15 مرة نقول يا تري بتعملي الأكله دي ازاي؟ ( مبدعات مصر القمرات ) .. شهر شعبان

انا عملته بالطريقة دي بالظبط


مقادير الشو( الاكلير)
250مل حليب = 1,25 كوب
250مل ماء= 1,25 كوب
300ج دقيق=1,5 كوب
200د زبدة= 3/4 كوب
1 م ص ملح
1 م ص سكر
9 بيضات
3 م ص فانيليا
الطريقة
1- نضع الماء مع اللبن مع الزبدة عالنار ونقلبهم بسرعة لحد ما تغلي وبعدين نضيف ملعقة السكر وكذلك الملح ةواخيرا الدقيق ونقلب كويس لحد ما تتكون عجينة عبارة عن كتلة متماسكة لاتلتصق بالوعاء
2- نتركها تبرد خالص ونعدين نضيف اليها البيض (بيضة ثم بيضة)ونتأكد ان البيضة مش هنضيفها غير لما اللي قبلها تكون اتشربتها العجينة وكذلك نضيف الفانيليا
3- بعد كده هنعبي العجينة في كيس حلويات ولازم يكون كيس قوي مش البلاستيك بتاع الكريمة لانه مش هيستحمل وهيتقطع
4- هنعملها في الصينية على شكل اصابع وهو ده الشكل المعروف للاكلير وممكن نعمل شكل حلقات او اي شكل نحبه, هنرصهم متباعدين عن بعض وندخلها الفرن على 180 لمدة 30 دقيقة
5- بعد ما تستوي هننزل الوجه بتاعها اما في صوص كراميل او في صوص شوكولاتة
6- نفتحها بالسكين بشق طولي ( بالنسبة للاصابع طبعا) او بشق عرضي ( للحلقات او الدوائر)ونحشيها باستري كريم سادة وممكن نخلي الباستري كريم سخن وننزل فيه قطع من الشوكولاتة هتسيح وتديله لون الشوكولاتة
نيجي بقى للحشو ,, وهو عبارة عن كريمة باستري وممكن احيانا نستخدم كريم شانتيه
هنجهزها بخلط كوب كريمة بودرة جاهزة ( تباع في السوبر ماركت)مع 2 كوب ماء بارد او حليب بارد, واللي مش هيعرف يجيبها هقولكوا ازاي تتعمل في البيت
المكونات بتاعة الكريمة الباستري
500مل حليب=2,5 كوب
100ج سكر=1/2 كوب
2 م ص فانيليا
3 بيضات
50 ج نشا = 1/4 كوب
50 ج زبدة=1/4 كوب
الطريقة بتاعة تحضير الكريم باستري
1- نضع الحليب مع السكر عالنار يغلي بس نخلي منهم نصف كوب هنستعملهم في حاجة تانية
2- نضرب البيض ونضيف اليه الفانيليا ونضيف نصف كوب الحليب اللي خليناه وثم نضيف اليهم النشا
3- بعد ما يغلي الحليب نضيفه اليهم ونقلب اثناء الاضافة حتى يتجانس مع بعضه
4- نضعه في طبق يبرد ثم نغطيه ببلاستيك وندخله الثلاجة وممكن يفضل في الثلاجة 3 ايام
التوبنج بتاع الاكلير
كراميل (100ج سكر + 50 ج ماء) ونسيحهم عالنار لحد اللون الذهبي
شوكولاتة خام غامقة او بيضاء سايحة على حمام مائي
مكسرات لتزيين الوجه

ام مومو المشكلة في اللبن هو اللي طري العجينة
جربي المقادير دي وان شاء الله يطلع حلو

كوبايتين مية - 10 بيضات - ربع كيلو زبدة - 8 معالق كبار دقيق
وممكن تعملي نصها طبعا
ولازم لازم يدخل الفرن وهو سخن جداااااااااا يعني تشغلي الفرن اول ماتدخلي المطبخ وبعدين تشتغلي وعلي ماتحطيها في الفرن يكون سخن خالص وماتفتحيش عليه الفرن الا لما يستوي زي الكيكة

