14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

يا بنات هى عجينة البف بسترى دى بتتجاب منين من السوبرماركت وللا ايه انا عمرى مشوفتها و عايزة برضو صلصة الاسباجيتى بتاعة ام عمر

Bossy22;12295844:
يا بنات هى عجينة البف بسترى دى بتتجاب منين من السوبرماركت وللا ايه انا عمرى مشوفتها و عايزة برضو صلصة الاسباجيتى بتاعة ام عمر

بتكون موجودة فى التلاجات اللى بتكون فيها السمبوسك و الجلاش

انا كمان عاوزة طريقة ام عمر للصلصة

لؤلؤة حياتى;12294722:
لو اى شكولاتة عادية مش خام عادى بس متحطيش سكر بقى

بس انا حقولك على طريقتى سهلة جداا و بيكون طعمها روعة

3 ملاعق كبار كاكاو ربع كوباية سكر و ملعقة كبيرة مليانة نشا و كوباية لبن

اول حاجة تدوبى السكر فى اللبن على نار هادية و لما السكر يدوب حطى الكاكاو و قلبى بسرعة برضو على نار هادية و لما تحسى ان الكاكاو داب كويس تدوبى ملعقة النشا فى شوية لبن صغننين خالث و تحطى النشا على الخليط و تقلبى بسرررررررعة علشان متكلكعش
و تسبيها تغلى و تتقل شوية و خلاص كدا:thumbs_up::thumbs_up:

اة لو حسيتى انها عاوزة لبن كمان زودى بس مش كتير

تسلمى ياحبيبتى ربنا يكرمك يارب

طيب ولو عاوزه اعملها بشيكولاته خام هتبقى نفس الطريقه ولا لاء

عروسة نعومة;12290520:
[QUOTE=Boody we zady;12254522][QUOTE=om asmaa;12253877]ازيكم يا مبدعات يا قمرات مصر :)
ايه اخباركم فى الحر:badly:
ايه هى طريقه السينابون[/
QUOTE]



جزاك الله خيرا يا أم بودي




ربنا يكرمك يا جميلة مش ديه نفس طريقة العيش اللي بيبقو حاطينه كمقبلات في مطاعم الايطاليان فوود بس بيبقو حاطين عليها كزبرة




جزاك الله خيرا يا توتا معنديش هون .. ممكن أعمله بالشاكوش بقى ههههههههه

طب انتى بتفكرى وتبدعى اهو والله:D:Dودى شىء ف حد ذاته جميل

وايوة ياقمر دى طريقة العيش اللى بيقدموه بيدهنو زبدة ويمسحو بفص تووم ويحطو كزبرة دبلااانة:hysterical:

نور التقوى;12294098:
السلام عليكم

بنات عاوزه اعرف صوص الشيكولاته بيتعمل ازاى لو عاوزه احطه على السينابون

وينفع اعمله باى شيكولاته عندى ولا لازم شيكولاته خام

ينفع تعمليه بشيكولاته عادي طبعا بس سيحيها على حمام ميه وحطيلها حته زبدة عشان تلمع


اما الخام بقى بتحطيلها سكر بودرة وزبدة وكريمه

مشمش ام محمد;12294689:
بناات عندي عجينة باف باستري قولولي على طريقه حلووو اعملها بيها وطرريقه ماالح اعملها بيها يعني اعتقد بتتعمل قراقيش كده بالزعتر عايزه اعرف الطريقه وكمان بتاعت التفااح الي فيها كراميل تقريبا
وكمان عايزه اعرف ايه صلصة ام عمر بتاعت الاسباجيتي دي موا موااا

انا بعمل الباف باستري الحادق زي الكيش بحط وحدات البف في صينية الكب كيك واعمل خلطة عباره عن سوسيس وكريمة وملح وفلفل وبيضه واقلبهم على بعض واملى بيهم البف باستري


