15 مرة نقول يا تري بتعملي الأكله دي ازاي؟ ( مبدعات مصر القمرات ) .. شهر شعبان

Boody we zady;12782100:
تسلم ايدكي يا سويس انتي و ماما و الله جدعه ههههههههههه

بصي يا قمر كوبايه لبن بودرة + كوبايه سكر بودره + 1/3 كوبايه ميه في الخلاط تضربهم كويس و بعد كده تستعمليهم

بنااااااااااااااات تيجوا نعمل موضوع طباخة في ورطة اللي في قسم المطبخ ده بينا هنا في الشات ؟؟؟؟؟؟ أهو نستفاد من حاجات بعض و نتفرج علي فضايح بعض ههههههههههه:lol::lol::lol:

ميرسي بجد ع الطريقة

فكرة تحفةةةةةةةةةةةةةةةةةةةةةةةةةةةةةةةةةةةةةةةة اعملي الموضوع و حتلاقيني لاجئة هناك :lol:

ام عمر افندى;12780020:
ام بووودى افتكرت عاوزة طريقه الخضار السوتيه بتاعتك لو سمحتى
او اى حد بيعمله يقولى الطريقه

انا حقولك طريقتي المتواضعة انا بجيب حلة و احط فيها ميةو احط في الميه قرفة وجنزبيل و حبهان يعني شوية بهارات اللي انتي تحبيها و احط مصفاة فوق الحلة و احط الخضار على المصفى و اغطيه لما الميه تقل ازود ميه لحد الخضار ما يستوي بس اهم حاجة مش يتهري منك بعد ما تخلصي حطي بقى على الخضار ملح ولمون لو بتحبيه ساور وبس bon appetit

ان شاء الله بس أشوف موافقه البنات و نبدأ بس انتي يا قمر اشتريتي من فين و ايه ب 700 جنيه ؟؟؟؟؟؟؟؟؟؟ انتي فين في اليكس؟

Boody we zady;12782192:
ان شاء الله بس أشوف موافقه البنات و نبدأ بس انتي يا قمر اشتريتي من فين و ايه ب 700 جنيه ؟؟؟؟؟؟؟؟؟؟ انتي فين في اليكس؟

انا من سموحة وروحت كارفور اترزعت 700 محترمة

سؤال بقى عشان انا جبت فلفل الوان ب 16 جنيه الكيلو هو ليه طعم ولا زي الفلفل الكوبي لاني طول عمري ببعد الفلفل الالوان من الاكل;)

MOMO'S MUM;12782284:
انا من سموحة وروحت كارفور اترزعت 700 محترمة

سؤال بقى عشان انا جبت فلفل الوان ب 16 جنيه الكيلو هو ليه طعم ولا زي الفلفل الكوبي لاني طول عمري ببعد الفلفل الالوان من الاكل;)

لالالا يا جميل طعمه حلو و ليه استخدمااااااااااااااااات كتير كمان سواء أكل أو سلاطات .....

انا بعمل اللبن المكثف بطريقة ام بودى بس بحطه على النار
مش عارفة كدة صح ولا غلط؟؟

طيب البيتزا الصينية الواحدة مقاس 24 تاخد مقادير ايه

ام بودى انا معاكى بس فهمينى كدا ايه طباخخ فى ورطه دا

ههههههههههه طباخه فى ورطه هنا شيلونى من الموضوع دا خاااالص انا متعقده من التصوير وتصغير وتحميل مليش طوله بال والله بيبقا نفسى ارفع صور الاكل اللى بعمله بس عشان موضوع التصغير اللى راكب معايا شمال بتعقد منه ومش برفع حاجه انا قلت من اولها اهو ملقيش حد بقا بيقول ومعانا النهارده المتورطه الجديده (ام عمرررررررررررررررررر) هههههههههههه
تسلمى يا ام بودى واه عارفاها الحله دى ربنا يخليكى
برايد ميرسى يا قمر على الوصفه ووصفه الكيكه الاولانيه بتاعت سوسى اهى
هنضرب كوبايه سكر مع نص كوبايه زبدة طريه لحد ما يبقوا كريمة وبعدين نضيف 4 بيضات ونضرب

