15 مرة نقول يا تري بتعملي الأكله دي ازاي؟ ( مبدعات مصر القمرات ) .. شهر شعبان

انا عملت بسبوسه شيمو وباظت منى مش عارفه ليه اعاااااااااا
قولولى بقى الغلط فين انا عملت اللى هى عملته بالظبط بس وانا بدخل الصنيه الفرن كانت العجينه البسبوسه سايله مش ماسكه نفسها كنت بقى المفروض احط سميد زياده ولا ايه؟؟؟

N0rma;12679866:
الجيلاتين باودر دا اللى بتعمكلوه لحلويات تتلزق بيه زى السودانيه والسمسميه كدا ولا ايه؟

لا يا نيرو الجيلاتين بيتعمل بيه التشيزكيك وبتلمعي بيه التورت والجاتوه وكدة من فوق الوش
السودانية والسمسمية حاجة تانية

doaaes;12681706:
انا عملت بسبوسه شيمو وباظت منى مش عارفه ليه اعاااااااااا
قولولى بقى الغلط فين انا عملت اللى هى عملته بالظبط بس وانا بدخل الصنيه الفرن كانت العجينه البسبوسه سايله مش ماسكه نفسها كنت بقى المفروض احط سميد زياده ولا ايه؟؟؟

لا هي لما بتدخل الفرن بتبقي سايلة كدة صح
طيب باظت ليه نشفت يعني ولا كانت عاملة ازاي ؟؟؟؟؟؟

ناني فيبس;12675616:
ام عمر

انا اول مرة اسمع عن الكيك دة بس جبتلك مقاديرها من النت

4 بيضات
2 كوب سكر
2 كوب دقيق
معلقتين فانيليا
معلقتين بيكنج بودر
نص معلقة ملح
كوب حليب
ربع كوب زبدة


وطبقة الفروستنج

كوب ونص سكر بودرة
كوب الا ربع زبدة
نص كوب كريمة
2 كوب رقائق جوز هند

ودي صورتها عشان اللى مش عرفها

نانى انا لسه بقول يارب اعرف ادخل عشان اشكرك واقولك جمايلك كترت عليا يا حبى لاقيتك كمااان جايبالى الكيكه ربنا يخليكى يااااارب ويرزقك من وسع بجد مش عارفه اقولك ايه الكيكه شكلها جاااامد جدا وهجربها بس اللى انا قصدى عليها مقاديرها كاكاو ولبن بودرة ولبن قليل ولبن مكثف تقريبا وسكر وزبده نونه كل دا بيضرب فى الخلا كويس اووووى وبعدين انزلى عليه بقا بالمكسرات اللى عاوزاها ولو مش عاوزة مفيش مشكله وهاتى بسكوت الشاى وكسريه وقلبى وبعدين تحطيها على ورق فويل وتلفيها على شكل اسطوانه كده وتدخليها الفريزر وتسيبيها لحد ما تجمد خاالص وطلعيها قطعيها دواير كده ومشى حروفها على جوز هند مكسرات مطحونه او من غير كده تحسيها ايس كريم مستعبط عامل نفسه كيكه عشان البسكوت دا بتبقا حلوة اوووى وخفيفه انا دايما كنت بعملها قبل الجواز بس نسيت خااالص المقادير بالظبط تعباكى معايا دايما ربنا يخليكى
كنت هنسى اقولك انا كنت عاوزة اشكرك على ايه على دبس الرومان قولتيلى عليه للشاورما وتتبيل المشويات رهييييييييييييييييييييييب من هنا لحد السنه الجايه بجد روووعه امبارح جبت لحمه مفرومه طازة وفراخ صغننه وجوزى النهاره واخيرا وبعد طوووول انتظار اجازة قلت بس استنهيزى الفرصه بقا رحت تبلت الكفته ببصله وطماطمايه وملح وفلفل ونص معلقه دبس رومان والفراخ بقا بصل وطماطم وتوم وزبادى وملح وفلفل وزعتر وبابريكا نونه ودبس رومان معلقتين كانت بجد رهييييبه جدا وعمر لما داقها قالى حيوه حيوة (حلوة يعنى ) هههههه جربوها مش هتندموا :thumbs_up::thumbs_up::thumbs_up::thumbs_up::thumbs_up:
حد عنده حشوات سمبوسه جديده انا بعملها ببطاطس مهروسه عليها لح وكمون وروز مارى او لحمه مفرومه عليها بقدونس او جبنه بيضا عليها فلفل وبيضه وكزبره خضرا او موزاريلا بس دى بدخلها الفرن لو فى جديد انزلوا بالطريقه

