قروب Fitness Camp‏ للرشآآقه .. ! أآنتهـى التسجيل

مرحباااااااااااا صبابا
ماشاء الله علييييييك فنوش
الله يقويك حبيبتي

وينكم قلب فاطمة و وجد يوسف
ان شاء الله المانع خييير



انا اليوم صايمة
افطرت 3 تمرات و فنجانين قهوة
وتعشيت حبة وحده بيتزا وزعتر وسفن اب

ومن بكراااا ان شاء الله ببتدي بالرياضة
وراح اوافيكم ان شاء الله

موفقااااااات

najmat " sama2;13975877:
تسلمي يا قلبي على وصفة الشوربة إن شاء الله أسويها ،، أما الريجيم حسيته شوي صعب أنا مابقدر عليه حالياً .. بس أهم شي اني احذف وجبات العشاء .. و طبعاً مع أكل خفيف .. و يا رب ننحف في أقرب وقت بصحة و عافية

الرجيم - هالنظام الغذائي لازم يكون مع الشوربة
انتي اول ماتاكلين من الشوربة بتنتفخين بتحسين روحج شبعتي
انا كنت اسوي لي صحن من البرنامج وطبق ثاني فيه الشوربة
مقدار الشوربة ف الوجبة يكون غرفتين من ملعقة الشوربة العميقة

هذي الشوربة كنت اتمنى اسويها من 6 او 7 سنوات
وتوني مسويتنها لما زاد وزني اكثر

بنات الييوم اول يوم لي معاكم .. اتمنى اني انحف وارداتي تكون قويه ومقاومه ل اغراءات الطعام

دعواتكم لي انحف وانا بصحه وعافيه .. ترى الانسان اهم شي بالدنيا صحته وعافيته

.

اول ماصحيت من النوم دخلت علشان بس اسجل دخولي ليوم جديد ورشاقه جديده بأذن الله

راح اكون متواجده باذن الله قد مااقدر .. واكون على تواصل مستمر معاكم

يالله اشوفكم بعد الفطور .. وعلى فكرة الى الان ماشفت ولا وحده من قروب الخوخ غيري :(

يؤ وينكم بنات نايم القروب

انا اليوم فطرت ..

( حبه سندويشه بس وشربت مويه )

وتغديت قبل اشوي ..

( 5 ملاعق رز واشوي من صدر الدجاج )

وبس

بعد اشوي بشرب الشاي الاخضر ..

وفي الليل الرياضه ..

وبرجع لكم في الليل ان شاء الله

شموخ شمر
وينكم قلب فاطمة و وجد يوسف
ان شاء الله المانع خييير

باك ..

الظاهر اليوم مو ناويه اسوي رياضه .. اول يوم لي على التخفيف واحس مو متعوده خخخخ واحس بخمول ..

المهم ..

المغرب طلعنا ورحنا تعشينا بعد رز :( ودجاج :( اممم يعني تقريبا تقدرون تقولون 10 ملاعق خخخخخ < جابت العيد :(

بس يقولون دايم اول اسبوع يصير تخبيصات في اليوم خخخخخ < تبغي تقنع نفسها ..

المهم بعد مارجعت البيت .. اكلت لي بسكويت واكلت لي بطاطس كرسبي حروف < خوش تخبيصات : (

وبعدين شربت لي كاس لبن خالي الدسم ..

طبعا خلاص استوب عن الاكل .. لين بكرة الصباح ان شاء الله ..

والساعه 10 بشرب لي شاي اخضر ان شاء الله وبس

سلام
وين الناس؟
كله دراسة ف دراسة
الله يعينكم

انا اليوم خبصت اكثر منج دبدوبة

صاير لي يومين انام لي شوي بالليل واصحى الفجر ومااخلي شي الي اكله
وعقب الفطور اتعب وانام
والمفروض ماناكل وننام مباشرة

اليوم اكلت خبز اسمر مع جبن وبيضة مقلية + خبز محلى مقلي

وطبعا نمت وماتغذيت
تعشيت صحن معكرونة باللحم المفروم
والحين اخربط اشباس وبسكوت

ويمكن اشرب شاي اخضر صار لي فترة ماشربت

مع السلامة يابنات
تصبحون ع خير
نشوفكم بكرة ان شاءالله

سلام يابنات

قبل ما امشي تصفحت المنتدى وشفت هالتمارين
http://forums.3roos.com/showthread.php?t=577322

