15 مرة نقول يا تري بتعملي الأكله دي ازاي؟ ( مبدعات مصر القمرات ) .. شهر شعبان

meshmesh 2009;12756493:
متشكرة اوى يا بنات لكل اللى رد عليا فى موضوع الممبار ان شاء الله اشيله مسلوق وابقى اطلعه على التحمير علطول اهو نكسب وقت بردو فى رمضان
طيب سوال كمان معلهش انا فى السوبر ماركت قعدت ادور على شوفان كويكر مش لاقيته لقيت هارفست حلو ولا ؟؟؟
دى اول مرة اجيبه ممكن اعمل بيه ايه انا دورت عرفت ان ممكن يتعمل بيه مهلبيه وبسكوت ايه تانى ؟؟؟؟

أم يـاسـيـن العسل;12759659:

نور حبيبتى والله انا مفتقداكى من قبل ما اختفى بكتيييير وكان نفسى اشوفك انتى وام بودى بس نسيت تماما والله اخد ارقامكو :'(


انا بقى جايه حاميه شويه وعايزه بقى كل اموره فيكو كدا تقوول ناويه تعمل تجهيزات ايه فى رمضان بحيث اننا فى الاخر نعمل ليسته متكامله

انا هكتب اللى عملته السنه اللى فاتت عشان كنت حامل فى يويو وبجد سهلت عليا اووووووووى

على خطى الحبيب;12760547:
جاي اقولكم سلااااااام انا مسافرة كمان شووية هتوحشووني

bright bride;12762125:
بنات موضوعكم بجد هايل انا ليا طلب عندكم عايزة اعمل فرخة محشية رز و ادخلها الفرن عايزة اعرف بقى اعملها ازاى؟

نوور انت بتكلمى عمر من ورايا وبتجرجرى الواد للرزيله هههههههههههههههههههه
انت طبعا صاحبه بيت ولو ينفع تيجى تعالى بجد يااااريت
وتعرفى منيو متعرفيش كفايه ردك دا عليا ربنا يخليكى
بسبس هااااانم مع انى زعلانه بس واحشانى برضوا واحشانى اوووى بجد
نانى تصدقى عماله اقنع نفسى اجيب الكيك الجاهز بس قلت لا هعمل تورته بتاعتك واتفلحس فيها بس المشكله مش عارفه نوع المضرب اللى عند حماتى يستحمل الوقت دا كله فى الضرب ولا ايييه خايفه يبوظ منى هيه مش هتزعل بس هتكسف منها اووى مش عارفه اعمل اييه ممكن ساعتها اجيب الكيك الجاهز دا وخلاص بس مشكلته معايا مش بيعلا من الجوانب اووى يعنى من النص ما شاء الله قبه لكن الحروف مش بتبقى فى نفس مستوى القبه مش عارفه ايه السبب وعشان اتغلب على المشكله دى بقص الجوانب واخلى بس اللى فى سوا واحد انا فكرت اعمل 3 تورتات لان ما شاء الله تلاااااااااااااتين نفر بس ولما حسبتها كده التورته تعمل 12 قطعه تقريبا وفكرت اعمل معاها الكيكه بتاعتك بتاعت ال3 ميلك او صنيه بسبوسه محترمه او سينابون لانه بيطلع معايا حلو وسهل ويلكم كمان يعنى حته تورته على حته سينابون وبسبوسه وشكرااا لاااا وطبعا بيبسى بس كده الحوادق بقا مش هعمل خالص عشان تقريبا هيبقا فى غدا بس مش انا اللى هعمله هههههههههه هيبقا جاهز طبعا انا مش مستغنيه عن عمرى والاطباق اكيييييييد بلاستيك ههههههههههههه والكوبايات كمان والشوك دا اللى فكرت فيه من مؤيد ومين معااارض ومن يحب يعلق
سوسى الله يبارك فيكى يارب وعقبال بنتوك يارب لما متخلكيش تعرفى تقعدى ربع ساعه على بعض ههههههه
وربنتا يباركلكم كلكم يااارب ويخليكم
بالنسبه بقا لسوال بسبس عن التحضيرات انت ممكن تعملى مومبار وتسلقيه وتشيليه وتعملى الصلصه طبعا وتعملى البوفتيك والبانيه وتجهزيه على التحمير بس يعنى بالبيض والدقيق والبقسماط وتفرديه فى صنيه وغطيها كويس ودخليه الفريزر ولما يجمد لميه فى علبه او كيس واقفليه كويس اووى وممكن تصبعى الكفته وبنفس نظام الصنيه بتاع البوفتيك وممكن تعملى كفته داود باشا بتاعتك وتحمريها وتحطيها فى الفريزر وتبقا على الصلصه بس وممكن تحشى السمبوسه وتحطى كل حشوة فى كيس وتاخدى منها براحتك على القلى علطووول وممكن تعملى صنيه مكرونه بالبشاميل وتسويها ولما تدفى حطيها فى الفريز ايه تاانى ايه تااااااااااانى اه اهم حاجه بقا اى حاجه فى الفريزر تكون فى كيس مقفول كويس اوووووووووووووى لان لو هوا دخل للحاجه طعمها بيغير
اه لو بتجيبى الخضار طازة البسله فصصيها وحطيها فى ميه وملح مغليه دقيقتيين وطلعيها على ميه متلجه وفى كيس وعلى الفريزر والملوخيه مش بعرف هيه بتتجمد ازااى الفاصوليا الخضرا نفس نظام البسله ومتهيالى الجزر زيهم واى خودعه
ياسو واحشنى اووى سلميلى عليه

