14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

دندن ممكن كمان تقولى طريقة البستا فلورا

DANDONA_2010;12316669:
للى طلبوا طريقة خلية النحل

المقادير:
2 ونص مج دقيق-بيضة-م ص ملح-رشة سكر -ملقتين خميرة فورية -نص مج زيت-ماء دافىء للعجن-حبة البركة- سمسم-زعتر (وممكن الاستغناء عن اخر اتنين)-جبنة اى نوع تحبية

الطريقة:
حطيت الدقيق وعلية البيضة والزيت والملح ورشة السكر ودوبت الخميرة فى كوباية مية دافية وحطيتهم وعجنت لحد ما العجينة مبفتش تلزق فى الايد..سبتها تخمر لمدة ساعة فى مكان دافىء
اما خمرت جبت صينية ودهنتها زيت بسيط قوى لان العجينة نفسها فيها زيت وبقيت اخد حتة عجينة صعيرة وافردها على كف ايدة واحط الجبنة واقفل واشكلها على هيئة كورة بس كدة لحد ما خلصت الكمية كلها ..جبيت بعد كدة بيضة وحطيتها فى طبق وعليها شوية زعتر ومطحون حبة البركة عشان اضيع الزفارة الى فيها ودهنتها على الوش وبعدين رشيت سمسم وحبة البركة وشوية صغننة زعتر .. وغطيت الصنية لمدة ربع ساعة كمان خمرت كمان ماشاء الله ..دخلتها فرن متوسط الحرارة للحد ما احمرت من تحت والجناب وفتحت الشواية عشان تتحمر من فووق

اهم حاجة بقى بعد ما طلعيها من الفرن حتلاقيها ناشفة اصبرى لحد ما تبرد وشيلها من الصنية وحطيها فى طبق وغطيها بنايلون او اى كيس حتلاقيها تانى ييوم طرية وزى الفل ..
وبالنسبة للجبنة ياريت تكون من النوع الى ماسك نفسة شوية وممكن كمان نستعمل جبنة مثلثات او كيرى بتبقى حلوة

وبالهنا والشفا

تسلم ايدك شكلها حلو اوي

بس فين العسل ؟

اللى اعرفه ان خليه النحل بتتحشي جبنه وبنسقيها عسل في الاخر وانا عن نفسي بموت فيها كدة بالعسل

وحشتوووني وحشتووني

عملت الايس كريم بتاع بيتو طلع جامد جدا جدا جدا جدا عملت كمية وشيلته في الفريزر وكل شوية اخد طبق

كمان عملت البسكوت بنفس الطريقة بس بمقادير مختلفة وطلع زي الجاهز بالظبط

ويسقط اي رجيم

هو المفروض فعلا يتحط عليها عسل او ما تطلع من الفرن بس انا مجربتهاش بالعسل قبل كدة ..المرة الجاية باذن الله

الباستا فلورا

مقادير
نص مج سمنة او زبدة-3 بيضات-مج سكر -فانيليا - بيكنج بودر-مربى (النوع الى تحبية )-دقيق حسب الحاجة

الطريقة:
نجيب حلة غويطة ونحط فيها 3 بيضات ومعاهم الفانيليل والسكر والسمن او الزبدة وتكونى مطلعاها من التلاجة قبلها عان تكون لينة ...وحنخلط الحاجات دية كلها بايدينا ومش بنستعمل مضرب لاننا مش عاوزين نعمل فووم للبيض لانها مش كيك .. اول ما نلاقى السكر داب فى الخليط والعجينة بقت كريمى شوية كدة نحط البيكنج بودر بتاعنا والدقيق شوية فشوية لحد ما تلاقى العجينة بدات تلم معاكى ومش بتلزق فى ايدك

حنجيب صنية وندهنها سمنة او زبدة خفيف من كل الجوانب ونجيب تلت تربع العجينة ونفردها فى الصينية ونخلى بالنا منعملهاش سميكة تبقى رفيعة وتبططيها بايدك كدة وبعدين تجيبى المربى وتفرديها على العجينة بس حاولى متقربيهاش قوى من الاطراف عشان متتلسعش وباقى العجينة بنشكلة صوابع وتحطية بقى بالورب او بالطول والعرض على المربى

وتكونى مسخنة الفرن قبلها وحرراتة بتبقى وسط وهى مبتخدش وقت فى السوا خالص وبتطلع ماشاء الله جميلة قوووى
واى خدمة وبالهنا والشفا