ام عمر ربنا يخليكي يارب على كلامك الجميل

انا لقيتلك الكيك


هي دي صح ؟ دي لقيت اسمها chocolate lazy cake




امقادير

125 جرام زبدة يعني صباع وربع
6 معالق صغيرة سكر بودرة
6 معالق صغيرة كاكاو
نص كوبايه حليب مكثف محلى
100 جرام شيكولاته سايحة وممكن تستغنى عنها
وبسكوت تقريبا 30 وحدة

ايون هيه دى
مش عارفه اقولك ايه يا نانى لسانى عااااااااجز عن الشكر
ربنا يخليكى يا قمر

عندي كمان ليكي حشوة سمبوسه حلوة اوي

شوحي بصله ومعاها حتت فراخ نونو وسبيها 5 دقايق وبعدين معاها جزر مبشور وكرنب مبشور وملح وفلفل شيه صويا صوص بس بتبقى حلوة اوي بردوا

ناني فيبس;12684720:
ام عمر ربنا يخليكي يارب على كلامك الجميل

انا لقيتلك الكيك


هي دي صح ؟ دي لقيت اسمها chocolate lazy cake




امقادير

125 جرام زبدة يعني صباع وربع
6 معالق صغيرة سكر بودرة
6 معالق صغيرة كاكاو
نص كوبايه حليب مكثف محلى
100 جرام شيكولاته سايحة وممكن تستغنى عنها
وبسكوت تقريبا 30 وحدة

شكلها حلو اوي فعلا عايزة اجربها
وهاجرب دبس الرمان عالاكل انا متستخدمتوش قبل كدة

ايه يا بنات رحتوا فين ؟؟؟؟؟؟؟؟؟؟؟؟؟؟؟

غدا النهارد

شويه فسفور :D

شوربه سي فود بالكابوريا وجمبري مسلوق وجمبري في الفرن

بسم الله ما شاء الله ولاحول ولاقوة الابالله تسلم ايديك ممكن اعرف طريقه شوربه الجمبري
نفسي في سمك مشوي من مصر

سوسى البسبوسه طلعت معجنه منى مش عارفه ليه ماما بتقولى انتى مخلتيهاش تستوى اوى مش عارفه بقى ده صح ولا ايه بس هجربها تانى ان شاء الله وراها وراها
نانى تسلم ايدك جوعتينى انا اصلا بحب شوربه السى فود اوى ممكن تقوليلى بتتعمل ازاى

الازي كيك شكلها جامد
اعمليها يا بوسى وصوريها وقوليلنا ايه النظام

نانى وجبة الفسفور دى جامدة
هههههههههههه

انا الجمبرى اللى عندى متقشر وحسيت انى مش حعرف اعمله حاجة غير مقلى ورز
عشان الطرق بتاعتكو كلها بتبقى بقشره

عاملين ايه يا قمرات معلش اتأخرت عليكم في المنيو كانت حماتي عندي و جهاز جوزي كل شويه يضرب و كمان جهاز بودي ضارب من زمان :lol::lol: ايوة باب النجار مخلع هههههههههه

بكرة ان شاء الله وعد حأنزلها و بقالي 13 يوم معنديش غساله و كل يوم أغسل شويه علي ايدي الغسل أكوام أكوام مش راضي يقل هههههههههههههه ادعولي الغساله الجديده توصل بسرعه بقه لأحسن تعبت بجد

am marium;12689749:
بسم الله ما شاء الله ولاحول ولاقوة الابالله تسلم ايديك ممكن اعرف طريقه شوربه الجمبري
نفسي في سمك مشوي من مصر

من عنيا يا حبيبتي

بصي انا الاول سلقت جمبري بقشره في ميه وحطيتله نص جزرايه ونص بصله وفص توم وورق لورا وربع معلقة كمون وربع معلقة كسبرة وملح وفلفل اسود وسبته يتسلق


