15 مرة نقول يا تري بتعملي الأكله دي ازاي؟ ( مبدعات مصر القمرات ) .. شهر شعبان

سحوره انا عملتها قبل كده ف الفريزر وغلفتها بورق فيلم بلاستيك من كل الجوانب وطلعتها من الفريزر تفك ف التلاجه براحتها وكانت زى الفل وبتقعد ف الفريزر كتير بس اهم حاجه تلفيها من كل الجوانب عشان ماتنشفش
اما تعملى بيها ايه ؟ معرفش والله

sa7ar-87;12643202:
السلام عليكم ازيكم يامدامات
أنا عملت بيتزا انهاردة ونفشت منى زى كل مرة للاسف واتبقى منى عجينة انا شلتها فى الفريزر سمعت الموضوع ده قبل كده
هى ممكن تقعد قد ايه فى الفريزر ولما اطلعها هتبقى كويسة ولا اللى عملته ده غلط
وممكن أعمل بيها ايه غير البيتزا بس حاجة تكون سهلة

وعليكم السلام ازيك يا سحر

عادي جدا شيليها في الفريزر زي ما انتي عايزة ملهاش مدة معينه وهتبقى كويسه طبعا ان شاء الله انتي لما تطلعيها وتسبيها تفك هتلاقيها بقت زي ما دخلتيها الفريزر بالظبط

ممكن تعمليها على شكل كرواسون وتحشيها جبنه

او ممكن تعمليها على شكل فطاير وتحشيها لحمة مفرومة

وممكن تجيبي السوسيس وتقطعي العجينه على ادة وتلفيها عليه ويبقى صوابع كدة باين السوسيس من الطرفين بيبقى حلو اوي

عاااااااااااااااااااااااااااااااااااااا الحقونى البيتزا طلعت ناشفة اوى وبتقرمش أول مرة تطلع معايا كده أنا متضايقة اوى
مرسى أوى لكل اللى ردو عليا
أنا بصراحة شلتها فى كيس بلاستيك وقفلت عليها وقعدت اقول لنفسى ايه اللى انا عملته ده
طيب مفيش حل انقذ بيه الغلبانة اللى فى الفريزر دى لما أطلعها علشان تبقى طرية شوية
ياناى فيس يا جاااااااامد والله أفكار حلوة
الشيف شربينى ده من كام يوم عمل حاجة اسمها مناقيش باين وكانت بنفس العجينة وجواها لحمة مفرومة

بنات هو الروز مارى عباره عن ايه؟

الروز مارى نوع من انواع البهارات يا نورما انا جبته وطحنته لان بيكون رفيع وطويل ومش بحبه يبان فى الاكل فطحنته

N0rma;12644883:
بنات هو الروز مارى عباره عن ايه؟

هو دة يا نيرو اللي علي اليمين بيستخدم في التتبيلات وبحطه علي البيتزا واللازانيا كمان
بس لو زودتيه في الاكل طعمه بيمرر شوية

أم حموودى القمر;12644907:
الروز مارى نوع من انواع البهارات يا نورما انا جبته وطحنته لان بيكون رفيع وطويل ومش بحبه يبان فى الاكل فطحنته

تسلمى ياام حمودى

sosiii-cat;12644940:




هو دة يا نيرو اللي علي اليمين بيستخدم في التتبيلات وبحطه علي البيتزا واللازانيا كمان
بس لو زودتيه في الاكل طعمه بيمرر شوية

ميرسي يا سوسي منا اللى خلانى سئلت اما شفته ف اكلتك فافتكرت اسئل سؤال كنت عاوزه اعرفه من زمان
طب هو مش بيضايق فى الاكل من طوله يعنى بتطحنيه زى ام حمودى ولالا لانى مستطولاه اوى الحقيقه

N0rma;12644983:
تسلمى ياام حمودى

ميرسي يا سوسي منا اللى خلانى سئلت اما شفته ف اكلتك فافتكرت اسئل سؤال كنت عاوزه اعرفه من زمان
طب هو مش بيضايق فى الاكل من طوله يعنى بتطحنيه زى ام حمودى ولالا لانى مستطولاه اوى الحقيقه

لا انا مش بطحنه بس بالنسبة للفراخ اللي شوفتيها انتي بعدماتطلعيها من التتبيلة بتشيلي منها الروز ماري شوية هي خلاص بتبقي خدت الطعم بس انا مش بطحنه بحطه كدة حتي علي البيتزا واللازانيا فوق الوش انتي لو حاسة انه هايضايقك اطحنيه

بنات هتوحشونى اوى اما تفتكرةنى ادعولى
بحبكم اوى ف الله
انا خلاص هسافر بجد هتوحشوووووووووووووونى اوى
وعشان المخالفه اى حاجه بتتعمل ازاى ههههههههههههههههه