انا عملت يا بنات رز بالفلفل الالوان والقرفة ومعاهم فراخ بالسماق والفلفل الالوان وده كان الشكل النهااائي ايه رأيكم :D

sosiii-cat;12734714:
ام مومو المشكلة في اللبن هو اللي طري العجينة
جربي المقادير دي وان شاء الله يطلع حلو

كوبايتين مية - 10 بيضات - ربع كيلو زبدة - 8 معالق كبار دقيق
وممكن تعملي نصها طبعا
ولازم لازم يدخل الفرن وهو سخن جداااااااااا يعني تشغلي الفرن اول ماتدخلي المطبخ وبعدين تشتغلي وعلي ماتحطيها في الفرن يكون سخن خالص وماتفتحيش عليه الفرن الا لما يستوي زي الكيكة

خلاص اجربها من ورا جوزي بقى وعلى ضمانتك:D

M!ss Tuky;12734751:
انا عملت يا بنات رز بالفلفل الالوان والقرفة ومعاهم فراخ بالسماق والفلفل الالوان وده كان الشكل النهااائي ايه رأيكم :D

جميلة جدا بس هو ايه السماق ده؟;)

M!ss Tuky;12734751:
انا عملت يا بنات رز بالفلفل الالوان والقرفة ومعاهم فراخ بالسماق والفلفل الالوان وده كان الشكل النهااائي ايه رأيكم :D

تسلم ايدك يا توكي حلو اوي

MOMO'S MUM;12734829:
خلاص اجربها من ورا جوزي بقى وعلى ضمانتك:D



جميلة جدا بس هو ايه السماق ده؟;)

هههههههه ماشي جربيها وقوليلي النتيجة

السماق اهو بعد اذنك يا توكي




طعمه فيه مذاذة شوية وممكن نحطه في الدريسينج بتاع السلطة وبيستخدم في التتبيلات وقيمته الغذائية عالية جدا

طيب سوسي انا ليا سؤال انتم ازاي بتعرفوا تركزوا في الطبيخ من زن العيال انا ابني بشع مش بعرف اعمل منه حاجة في المطبخ و معظم الاكل بيبوظ مني

سوسي يا قمر تسلمى ع الرد طبعا

والسماق ده في بيقولو انو رمان مطحون

وفي بيقولو انو نوع اعشاب كده فيه مذاذه شويه

وبالنسبه للاكله هحطها ياقمر من عنيا

ههههههههههه والله انا مش بعرف اطبخ كتير زي الاول بس دلوقتي بحاول اسيب نورين مع باباها في الوقت اللي هو موجود فيه واجري انا اطبخ ومعظم الايام بطبخ من بالليل نص الاكل واسويه تاني يوم وساعات باخدها بقي معايا واقعدها في الكرسي بتاعها علي باب المطبخ واديلها لعبة في ايديها مثلا وبتقعد تتفرج عليا هههههههه

يعني حاولي تعملي الاكل من بالليل زي المكرونة بشاميل رز بشاميل لازانيا تتبلي الفراخ او اللحمة وكدة بحيث تصحي براحتك وقت ما مومو يصحي تدخلي تحطي الصينية في الفرن علي طول وخلاص



توكي اول مرة اسمع معلومة الرمان ممكن برضو

sosiii-cat;12735048:
ههههههههههه والله انا مش بعرف اطبخ كتير زي الاول بس دلوقتي بحاول اسيب نورين مع باباها في الوقت اللي هو موجود فيه واجري انا اطبخ ومعظم الايام بطبخ من بالليل نص الاكل واسويه تاني يوم وساعات باخدها بقي معايا واقعدها في الكرسي بتاعها علي باب المطبخ واديلها لعبة في ايديها مثلا وبتقعد تتفرج عليا هههههههه