ام بودى ربنا يخليكى على ردك تسلميلى يااارب واكييييييييييد هدعبس شويه فى الموقع واطلعلى بكام حاجه كده انا قلت ممكن اعمل تورتايه شوكليت والتانيه كريمه وفاكهه والتالته نص ونص زى القلب اللى عملتيه هغش منك هههههههههههههه تسلميلى يارب
وانا بقا ان شاء الله لما انزل اسكنجريه مش هعمل زى بسبس ورشا هاااااااااااااااا لا ان شاء الله هكلمك ونتقابل باذن الرحمن بس ادعيلى اجى ههههههههههههههههههههه

ام عمر افندى;12763779:
ام بودى ربنا يخليكى على ردك تسلميلى يااارب واكييييييييييد هدعبس شويه فى الموقع واطلعلى بكام حاجه كده انا قلت ممكن اعمل تورتايه شوكليت والتانيه كريمه وفاكهه والتالته نص ونص زى القلب اللى عملتيه هغش منك هههههههههههههه تسلميلى يارب
وانا بقا ان شاء الله لما انزل اسكنجريه مش هعمل زى بسبس ورشا هاااااااااااااااا لا ان شاء الله هكلمك ونتقابل باذن الرحمن بس ادعيلى اجى ههههههههههههههههههههه

باريد بصى انا بعمل الفراخ المحشيه ازااااى بجيب بصله محترمه كبيييره وابشرها واخد ربعها احط عليه ملح وفلفل واتبل بيه الفرخه واسيبها مع نفسها عقبال ما اعمل الرز باقى البصله بقا هتحطيه فى الحله مع حته زبده او سمنه او زيت اللى بتستخدميه وتقلبى فيها لحد ما يبقا لونها دهبى ولو عندك كبد وقوانص فراخ يبقا تماااام هتسلقى القوانص مع شويه فلفل وورق لوراا ولما تستوى قطعيها وحطيها على البصله وحطى عليهم الكبده وشوحى فيهم شويه وبعدين انزلى عليهم بالرز وقلبى كوويس وحطى بقا التوابل اللى عاوزاها ملح وفلفل وسنه قرفه نوووووونه ولو عندك نعناع ناشف حطى شويه نونه برضوا وحبهان مطحون ومكعب ماجى وحطى ميه وسوى الرز نص سوا او تلات تربع سوا يعنى حطى مقدار ميه ااقل من المعتاد ولما تخلصيه هاتى فرختك واحشيها بقا من جواها ومن تحت الجلد وحطيها تتسلق فى ميه وملح نونه وفلفل وورق لورا وبصله وبعدين طلعيها اعصرى عليها ليمون ودخليها الفرن او حمريها فى حته سمنه على البوتاجاز اواقلك على حاجه تانيه حلوة برضوا خليها تاخد غلوه واحده فىالميه وبعدين طلعيها وحطيها فىصنه ومعاها كبشتين شوربه وورقتين لورا وغطى الصنيه كويس اووى بالفويل وسيبيها فى الفرن على نار وسط او اقل شويه كمان ولما تلاقيها استوت تعصرى عليها ليمونهوشيلى الفويل وخليها تتحمر وبس كده

ندى طريقتى نفس طريقه بسبس بالظبططططط بس بزود حته ليه خروف طعمها مش بيبان اوى لانها صغننه بس الكولكشن كله على بعضه حلو

