اللي بدأت محاوله تخفيف الوزن و تحب تشاركنا مشاعرها اليوم

بنوتااااااااااااااااااااااااات
انا اليووووووووووووم بدات
شربت شاي بدون سكر
ومش قاااااااااااااااااادره اكل الزبااااااااااااااادي
ادعوليييييييييييييييييييييي
اكمل

السلام عليكم يا خواتي حبيت أقولكم تجربتي الخاصه أنه ما حد راضي عن حاله كنت متينه ونحفت 23 كيلو وصار وزني 52 صار الكل يلومني ويقولو لي وايد نحفتي وشكلك مب حلو ورد متنت نفسي بل غصب وصلت 58 كلهم قالو لي يجنن جسمك وحلو وكلام كثير وبع البنات ربعي قامو يقولون لي لو يصرلك أرداف شويه أحلى لو يصيرلك صدر أكبر أحلى ولا شعوريا قمت أمتن لين الحين صار وزني 67 ولحين لي حولي يقولون وايد متنتي وما دري كيف أرجع أنحف مليت من لعبة الوزن ومليت من راي الناس ومقتنعه لي مب عاجبه لا يطلع وأني اسوي شي لنفسي مب لحد يمدح شكلي ولين الحين ما قررت أنحف قلت تغيير خلني متينه تغير ستايل وأكل لي أبيه وما ألعب رياضه يوم أمل من شكلي الحالي بسوي رجيم وشكرا لكم يا خواتي وبل نسبه لي جمال وجه ضروري وخصوصا اني خسرت وايد يوم نحفت أول مره ونزل وزني 23 كيلو أتمنى لكم التوفيق.

^
^
^
حبيبتي رضا النـــــاس غايه لاتــــدرك صدقيني
سوي الي يريحك ويسعدكــــ
والله يوفقك يــــــــــارب ويوفق جميع البنوتــــــات

يا بنات انا جالي اكتئاب ونزلت على الشيكولاته زى اللي عمري ما شوفتها يوم الخميس وبقالي يومين باكل كتير ونزلت بوم الجمعه المحلات للاسف لم اجد لبس مقاسي واللي يجي مقاسي البس اللي ينفع واحده عندها 50 سنه وانا لسه 30
وطبعا الجنز كله مقاس صغير جدا وانا كان نفسي اشتري بنطلون جينز وطبعا وانا بكلمكم دلوقتي جعانه جدا وبحاول انسى

بنات انا بعد ابي اخفف وزني
بليز ساعدوني اذا عندكم رجيم عطوني اياه او نظام غذائي

اختي فاتنة2006 شنو سويتي عشان نزلتي هالكثر وكم كانت المده

الحمد لله اليوم الاول عدى على خير وباروح انام وبكره اعطيكم نتائج اليوم الاول

الوزن قبل الرجيم : 120 كيلو
الطول : 165

نوع الرجيم : رجيم الخلطه الصينينه .

الاخت moly4
ها ايش اخبار الرجيم معاك تمام والا فيها تخبيص

السلام عليكم ورحمه الله وبركاته


شلونكم يا بنات يا حلوين كلكم بدون استثناااااااااااااااااااء انشالله بخر والله مشتاقتلكم حييل


يلا انا لا الحين ماكو شي بس كيليون طولت حيل مادري ليش صارلي نص الشهر والله تعبت ملل في ملل يؤؤؤؤؤؤؤؤؤؤؤؤؤؤؤ

ومع هذا صداع وااااااي وانا اكل بليل غير عن الناس هههههههههههههههههههههههه


بالتوفيق انشالله يا بنات


الكاسكو

هلا بالجميع

شهد استمري والله يوفقك

فاتنه حبيبتي اكبر غلط غلطتيه انك تابعتي كلام الناس
انا اول ما نزلت عشرة كيلو قالوا لي مب حلوه ومن هالكلام
بعدين نزلت 15 ك وكانت عندنا مناسبه
والله لمدة اسبوع كل اللي يشوفني يمدح
وانا الكل يقول لي اللحين وقفي
والنا اللحين ما نزلت الا 16 ك والحمد الله وناويه استمر وانزل 5 او 10 كيلو
وما بهتم الى كلام الناس

هلا بجلكسي معك حق في كل كلمه قلتيها

هلا فيك sam
عاد كل شي ولا الاكتئاب يارفعك فوق او ينزلك تحت
انا الاسبوع هدا كان عندي اكتئاب
لكن من امس قررت اني ما اضعف واستمر
وفعلا امس واليوم التزمت ولله الحمد

