15 مرة نقول يا تري بتعملي الأكله دي ازاي؟ ( مبدعات مصر القمرات ) .. شهر شعبان

http://forums.3roos.com/showthread.php?p=12690713#post12690713

اهو اللينك بتاع ناني:thumbs_up:

ازيكم يا بنااات عاملين ايه الحمد لله عمر احسن النهارده من امبارح لسه يا دوب اكل 3 معالق شوربه بالظبط والحمد لله مش رجع وروحنا عشان نعمل الاشعه قالولنا حصله اغماء قلنا لااا قالوا خلاص ملهاش لااااااازمه الواحد مش عاوز يدعى عليهم عشان حرام عيالهم ملهمش ذنب مش هقول غير حسبى الله ونعم الوكيل والترجيع بقا قعدنا نلف على حقن كورتيجين مش لقينا خااالص راح واحد ابن حلال قاله فى مستشفى هيه اللى محتكره حقن نفس مقعول الكورتيجين مش هتلاقيها الا عندهم وصل الموضوع لاحتكار الدوا عشان يكسبوا اصلهم ناقصين فلوس ما علينا طخينا مشوار شنيع عشان نروح المستشفى دى ولما روحنا هناك جوزى سال الصيدلى هوا انتوا فعلا محتكرين الدوا قاله اه وهنا بس يعنى اى فرع لينا فى اى حته تانيه مش هتلاقيه شوفتوا وصل الوضع لايه والحمد لله اخد الحقنه هوا رجع بعديها مره بس دلوقتى الحمد لله مش رجع وربنا هيسترها ان شاء الله
مش عارفه اقولكم ايه بجد ربنل يخليكوا
شاااهى ربنا يخليكى ومتشكره اووى على سوالك يا حبى

شكرا يا ام بودي علي ردك ياقمر

ام عمر ربنا يتم شفا عمر علي خير
يارب يارب يارب

MOMO'S MUM;12797707:
الجمبري و الكابوريا انا بعملهم بنفس الطريقة بس في الكابوريا مش بحط كمون

انا بعد ما اشطفهم احط في حلة واحط عليه بصلة متقطعة جوليان وطملطم جوليان و ملح وفلفل و كركم و جنزبيل و معلقة صغيرة كمون (للجمبري بس) و عصير نص لمونة وانطقهم في الحلة مع بعض وعلى نار متوسطة احطهم و افضل كل شوية انطقهم لحد ما يبتدوا يغيروا اللون اوطي النار و افضل كده كل شوية انطقهم لحد ما يستوا و بس كده

في الحالة دي طبعا ما فيس ميه سلق تنفع تبقى شوربة بس انا كنت بفكر احط شوية ميه مغلية على الخلطة بعد ما اغرف الجمبري و اعتبرها زي ميه السلق و اسيبها تغلي غلوتين تاخد الطعم وبعدين اعملها بطريقة ناني حدورلك عليها

معلومة انطقهم يعني اقلبهم بالحلة:study:

تسلمى ياحببتى ربنا يباركلك يارب والطريقه دى انا عارفاها وهى الى بعملو بيهم وكان نفسى فى طريقه جديدة كا تغير يعنى وتسلمى على الرابط بتاع نانى هشوفو دلوقتى F:F:

ناني فيبس;12690713:
من عنيا يا حبيبتي

بصي انا الاول سلقت جمبري بقشره في ميه وحطيتله نص جزرايه ونص بصله وفص توم وورق لورا وربع معلقة كمون وربع معلقة كسبرة وملح وفلفل اسود وسبته يتسلق


وبعدين صفيت الشوربه بمصفى وخدتها ضفت عليها بطاطسايه مسلوقه ومهروسه اوي ونص كوبايه كريمة وقطع كابوريا وطبعا لو قطع كليماري وحمبري كمان تبقى تحفة ونص مكعب ماجي وطبعا السي فود كله مسلوق وكمان معلقتين شوفان وخلتهم يغلوا غلوتين وبقت تحفة جدا

ودي شوربه السي فود بتاعت فرايدايز انا شربتها عنده وكان فيها بطاطس وكان طعمها تحفة وهي اللى مخليه الشوربه كثيفة