بيرق أمل;12315082:

طيب معلش احط مية قد ايه؟؟ يعني لو عملت مثلا كمية المكرونة لسان العصفور قد ماج او كباية استانليس او ربع كيلو قد ايه مية؟؟؟ عشان لما بازود مية بعد ما تشربها والاقيها لسة محتاجة حبة وباضيف مية بتتهرى ولا اضيف مية مغلية ولا ايه عرفيني ممكن ;)
معلش يا بسبس سؤال كمان

هي بتتاكل ازاي طاجن الشعرية ده؟ يعني ينفع وجبة اساسية ولا ده جانبي ولا زيه زي صينية الجلاش باللحمة المفرومة؟؟

اصل انا اسمع عنه انه روعة بس مش دوقته قبل كده :o

بصى يا بطه

اولا حطى مايه زى ماتحبى بس ماتخليهاش تشربها

بصى هقولك انا بسويها ازاى سواء هى او لسان العصفور فى الشوربه

بصى فى الطاجن دا انا حطيت فوق الشعيريه بسم كدا وبعدين مش بسيبها لغاية لما تستوى بقى

لا انا يادوب غلوتين كدا وهى بمايتها اقوم طافيه واغطيها واسيبها 10 دقايق برجع الاقى الشعيريه او لسان العصفور استوى وشرب المايه دى وكماااااان مفلفل كدا مش معجن بيبقى حلو اوى اوى

بصى هى ممكن تبقى طبق رئيسى لو عامله لكل واحد طاجن او طاجن كبير ليكو كلكوا وتغرفى بقى

بصى هو بالشعيريه احلى بكتييييييييييير من لسان العصفور عشان خفيف كدا وبجد وهمى


انتى عارفه جوزى قالى هتأخر قومت مسخناه واكلته كله والله لوحدى ههههههههههه

على خطى الحبيب;12317660:
وحشتوووني وحشتووني

عملت الايس كريم بتاع بيتو طلع جامد جدا جدا جدا جدا عملت كمية وشيلته في الفريزر وكل شوية اخد طبق

كمان عملت البسكوت بنفس الطريقة بس بمقادير مختلفة وطلع زي الجاهز بالظبط

ويسقط اي رجيم

والله وانتى كمان وكنت هسئل عليكى وقولت اكيد بتمتحن وشوفت واحده رديت فى موضوع مبدعات مصر وقولت لوتس هتصلحه ازاى دا 8o|


حلوو مدام حلو كدا الايس كريم يبقى اعمله واطلع منه بدل الملل اللى الواحد فيه :thumbs_up:



بنات عايزه اعمل حاجه حلوه شورو عليا

على خطى الحبيب;12317660:
وحشتوووني وحشتووني

عملت الايس كريم بتاع بيتو طلع جامد جدا جدا جدا جدا عملت كمية وشيلته في الفريزر وكل شوية اخد طبق

كمان عملت البسكوت بنفس الطريقة بس بمقادير مختلفة وطلع زي الجاهز بالظبط

ويسقط اي رجيم

فين طريقة الايس كريم يا لوتس بعد أذنك يا قمر عوزاها:o

بسبس عملت رز بلبن بطريقتك انا بعمل نفس طريقتك بس مكنتش بستخدم بودرة الايس كريم بس جربتها طلع حلو اوى متشكرة اوى حبيبتى
http://www.3roos.com/files/ups/2010/325191/01276375435.jpg
معلهش حطيت رابط لانى مش بعرف اصغر الصور

ازيكم يا بنات عاملين ايه انا عايزه طريقه بيتزا

meshmesh 2009;12318522:
بسبس عملت رز بلبن بطريقتك انا بعمل نفس طريقتك بس مكنتش بستخدم بودرة الايس كريم بس جربتها طلع حلو اوى متشكرة اوى حبيبتى
http://www.3roos.com/files/ups/2010/325191/01276375435.jpg
معلهش حطيت رابط لانى مش بعرف اصغر الصور

شكله حلو اوى اوى يا قمره والحمدلله انه عجبك والف هنا وشفاااا

miobello;12318629:
ازيكم يا بنات عاملين ايه انا عايزه طريقه بيتزا

بصى عجينتى بجد وهميه : كمية الدقيق اللى تعجبك ومعاا ها زره ملح وبيكنج بودر وتعجنيها بالزبادى


كانه مايه تحطى وتعجنى لغاية لما يبقى عندك عجينه طريه حلوه وبعدين تقسميها وتفرديها فى صينيه وتكملى بقى خطوات البيتزا عاااااادى