وطبعا بدل السوسيس ممكن فراخ او جبن

وبنفس الطريقة بعمله حلو

اني بقطع تفاح واحط عليه سكر وقرفه ومعلقة دقيق ونقطة ليمون واقلبهم واملى البف وادخله الفرن ولما يطلع احط علي كل وحدة بولة ايس كريم

وصلصة ام عمر دي صلصه لكل الاكل مش اسباجيتي بس انا اللى عملت بيها اسباجيتي

لكن هي بتعمل بصل وتوم وتشوحهم وتحط عليهم عصير الطماطم وتسبيهم لحد ما تبقى صلصه وبس بتتحط في برطمانات وعلى الوش زيت

انا عملتها بطريقتها وزودت فلفل اخضر وجربتها مع الاسباجيتي امبارح طلعت تحفة جدا بس هي دي الحكايه

Bossy22;12295844:
يا بنات هى عجينة البف بسترى دى بتتجاب منين من السوبرماركت وللا ايه انا عمرى مشوفتها و عايزة برضو صلصة الاسباجيتى بتاعة ام عمر

هتلاقيها في التلاجة اللى فيها المجمدات

دي صورتها



دي ماركة تانيه بس السنبله لا يعلى عليها

أم يـاسـيـن العسل;12284986:
ب




عايزه طريقة تخزينها يعنى؟؟

بصى انا بجيبها واخرطها وعلطول بسرعه ااقوم حطاها فى كيس وابططها كدا عشان متبقاش كوره واشيلها فى الفريزر

ولما اجى اسويها بقى بغلى الشوربه واحط فيها الملوخيه متلجه من غير ماتفك واوطى النار خاااااالص ععليها لمدة 10 دقايق وبعدين اعمل الطشه واحطها عليها وبس[/
QUOTE]
الف شكر يا بسبس F:
[QUOTE=Boody we zady;12286046]طريقتي في الملوخيه بجيب نص كيلو طازة طبعا و أقطفه و أغسله كويس و أسيبه ينشف و بضربه في موليكس فرامة الملوخيه و أسخن شوربه الفراخ أحلي من اللحمة و أحط الملوخيه المفرومة في حله و أبدأ أصب عليها الشوربه لحد ما أوصل للتقل المظبوط و قبل كده أكون مفصصه 5 فص توم كبار ( صيني ) عليهم رشه ملح و 1 م ص كزبره ناشفه في الهون أدقهم كويس و أخد حته أحطها علي الملوخيه و الباقي أعملهم طشه و لما الملوخيه تغلي أسقطها عليها و دومتم

شكر على الاهتمام يا ام بودى:L:
[QUOTE=بيرق أمل;12290999]

ربنا يكرمك يا قمر وان شاء الله هجرب احط بيكربوناتو:thumbs_up:
سؤال علشان المخالفه هو انا ممكن اعمل كيكه بتانج برتقال بدل من البرتقال الطبيعى ولو ممكن تبقى ازاى;)

أم رفيده;12299089:
[;12284986]ب




عايزه طريقة تخزينها يعنى؟؟

بصى انا بجيبها واخرطها وعلطول بسرعه ااقوم حطاها فى كيس وابططها كدا عشان متبقاش كوره واشيلها فى الفريزر

ولما اجى اسويها بقى بغلى الشوربه واحط فيها الملوخيه متلجه من غير ماتفك واوطى النار خاااااالص ععليها لمدة 10 دقايق وبعدين اعمل الطشه واحطها عليها وبس[/
QUOTE]
الف شكر يا بسبس F:

شكر على الاهتمام يا ام بودى:L:

[QUOTE=بيرق أمل;12290999]

زي ما بسبس قالت بالضبط

بس انا بارش عليها ربع معلقة كربوناتو واعجبنها كويس بيها كده بالمعلقة واخرط كام مرة عشان بتخليها محتفظة بالخضار بتاعها

ربنا يكرمك يا قمر وان شاء الله هجرب احط بيكربوناتو:thumbs_up:
سؤال علشان المخالفه هو انا ممكن اعمل كيكه بتانج برتقال بدل من البرتقال الطبيعى ولو ممكن تبقى ازاى;)