انا اسوي هالتمارين كل مااتذكر
يعني بعضها حتى وانا ف المطبخ انتظر شي يستوي اقدر اتحرك واسويها

واحسها تشد العضلات
وبعد هي سهلة

اتمنى تجربونها

صباح الخير .. ماتلاحظون القروب نايم بقوة .. لازم نحركه اشوي .. وينكم يابنات ؟

بالعافيه عليك يا احلامي بس احس انتي اهون مني بكثير خخخخخ

بس ماتشوفين البنات مخفين : (

المهم .. انا فطوري شابورة + حليب + قطعه كيكه : )

بعد ساعتين الشاي الاخضر ينتظرني خخخخ

هلا صباح الخير

كيف حالك دبدوبة
مادري انا احس اخربط هاليومين وااااجد
مع اني كنت مصممة امشي عالمسطرة هالاسبوع
لاحظت ع نفسي اذا ماعندي رجيم اعتمد عليه اخربط عدل


اي والله اشوف القروب نايم لا وفي سبات عميق
اول الايام لما كنت اروح وارد اشوف الصفحات ماشاءالله صاروخ
والحين كل يوم صفحة
يمكن مشغولين بالدراسة

يالله المهم ملتزمين معانا ونشوف يوم الوزن بتزيد الردود ان شاءالله


انا اليوم اكلت شكثر
تونا الصبح

خبز مع جبن وبيض مقلي
طبعا سويت الفطور لزوجي مااكله وانا اكلته
رجعت حليمة لعادتها القديمة
قلت بس كفاية ماباكل شي
قمت اشرب كوفي وصار خاطري ف كاكو قمت اكلت كيت كات اصبعين

يالله ان شاءالله مااكل شي ناوية اوقف للمغرب


وان شاءالله نضعف بخير وصحة وعافية

الله يسمع منك ونصير رشيقات 2011

..

الساعه 10 الصباح سويت لي سلطة عبارة عن ( فليفله باردة و خيار وطماطم وليمون وملح ) واكلتها

..

برجع لكم بعد الغداء ان شاء الله

آآهلين بنـآآت


سـآآمحوني مـآدخلت كثير لان عندي امتحنـآآآـت وضغط هـآآآآآآآآآآآآآآآآآآآآآآآآآآآآآآآآآئل مرآآآ ...

بنجد تعب ..

واضغط على نفسي عشـآآن ادخل ,,

بس الاسبوع ذـآآ آخر اسبووع .,


امس مـآآفطرت ,.

وتغديت صيـآآديه شووي وسمك مسلووق برضه شوي وببسي دآآيت .,, وسلطه ..

ومـآآتعشيت .,.


وآليوم بعد مـآآفطرت مـآآفيه وقت أأبدآآآ ..

والغدآآء مندي دجـآآج صدر وشوي رز .. وسلطه وعصير اناناس ..


والمغرب من قمت اكلت لي 2 معمول فرريش يصرررع << ههههه


وآآلحين برضوه عشـآآن آآمي ((جدتي)) جآآت عندنـآآ اكلت معموليه .. وفنجآآن قهوة ..

وآآيووا نسيت خبصت واكلت بطاطس مقليه .. قهههههههههر .


شرآآيكم ..خخخخخ

^
يارب تخلصين الاختبارات وترجعين لنا زي حماسك السابق ..

ننتظرك ..

واتمنى القروب يتحرك اكثر حبايبي ..

سللامو
الله يوفقكم وينجحكم

اسمي الحالمة

انا امس بس فطرت وبقيت طول اليوم بدون اكل
وقبل اذان المغرب غفيت لي غفوة قمت صليت بعدها نمت مباشرة وماصحيت الا الفجر

عاد المصيبة هني

شربت كوبين ماي دافي
قال لي زوجي يبي قيمات وطبعا هذا حبيب القلب>>>القيمات
اكلت منه
وع الساعة 7 فطرت مرة ثانية

سويت لي نودلز مع صلصلة مثل المعكرونة
وقليت بطاطس شبس مكعبات وياه+ملعقتين جبن
واخر شي اكلت جوز

ان شاءالله بسوي لي شاي اخضر
خلطة جديدة فيها زنجبيل وقرفة
اجرب ع روحي

اشوفكم ع خير
دبدوبة ووردة وفنوشة وكل القروب

دبة تحلم بالرشآقة;13999620:
^
يارب تخلصين الاختبارات وترجعين لنا زي حماسك السابق ..

ننتظرك ..

واتمنى القروب يتحرك اكثر حبايبي ..