ومعلقة فانيليا


وبعدين كوبايه ونص دقيق ومعلقة ونص بيكنج بودر وكوبايه لبن


ونسويها على درجة حرارة 180 لمدة 20 ل 25 دقيقة


نطلعها ونسيبها تهدى شويه


الجديد من هنا بقى

نخرمها كلها بشوكة

ونجهز نص كوبايه حليب مبخر بتاع الشاي ونص كوبايه حليب مكثف محلى ونص كوبايه كريمة سايله ونخلطهم ونوزعهم على الكيك ونسيبها تتشرب الخليط وناكل احلى كيك


وعشان كدة اسمها كيك 3 البان (عشان 3 انواع لبن يعني ) هي كيكة لاتينيه


الكيكه دى بتاعت نانى هيه اللى عملتها وبالنسبه للفرق بين اللبن المبخر والمكثف هجيبلك برضوا هيه قالت ايه
لكل اللى سأل عن الحليب المبخر

هو نوع في السوبر ماركت هتلاقيه في جزء الالبان والقشطة بيكون طعمة اقوى شويه من الحليب العادي وبيتعمل بيه الشاي والقهوة ودي صور بس مش عرفة الماركة اللى في مصر ايه


يعني دايما هتلاقوا على علبيته صورة كوبايه شاي بلبن:D











اما المكثف المحلى طبعا كلكوا عرفينه اللى بيكون مرسوم عليه طبق حلويات وبيكون تقيل ومسكر اوي

لكن المبخر مش مسكر خالص مفيهوش اي سكر



واى خوووودعه

sosiii-cat;12776404:
ناااااااااني تسلم ايدك يا قمر كيكة ال3 البان اهي
ماما لما شافت اللي انتي كنتي منزلاها عجبتها اوي ولاقيتها جايبة المقادير معاها وعملتها :D لو انا كنت علي السنة الجاية لما اتنشط واعملها هههههههه







تسلم ايدك كانت طعمها حلو اوي بجد


وعملنا كمان كيكة حادقة كانت طعمها جميل برضو وفكرتها جديدة

Boody we zady;12782100:
تسلم ايدكي يا سويس انتي و ماما و الله جدعه ههههههههههه

بصي يا قمر كوبايه لبن بودرة + كوبايه سكر بودره + 1/3 كوبايه ميه في الخلاط تضربهم كويس و بعد كده تستعمليهم

بنااااااااااااااات تيجوا نعمل موضوع طباخة في ورطة اللي في قسم المطبخ ده بينا هنا في الشات ؟؟؟؟؟؟ أهو نستفاد من حاجات بعض و نتفرج شويه ههههههههههه:lol::lol::lol:

lifedrop;12782462:
انا بعمل اللبن المكثف بطريقة ام بودى بس بحطه على النار
مش عارفة كدة صح ولا غلط؟؟

sosiii-cat;12776404:
ناااااااااني تسلم ايدك يا قمر كيكة ال3 البان اهي
ماما لما شافت اللي انتي كنتي منزلاها عجبتها اوي ولاقيتها جايبة المقادير معاها وعملتها :D لو انا كنت علي السنة الجاية لما اتنشط واعملها هههههههه







تسلم ايدك كانت طعمها حلو اوي بجد


وعملنا كمان كيكة حادقة كانت طعمها جميل برضو وفكرتها جديدة

وااااااااااااااااو تحفة ماشاء الله تسلم ايد ماما احب انا الناس السخنه اصل انا كدة اشوف الحاجاة مستناش ههههههههههههههههه تحياتي لماما

وليكي طبعا ياقمر
وتسلم ايدكوا على الكيك الحادق شكلها تحفة جدااااااااااااااااااااااااا

bright bride;12781651:

ميرسى اوى يا ام ياسين و ام عمر انا عملتها و طلعت حلوة بس المشكلة ان الفراخ نزلت دهون كتير اوى و انا مشحاطة عليها اى دهون و حطيتها فى الفرن على شبكة و الصينية تحتها علشان تنزل كل الدهون و مع زلك كانت مليانة دهون
انا بستعمل ساديا و كنت لاحظت الحكاية دى فى الاوراك بتاعتها برضه فهل فيه نوع تانى احسن؟ ولا علشان هى مجمدة بتعمل كده ولا انا بألف و كله كده اصلا

بصي هو لو الفرخة حجمها كبير يبقى طبيعي تنزل دهون كتير لو هي كان حجمها عادي لان ساديا مش احجمها كبيرة اوي فدة مش كله دهون دي بيبقى دهون و ميه وساديا هي اكتر نوع بيعجبني في المجمد بس انا دلوقت مبقتش اجبها خالص بقيت اجيب الفريش ماركة الروضه ولو عندك رضوى حلوة بردوا

MOMO'S MUM;12781846:
انا عاوزة بقى طريقة اللبن المكثف في البيت عشان انا قررت اوفر لاني اترزعت 700 حنيه في شوية هبلات النهاردة

للاسف انا شايفة انه جاهز ارخص بكتير من اللى بيتعمل في البيت لان بتاع اللبيت باللبن البودة واللبن البودرة مش رخيص خالص

MOMO'S MUM;12782284:
انا من سموحة وروحت كارفور اترزعت 700 محترمة

سؤال بقى عشان انا جبت فلفل الوان ب 16 جنيه الكيلو هو ليه طعم ولا زي الفلفل الكوبي لاني طول عمري ببعد الفلفل الالوان من الاكل;)

الفلفل الالوان طبعا طعمه مختلف ومسكر شويه ومقرمش لذيذ اوي في السلطة وفي اكلات تانيه زي الفاهيتا مثلا وهو سعره كدة مش بيرخص عن كدة

ميرسى يا ام عمر على طريقة الكيكة و تسلم ايدك يا نانى
نانى يعنى لو جبت الفراخ الفريش هيكون احسن؟ هى الفرخة كانت 1400 جم هى كده كبيرة ولا صغيرة انا مش عارفة؟
و دلوقتى انا عايزة اعمل معجنات تنفع اننا نفطر بيها الصبح انا و زوجى كرواسان او باتيه كده يعنى عايزة بقى طريقة مجربة و ناجحة و سهلة فى نفس الوقت

bright bride;12785867:
ميرسى يا ام عمر على طريقة الكيكة و تسلم ايدك يا نانى
نانى يعنى لو جبت الفراخ الفريش هيكون احسن؟ هى الفرخة كانت 1400 جم هى كده كبيرة ولا صغيرة انا مش عارفة؟
و دلوقتى انا عايزة اعمل معجنات تنفع اننا نفطر بيها الصبح انا و زوجى كرواسان او باتيه كده يعنى عايزة بقى طريقة مجربة و ناجحة و سهلة فى نفس الوقت

اولا الفرخه كدا معقوله مش كبيره ومش صغيره

ثانيا بقى انا بعمل الكورواسون والباتيه دايما بعجينتى المعتمده دى

بصى هقولك مقادير كوبايتين الدقيق ولو عايزه تزودى يبقى نضاعف الكميات ماشى


كوبايتين دقيق عليها معلقة بيكنج بودر ورشه ملح ومعلقتين سكر ومعلقتين خميره ومعلقتين كباااااااااااار زبادى ولبن للعجن

هتجيبى ربع كوباية لبن وتدوبى فيها الخميره مع السكر وسيبيها ربع ساعه متغطبه اوك فى حاجه واسعه


وبعدين تنخلى الدقيق والبيكنج بودر ورشة الملح وتحطى عليهم الزبادى وتعجنى كويس كدا وبعدين تزودى اللبن واحده واحده وتعجنى لغاية لما تبقى معاكى عجينه لينه طريه تلتصق باليد قلييييييييييييييلا اوك كدا