بيبقى طعم الكيكه مختلف وعملتها مره معجبنيش

دعوة للتفاؤل;12295776:
ان شاء الله وانا بدعي مقدام قبل اما اجرب بس عايزه بقي مايونير حلو اجيب مايونيز ايههههههههههههههههه:thumbs_up:

جوبر حلو اوى

انا عايزه اعمل غدا لبكره بس حاجه جديده قولولي اقتراحتكم

بنات ممكن طريقه حلوة للكبده مع التتبيله

نور التقوى;12296872:
تسلمى ياحبيبتى ربنا يكرمك يارب

طيب ولو عاوزه اعملها بشيكولاته خام هتبقى نفس الطريقه ولا لاء

الشكولاتة الخام حتسيحيها على حمام ماية و تحطى سكر و شوية لبن صغيرين و معلقة زبدة او كريمة

اة و نسيت افولك لو حتعمليها بطريقتى بالكاكاو حطى برضو زبدة او كريمة

طبعا كريمة خقف للحلويات

meshmesh 2009;12299566:
بنات ممكن طريقه حلوة للكبده مع التتبيله

حبيبتى انتى عاوزة طريقة كبدة اية اسكندرانى و لا مشوية ولا بانية ؟؟؟

ساره افندي;12299359:
انا عايزه اعمل غدا لبكره بس حاجه جديده قولولي اقتراحتكم

اعملى بيكاتا فراخ

لسه شيفاها وعجبتنى اوى

meshmesh 2009;12299566:
بنات ممكن طريقه حلوة للكبده مع التتبيله

بصى انا بتبلها بتوم وبهارات وملح وكمون وفلفل وكزبره وكله

وبعدين اعملها اسكندرانى وانا بتعجبنى اوى اوى كدا بصراحه :thumbs_up:

بناءا على طلب الجماهير هيه دى الصلصه اللى بعملها واخزنها فى برطمانات واعمل بيها الاكل كله
هتجيبى الطماطم وتغسليها كويس وتقطعيها وتضربيها فى الخلاط كويس اووووووى وتصفيها تمام كده هتجيبى بقا بصل وتقطعيه صغير اوى وتحمريه فى زيت او زبده او سمنه اللى عندك لحد ما يبقى لونه اصفر تكونى دقيتى توم كويس وتحطيه على البصل وتقلبى كام تقيبله كده وبعدين تحطى عليهم الطماطم المضروبه وتحطى بقا مكعبين ماجى على فلفل اسمر وحبهان مطحون ومعلقه خل وتسيبيهم يتسبكوا كويس اوى وكل شويه كده قلبيها كويس ولما تتسبك وتنشف خالص ميتها حطى معلقه سكر وقلبى وسيبيها دقيقتين واطفى وسيبيها تبرد خااااالص وبعدين عبيها فى برطمانات ازاز او بلاستيك اللى عندك يعنى وحطى على وشها زيت بحيث انك تغطى الصلصه خالص بالزيت واقفلى البرطمان كويس اوووى وحطيه فى التلاجه اهم حاجه وانت بتاخدى من البر\طمان تاخدى بمعلقه ناااااااشفه ونضيفه بس كده بس لو هتجيبى طماطم كتييير ممكن تعملى برطانين بس بالبصل والباقى سبكيه من غير بصل ولا توم ولا اى حاجه بس بعد ما تضربى الطماطم حطيها فى الحله لحد ما تنشف مايتها وسيبيها تبرد وبعدين حطيها فى اكياس وفى الفريزر وفى كلا الحالتين بتبقا معايا زى الفل وبتريحنى جدااااا واى خدمه :adore:

بنااااااااااااااااااات ضروري سؤال ينفع أعمل بسبوسه شيمو بالزيت بدل الزبده؟؟؟؟؟؟؟؟؟؟

