ناني فيبس;12684744:
عندي كمان ليكي حشوة سمبوسه حلوة اوي
شوحي بصله ومعاها حتت فراخ نونو وسبيها 5 دقايق وبعدين معاها جزر مبشور وكرنب مبشور وملح وفلفل شيه صويا صوص بس بتبقى حلوة اوي بردوا
Bossy22;12699588:
يا بنات عايزة اسالكو على حاجة انا عملت كيكة عادية و حطيت مع العجينة مكسرات و زبيب فلقيتهم اترسبو تحت و اتحرقو خالص ده ليه حصل كده
؟؟؟
ام عمر افندى;12705006:
بصى يا بوسى زى ما ام بودى قالتلك بالظبط انت بعد تضربى الكيكه كلها هتجيبى مكسرات وتحطيها فى دقيق تعفريها دقيق زى البانيه كده وبعدين تحطى المكسرات على عجينه الكيكه وتقلبى تقلبتين وتصبيها فى الصنيه وتسويها وتطلعيها تقطعيها وتبعتيلى حته هههههههههههههههه :D
doaaes;12700904:
هههههههههههه سلامه ايدك يا سوسى وكل 6 شهور ونورين طيبه ان شاء الله وجزاكى الله كل خير يا سوسى انتى وام بودى على المنيو ده وميرسى يا نور انتى ونانى هجرب اللى انتوا قولتوه يارب تطلع حلوه ياااااااااارب
بيرق أمل;12702564:ايوا يا سوسي والحمد لله عدنا :)
عملت الكبسة بصراحة طلعت خطيييييرة وعلى الرز الابيض العادي، طبعا مختلفة مليون مرة عن البسمتي، لكن جميلة قوي
واللحمة طلعت طعمها روووووووووووووعة بصراحة هي اللي الكل قعد يشكر فيها قوي عشان اول مرة احطها في الفرن وطريقة التوابل والتكتيكات خلت طعمها تحفة ميرسي يا جميل F:
بيرق أمل;12705359:ضمنتي نصيبك في الصينية ههههههههههههههههه
واحشاني جداااااااااااااااااااا يا ام عمر
يا بنات هي رورو فين ؟؟؟ طمنوني عليها
انا نفسي اكل السلطة الخضرا بجد واحبها ولما باكلها بانقي حاجات كده معينة منها
نفسي اكلها بالمعلقة عشان بيقولو مفيدة قوي خصوصا الجرجير وعقدتي الجرجير :(
وحد جرب سلطة الباستا؟؟ اللي هي بيسلقو مكرونة صغيرة ويحطوها في السلطة حلوة ولا وحشة عشان بفكر ان شاء الله اجربها، ومعنديش استعداد لخسائر
ام عمر افندى;12704118:
ازيكم يا بنات وحشينى جدا بجد عاملين ايييه
نانى الجمبرى رهيب اوى تسلم ايدك وممكن طريقه شوربه الحريره
سوسى وام بودى تسلم اديكوا على المنيو بجد رااائع والشوربه اساااااسى طبعا
نوووووووووور حمدلله على سلامتك يا قمر وحشتينى
ام بووودى كلامها صح الصح طبعااااااااااااا لو عاوزيين تحطوا مكسرات على اى كيكه حطوا المكسرات فى دقيق الاول وبعدين على الكيكه وهتبقا تماااااااااااااااااااااااام
ام عمر افندى;12704390:
نانى بالنسبه للمنيو ممكن تعملى لازنيا سوسى حلوه اووى وتعملى التوست بالفراخ اللى عملتيه قبل كده وتعملى ريش انا بحط معلقه سمنه وعليها فصين مستكه واشوح الاستيك فيها اوووى لحد ما يتحمر واحط على رشه فلفل اسمر وملح وحبهان وورقتين لاورا وحبه ميه نونه ممكن ربع كوبايه واسيبها لحد ما تشربه واشوف لو استوى يبقا تمام مستواش احط ميه نونه تانى وهكذا وبتبقا رهيييييييييييبه جدا بالذات فى قطع الاستيك التخينه شويه وفيها عضم السلطه بقا انا مليش اوى فى افتكاسات السلطات يعنى خضرا او تبوله اوفتوش العادى يعنى بس بالنسبه للسلطه الخضرا بحط عليها كل حاااااااااااجه بجد جرجير بس مش بقطعه بيبقا ورقه صغنن كده وجزر وخيار وخس وبصل وطماطم وكرنب احمر وبقدونس واجط ايطاليان صوص وبس كده الحلو بقا اعملى مينى تشيز كيك بتاع دايزى اش حلو اووووى بس انا لما عملته عملت بسكوت بالزبده عااادى مفروم او اعملى الماكرون هيبقا جديد ايه تانى ايه تانى بس دا اللى فى بالى لو جت حاجه تانيه هقولك
بيرق أمل;12705359:ضمنتي نصيبك في الصينية ههههههههههههههههه