وبعدين بقى هتسيبيها لمدة ساعتين فى طبق متغطى طبعا اوك


وبعدين عندك حل من اتنين يا تمسكيها وتشكليها علطول زى الباتيه والكورواسون

وممكن تحشيها شيكولاته وجبنه وكدا

او انك تكملى تكنيك الكورواسون اللى هو هتفرديها مستطيل وبعدين تجيبى زبده وتحطيها فى النص وتقفلى عليها من الجنبين كويس


وبعدين تفرديها وترجعى تقفلى الجناب وتسيبيها ترتاح وترجعى تفرديها وهكزا 6 مرات

عشان تطلق مورقه

انما بقى لو شكلتيها علطول هتطلعلك معجنات طرييييييييييييه حلوه تتاكل كدا وبس

تسلموا يا بنات ربنا يخليكوا يارب انا هاقوللكوا الكيكة الحادقة علي السريع كدة علان مستعجلة :

كيلو دقيق عليه بكينج بودر ونحط اي حاجة عايزينها عليه جبنة رومي فلفل الوان وزيتون وفلفل اسود وملح بسيييييط اوي وبعدين نضرب 5 بيضات مع كريمة لباني ونضيفهم علي الدقيق ونحطها في القالب وعلي الفرن
طعمها زي البيتزا كدة علي احلي شوية
انا مسافرة كام يوم بقي هاتوحشوني اوي ويارب ابقي اعرف ادخل اطمن عليكوا كا شوية يارب :016:

معلش الفلفل والحاجات دي علي البيض مش الدقيق

كل سنه وانتوا طيبين اول مره اشارك معاكوا بس بجد بستفيد منكوا كتير عندى كم سؤال كده على السريع

اولا انا عاوزه اجيب ماشروم واجهزه عندى فى الفريزير لشهر رمضان ان شاء الله المفروض طريقه حفظه بتكون ازاى

ثانيا عارفين طبعا انتوا الذره اللى بتتباع فى علب دى وبتتحط على السلاطات والشوربه ينفع بما اننا فى موسم الذره انى اجيب منها واحفظها للاستخدام ولو ده حصل الطريقه ازاى( للعلم عندنا ارض كلها مزروعه ذره واللى عاوز الكوز ب 3 جنيه :D)

ثالثا بقى ومعلش طولت عليكوا نفسى فى عجينه سمبوسه تكون مش بتشرب زيت ما فيش مره عملتها وما طلعتش شاربه زيت

اخر سؤال بقى السبرينج رولز بنستخدم فيها ورق الجلاش ولا ليها عجينه مخصوص

وميرسى ليكوا مقدما

وحشتووووووووووووونى يابنات

هكون معاكم كل يوم ان شاء الله :)

aseel 22;12786960:
كل سنه وانتوا طيبين اول مره اشارك معاكوا بس بجد بستفيد منكوا كتير عندى كم سؤال كده على السريع

اولا انا عاوزه اجيب ماشروم واجهزه عندى فى الفريزير لشهر رمضان ان شاء الله المفروض طريقه حفظه بتكون ازاى

ثانيا عارفين طبعا انتوا الذره اللى بتتباع فى علب دى وبتتحط على السلاطات والشوربه ينفع بما اننا فى موسم الذره انى اجيب منها واحفظها للاستخدام ولو ده حصل الطريقه ازاى( للعلم عندنا ارض كلها مزروعه ذره واللى عاوز الكوز ب 3 جنيه :D)

ثالثا بقى ومعلش طولت عليكوا نفسى فى عجينه سمبوسه تكون مش بتشرب زيت ما فيش مره عملتها وما طلعتش شاربه زيت