ازيكوا يا حلويين
بسبس عاوزه طريقة الرز باللبن بتاعك

ftft70;12319347:
ازيكوا يا حلويين
بسبس عاوزه طريقة الرز باللبن بتاعك

بصى يا حبى

هتعملى الرز باللبن زى مابتعمليه عادى بس فى اللبن تدوبى كيس ايس كريم فانيليا وتعقديه عادى خالص

بس بجد بيفرق اوى فى الطعم :thumbs_up:

أم يـاسـيـن العسل;12314042:
يا فرحتى يا فرحتى لما رورو هانم بنفسها تطلب طريقه لاكلاتى

:062: :062: :062::062:

بصى يا ستى الاول البطاطس

1- اسلقيها واهرسيها هرس متوسط لا ناعم ولا خشن اوك

2- حطى عليها معلقتين بقسماط وشوية بقدونس مفروم و فص توم بس دا اختيارى

3- بصى عارفه طريقه الكبيبه الشامى؟؟ بتتعمل قراطيس وتحطى اللحمه جواها وتقفلى صح
لا دى بقى هتعمليها وتحطى الجبنه اللى تعجبك جواها وتقفلى وبعدين دقيق وبيض وبقسماط واقليها وبس

تانى حاجه بقى : البصل المشوى بقى بقطعه دواير كدا وسط ولا تخينه ولا رفيعه وبعدين لما الكفته بتستوى بروح رصاها على وش الكفته كلها وادخلها الفرن معاها تشوى على الشوايه وبس طعمها بيبقى روووووعه انا بعملها اصلا عشان اغمزها لوحدها

تالت حاجه بقى طاجن الشعيريه

بصى يا ستى هتعصجى لحمه مفرومه عادى خالص وبعدين تحطى عليها معلقة صلصه اوك او طماطم بس انا انجزت بالصلصه عشان يويو نايم والخلاط هيصحيه

وبدين تحمرى الشعيريه وتخليها غامقه شويه مش فاتحه وياريت تتحمر بالسمنه مش بلزيت اوك

وبعدين تروحى طاشه الشعيريه على اللحمه وتقلبى على النار لمده 30 ثانيه يادوب يختلطوا بس وبعدين تحطى مايه بقى ومكعب ماجى وفلفل اسود وسيبيها تستوى بس خليها بصوص شويه وبعدين لما تستوى تلت تربع سواا تحطيها فى طاجن وتغطيه بالفويل وتدخليه الفرن 10 دقايق وبعدين افتحى الفويل وحمريها من فوق بس يا ستى

انا اصلا اكلت منه دلوقتى لقيته روعه واحلى حاجه فيها مابياخدش وقت نهائى :thumbs_up:

:lol::lol:ليه كده يابسبس والله دنا بحب اكلاتك اوى وخصوصا لانها بتمتاز بالسرعه وحلو اوى الطاجن ده هجربه مره والبصل المشوى ع الكفته بعد ماتسويها بيتشوى ازاى يعنى من الشوايه بيتحمر يعنى ؟
والبطاطس طريقتها برده حلوة اوى ممكن اعملها مع عجه ايه رايك وبكده تبقى وجبه كامله

على خطى الحبيب;12317660:
وحشتوووني وحشتووني

عملت الايس كريم بتاع بيتو طلع جامد جدا جدا جدا جدا عملت كمية وشيلته في الفريزر وكل شوية اخد طبق

كمان عملت البسكوت بنفس الطريقة بس بمقادير مختلفة وطلع زي الجاهز بالظبط

ويسقط اي رجيم

وانتى كمان يالوتس ربنا يوفقك شدى حيلك وبالف هنا واتغذى كويس عشان الامتحانات ولو سمحت عايزة طريقه الايس كريم

ايمى حبيبتى ام معاذ وانتى كمان وحشتينا اوى اعملى كوسه بالبشاميل وفراخ مشويه ف الفرن بجد اكله رائعه F::adore:

رورو حبيبة جوجو;12323581:
:lol::lol:ليه كده يابسبس والله دنا بحب اكلاتك اوى وخصوصا لانها بتمتاز بالسرعه وحلو اوى الطاجن ده هجربه مره والبصل المشوى ع الكفته بعد ماتسويها بيتشوى ازاى يعنى من الشوايه بيتحمر يعنى ؟
والبطاطس طريقتها برده حلوة اوى ممكن اعملها مع عجه ايه رايك وبكده تبقى وجبه كامله