واحشاني جداااااااااااااااااااا يا ام عمر
يا بنات هي رورو فين ؟؟؟ طمنوني عليها
انا نفسي اكل السلطة الخضرا بجد واحبها ولما باكلها بانقي حاجات كده معينة منها
نفسي اكلها بالمعلقة عشان بيقولو مفيدة قوي خصوصا الجرجير وعقدتي الجرجير :(
وحد جرب سلطة الباستا؟؟ اللي هي بيسلقو مكرونة صغيرة ويحطوها في السلطة حلوة ولا وحشة عشان بفكر ان شاء الله اجربها، ومعنديش استعداد لخسائر
dandona we bas;12709342:
اي شواية يا ناني و لا اللي بتكون عاملة زي التيفال بس مقلمة كده
حد قبل كده استخدم الجريل في الميكروييف
dandona we bas;12709383:
كمان عايزة اعرف لو عندي بوفيتك و متبلاها في طريقة اعملهم بيه غير البقسماط و البيض و امبارح كنت عاملة بيهم صنية بطاطس عايزة حاجة تانية للقطع الباقية هي متبلة بس عشان اعملها النهاردة و تكون حاجة سريعة كده ان شاء الله
Boody we zady;12710247:
ممكن تعمليها في طاسه تيفال و حته زبده يا دندونة
ناني خليكي معايا في طبق السلطة ده و قوليلي رأيك ماشي
باستا و طماطم صغيره نونو و خيار صغير نونو و ذرة و جزر مبشور ناعم و بقدونس مفروم ناعم و مكعبات جبنة شيدر كرافت ايه رايك؟؟؟؟
أعمل دريسنج ليمون و زيت و بس؟؟؟؟؟؟؟؟ أصل جوزي مش جاي عاي الغدا و عندي أكل للأولاد فأعملها أتغدي بيها أنا
ناني فيبس;12706663:
سوسي تسلم ايدك منيو جامدة اوي اوي
انتي وحشتينا اكتر يا حبيبتي
شوربه الحريرة زي ما اتعلمتها من حماتي
هي شوربه لسان عصفور عاديه جدا بتزودي عليها عصير طماطمتين تقريبا ولحمه مفرومة متعصجة وبقدونس بس تغلي غلوتين مع الحاجات دي وخلاص كدة
وعلى فكرة انا بحط مكسرات وزبيب في الكيك من غير ما احطهم في الدقيق بس انا مش بحطهم غير في كيكة التمر بصراحة وهي كيكة كثيفه بطبيعتها ههههههههههه
مرسي يا حبيبة قلبي انتي الوحيدة اللى خدتي بالك من طلبي :(
وبجد افكارك تحفة انا فعلا هعمل الريش بالطريقة دي شكلها جامدة
بس كنت بفكر اعمل معاها رز بالخلطة بدل اللازنيا وممكن فعلا صينيه التوست جنبهم وكدة يبقى حلو اوي
جربي تشتري نوع دريسنج جاهز من السوبر ماركت بيخلي طعم السلطة حلو اوي واحتمال تحبيها
جربي الايطالين او الجريك
Boody we zady;12709077:
بناااااااااااااااااااات حد جرب يعمل قيمر أو قشطة نستله الصفيح دي في البيت قبل كده؟
ناني فيبس;12710748:
ام بودي انا قمت بصتلك في كتاب عندي سلطات ايطالي بالباستا
في نوعين دريسنج
ممكن تجربيهم وممكن تعملي ليمون وزيت وملح وفلفل بس
اول دريسنج
معلقتين صغيرين زيت زيتون ونص معلقة خل وربع معلقة سكر ونص معلقة مستردة وملح وفلفل
الدريسنج التاني
3 معالق زيت زيتون ومعلقة ونص خل ونص معلقة عصير ليمون ونص معلقة مسترد ونص معلقة عسل ابيض
مع العلم ان اول دريسنج معمول مع سلطة باستا نفس مكونات السلطة بتعتك بالظبط من غير ذرة
اما الدريسنج التاني معمول لسلطة من ضمن مكونتها التونه
Bossy22;12699588:
يا بنات عايزة اسالكو على حاجة انا عملت كيكة عادية و حطيت مع العجينة مكسرات و زبيب فلقيتهم اترسبو تحت و اتحرقو خالص ده ليه حصل كده
؟؟؟
dandona we bas;12709383:
كمان عايزة اعرف لو عندي بوفيتك و متبلاها في طريقة اعملهم بيه غير البقسماط و البيض و امبارح كنت عاملة بيهم صنية بطاطس عايزة حاجة تانية للقطع الباقية هي متبلة بس عشان اعملها النهاردة و تكون حاجة سريعة كده ان شاء الله
ناني فيبس;12709686:
غدا النهاردة
فاهيتا لحم
سندوتش الفاهيتا بالتورتيا والساور كريم والشيدر