مسابقه ... {{ الرابح ...الاكبر }} ... للباحثات عن الرشاقه ... (1) ..

يااااااااااااااااااااه اخيرا :biggrin:

والله كنت خايفة بجد البنات ينسحبوا

مش قلت لك يا أسورة إن شاء الله هيكون عندهم أعذار هى اللى منعتهم من

الدخول

طيب بما أن موضوع إضافة الوزن يوم الجمعة بيبقى صعب علشان الويك إيند

ممكن نخليه الاربعاء أو الحميس على أساس يكون قبل الويك إيند

أم نواف إن شاء الله مش هتندمى على شرائك الجهاز تعرفى أنا حتى لما

بأسافر بأخده معايا

أمس قلت لزوجى يروح يشترى لى اسطوانة الرقص لقاها خلصانة من عند

الفرع اللى رحناه وتقريبا علي الجهاز عرض تشتريه ويعطوكى معاه أربع العاب

هدية

وإن شاء الله الأسبوع ده تخسرى لك 2 أو 3 كيلو وتفرحى بوزنك الجديد

ام أمير عودا محمودا

ومعلش هى الدورة كده بتلخبط الدنيا انا كمان منتظرة نزول الدورة من ال3 ايام

اللى فاتت وحاسة بتعب فظيع فى جسمى

المهم ياستى بيقولوا على موضوع إحتباس السوائل فى الجسم خاصة قبل الدورة

بيكون لوجود الصوديوم بشكل كبير فى الأكل وتركزه فى الجسم

طبعا الصوديوم ده اللى موجود فى ملح الطعام العادى

يبقى اول خطوة علشان تتخلصى من السوائل الزايدة إنك تقللى الملح فى

اكلك على قدر ما تقدرى

والحاجات اللى ممكن تتأكل من غير ملح كليها على طبيعتها زى السلطة كليها

من غير دريسنج

تانى حاجة المقاومة الطبيعية لملح الصوديوم هو ملح البوتاسيوم موجود فين

بقى الملح ده موجود فى كل الفاكهة اللى بتسود لو قطعتيها وسيبتيها

يعنى التفاح الموز المشمش الكمثرى الكريز وبرضه البرتقال
وبرضه موجود فى الخيار والجرجير

والبقدونس والكراث وبرضه فى الجزر

يعنى ممكن تساعدى نفسك فى التخلص من السوائل

بإنك تعملى لنفسك طبق سلطة من ضمن مكوناته الخيار والجزر والجرجير

والبقدونس والكراث وتأكلى كل يوم أقل حاجة اربع حبات من الفواكه اللى

بتساعد فى التخلص من احتباس السوائل

وكنت سمعت دكتور بيتكلم عن مشروب للجزر مفيد جدا

تجيبى الجزر وتقطعيه دوائر وتحطيه فى مياه مغلية وتسيبيه على نار هاادية

لمدة ربع ساعة وبعدين تصفيه وتشرب المياه بتاعته يعنى كأنك بتشربى مغلى

الجزر مش عصيره

وإن شاء الله الاسبوع ده تخسرى من 2 :3 ك:D

عقبالى أنا كمان

السلام عليكم

سامحوني بنات وزني ثابت وهذا الشي محبطني كثير

ابشركم شريت الاوربيت ريك من يومارك وببدا اليوم ان شاء الله بجد وحماس

ام سلمى الف مبروووك الفوز تستاهلين يالغاليه ولكل مجتهد نصيب

وفكرة المسابقه الفردية رائعه بتخلي كل وحده تشتغل على نفسها اكثرررر

أعااااااااااااااااااااااااااااااااااااااااااااااااااااااااااااااااااااااااااااه:'(

لخطبت كتييييييييييييييييييييييير النهاردة لدرجة إنى مش فاكرة لخطبت فى إيه وإيه

والأسباب:

1:تعبانة من أمس واليوم وبأخد مضاد حيوى قوى ومسكن ده غير دواء الكحة

فمش قادرة أقف اطبخ بنفسى فزوجى بيجيب اكل من برة لنا

وأكل برة سعراته فوووووووووق بأحاول أختار حاجات سعراتها معتدلة يعنى

امس نصف دجاجة صغيرة مشوية عل الفحم مع جريش

واليوم اوصال دجاج مشوية بس أكلت معاها مايونيز لأنه ما كانش عندى خضار

وشربت بيبسى :badly:

وعلى العشاء كان زوجى راحت اتبضع لنا من السوبر ماركت وراح لوحده

وكانت النتيجة مزيد من تخريب الأكل

جاتوه بالشوكولاته أخدت قطعة واحدة صغيرة

وكمان كان جايب ميلك شيك لسلمى وشربت منه تقريبا نصف الكوب العادى

وبعدها بوقت اتعشينا نصف خبزة صاج مع حبة جبنة كيرى

انا مخنوقة قوى

بس حاولت أحرق جزء من البلاوى دى لما شميت نفسى شوية

رقصت لمدة ساعة ونصف جميع اشكال الرقص :D

كنت شربت شاى أخضر بالزنجبيل ومش عارفة إيه اللى بيحصل لى بعد ما

أشربه باحس إنى فقت وحاسة نفسى نشيطة

ربنا يسهل بكرة أحاول أظبط شوية جزء من التخريب ده كله وأعوض الزيادة اللى

أكيد زدتها من التخريب ده بإنى ألعب رياضة اكتر

وكل البنات اللى باركوا لى الله يبارك فيكم

والمرة الجاية إن شاء الله تكون لكم

مع إنى برضه أتمنى إنى أحصل على اللقب ده تانى ;)