ميرسى يا ام عمر هعملها النهاردة ان شاء الله
كان عندى سؤال هو لو انا غسلت الفرخة بالدقيق و اللمون ريحة الزفارة هتروح فعلا ولا فيه حاجة تانية المفروض اعملها؟

bright bride;12766213:
ميرسى يا ام عمر هعملها النهاردة ان شاء الله
كان عندى سؤال هو لو انا غسلت الفرخة بالدقيق و اللمون ريحة الزفارة هتروح فعلا ولا فيه حاجة تانية المفروض اعملها؟

انقعيها فى مايه وخل بتضيع الزفاره خالص

بحبكم جدااااااااااااااااااااا وفرحانه اوى انى رجعت معاكم تانى انا لسه متجوزه منذ اقل من شهر
مكنتش بدخل المطبخ اد كدا ف بيتنا بس اعرف شويه حاجات الحمد لله يعنى

سؤال بقى بس مش تكسفونى كان فيه بنوته كاتبه انى اجهز البوفتيك بالبيض والبقسماط واشيله ف الفريزر ويبقلى جاهز ع القلى

ممكن الطريقه بالتفصيل الممل مع مراعاه انى اول مره هتبل بوفتيك يعنى

دكتوره بس عسوله;12770294:
بحبكم جدااااااااااااااااااااا وفرحانه اوى انى رجعت معاكم تانى انا لسه متجوزه منذ اقل من شهر
مكنتش بدخل المطبخ اد كدا ف بيتنا بس اعرف شويه حاجات الحمد لله يعنى

سؤال بقى بس مش تكسفونى كان فيه بنوته كاتبه انى اجهز البوفتيك بالبيض والبقسماط واشيله ف الفريزر ويبقلى جاهز ع القلى

ممكن الطريقه بالتفصيل الممل مع مراعاه انى اول مره هتبل بوفتيك يعنى

:056::056::056: انا انا اللى قلت ههههههه
بصى هتجيبى لحمه البوفتيك او البانيه وتتبليهم فى ملح وفلفل اسمر وبصله مبشوره ناعم او ميه البصل يعنى بعد ما تبشرى البصله تحطى عليها ملح وتسيبيها عشر دقايق هتلاقى ميه بصل بس انا بتبله بالبصله المبشورة كلها وتسيبيهم مع بعض ساعه ساعتين فى التلاجه تمام كده لو عاوزة تزودى زعتر او روز مارى على الفراخ بتبقا حلوة برضوا وبعدين هتجيبى اللحمه او الفراخ من التتبيله وتحطيها فى دقيق وتطلعيها من الدقيق (يادوب الحته تتغطا دقيقميبقاش كتيير اوى )وتحطيها فى بيضه علىها حبه فلفل وعصره ليمون وتطلعى من البيض على البقسماط ولو عاوزة طعم حلو هاتى عيش فينو طرى مش متحمص وافرميه كويس فى الكبه وحطى عليه حبه ملح نونه وفلفل نوووونه وروز مارى مطحون للفراخ وتضغطى كويس على الحته وهيه فى البقسماط وحطى الحتت جنب بعض فى صنيه وغطيها كويس بكيس ودخليها الفريزر ولما تجمد طلعيها وحطى فى اكياس على اد الاكله وتطلعى تسيبيها تحمرى علطول او ممكن تسيبيها ربع ساعه تفك شويه بس انا بحمر علطول وبتبقا حلوة اووى
وخلى بالك اللحمه لازم تبقا رفيعه خالص لكنالفراخ عادى لا تخينهاوووى ولا رفيعه وسط يعنى ممكن تقسمى صدر الفرخه اتنين واى خدمه :adore: ايه بقا اخر اخبار الجواز يا عروره ههههههه حلو :lol::lol::lol::lol::lol:

دكتوره بس عسوله;12770294:
بحبكم جدااااااااااااااااااااا وفرحانه اوى انى رجعت معاكم تانى انا لسه متجوزه منذ اقل من شهر
مكنتش بدخل المطبخ اد كدا ف بيتنا بس اعرف شويه حاجات الحمد لله يعنى

سؤال بقى بس مش تكسفونى كان فيه بنوته كاتبه انى اجهز البوفتيك بالبيض والبقسماط واشيله ف الفريزر ويبقلى جاهز ع القلى

ممكن الطريقه بالتفصيل الممل مع مراعاه انى اول مره هتبل بوفتيك يعنى

بصي يا قمر دي طريقتي بالتفصيل الممل كنت منزلاها موضع هنا في عروس شوفيها و ان شاء الله تعجبك
http://forums.3roos.com/showthread.php?t=540347

ناااااااااني تسلم ايدك يا قمر كيكة ال3 البان اهي
ماما لما شافت اللي انتي كنتي منزلاها عجبتها اوي ولاقيتها جايبة المقادير معاها وعملتها :D لو انا كنت علي السنة الجاية لما اتنشط واعملها هههههههه