انتى كمان هتوحشينا يا رورو بس انا فرحانة انك جاية علشان خلاص هشوفك بقه

وهنا مفيش مخالفه ياحبى هنا شات اتكلمى براحتك ههههههههه

تسافري و ترجعي بألف سلامة يا جميل و ان شاء الله أجازة سعيده

بناااااااااااااااااااااات عملتوا منيو لرمضان؟؟؟؟؟؟؟؟ حد جهز حاجة يعني ؟

فكرة حلوة اوي يا ام بودي

فعلا يلا عايزين نبدا

وياريت المنيو اساسي فيها يكون الشوربه

يلا كل واحد يحط افكار

رورو حبيبة جوجو;12647691:
بنات هتوحشونى اوى اما تفتكرةنى ادعولى
بحبكم اوى ف الله
انا خلاص هسافر بجد هتوحشوووووووووووووونى اوى
وعشان المخالفه اى حاجه بتتعمل ازاى ههههههههههههههههه

انتي كمان هاتوحشينا اوي يا رورو :adore: خلي بالك من نفسك ومن جوجو وترجعي بالسلامة ان شاء الله

Boody we zady;12650124:
تسافري و ترجعي بألف سلامة يا جميل و ان شاء الله أجازة سعيده

بناااااااااااااااااااااات عملتوا منيو لرمضان؟؟؟؟؟؟؟؟ حد جهز حاجة يعني ؟

انا هابدأ ان شاء الله في ورقة وقلم واكتب الاطباق الرئيسية كذا وكذا وكذا وكذلك اللحوم والشوربة والحلويات وكدة علشان ماحترش كل يوم
وعايزة ابدأ اخزن شوية حاجات في الفريزر يعني مثلا اعصج لحمة واعمل شوية سمبوسك وشوية كبيبة واحفظ كام كيس طماطم معصورة وشوربة

ياتري ممكن اخزن ايه كمان بقي علشان يسهل العمايل ويختصر الوقت ؟ علشان حرام بصراحة طول النهار يضيع في المطبخ :(

ناني فيبس;12650388:
فكرة حلوة اوي يا ام بودي

فعلا يلا عايزين نبدا

وياريت المنيو اساسي فيها يكون الشوربه

يلا كل واحد يحط افكار

sosiii-cat;12650594:
انتي كمان هاتوحشينا اوي يا رورو :adore: خلي بالك من نفسك ومن جوجو وترجعي بالسلامة ان شاء الله



انا هابدأ ان شاء الله في ورقة وقلم واكتب الاطباق الرئيسية كذا وكذا وكذا وكذلك اللحوم والشوربة والحلويات وكدة علشان ماحترش كل يوم
وعايزة ابدأ اخزن شوية حاجات في الفريزر يعني مثلا اعصج لحمة واعمل شوية سمبوسك وشوية كبيبة واحفظ كام كيس طماطم معصورة وشوربة

ياتري ممكن اخزن ايه كمان بقي علشان يسهل العمايل ويختصر الوقت ؟ علشان حرام بصراحة طول النهار يضيع في المطبخ :(

أنا عملت المنيو خلاص ههههههههههه مش عايزة وجع دماغ أصلي أنا اللي بشتري طلبات البيت عايزة كل حاجة تكون عندي ان شاء الله قبل ما يبدأ رمضان.

ناني شوربه ايه في الحر ده :| ده الواحد عايز شفشق عصير متلج ههههههههههه انتوا مهما كان عندكم مكيفات مش زي هنا يعني و كمان
جوزي ما لوش في الشوربه فبصراحة مش حاطاها في دماغي بس عملت منيو كامل 30 يوم شيلت منهم 4 أيام بنكون فيهم بره و منهم يوم عزومه أهل جوزي .

بصي يا سوسي ممكن تخزني كمان توم مفروم و مش تنسي تخزني باميه و ملوخيه عشان حيولعوا في رمضان و مانجا خزني كتير عشان أنا بحبها :p;)

سوووسى ممكن كمان تخزنى رز المحشى اعملى رز المحشى و خزنيه عشان لما تعملى محشى تاخدى الخلطه على طول مش لسه هتعملى الرز
و كمان ممكن تخزنى الشبت و البقدونس و الكزبره الخضرا اغسليهم و سبيهم ينشفوا خالص و بعدين قطعيهم حتت صغيره و تكيسيهم و على الفريزر
ممكن تخزنى فاصوليا و بسله
تعملى كفته و تصبعيها و على الفريزر
بطاطس قطعيها صوابع و اديها نص قليه و تكيسيها و على الفريزر عشان السحور
بانيه و بفتيك تبليه و على افريزر
عارفه انا بقسم التخزين ده 3 انواع
اطعمة أولية
زى الطماطم اعصرها و اديها غلوتين و بعدين اكيسها و اخزنها فى الفريزر
و البامية
و البسله
و الخرشوف
و الفاصوليا و الجزر
و الملوخية
و ورق العنب
الكوسه
و البتنجان الاسود
و اللحوم
و الطيور
ورق العنب