:o ميرثى يا تنت رورو

اه الشوايه بتحمره بس مش تحمير لا هتلاقيه مشوى كدا وممكن تلاقيه بيقرش شويه كدا بيبقى حلو اوى اوى


اه حلوه مع العجه وفعلا تبقى وجبه متكامله


بقولك ايه بالمناسبه
ابقى قولى طريقة العجه لان فى واحده طلبتها منى على الخاص وانا قولتلها معرفهاش لانى فعلا معرفهاش لاننا مابناكلهاش ولا فى بيت بابا ولا عندى هنا :study:

أم يـاسـيـن العسل;12323293:
بصى يا حبى

هتعملى الرز باللبن زى مابتعمليه عادى بس فى اللبن تدوبى كيس ايس كريم فانيليا وتعقديه عادى خالص

بس بجد بيفرق اوى فى الطعم :thumbs_up:

بسبس هو كيس الايس كريم فانليا ده بيبقى بودر يعنى؟

sally2007;12324661:
بسبس هو كيس الايس كريم فانليا ده بيبقى بودر يعنى؟

ايوة يا سالى بيكون بودر زى الجيلى

أم يـاسـيـن العسل;12323714:
:o ميرثى يا تنت رورو

اه الشوايه بتحمره بس مش تحمير لا هتلاقيه مشوى كدا وممكن تلاقيه بيقرش شويه كدا بيبقى حلو اوى اوى


اه حلوه مع العجه وفعلا تبقى وجبه متكامله


بقولك ايه بالمناسبه
ابقى قولى طريقة العجه لان فى واحده طلبتها منى على الخاص وانا قولتلها معرفهاش لانى فعلا معرفهاش لاننا مابناكلهاش ولا فى بيت بابا ولا عندى هنا :study:

8o|8o|:hysterical:تنت مين ؟كده ماشى ياتيزا انا برده هقولك العجه مافيش اروع ولا احلى من عجه نور حبيبتى والرابط اهو

http://forums.3roos.com/showthread.php?t=523407:thumbs_up:

sally2007;12324661:
بسبس هو كيس الايس كريم فانليا ده بيبقى بودر يعنى؟

اه وانتى بتدوبيه فى اللبن

ام بودى فين يابنات؟ غايبه بقالها كام يوم ؟
بنات انا عايزاكم تقولولى اصناف اكل مطبوخه اعملها واحطها ف الفريزر بحيث تطلع ع التسخين وتبقى جاهزة ياريت تردوا عليا ضرورى
مستنيه همتكم معايا

رورو حبيبة جوجو;12325792:
ام بودى فين يابنات؟ غايبه بقالها كام يوم ؟
بنات انا عايزاكم تقولولى اصناف اكل مطبوخه اعملها واحطها ف الفريزر بحيث تطلع ع التسخين وتبقى جاهزة ياريت تردوا عليا ضرورى
مستنيه همتكم معايا

والله يارورو مكنتش ناويه اكتب تانى هنا بس عشان خاطر عيونك هقولك
عندك كل انواع الخضار الباميه البطاطس البسله الفاصوليا المسقعه بس اهم حاجه اول لما يبقوا دافيين تحطيهم فى علبه على اد الاكله وتدخلى الفريز علطووول
بالنسبه للرز مش عارفه انا مره حماتى عملتلى ممبار وسلقته ولما جيت هنا خليته يفك خااالص وعدين حمرته كان زى الفل وحلو اوووى مش عارفه بقا الرز العادى ايه نظامه لو عاوزة تعملى بيتزا اعملى العجينه عادى وافرديها فى الصنيه ودخليها الفرن 5 دقايق بحيث انها تعمل قشره من برا كده فاهمانى وبعدين خرجيها وحطى عليها اللى انت عاوزاة ودخليها الفريزر ولما تطلعيها دخليها الفرن علطووول ولو هتعملى مكرونه بالبشاميل برضوا تنفع اعمليها عادى وسويها تلات تربع سوا وطلعيها على الفرن برضوا على نار هااااديه هتكمل سوا وتحمر وتبقا تمااام
اه وعاوزة اقولك على خبر تحفه عارفه كارفور اللى فى غرناطه فى هناك منتجات القصيم الكرنب بتاعه روووووووووووووووووعه بجد زى بتاع مصر وحلو اووووى الكرنبايه ب5ريال احسن من التانى مليون مره ابقى جربيه