واللى وزنهم ثابت يشوفوا النظام اللى ماشيين عليه عامل إزاى ويحاولوا يدخلوا

تغيير فيه ولو بسيط

ويقللوا حاجة فيه يعنى مثلا لو بياكلوا نصف رغيف خبز يخلوه ربع أو تلت لمدة

الاسبوع ده كله لو بيشربوا المشروبات الساخنة فيها مثلا ملعقتين سكر

يخلوها ملعقة واحدة

وهكذا

ميسون أهلا بيكى وبأهل فلسطين كلهم وسطنا :D

مش فارقة معايا أنا كمان يوم الأحد ...خلاص مشوها الاحد

بس خلوا بالكم الإتفاقات الجديدة دى إلتزام صارم

ومش هينفع تانى يحصل اللى حصل الأسبوع اللى فات

يعنى المرة دى هيكون أول الأسبوع والمفروض مايكونش في حد عنده عذر

للغياب او الإنشغال

وبعدين ياجماعة حتى لو مشغولين والدنيا فوق دماغكم

إعتبروا الموضوع هنا جدى وكأنكم بتتابعوا مع دكتور تغذية ولازم تروحى كل يوم

علشان تقولى له أكلتى إيه ويوم الاحد ده لازم تدخلى تقولى وزنك

الإلتزام نفسه مع الموضوع بيبقى دافع لك إنك ما تخربيش قوى فى اكلك

وتخلى بالك منه

ميسون خلى بالك من فترة الجامعة دى

فترة الجامعة فترة ذهبية قوى فى فقدان الوزن

لأن حركتك فيها طول اليوم ممكن تخليكى تنقصى وزن بسهولة جدا

للاسف أنا فى الفترة دى كان وزنى زايد كان ما بين 80وال85

ومع المجهود اللى كنت بابذله ما نقصتش وكنت ثابتة على الوزن ده لانى كنت

باعمل زيك باكل كتير

واغلبها حاجات مش مفيدة قوى ومليانة سعرات كتير

انا عارفة إن الوقت الطويل فى الجامعة واصحابك بيخلوكى غصب عنك عايزة

تأكلى وتاكلى زيهم والإغراءات فى كل مكان

بس حاولى تقننى حاجتك إنتى

يعنى مثلا عايزة تشربى عصاير

بدل ما تشربى الزجاجة اللى هى 200 ملى خليها اللى هى 100 مللى أو اقل

وبدل ما تشربى العصير اللى فيه سكر دورى على العصير الخالى من السكر أو

الأقل فى السعرات

بدل ما تجيبى ساندوتش فيه أشياء مقلية زى الفراخ البروستد أو الجمبرى


المقلى او فلافل مقلية خليكى فى الحاجات المشوية او حتى المطبوخة على

نار عالية زى ساندوتشات كودو

وبدل ما تخليهم يضيفوا على الساندوتشات صوص المايونيز والكاتشب

والبطاطس المحمرة

خلى فى السندوتش بس سلطة مع طلبك من البروتين

وبدل ما تجيبى علبة البيبسى هاتى عصير

ولو نفسك فى البيبسى إقسمى العلبة مع واحدة من صديقاتك علشان ما

تشربيهاش كلها

وبدل ما تجيبى خبز صامولى خليه خبز صاج

صدقينى البدائل دى هتفرق معاكى قوى فى السعرات اللى بتجمعيها فى آخر

اليوم وعلمى نفسك حاجة قبل ما تشترى أى حاجة بصى فى سعراتها كويس

قوى ولو مافيش مفر من إنك تشترى حلويات قارنى بينها وإشترى الاقل سعرات

والأفضل بالنسبة للفطار إنك تاخدى ساندوتشك معاك من البيت وإنتى

اللى تجهزيه بنفسك فى البيت

علشان تتفادى أكبر كم من السعرات اللى مالها لزوم

أم نواف إيه هو البى سى 3 ده؟؟

وبعدين الخبز البر ده اللى هو يشبه التورتيلا ولا اللى هو الخبز العربى

بسوم ألف مبروك الجهاز الجديد ربنا يسهل ويكون سبب مساعد فى خسارة

أكبر لوزنك :thumbs_up:

يابنات البندرى لسه مختفية

ربنا يسترها معاها ويكون غيابها لخير إن شاء الله

للأسف مش باعرف فى مواضيع الشعارات دى يا اسورة

يارب تلاقى حد من البنات بيعرف يعمل الشغل ده

أم نواف

خلاص ياستى بس المهم تتأكدى قبل ما تشتريه إنه فيه نظام خاص بالرياضة

والتخسيس

ومبروك مقدما عليكى:)

يومياتى النهاردة

الفطار بيضة أومليت من غير زيت مع ملعقة اكل جبنة لايت

مع ربع رغيف بر وخيارة وكوب شاى أخضر بالزنجبيل

السناك كوب ميلك شيك فيه 84 سعر

الغداء نصف رغيف بالنخالة مع نصف فرخة صغيرة وطبق ملوخية

وخيارة وحبة فلفل

وكوباية شاى أخضر بالزنجبيل

الرياضة لسه هالعب إن شاء الله بعد ما اصلى المغرب

ميسون حاولى بأسرع وقت تظبطى امورك

لانك كده مش هتخسرى الكم كيلو الزايد عندك

لا ده إنتى كده هتكسبى كيلوات زيادة

لو اكلتى رز بلاش تأكلى خالص عيش

والعكس صحيح

واى حاجة فيها دقيق قلليها على قد ما تقدرى

ده السكر سعراته أأقل من الدقيق