ولو مش عايزة بطاطس يبقى تقليها بمعلقة نشا في شويه ميه وضيفيها عليهم



انا كتبت طريقتها فوق يا قمر



فعلا الشوربه والصينيه محتاجين قشر الجمبري هو اللى بيدي الطعم والمخلي فعلا انا كمان بعمله مقلي او مع الرز

نانى هو لازم احط الكريمه ؟ ولو لازم فانا كان عندى كريمه طبخ من فترة ومحطوطه فى الفريزر ولما جيت افتحها من قريب حطيتها فى مايه سخنه عشان تفك وبعد كدة لاقيتها بقيت زى متكون مايه ومرضتش استعملها شيلتها تانى فى الفريزر واتعقدت منها بصراحه لانى مش استعملتها قبل كدة ولا افاهمها فا تفتكرى تكون باظت كدة

وبردو لازم يكون فى شوفان فى الشوربه لا ينفع من غيرها وبالنسبه للكاليمارى ازاى اسلقو عشان احط منو فى الشوربه ؟ انا الى اعرفو انو بيتقلى بسسسسسس

وياريت لو سمحتى طريقه الجمبرى المشوى ولو عندك طريقه جديدة للسمك والجمبرى والكابوريا ياريت تفيدينى بيها عشان عندنا عزومه بكرة وعايزة اعمل وجبه سمك ان شاء الله

ام عمرو افندي
الف سلامة على عمور حبيبي
ابقى خدي بالك منه بقى
وربنا يشفيه ويعافيه يارب
ويجبر خاطركم في غربتكم دي

امبارح جوزى كان معزوم على الغدا عندنا و عملت فراخ بانية و مكرونة بشاميل بطريقة ام بودى اللى على الموقع .. طلعت حلوة اووى و جديدة لانها فيها صويا صوص و كمان الجزر مع العصاج رائع عجب جوزى جدااا و كنت كمان مزينة الصينية فوق الوش على البشاميل زعتر اداها طعم رائع و جديد

و جوزى قالى اية الاخضر اللى على الوش دا طعمة حلو اووى

الحمدلله مفيش حاجة جربتها بطريقة ام بودى الا و طلعت روعة و شرفتنى

بس كنت عاملة سينابون و باظ منى لاول مرة يعمل كدا معايا زعلت اوووى يظهر انى ذودت الخميرة فخمر بسرعة و طلعت العجينة طرية جداا و مش مظبوطة

يابنات عاوزة اعرف طريقه عمل صينيه الجمبرى

دوقتها ف قدورة وكانت تحفه

هو الجمبرة بيبقي بقشرو وبيبقي فيه خلطة فوقيه كده ونكهة معينه عاوزة اوصلها

بنااااااااااااات هو السمبوسك ممكن يتحشى ايه تانى غير اللحمة المفرومة والجبنة الموتزاريلا؟؟

بس ياريت بسرعة

سلامة عمر يا بوسى ربنا يشفيه يااارب
بنات عايزة طريقة حلوة لكبد الفراخ احسن عايزة اعملها لحمايا بكره ان شاء الله و عايزة اعرف بتتنضف ازاى و بتتنفع فى ايه وكده وادعولى بقى تتطلع حلوة احسن اكلى من ساعة مولدت بقى عك خالص:study:
بسبس وحشانى اوى يا جميل

ام عمر

الف سلامة يا حبيبتي على عمر وربنا يشفيه يارب وان شاء الله خير متقلقيش

at2ota;12803085:

نانى هو لازم احط الكريمه ؟ ولو لازم فانا كان عندى كريمه طبخ من فترة ومحطوطه فى الفريزر ولما جيت افتحها من قريب حطيتها فى مايه سخنه عشان تفك وبعد كدة لاقيتها بقيت زى متكون مايه ومرضتش استعملها شيلتها تانى فى الفريزر واتعقدت منها بصراحه لانى مش استعملتها قبل كدة ولا افاهمها فا تفتكرى تكون باظت كدة

وبردو لازم يكون فى شوفان فى الشوربه لا ينفع من غيرها وبالنسبه للكاليمارى ازاى اسلقو عشان احط منو فى الشوربه ؟ انا الى اعرفو انو بيتقلى بسسسسسس