وبعدين صفيت الشوربه بمصفى وخدتها ضفت عليها بطاطسايه مسلوقه ومهروسه اوي ونص كوبايه كريمة وقطع كابوريا وطبعا لو قطع كليماري وحمبري كمان تبقى تحفة ونص مكعب ماجي وطبعا السي فود كله مسلوق وكمان معلقتين شوفان وخلتهم يغلوا غلوتين وبقت تحفة جدا

ودي شوربه السي فود بتاعت فرايدايز انا شربتها عنده وكان فيها بطاطس وكان طعمها تحفة وهي اللى مخليه الشوربه كثيفة

ولو مش عايزة بطاطس يبقى تقليها بمعلقة نشا في شويه ميه وضيفيها عليهم

doaaes;12689751:
سوسى البسبوسه طلعت معجنه منى مش عارفه ليه ماما بتقولى انتى مخلتيهاش تستوى اوى مش عارفه بقى ده صح ولا ايه بس هجربها تانى ان شاء الله وراها وراها
نانى تسلم ايدك جوعتينى انا اصلا بحب شوربه السى فود اوى ممكن تقوليلى بتتعمل ازاى

انا كتبت طريقتها فوق يا قمر

lifedrop;12689904:
الازي كيك شكلها جامد
اعمليها يا بوسى وصوريها وقوليلنا ايه النظام

نانى وجبة الفسفور دى جامدة
هههههههههههه

انا الجمبرى اللى عندى متقشر وحسيت انى مش حعرف اعمله حاجة غير مقلى ورز
عشان الطرق بتاعتكو كلها بتبقى بقشره

فعلا الشوربه والصينيه محتاجين قشر الجمبري هو اللى بيدي الطعم والمخلي فعلا انا كمان بعمله مقلي او مع الرز

ناني فيبس;12689661:
ايه يا بنات رحتوا فين ؟؟؟؟؟؟؟؟؟؟؟؟؟؟؟

غدا النهارد

شويه فسفور :D

شوربه سي فود بالكابوريا وجمبري مسلوق وجمبري في الفرن

تسلم ايدك يا ناني
انا كنت عايزاكي تقوليلي طريقة صينية الفراخ بالخضار شكها حلو اوي اوي

doaaes;12689751:
سوسى البسبوسه طلعت معجنه منى مش عارفه ليه ماما بتقولى انتى مخلتيهاش تستوى اوى مش عارفه بقى ده صح ولا ايه بس هجربها تانى ان شاء الله وراها وراها
نانى تسلم ايدك جوعتينى انا اصلا بحب شوربه السى فود اوى ممكن تقوليلى بتتعمل ازاى

ايوة يا دعاء ممكن فعلا تكون لسة ماستوتش حصلت معايا مرة اول ماشفت الجناب احمرت اتخضيت ورحت قافلة الفرن وكانت لسة ماستوتش
استني عليها شوية لما تحمر كلها
انا الاول برضو مكنتش عارفة اظبطها بس فضلت وراها لغاية ماتظبطت ولسة عملاها امبارح اهو وحطيت عليها قشطة كانت خطيرة

Boody we zady;12690256:
عاملين ايه يا قمرات معلش اتأخرت عليكم في المنيو كانت حماتي عندي و جهاز جوزي كل شويه يضرب و كمان جهاز بودي ضارب من زمان :lol::lol: ايوة باب النجار مخلع هههههههههه

بكرة ان شاء الله وعد حأنزلها و بقالي 13 يوم معنديش غساله و كل يوم أغسل شويه علي ايدي الغسل أكوام أكوام مش راضي يقل هههههههههههههه ادعولي الغساله الجديده توصل بسرعه بقه لأحسن تعبت بجد

ازيك يا ام بودي معلش ربنا يعينك وان شاء الله الغسالة الجديدة تيجي قريب يارب

lifedrop;12689904:
الازي كيك شكلها جامد
اعمليها يا بوسى وصوريها وقوليلنا ايه النظام

نانى وجبة الفسفور دى جامدة
هههههههههههه

انا الجمبرى اللى عندى متقشر وحسيت انى مش حعرف اعمله حاجة غير مقلى ورز
عشان الطرق بتاعتكو كلها بتبقى بقشره