هلا بنبع الكوثر
اسألي عدبة الاحساس عن نظام غدائي وما بتقصر معاك

هلا بانت عمري كله موفقه انشاء الله واستمري في الحرب هههههههههههه
كلنا داخلين حرب صعببببببه مع الاكل اللديد يم يم

الكاسكو حبيبتي اصبري
انتي من نصف شهر واقف
انا تقريبا من شهر رمضان اى الان ما نزلت الا 2 كيلو تخيلي
اصبري والله يوفقك ويوفق الجميع

السلام عليكم ورحمة الله وباركاته كيفكم يا أخواتي أشكركم على تعليقكم فعلا أرضاء الناس غايه لا تدرك وعشان هيك أنا قررت أني ما انحف ألا لما أقتنع مره ثانيه بضرورة نحفي وبل نسبه شو سر أني نحفت والمده أنا نحفت أول 5 شهور 10 كيلو وبعدين نحفت 13 كيلو بشهرين والمهم أني غيرت نظام حياتي كنت أسهر بطلت أسهر وصرت ارقد وهل وأمشي وشتغلت والشغل كان متعب لي وكل يوم اروح الشغل أتم فيه عشر ساعات من غير ما أكون متغديه أو متريقه ويوم أرد بل ليل أبغي أتعشى ما كل ألا شوي وصلت لمرحله حتى في اليل ما شتهي أتعشى وصادني فقر دم وطاح شعري وصرت أخذ فتامين لحد ما راح فقر الدم وتميت سنتين وأنا محافظه على وزن 55 عقب رديت وبلشت أمتن من جديد لكن ما همني ومستانسه سنه الجايه برد بنحف بس بلعب رياضه ترتيب لجسمي مب أكثر وشكرا لكم الله يوفقكم وكل وحده تبغي تسوي رجيم لازم تشيك كل فتره على الدم وفتامينات بجسمها وسلام للجميع.

كيفكم يابنات اليوم وزنت لقيت وزني نزل كيلو في اول يوم وانا الحين في اليوم الثاني يوم الفاكهه وبكره اوزن واقولكم على نتيجه اليوم الثاني ادعولي استمر
الوزن قبل الرجيم : 120 كيلو
الوزن بعد اول يوم رجيم : 119 كيلو
وترى يابنات انا امشي على السير 40 دقيقه

الف الف مبروك انت عمري كله على الكيلو وانشاء الله روحه بلا رده
وعقبال الوزن المثالي يارب
و بالتوفيق للجميع

السلام عليكم ورحمة الله وبركاته


انت عمري الف مبروك حبيبتي 0


والله انا مليت يا نبراس الشرقيه تصدقين اظل يوم بالاسبوع اكل وجبه سريعه الى وجبتين فقط لاني مليت واشتهيت اكل دسم 0

واسوي رياضه وحريصه على جسمي ابي اضعف صج صج بس لا الحين كيلوين 0
واشرب شاى اخضر والله كريم 0


بس بنات منو فيكم بطاليه مثلي وتسوي رجيم وتسهر نفسي ؟؟


الكاسكو

نبراس الشرقيه

الله يبارك في عمرك وانشاء الله اكمل على خير

الكاسكو

الله يبارك فيك

وتسلمون بنات على التشجيع والله من غيركم مادري كيف حالتي كل شوي ادخل الاقي وحده تشجعني واقول لازم استمر لان هذا الرجيم فيه جوع فضيع بس يانا ياها السمنه والله يخلصني منها للابد

صباح الخير ياحلوات اليوم انا فرحانه لان اليوم الثاني عدى على خير ووزنت لقيت نفسي نقصت كيلو كمان الحمدلله

الوزن قبل الرجيم : 120 كيلو
الوزن بعد يومين من الرجيم : 118 كيلو

اليوم هو اليوم الثالث : فاكهه كمان الله يعديه على خير والله صحيت بدري من الجوع بس بصبر

يابنات اخباركم ايه انا لسه حالتي زفت ومحتاجه تشجيع كل يو اقول بكره هالتزم لكن للاسف الجوع يهد الحيل نفسي في حاجه تسد النفس بس تكون غير مضره
ومبروك ليك يا انت عمري كله بس انا راي انك لا تقسي على نفسك من الاول لانك مشوارك طويل زي علشان تقدري تصبري باذن الله وعلى فكره يا بنات انا اسمي مكتوب تحت اسماء
ياريت يابنات اللي تخلص تفضل تتواصل معانا وتشجعنا وتحكي لنا عن اخبارها ايه بعد ما خلصت
واحب ان اسال حد جرب الشيتوكال
وخايفه والله اللي شافت برنامج سوان2 من اللي جلدهم يكون مترهل بعد الرجيم

شلونكم بنات... موفقين جميعا..