يعني حاولي تعملي الاكل من بالليل زي المكرونة بشاميل رز بشاميل لازانيا تتبلي الفراخ او اللحمة وكدة بحيث تصحي براحتك وقت ما مومو يصحي تدخلي تحطي الصينية في الفرن علي طول وخلاص



توكي اول مرة اسمع معلومة الرمان ممكن برضو

حجرب كده وربنا يهديه بقى:mad:

طيب انا النهارده عملت ملوخية بس حسيت طعمها خضرة كده اوي كاني باكل نجيلة بالرغم اني بعمل الجيفركس على طوول بتبقى وهم المرة دي عملت ملوخية خضرا بس وحشة اوي ايه السر؟

الحاجة التانية ازاي احفظ الملوخية المخروطة و الكوسة والجزر في الفريزر؟؟؟؟؟؟؟؟

عملت مع الرز بالفلفل الالوان دجاج شرايع بالفلفل الالوان والسماق ودى طريقه شفتها من الشيف يسري وجربتها وباقيت مشهورة بيها


المكونات

صدور فراخ قطعتها شرايح - فلفل الوان - طماطم شرايح- وبصل شرايح- وسماق- ملح وفلفل- وزيت زيتون

----------------------------------------------

الاول تبلت الفراخ في معلقة خل ومعلقه عصير لمون وملح وفلفل وشويه سماق وشويه زعتر تبلتها قبلها ب ساعه كده


وهنا شوحتها ف معلقه زيت زتون



ولما نزلت ميتها وشربتها نقلتها ع جنب

وفنفس الطاسه شوحت البصله لحد ما دبلت


ولما دبلت البصله نقلت الفراخ ليها تانى



وعلي جنب شوحت الفلفل الالوان مع شويه سماق مع معلقه زيت زتون لانو هيتضاف ع الفراخ ف الاخر


وبعد ما قلبت الفراخ عالنار مع البصل وشويه السماق حطيت الفلفل المتشوح عليهم وقلبتهم
ونحط الملح والفلفل ونراعي اننا حاطين ف تتبيله الفراخ



وفي خطوة نسيتها انى زودتها نص كبايه ميه عليها معلقه نشا عشان صوص الى نزلتو الفراخ يمسك شويه وفالاخر خالص حطيت الطماطم لانى مش عايزاها تغير لون الفراخ لصلصه



وده الشكل النهائي قدمتو مع الرز بالفلفل الالوان والقرفه

وبالهنا والشفا

MOMO'S MUM;12735122:
حجرب كده وربنا يهديه بقى:mad:

طيب انا النهارده عملت ملوخية بس حسيت طعمها خضرة كده اوي كاني باكل نجيلة بالرغم اني بعمل الجيفركس على طوول بتبقى وهم المرة دي عملت ملوخية خضرا بس وحشة اوي ايه السر؟

الحاجة التانية ازاي احفظ الملوخية المخروطة و الكوسة والجزر في الفريزر؟؟؟؟؟؟؟؟

MOMO'S MUM;12735122:
حجرب كده وربنا يهديه بقى:mad:

طيب انا النهارده عملت ملوخية بس حسيت طعمها خضرة كده اوي كاني باكل نجيلة بالرغم اني بعمل الجيفركس على طوول بتبقى وهم المرة دي عملت ملوخية خضرا بس وحشة اوي ايه السر؟

الحاجة التانية ازاي احفظ الملوخية المخروطة و الكوسة والجزر في الفريزر؟؟؟؟؟؟؟؟

مش عارفة يا ام مومو طيب حطيتلها مكعب مرقة دجاج ؟؟

وحفظ الملوخية نور برضو هي اللي كانت قايلالي عليها والجزر انا بقطعه مكعبات صغيرة واخلطه بالبسلة وانزلهم في مية بتغلي لمدة دقيقة وبعدين اطلعهم في مية ساقعة واحطهم في اكياس
الكوسة بقي مش عارفة والله ماجربتش اخزنها قبل كدة

sosiii-cat;12734287:
تسلم ايدك يا ناني انا بحب الكيك الطري اوي هاجربها ان شاء الله :thumbs_up:



احنا بناكله زي الكورن فلاكس بلبن وسكر



تسلم ايدك يا فلاور بس فين بعد ماطلعت من الفرن :)

ربنا يخليكى ياقمر

هنزل الصور تانى لانى كنت خارجه ومستعجله

هنا بعد ماخرجت من الفرن بس اتلسعت منى شوية

بيرق أمل;12733894:

ناني معلش في السؤال يا حبيبتي

بس ايه هو اللبن المبخر بتاع الشاي؟؟ البودر تقصدي يعني؟

لكل اللى سأل عن الحليب المبخر

هو نوع في السوبر ماركت هتلاقيه في جزء الالبان والقشطة بيكون طعمة اقوى شويه من الحليب العادي وبيتعمل بيه الشاي والقهوة ودي صور بس مش عرفة الماركة اللى في مصر ايه


يعني دايما هتلاقوا على علبيته صورة كوبايه شاي بلبن:D











اما المكثف المحلى طبعا كلكوا عرفينه اللى بيكون مرسوم عليه طبق حلويات وبيكون تقيل ومسكر اوي

لكن المبخر مش مسكر خالص مفيهوش اي سكر

MOMO'S MUM;12734368:
انا اول مرة اشارك معاكم يا مزز يا طبخات انتم

انا بقى عملت اكلير فشل فشل زريع و جوزي قاللي ارحميني وماتعمليش تاني حاجة حلوة

المشكلة ان الاكلير نفش جاااااااااااااااااااااااااامد وبعد كدة فتش خالص و بطط وطعمه كان بيض بالشيكولاتة ليه بقى؟؟؟؟؟؟؟؟؟؟؟؟






سؤال غتيت هو لامؤخذة ايه الحليب المبخر دا؟؟؟؟؟:study:

اهلا بيكي يا قمر وانا جاوبت فوق يارب يكون الاجابة وضحة

والاكلير معلش هو اول مرة كدة انا بردوا عمل مني كدة اوي مرة

لان البيض كان كتير اوي والعجينه كانت مش بالسماكة والقوام المطلوب بالاضافة اني سويته في الفرن على نفس الحرارة طول الوقت

لكن هو بيحتاج نار عليه في الاول وبعد كدة تقلليله وتسبيه وفي الاخر تطفي الفرن وتسبيه كمان 5 دقايق ودة مع ان العجين يكون صح من الاول بانه يكون عجين سميك لما ترفعيه بالمعلقة ماينزلش من المعلقة

Boody we zady;12734443:
بعد اذنك يا ناني حأرد يا قمر اللبن المبخر هو اللبن المكثف شفتوا سهله ازاي ههههههههههه

أكيد يا قمر انتي مش استنيتي عليه لما استوي كويس أصل الأكلير ده شبه الكيك لازم يستوي و وشه ينشف عشان تطلعيه بره الفرن المرة اللي جايه اعمليه و لما يستوي اطفي الفرن و سيبيه جوه 10 دقايق انتي حشيتيه ايه ؟ ممكن تقولي انتي عملتي ايه طيب؟

شكرا يا ام بودي ربنا يخليكي بس هو العلبه بيكون مكتوب عليه انه لبن مبخر للشاي زي الصورة ومختلف عن المكثف المحلى

MOMO'S MUM;12734549:
انا عملته بالطريقة دي بالظبط


مقادير الشو( الاكلير)
250مل حليب = 1,25 كوب
250مل ماء= 1,25 كوب
300ج دقيق=1,5 كوب
200د زبدة= 3/4 كوب
1 م ص ملح
1 م ص سكر
9 بيضات
3 م ص فانيليا
مائي
مكسرات لتزيين الوجه