و وجبات كامله
يعنى صنية مكرونة بالبشاميل فى الفريزر و ناقصة على التسوية
فراخ بانيه متبله فى الفريزر
كبيبه
بفتيك و كفته على التسوية بس
المعصج
رز المحشى
برجر
شوربه

عصاير بئه
مشمش بيبئه جمييييل كعصير و منجا و فراوله و جوافه

هو ممكن الاسبوع يتقسم فى رمضان
3 ايام خضار و يومين نواشف و يوم أكلة مميزه و يوم اكله بحريه او اختراااع او بواقى الاكل بئه يا اما يبقى عزومة عند اى حد او فى موائد الرحمن ههههههههه
مثال
يوم ملوخية
يوم بامية
يوم لوبيا
يوم مكرونة و بانيه او بفتيك او كفته او برجر مع بطاطس محمره و سلطه و الذى منه
يوم فراخ مشويه و رز بالخلطه
يوم مكرونة بالبشاميل او محشى
و يوم
صنية لسان عصفور باللحمة المفرومه بتبئه تحفه او سمك و جمبرى و رز عشان يناموا فى التراويح
و اصلا فى الحر ده ماحدش هياكل كتير
هما يدوبك هيشربوا العصير و ياكلوا التمر هيشبعوا
عشان التراويح كمان
بلاش نعمل كميات كبيره عشان ننوع فى الاكل و ما يتبقاش لتانى و تالت يوم
بس بتهيألى ان لازم يوميا لحوم او طيور
انا نفسي الاقى اكله مافيهاش لحوم او طيور مش لاقيه
حاشرين نفسهم فى كل حاجه
بس برده من الطيور المميزه فى رمضان الديك الرومى و البط و الحمام بس حمام فى الحر ده هيبقى صعب خالص

بنااات انا كنت عايزه طريقه حلوة لشاورمة الفراخ
و الكبده البانيه
و الكبده الاسكندرانى
بس طريقه حلوة اوووووووووووووى
عشان بكره ان شاء الله عندنا عزومة ونفسي الاكل يطلع حلو
مين السكر العسل اللى هيقولى؟

ام بودي

برافو عليكي طيب مش هطمع واقول نزلي اللسته كلها بس على الاقل نصها :D:o

والشوربه اصلها اساسي عند جوزي

احنا بنبدا بتمر بناكله مفيش هنا الناشف اللى بيتنقع ويتعمل خشاف

فبناكل تمر والتمر هنا تحفةةةةةةةةةةةةةةةة ومعاه كوبايه لبن رايب دة اساسي وانا الاساسي الميه

وبعد كدة شوربه

وبعد كدة الاكل اللى معمول بقى وانا فعلا ناويه الكميات تكون صغيرة جداجدا

Desly;12652336:
بنااات انا كنت عايزه طريقه حلوة لشاورمة الفراخ
و الكبده البانيه
و الكبده الاسكندرانى
بس طريقه حلوة اوووووووووووووى
عشان بكره ان شاء الله عندنا عزومة ونفسي الاكل يطلع حلو
مين السكر العسل اللى هيقولى؟

شاورما الفراخ

هتجيبي الفراخ البانيه وتقطعيها شرايح رفيعه وطويله وتتبليها مع بصله جوانح وزبادي ودبس رمان او خل وملح وفلفل وبهارات شاورما يستحسن من بليل تتبليها

وبعد كدة شوحيها في الزيت وسبيها تستوي برحتها لو احتاجت شويه ميه حطيلها وبعدين شوحي معاها طماطم وفلفل رومي وبقدونس


والكبدة البانيه تبليها بملح وفلفل وليمون او خل وفص توم

وبعد كدة لو عندك ردة بتحطيها في الردة وتقليها او دقيق او دقيق وبيض وبقسماط


الكبدة الاسكندراني
انا بقطع توم كتير تقريبا راس او راس الاربع وفلفل رومي اتنين بقطعهم صغير اوي واشوحهم في الزيت وبكون مقطعه الكبدة صغير ومتبلها ملح وفلفل وليمون واحطها على التوم والفلفل واشوحهم واسيبها على النار تستوي مش بتاخد وقت

وبعمل بقى خلطة في الكبه عباره عن بصله وتوم وفلفل وليمون بهرسهم مع بعض بيبقوا معجون واحطهم على الكبدة واقلب دقيقتين واطفي بس كدة بتبقى تحفة

بنات الله يخليكم سوال على السريع كنت سمعت منكم اننا نحط ميا مغليه على البتنجان المحشي علشان مش يشد عملت كده بس البتنجان بقى لونه بنى اووووووى انا خايفه اخليهم يا كلوة بصراحه قولولى بقى كده عادى ولا فعلا بلاش منه وارميه
هو على النار دلوقتى بس لو قولتولى وحش هرميه فياريت سريعا الله يباركلكم

نسلم ايدك يا نااانى
انا جوعت

مشمشه حبيبتى للأسف مش عارفه افيدك لانى اول مره اعرف اننا بنحط مايه مغليه على البتنجان
طب دوقيه كده وان شاء الله يطلع حلو مش مشكله اللون