ممكن تعمليه زي الفاهيتا كدة وتحطيه في سندويتشات يا نودي علي العشا

سوسي

طريقة الفراخ على فكرة انا غشيتها من مايونيز هي صاحبة الفكر كانت عملها في موضوع الاكله النهاردة رز وفراخ وبجد وهم تحفة جدا

بس انا عملت خلطة خضار بس من غير لحمه



فتحت الصدر ورشيت عليه ملح وفلفل

والخضار بقى شوحت بصله في معلقة صغيرة زيت وحطيت عليها بسله وفاصوليا وجزر وفص توم وفضلت اشوحهم وبعدين ملح وفلفل وربع مكعب ماجي وزودت شويه ميه وسبتهم يستوا

في الوقت دة دخلت الفراخ الفرن شويه تستوي واول مالونها ابيض خرجتها وحطيت عليها الخضار وشويه جبنه موتزاريلا على الوش ودخلتها الفرن تاني وبس

1- ملوخيه / لحمة / رز / شوربه
2- مكرونة / فراخ في الفرن / كول سلو .
3- رز / سمك بالصلصه / سلطة.
4- فول بالبيض المسلوق / بطاطس بالبقدونس / بف باستري ( أي حشوة )
5- مكرونة / لحمة بالبصل و الجزر / فرايز.
6- مكرونة بالبشامل / بطاطس بوريه .
7- ارز / خضار سوتيه / رولات الفراخ بالموزيرللا
8- كفته سمك / رز / سلطة.
9- فراخ بالبصل / رز بالشيعريه / فاصوليا خضرا.
10- فته / لحمة / رز / سلطة زبادي
11- مكرونة / كفته بالخضار قالب / فرايز.
12- مقلوبه لحمة / زبادي.
13- رز / كفته رز بالبطاطس / سلطة.
14-مكرونة / دبابيس مشويه علي الجريل / فرايز.
15- اسلجيتي / كرات اللحم / كول سلو
16- سمك مشوي / رز / سلطة خضرا / سلطة بابا غنوج
17 - مكرونة / بفتيك / سلطة ذرة بالجزر.
18- اسباجيتي / بولونيز / فرايز.
19- ملوخيه / بانيه / محشي.
20 باذنجان بشامل / مكرونة / سلطة زبادي.
21- سمك فيليه بالصلصه / رز / سلطة خضرا.
22- مكرونة / كفته فراخ / فرايز
23- جبنة قريس بالطماطم / فول بالبيض / بطاطس بالبقدونس.
24- ارز / بيكاتا لحمة / خضار سوتيه.
25- فراخ مشويه في الفرن / مكرونة / سلطة الفاصوليا
26- رز / ناجتس الفراخ / خضار سوتيه.
27- طاجن باميه باللحمة / رز
28- حماتي
29- عزومتي لعيله جوزي ( بشامل / بفتيك / محشي باذنجان و كوسه / كول سلو / سلطة زبادي )
30- عزومة أخت جوزي.


أهو المنيو و كل واحده تظبط حسب جوزها ما بيحب أنا كمان فيه يوم بفطر بره و يوم عند أخت جوزي النانيه بس أنا عملت الجدول ده علي قد ما قدرت

جزاكي الله خير يا ناني تسلم ايدك وايد مايونيز انا هارجع للموضوع تاني واشوفها


ام بودي جزاكي الله خير علي المنيو . انا شوية كدة واكتب اللي انا عملته اهو

تسلم ايدك يا ام بودي منيو هايله


انا بقى عايزاكوا تساعدوني في افكار للشوربه انواع شوربه يعني مختلف


انا الانواع اللى بعملها هي :

شوربه لسان عصفور
شوربه حريرة
شوربه مشروم
شوربه بروكلي
شوربة عدس بالكويكر
شوربه ذرة بالفراخ


ياترى في انواع شوربه ايه تاني ؟

اه كمان يا بنات مساعدة تانيه

عندي عزومة لصديق عزيز ليا ولجوزي جاي من مصر اخر الاسبوع دة ان شاء الله

وعايزة عزومة تشرف اول مرة يدخلنا بيت هههههههههههههه


طبعا اول حاجة جت على بالي على طول رولات الفراخ بالموتزاريلا والشيدر بتاعت ام بودي مش هتنزل عنها هههههههههه عايزة افكار تانيه ل 3 افراد بس يعني مش عايزة غير 3 اصناف كمان طبعا منهم صنف لحمة