بتكونين احلى وحده

و بتكون نفسيتك عال العال

بالتوفيق لا تنسين تقولين لنا شيصير معاك

جلكسي وشلونك يا عسل ان شاء الله طييبه

هاه وش صار معاك طمنينا

بالنسبه للرياضه

اذا مره ما تطيقينها

حاولي لو بس تمشين لاي مكان

طلعي لنفسك اي شغلانه عشان تروحين لها

و يا ليت لو تروحين مكان كبير و تمشين فيه

تبرعي و روحي مع اي وحده من خواتك و ساعديها تشتري من السوق للعيد

تكسبين فيها اجر و تمشين بنفس الوقت هههههههههههه

و بعد بقول لك على شي مررره حلو و مناسب في رمضان

صلاه التراويح

صدقيني غير الاجر ان شاء الله و الطمأنينه و الراحه النفسيه

كل جسمك يتمرن مع الركوع و السجود و الوقوف و الجلوس

جربي باذن الله ما راح تندمين

حتى لو ما كنتي تقدرين تروحين للمسجد مع انه احسن شي و روعه

على الاقل تصلين في البيت

و لا تنسينا من الدعاء ان شاء الله

السلام عليكم
يا ام القوقو كيف حالك انشاء الله تكونين بخير وصحة وعافية وانشاء الله يكون الحمل تمام ومو متعبك
حبيت اسولف لك عن اللي صار لي يوم الخميس
كانت عندنا مناسبة زواج اخوي
في بعض من صديقاتي و قريباتي اللي ما شافوني من 3 اشهر او شهرين
والكل قعد يقول لي اني ضعفانة وحليانة والبعض قال لي انه ما عرفوني لما شافوني
وانبسطت مرة
وتحمست اكثر واكثر
وانشاء اللة اكمل الريجيم واضعف
ها قولوا لي رايكم
على فكرة البعض قال لي اني مب حلوة لكن هم 2 فقط
ووحدة مسيحيل تقول لي اني ضعفانة وهالمرة قالت لي ومرة انبسطت

يا بنات تصوروا ان رمضان راح نصفه والله الايام تمر بسرعة واقول لكل خواتي اللي يأجلون لما بعد رمضان ترى المسألة هينه بإذن الله وهذي فرصتكم يالله يا الرشيقات ما عاد إلا خير

فكرة اعجبتني علشان تحافظين على الرياضة انج تجيبين رزنامة عبارة عن ورقة واحدة فيها الاشهر والايام علقيها في مكان واضح بغرفتج وكل يوم تمارسين فيه الرياضه لونيه بلون زاهي وحلو وصدقيني لما تشوفين انجازك قدامك يدفعك للمزيد.