تسلم ايدك ياام عمرو طريقه الصلصه حلوه اوى وقريبه من بتاعه ماما
ان شاء الله اجربها

Boody we zady;12301391:
بنااااااااااااااااااات ضروري سؤال ينفع أعمل بسبوسه شيمو بالزيت بدل الزبده؟؟؟؟؟؟؟؟؟؟

اعتقد بسبوسة بالزيت مش حتبقى حلوة:-o

Boody we zady;12301391:
بنااااااااااااااااااات ضروري سؤال ينفع أعمل بسبوسه شيمو بالزيت بدل الزبده؟؟؟؟؟؟؟؟؟؟

اظنها هتنشف يا ام بودى

لؤلؤة حياتى;12301435:
اعتقد بسبوسة بالزيت مش حتبقى حلوة:-o

أم يـاسـيـن العسل;12301628:
اظنها هتنشف يا ام بودى

خلاص يا قمرات عملت بسيمة بالموز طلعت حلوة قوب و نزلتها هناك

أم يـاسـيـن العسل;12300748:
اعملى بيكاتا فراخ

لسه شيفاها وعجبتنى اوى




بصى انا بتبلها بتوم وبهارات وملح وكمون وفلفل وكزبره وكله

وبعدين اعملها اسكندرانى وانا بتعجبنى اوى اوى كدا بصراحه :thumbs_up:

هههههههههههه انا كنت علي بالي بس قلت اشوف اختراعتكم ههههههه ماتجي معايا احسن
انا كل شويه افتح التلاجه بص اشوف اعمل ايه واقفل ومفيش حاجه في مخي مش عارفه ليه كده الواحد بقا ملهوش نفس لااي حاجه
طييب ايه اقتراحتكم تاني لان جوزي جاي من سفر وعايزه اعمل غدا حلو وصنف او اتنين مش كتير لان الاكل بيعد كتيررررر ومحدش بياكل

ساره افندي;12304539:
هههههههههههه انا كنت علي بالي بس قلت اشوف اختراعتكم ههههههه ماتجي معايا احسن
انا كل شويه افتح التلاجه بص اشوف اعمل ايه واقفل ومفيش حاجه في مخي مش عارفه ليه كده الواحد بقا ملهوش نفس لااي حاجه
طييب ايه اقتراحتكم تاني لان جوزي جاي من سفر وعايزه اعمل غدا حلو وصنف او اتنين مش كتير لان الاكل بيعد كتيررررر ومحدش بياكل

البيكاتا حلوة يا قمر اعمليها بس هى متجيش معاها غير يا رز بالشعرية يا مكرونة سادة بالفلفل الملون

ممكن تعملى فراخ كوردن بلو مع مكرونة بالكريمة و المشروم

اعملى فراخ بانية او اسكالوب بانية او لو بتحبى الكبدة اعملى مشوية او بانية مع مكرونة
بالصلصة

او اعملى صينية فراخ بالبطاطس و البشاميل و معاة رز ابيض

امممم يارب تعجبك حاجة منهم لو عاوزة طريقة حاجة قوليلى و انا اقولك

أم يـاسـيـن العسل;12300748:




بصى انا بتبلها بتوم وبهارات وملح وكمون وفلفل وكزبره وكله

وبعدين اعملها اسكندرانى وانا بتعجبنى اوى اوى كدا بصراحه :thumbs_up:

شكرا بسبس ربنا يخليكى

لؤلؤة حياتى;12300610:
حبيبتى انتى عاوزة طريقة كبدة اية اسكندرانى و لا مشوية ولا بانية ؟؟؟

شكرا حبيبتى تسلمى انا كنت عايزاها اسكندرانى بس عملتها خلاص الحمد لله وكانت حلوة اوى

امبارح عملت صلصه طماطم الحمد لله عملت 5 كيلو ادونى كميه حلوة افتكرت لما لقيت بتتكلموا عنها تسلموا يا بنات بس عملتها من غير توم او بصل علشان تناسب كل الاكلات