ايه المقادير دي ؟؟؟؟؟؟؟؟؟؟؟^o)^o)

جبتيها منين ؟:D

الشو مفيهوش لبن خالص

بصي هي كوبايه دقيق وكوبايه ميه ونص كوبايه زبدة وذرة الملح والسكر و3 بيضات بسسسسسسسسسسس ايه كل البيض دة اللى في الوصفة بتعتك؟

M!ss Tuky;12734751:
انا عملت يا بنات رز بالفلفل الالوان والقرفة ومعاهم فراخ بالسماق والفلفل الالوان وده كان الشكل النهااائي ايه رأيكم :D

وااااااااااااااااو حلوة اوي اوي تسلم ايدك يا توكي بالهنا والشفا

بيرق أمل;12735399:

منورة ام مومو في التجمع يارب دايما معانا F:

وايه اللي حصل للملوخية انا مش عارفة يمكن نوعها وحش ولا ايه مش عارفة بصراحة

الملوخية تحفظيها خرطيها عادي ورشي عليها بيكربوناتو وقلبيها كويس هي هتبقى عجينة اصلا وشيليها في كيس في الفريز
وفي طريقة مش فاكرة مين قالتها، بتخرطيها برضه وتنزليها على مغرفة شوربة واحدة على نص الكيلو وتربيها كويس وتشيليها في كيس في الفريز
الكوسة مش باخزنها بصراحة، الجزر بتقطعيها مكعبات وتشيليها في الفريز، او تشيليه بحاله عادي
انتي عايزة تشيلي الجزر ليه عشان البسلة؟؟

ايوة عشان البسلة و عشان الفسفوس محمد ابني

sosiii-cat;12736067:
مش عارفة يا ام مومو طيب حطيتلها مكعب مرقة دجاج ؟؟

وحفظ الملوخية نور برضو هي اللي كانت قايلالي عليها والجزر انا بقطعه مكعبات صغيرة واخلطه بالبسلة وانزلهم في مية بتغلي لمدة دقيقة وبعدين اطلعهم في مية ساقعة واحطهم في اكياس
الكوسة بقي مش عارفة والله ماجربتش اخزنها قبل كدة

انا حطيت مرقة دجاج و برده نجيلة بحتة اعتقد ان نوع الملوخية نفسها مش حلوة مش معسلة لا معفنة:badly:

ناني فيبس;12736876:

اهلا بيكي يا قمر وانا جاوبت فوق يارب يكون الاجابة وضحة

والاكلير معلش هو اول مرة كدة انا بردوا عمل مني كدة اوي مرة

لان البيض كان كتير اوي والعجينه كانت مش بالسماكة والقوام المطلوب بالاضافة اني سويته في الفرن على نفس الحرارة طول الوقت

لكن هو بيحتاج نار عليه في الاول وبعد كدة تقلليله وتسبيه وفي الاخر تطفي الفرن وتسبيه كمان 5 دقايق ودة مع ان العجين يكون صح من الاول بانه يكون عجين سميك لما ترفعيه بالمعلقة ماينزلش من المعلقة

ميرسي على النصائح الهايلة:thumbs_up:

ناني فيبس;12736902:
ايه المقادير دي ؟؟؟؟؟؟؟؟؟؟؟^o)^o)

جبتيها منين ؟:D

الشو مفيهوش لبن خالص

بصي هي كوبايه دقيق وكوبايه ميه ونص كوبايه زبدة وذرة الملح والسكر و3 بيضات بسسسسسسسسسسس ايه كل البيض دة اللى في الوصفة بتعتك؟

من الفيس بوك يا اختي:-#:thumbs_down:

حجرب طريقتك وطريقة سوسي من ورا جوزي:cool: واقولكم الاخبار;)

يعني ايه اربي الملوخية مش فاهمة يا بريق الامل؟؟؟؟؟؟^o)

يعني تروبيها زي البيض كدة لما بتعملي بيه البانيه مثلا :)