wardat amal;14060474:
تعديل ع برنامجي اليوم :D
الماي .. تقريبا شربت 10 قلاصات :biggrin:
الريوق .. ما تريقت لاني قعدت متأخرة شوي
الغدا .. 10 ملاعق رز بالضبط لا زيادة ولا نقصان مجبوس ربيان + سلطة
العصرية .. فاكهة الا وهي جوافه + فراولاية وحدة
العشاء .. اومليت 2 مع قطعة خبز 1
سهر الليل .. فراولة 3 :adore:
وهذا برنامجي اليوم الف الحمد لله والشكر اني ما خبصت ولا تخبيصة
+ التمرين اليومي و ركوب ونزول الدرج 6 مرات :biggrin:
ام علاوي .. ربي يعااااافيج يا قلبووو
ان شاااااااااااء الله عن جد اشتقت لايام قبل هههه
بس الحمد لله اني مسيطرة على روحي تجاه الاجباس وهالسوالف
بس سهر الليل يخوف كل خايفة اسرق شي وآكله :hysterical:
ويخترب كل شي لا لا لا ان شاء الله الله بقدرني
الحالمة مشكوورة قلبوووو ع طريقتج في شرب الماي
عن جد احس تخبيصه قبل كل وجبة لاني اشبع من شربي الماي
وبعدين تلوع جبدي بعد اذا اشربه خخخخ
شكلي اني بعد بقلد عليج فديتج ;)
وثانكس بعد عن طريقة قشر البرتقال لاني معاناة ويا الامساك
من ولدت بميمي :(
اي صح بعد بقولكم سويت روحي فلته و سويت شوربة الحارقة
وتوقعت انها ما بتعجبني لان اكثر مكوناتها ما احبها امقتها بصورة مو طبيعية
ولمن كملت منها وتذوقتها لاعت جبدي ورجعت وبندول وحالة
وقلت خلاص تووووووبة وقمت وكبيتها :sick:
وان شاء الله بكرة بكتب يومي بالليل كامل احسن لان احس بلخبطة شوي
الا بسألج ام علووي الحين الاومليت كليت 2 يعني يعتبر تخبيص لو عادي ؟ :(
براحتج قلدي حبيبتي سوي الي تبين
بس عندج اشياء غير تقدرين تسوينها للامساك
مثلا تاكلين تمر مع هردة_الطحينة_
او الرهش- حلاوة الطحينية_
فول سوداني -كسكبالز سكسبال- الي تسمونه
البرتقال واجد زين خصوصا الصبح وقت الي تشربين الماي
واذا شربتي ماي دافي حطي فيه نقطة ليمون
صديقتي كانت تستخدم حبوب سعره اقل من دينار هو كان بخمس مائة فلس وشوي
واجد زين عن الامساك بس المهم انج ما تكثرين منه
وفي حتى شراب عمتي تستخدمه
اسمه مااعرفه عندي العلبة ف بيت ابوي ف البحرين
بالنسبة للماي انا ماكنت اشرب 3 اكواب للامانه
بديت بكوبين الصبح وساعات واحد ف الليل
بس زيدتهم الحين لاني حسيت روحي مااشرب ماي طول اليوم بما فيه الكفاية
وف الليل اذا اشرب الثلاثة تلوووووووووع جبدي يعني احس اني ......:sick:
كل شي عشان الرشاقة يهون
خلني انزل كيلوواتي الزايدة قبل الصيف
>>>> حاطة لي فترة طويلة:)
بالنسبة للشورب الحارقة قعدت اشوف الصور الي حطتهم دارين لاعت جبدي
احس الريحة تضرب ف مخي مو قادرة
مع اني ايام الي اشوف وزني ماتغير اقول بسوي الشوربة مرة ثانية
بس من جم يوم اقطع الملفوف واتذكر ريحتها استغفر الله
تحملتها وزين ضعفت 4 كيلو الحمدلله
بدونها ماكان تحرك رقم الميزان
بالنسبة للاومليت الي اكلتيه زين
بس اهم شي ماتحطين دهن واجد
يعني قفشة زيت تمام