وياريت لو سمحتى طريقه الجمبرى المشوى ولو عندك طريقه جديدة للسمك والجمبرى والكابوريا ياريت تفيدينى بيها عشان عندنا عزومه بكرة وعايزة اعمل وجبه سمك ان شاء الله

هو الكريمة هتخليه احلى بس ممكن تحطي بدلها لبن على فكرة وشويه دقيق ومش لازم شوفان

والكريمة مش بتتجمد وهي فصلت كدة عشان اتجمدت انا على طول بقول كدة ان الكريمة ممنوع تتجمد خالص لانها بتبوظ هي كدة خلاص باظت للاسف

والكليماري اسلقيه عادي مع الجمبري

ازيكم يابناويت
عاملين ايه
وحشتونى
وعوده مره اخرى
والله انتوا اللى بتهونوا عليا اى ضيق
ربنا يسعدكم كلكم ويبعد عنكم الهم والحز

[SIZE="6"]دى فراخ كنتاكى كنت عاملاها مره وكانت جمييييييييييييييييييييييييييييييييله الحمد لله


وده بانيه ورز بالفراخ وطاجن الشعيريه بالفراخ


وده طبق فول كنت مدمساه

ازيكم يا حبايبى عاملين ايه\

انا نزلت انهارده بقى عملت شوبينج بس ايه بقى شوبينج على اصوله ههههههههههههههه

مفيش حاجه فى الماركت غير وجيبتها ههههههههههههههههههههه

ونفسى اوى اوى بجد الاكل رمضان دا يطلع كويس عشان رمضان اللى فات كنت حامل فى يويو ومنعت جوزى تماما من انه يعمل اى عزومات وتقريبا طول رمضان بياكل بوفتيك ومكرونه لما قرب يكاكى ههههههههههههههههه


عندى بقى طريقه جدييييييده لورق العنب بجد هتعجبكم اوى اوى\

كالتها فى خطوبه اخويا عقبال عندكم وحماته هى اللى عملاه واكلها روووووووووووووووووووووووووووووووووووووعه بجد

هى قالتلى كل مره هتقولى سر اكله جديده وانا هاجى اقولهولكواااااااااااااااا

Boody we zady;12791301:
تصدقي انتي ناصحه قوي ههههههههههه يا بنتي ما هي قالت لبن مكثف محلي في الوصفه يعني نفس الوصفه اللي احنا بنعملها سكر و بودره و ميه

أم حموودى القمر;12804620:
بنااااااااااااات هو السمبوسك ممكن يتحشى ايه تانى غير اللحمة المفرومة والجبنة الموتزاريلا؟؟

بس ياريت بسرعة

أم يـاسـيـن العسل;12808063:
ازيكم يا حبايبى عاملين ايه\

انا نزلت انهارده بقى عملت شوبينج بس ايه بقى شوبينج على اصوله ههههههههههههههه

مفيش حاجه فى الماركت غير وجيبتها ههههههههههههههههههههه

ونفسى اوى اوى بجد الاكل رمضان دا يطلع كويس عشان رمضان اللى فات كنت حامل فى يويو ومنعت جوزى تماما من انه يعمل اى عزومات وتقريبا طول رمضان بياكل بوفتيك ومكرونه لما قرب يكاكى ههههههههههههههههه


عندى بقى طريقه جدييييييده لورق العنب بجد هتعجبكم اوى اوى\

كالتها فى خطوبه اخويا عقبال عندكم وحماته هى اللى عملاه واكلها روووووووووووووووووووووووووووووووووووووعه بجد

هى قالتلى كل مره هتقولى سر اكله جديده وانا هاجى اقولهولكواااااااااااااااا

shimaaafifi;12805695:
ازيكم يابناويت
عاملين ايه
وحشتونى
وعوده مره اخرى
والله انتوا اللى بتهونوا عليا اى ضيق
ربنا يسعدكم كلكم ويبعد عنكم الهم والحز