تسلم ايدك كانت طعمها حلو اوي بجد


وعملنا كمان كيكة حادقة كانت طعمها جميل برضو وفكرتها جديدة

sosiii-cat;12776404:
ناااااااااني تسلم ايدك يا قمر كيكة ال3 البان اهي
ماما لما شافت اللي انتي كنتي منزلاها عجبتها اوي ولاقيتها جايبة المقادير معاها وعملتها :D لو انا كنت علي السنة الجاية لما اتنشط واعملها هههههههه







تسلم ايدك كانت طعمها حلو اوي بجد


وعملنا كمان كيكة حادقة كانت طعمها جميل برضو وفكرتها جديدة

شكلهم حلو اوووى يا سوسى تسلم ايدك

قوليلى عملتى الكيك الحادق ازاى؟؟

تسلم ايدك يا سوسى انت وماما وبالهنا والشفا شكلهم حلو اووى انا بقا فلحوسه نزلت مخصوص عشان اجيب اللبن المكثف والمبخر جبت طلبات للبيت ونسييييت خالص اللبن فالحه صح
ام بودى كل ما ادخل ابقا عاوزة اسالك على حاجه وانسى بقالى يومين على النظام دا بجد طول ما انا واقفه فى المطبخ ابقا فاكراها اجى هنا انسى خاااالص هيه حلو اساسا ولا مالح ما علينا لو افتكرت هاجى تانى

ام بووودى افتكرت عاوزة طريقه الخضار السوتيه بتاعتك لو سمحتى
او اى حد بيعمله يقولى الطريقه

أم يـاسـيـن العسل;12766492:
انقعيها فى مايه وخل بتضيع الزفاره خالص

ميرسى اوى يا ام ياسين و ام عمر انا عملتها و طلعت حلوة بس المشكلة ان الفراخ نزلت دهون كتير اوى و انا مشحاطة عليها اى دهون و حطيتها فى الفرن على شبكة و الصينية تحتها علشان تنزل كل الدهون و مع زلك كانت مليانة دهون
انا بستعمل ساديا و كنت لاحظت الحكاية دى فى الاوراك بتاعتها برضه فهل فيه نوع تانى احسن؟ ولا علشان هى مجمدة بتعمل كده ولا انا بألف و كله كده اصلا

sosiii-cat;12776404:
ناااااااااني تسلم ايدك يا قمر كيكة ال3 البان اهي
ماما لما شافت اللي انتي كنتي منزلاها عجبتها اوي ولاقيتها جايبة المقادير معاها وعملتها :D لو انا كنت علي السنة الجاية لما اتنشط واعملها هههههههه







تسلم ايدك كانت طعمها حلو اوي بجد


وعملنا كمان كيكة حادقة كانت طعمها جميل برضو وفكرتها جديدة

واووووووووووو شكلهم تحفة اوى انا عايزة اعرف الطريقة بتاعة الاتنين بليز

انا عاوزة بقى طريقة اللبن المكثف في البيت عشان انا قررت اوفر لاني اترزعت 700 حنيه في شوية هبلات النهاردة

MOMO'S MUM;12781846:
انا عاوزة بقى طريقة اللبن المكثف في البيت عشان انا قررت اوفر لاني اترزعت 700 حنيه في شوية هبلات النهاردة

تسلم ايدكي يا سويس انتي و ماما و الله جدعه ههههههههههه

بصي يا قمر كوبايه لبن بودرة + كوبايه سكر بودره + 1/3 كوبايه ميه في الخلاط تضربهم كويس و بعد كده تستعمليهم

بنااااااااااااااات تيجوا نعمل موضوع طباخة في ورطة اللي في قسم المطبخ ده بينا هنا في الشات ؟؟؟؟؟؟ أهو نستفاد من حاجات بعض و نتفرج شويه ههههههههههه:lol::lol::lol:

ام عمر افندى;12780020:
ام بووودى افتكرت عاوزة طريقه الخضار السوتيه بتاعتك لو سمحتى
او اى حد بيعمله يقولى الطريقه

بصي يا جميل أنا عندي حله بخار اذا كنت فاهماني يعني اللي هيا مصفاه جوه حله عارفاها؟؟؟؟؟؟؟؟

أنا بحط ملح و شويه فلفل علي الخضار و أخلطهم كده و أحطهم في المصفاه فوق الحله بعد ما أكون حاطة فيها ميه و نص ليمونة و روز ماري و أغطيها و أسيبها مش بكشف عليها الا بعد نص ساعه كده أشوف ايه الأخبار و بس