اخر سؤال بقى السبرينج رولز بنستخدم فيها ورق الجلاش ولا ليها عجينه مخصوص

وميرسى ليكوا مقدما

بصى انا الحاجة الوحيدة اللى عارفاها حكاية السمبوسه دى انا بحشى السمبوسه عادى و قبل ما تحمريه على طول تجيبى طبق فيه لبن و طبق فيه دقيق و تجيبى السمبوسه و تغطسيها فى اللبن و تطلعيها بسرعة و بعدين تعمليها فى الدقيق و تنفضيها كويس كده مش هتشرب زيت
الحكاية دى اخدتها من عضوة هنا فى المنتدى بصراحة مش فاكرة اسمها و كنت جربتها كمان مع القطايف الحادقة
او ممكن تدهنيها زيت عادى بعد ما تحشيها و تدخليها الفرن برضه مش هتشرب زيت طبعا
و باقى اسألتك بصراحة مش عارفة انا لسه الف باء مطبخ

أم يـاسـيـن العسل;12786129:
اولا الفرخه كدا معقوله مش كبيره ومش صغيره

ثانيا بقى انا بعمل الكورواسون والباتيه دايما بعجينتى المعتمده دى

بصى هقولك مقادير كوبايتين الدقيق ولو عايزه تزودى يبقى نضاعف الكميات ماشى


كوبايتين دقيق عليها معلقة بيكنج بودر ورشه ملح ومعلقتين سكر ومعلقتين خميره ومعلقتين كباااااااااااار زبادى ولبن للعجن

هتجيبى ربع كوباية لبن وتدوبى فيها الخميره مع السكر وسيبيها ربع ساعه متغطبه اوك فى حاجه واسعه


وبعدين تنخلى الدقيق والبيكنج بودر ورشة الملح وتحطى عليهم الزبادى وتعجنى كويس كدا وبعدين تزودى اللبن واحده واحده وتعجنى لغاية لما تبقى معاكى عجينه لينه طريه تلتصق باليد قلييييييييييييييلا اوك كدا


وبعدين بقى هتسيبيها لمدة ساعتين فى طبق متغطى طبعا اوك


وبعدين عندك حل من اتنين يا تمسكيها وتشكليها علطول زى الباتيه والكورواسون

وممكن تحشيها شيكولاته وجبنه وكدا

او انك تكملى تكنيك الكورواسون اللى هو هتفرديها مستطيل وبعدين تجيبى زبده وتحطيها فى النص وتقفلى عليها من الجنبين كويس


وبعدين تفرديها وترجعى تقفلى الجناب وتسيبيها ترتاح وترجعى تفرديها وهكزا 6 مرات

عشان تطلق مورقه

انما بقى لو شكلتيها علطول هتطلعلك معجنات طرييييييييييييه حلوه تتاكل كدا وبس

ميرسى يا ام ياسين هجربها يوم السبت ان شاء الله

aseel 22;12786960:
كل سنه وانتوا طيبين اول مره اشارك معاكوا بس بجد بستفيد منكوا كتير عندى كم سؤال كده على السريع

اولا انا عاوزه اجيب ماشروم واجهزه عندى فى الفريزير لشهر رمضان ان شاء الله المفروض طريقه حفظه بتكون ازاى

ثانيا عارفين طبعا انتوا الذره اللى بتتباع فى علب دى وبتتحط على السلاطات والشوربه ينفع بما اننا فى موسم الذره انى اجيب منها واحفظها للاستخدام ولو ده حصل الطريقه ازاى( للعلم عندنا ارض كلها مزروعه ذره واللى عاوز الكوز ب 3 جنيه :D)

ثالثا بقى ومعلش طولت عليكوا نفسى فى عجينه سمبوسه تكون مش بتشرب زيت ما فيش مره عملتها وما طلعتش شاربه زيت

اخر سؤال بقى السبرينج رولز بنستخدم فيها ورق الجلاش ولا ليها عجينه مخصوص

وميرسى ليكوا مقدما

الدره تتجاب وتتسلق فى مايه وملح وتتشال فى الفريزر بعد تفصيصها بالسكينه

السمبوسه تتقلى فى نار عاليه مش هتشرب زيت

السبرنج رولز ليها عجينه لوحدها بس بالجلاش شغال مش هتقول لا

المشروم علمى علمك :D