نوووووووووووووووووور ازيك وحشانى ياقمر
والكنتاكى
تبلتها
ببصل وخل وملح وفلفل وبهارات ومكعب مرقه دجاج وكله فى الخلاط وتبلتها من بالليل وتانى يوم شوحتها عالنار شويه واخدتها حطيت دقيق وعليه رشه بيكنج باودر خفيفه خالص وتبلته وجهزت ميه دافيه ومعاها مكعب مرقه وحطيت الفراخ فى الدقيق وبعد كده الميه وةبعد كده بقسماط مطحون وعليه فجيتار حار وعلى زيت سخن وعزير وكانت جميله ماشاء الله
على فكره انا واخده الفكره من مشمش ام محمد وافتكست فيها بقى
وبالنسبه للبانيه انا بخلط مع البقسماط فجيتار وسمسم وانزل البانيه فى البيض وبعد كده فى خلطة البقسماط دى
وبس

نور وشاهى ومايونيز ونور التقوى ونانى وبوسى وبيتو وام بودى وبس بس
بجد مش عارفه اقولكم ايه ربنا يخليكوا ليا يااارب والله فرحتونى اووووى وفرحت اووى بالرسايل على الخاص
الحمد لله عمر اتحسن والترجيع قل خاالص الحمد لله
وهرجع اكمل معاكوا ان شاء الله بس يومين نقاهه كده
شوشو حمدلله على سلامتك يا قمر الاكل حلو اوووى ما شاء الله عليكى
وبما انكوا بتتكلموا على السى فود ممكن اعرف ازاى الجمبرى بيتعمل بقشره ازاى بيبقا نضيف يعنى سلسله التراب اللى بتبقا فى الضهر دى ازاى بتبقا مش موجوده لما بناكله برا بقشره
انا لما بعمله فى البيت لازم اشيل القشرة وانضفه واغسل القشر والراس كويش واسلقهم اعمل بيهم شربه بتبقا حلوه اووى وبحط الجمبرى قبل ما اطفى بربع ساعه او 10والقشر هوا اللى فيه الطعم المركز بتاع الشوربه وطبعا بكون صفيتالشوربه الاول من القشر والراس قبل ما احط الجمبرى بس بخلى القشر يفضل يغلى مع الميه كتييير يعنى ساعه الا ربع كده اه وبكون حاطه مع القشر توم مدقوق وقرن فلفل حامى وملح نونه وكمون نونه وبكون متبله الجمبرى نفسه بكده بس من غير ملح
حشوه لسمبوه بقا يا اما لحمه مفرومه او جبنه او بطاطس مسلوقه ويا اما تقطعيها مكعبات وتحطى تفرمى فص توم وتحمريهم فى حبه زيت نونه وتحطى البطاطس عليهم وتقلبى تقلبتين وتطفى وتفرمى بقدونس وملح وفلفل وكمون بقا وقلبى واحشى بتبقا حلوة بس تقيله شويه عشان التوم او تسلقى البطاطس وتهرسيها مع ملح وفلفل وكمون وبقدونس على البارد كله كده واحشى
او فى طريقه جربتها وطلعت حلوة برضوا جبنه بيضه عليهم بيضه نيه وفلفل وكزبره خضرا او بقدونس اللى تحبيه وقلبى كويس واحشى بتبقا حلوة برضوا وتغيير
وفى ناس بتحط مع اللحمه المفرومه بيض مسلوق بس معرفش طعمها لانى مليش فى البيض اووى
وممكن تعملى حتت فراخ مع بصله وفلفل اخضر وحبه صويا صوص بتبقا حلوه اووى
الكبده بقا بصله مع فص توم نونه وملح وفلفل وحبه دبس رومان بتبقا رووعه ومزه وجميله اووى

شوشو

ولكم باك يا قمر

وااااااااااو الاطباق كلها تحفة تجنن

انا بقى مبقتش اعمل ولا انزل صور لاني عايشة في دور الاكل الصحي انا وجوزي عشان نخس شويه



بسبس

الف مبروك لاخوكي ربنا يتممله على خير

ياريت طريقة وسر ورق العنب عشان انا فاشله فيه خالص



ام عمر

انا الجمبري بفتح ضهره بالمقص واخرج الخط الاسود دة والاقشره عليه زي ما هي بس بيكون مفتوح من ضهره



بيرق امل

اه لبن مبخر صح ومكثف محلى وكريمه ( مش لبن عادي لا كريمه )

واشتروا الالبان دي ارخص كتير من عمايلها في البيت والله