انتي عمري كله......keep up the good work تابعي اللي تسوينه...والله يوفقج وتوصلين للي تبينه.. انتي ماشية على الطريق السليم..
وخصوصا المشي...

وابشرج.. الوالدة كان وزنها في يوم من الايام 105 كيلو..
بالرجيم والمشي بس وصلت ال72 كيلو في 7 شهور

وبالنسبة لي.. قبل الزواج ب3 سنوات.. كانت لي كرشة مزعجة.. تضايقني في اللبس وماقدر البس جينزات الهيبس.. قررت اسوي رياضة وانحف.. كنت 63 كيلو.. وبعد 5-6شهور..
صار وزني 56 ... ولاااااا اروع... والبس على كيفي.. كنت البس مقاس 12 واحياناً مقاس 10....طبعا ماكنت متزوجة..
لامسؤولية ولا عيال .. ولا زوج اراعيه.. ومافي سهر مع الاطفال..
كنت انام الساعة 9 واكل على كيفي... محد يقول تغدي معاي..ولا اكلي زيادة...

بعد الخطوبة.. بدا وزني يرجع.. وعرست ووزني 59

وطبعا انتو عارفين. بعد الزواج.. تهنيت شهرين ثم حملت..بعزوز والوزن يزيد ، ويزيد..لين وصلت 75.. بعد الولادةصرت 70.. وحملت مرة ثانية.. وعزوز له 10 شهور.. وكنت ارضعه طبيعي.. يعني كنت اكل عشان ارضع...

طبعا حملت على وزني القديم...بس مازدت وايد...وصلت ال76 على آخر الحمل..وبعد الولادة..رجعت 72
لين قبل 6 شهور صار وزني 76.. وبدي الرجيم اللي انا عليه الحين...

طولت عليكم...

الى اللقاء..

samsomsami

شوفي حبيبتي الي اوزانهم ثقيله لازم يشدون على نفسهم شوي يعني مو دايم لا بس 4 اسابيع مثلا عشان تحس انها سوت شي وتقدر تكمل باي رجيم عادي وهي مرتاحه انها باقي لها شوي وان اي كيلو بتنزله بيبين عليها لكن بذمتك تخيل اني مسويه رجيم مو صعب كان انقص في الاسبوع 2 كيلو والله مايجي اخر الشهر الا وانا طفشت و8 كيلو ماهي مبينه فيه عدل يعني تحطيم

انا ناويه اسوي شهر واحد بس اشد على نفسي فيه وباقي الشهور تخفيف الا ان اوصل للوزن المطلوب حتى لو بعد سنه عادي مو مشكله المهم اكون نقصت على الاقل 20 كيلو عشان الاقي مقاسي وبعدها كل شي باسويه برواقه وانا مرتاحه

والله يوفقك وشدي الهمه والله ما تعرفين قد ايش سعادتي اني قدرت استمر 3 ايام وكل يوم كيلو شي يفرح


ام عزيز
تسلمين ياعمري وانا بعد كنت نحيفه مره قبل الزواج وزني كان 60 لكن زوجي طاح فيني اكل واقوله وزني زاد يقولي لا وما كان عندي ميزان وحملت ورحت وطي

صباح الخير

اليوم الحمد لله نزلت نصف كيلو

الوزن قبل الرجيم : 120

الوزن بعد 3 ايام من الرجيم : 117 ونص

هلا بالجميع
الف مبروك انت عمري كله مرة ثانيه
الكاسكو انا اعمل ريجيم واسهر في الاسبوع يومين
لكن اول ما بديت الريجيم كنت انام بدري
واللحين راح ارجع انام بدري
لاني ناويه اسوي رياضه من يوم السبت الصباح
بسوي رياضه مع الرياضي اللي يطلع في برنامج ستار اكاديمي
بيبدأ البرنامج يوم السبت
وراح احاول استمر معاهم اربعة اشهر
لاني حسيت ان جسمي بدأ يترهل
اهلا ام عزيز
انشاء الله يرجع وزنك زي ما كان قبل الزواج
وموفقين

السلام عليكم

شخباركم بنات عساكم عالقوووه دوم ان شاء الله

وان الله توصلون للأوزان اللي تتمنونها

مبروك انت عمري كله ان شاء الله توصلين للوزن اللي تتمنيه يارب

انا مازلت اخفف وامشي بس مشكلتي اني نفسيتي زفت واذا انقهر

احط حرتي بالأكل واخربط وااايد ولا ادري شالحل :sad:

أختكم الدانــــه