الرئيسية ركن الشات والمواضيع الترفيهية والألعاب شات عروس 14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

Boody we zady 22-05-2010 1,665 رد 152,711 مشاهدة
ع
عروسة نعومة
عروس مشرقة
08-06-2010 | 01:35 PM
اعملي الفرخة المحشية ديه يا بسبس و قوليلي طريقيتها
@
@smsm@
عروس مشرقة
08-06-2010 | 01:36 PM
*Om Mo3az*;12281088:
بنات ازيكو وحشووووووني انا متابعاكو بس مش بشارك ادعولي نفسيتي مضمرة عالاخر والامور ماتسرش لاعدو ولا حبيب

المهم
انا عملت كيكة التايجر بس بمقاديري اناعملتها بكاكاو كورونا وحاسة انه فاتح اوي
عاوزة اعملها والتايجر يكون باين اجيب نوع ايه ؟
دي صورتها





ما شاء الله تسلم ايدك بالهنا والشفا لو عايزة كاكاو دارك يبقى الكاكاو الخام لانه غامق اوى من عند الخطار سايب بس خلى بالك بيبقى مر اوى مش فيه سكر ز بتاع العلب يعنى تحليه كويس وخلى بالك معلقه منه بتدى لون جامد وحلو
&
&&رانيا&&
عروس رائعة
08-06-2010 | 02:18 PM

الكيكه جميله انا بعملها بكاكاو حلويات خام زى مامشمش قالتلك

بسبس محتاره برده اعمل اكل ايه بس البسله ماعملتهاش من زمان ماتعملى طاجن باميه باللحمه حلو

بوسى ام عمر انا عملت مهلبيه الجزر جميله اوى لجوجو فعلا بس كنت عايزة اسالك بتحطى سكر اد ايه ونشا اد ايه لانى حسه انها ممكن تقيله على جوجو وممسكه شويه ولا ايه ؟


O
Om Omar&Lili
عروس مبدعة
08-06-2010 | 03:01 PM

بصى هيه بيبقا قوامها زى المهلبيه كده بس اد ايه بالظبط سكر ونشا بجد مش عارفه عشان انا بعمل بالبركه كده بس السكر بحط وادوق لحد ما احس انه بقا مظبوط والنشا على حسب الكميه اللى هتعمليها حطى مثلا معلقه كبيره وقلبى شوفتيه تقل معاكى كده خلاص يبقا كده تمام لو لسه خفيف حطى معلقه كمان وهكذا

ح
حبيبة SHERY
عروس ماسية
08-06-2010 | 03:34 PM
بنات كدا الموضوع قلب شاات علشان خطرى بلاش مخالفات

بجد لقيت مخالفات كتير بلاش كلام خارج الموضوع

لان فى شات مخصص للكلام

البنات اللى عدلت ردودهم ياريت ميزعلوش بس انا بحافظ على شكل الموضوع

ارجوكم
م
محبة_الرسول
عروس ماسية
08-06-2010 | 03:50 PM
بعمل النهاردة بامية ورز وسلاطة وفلفل مقلللللى
وبسسسسس كده :)

يا بنات عندى بامية وفاصوليا كتير

ازاى اعينهم فى الفريزر ؟؟
ح
حبيبة SHERY
عروس ماسية
08-06-2010 | 03:56 PM
محبة_الرسول;12282419:
بعمل النهاردة بامية ورز وسلاطة وفلفل مقلللللى
وبسسسسس كده :)

يا بنات عندى بامية وفاصوليا كتير

ازاى اعينهم فى الفريزر ؟؟


اغلسيهم و تنظفيهم كويس و اغلى ماية فيها لييمون و كوبيها عليهم و بس كدا و عبى فى اكياس
م
محبة_الرسول
عروس ماسية
08-06-2010 | 04:09 PM
شااهى شكررا

بس انا مش بحب الحاجة المسلوقة خاالص :(

ينفع اعينهم كده وخلاص
يعنى اغسلهم وانضفهم وفى اكياس
&
&Nada&
عروس برونزية
08-06-2010 | 04:10 PM
اى حد عمل تورتة بعجينة الفوندام
ممكن تقولولى الطريقة بالظبط؟؟؟



ويا ريت تكون سهلة
ح
حبيبة SHERY
عروس ماسية
08-06-2010 | 04:15 PM
محبة_الرسول;12282583:
شااهى شكررا

بس انا مش بحب الحاجة المسلوقة خاالص :(

ينفع اعينهم كده وخلاص
يعنى اغسلهم وانضفهم وفى اكياس


ما هو يا قمر كدا يعتبر مش سلق دا مجدر انك حتكوبى عليهم الماية المغلية بس ماما علطول بتعمل كدا
E
Emo0o0Z
عروس ذهبية
08-06-2010 | 04:23 PM
محبة_الرسول;12282419:
بعمل النهاردة بامية ورز وسلاطة وفلفل مقلللللى
وبسسسسس كده :)

يا بنات عندى بامية وفاصوليا كتير

ازاى اعينهم فى الفريزر ؟؟


علياء عن تجربة
الفاصوليا بتطلع معايا ليها نكهه مش حلوة مش عارفة ليه البامية بقى انتي عارفة ماليش فيها خاااااااااالص
ماتسالي حماتك استاذة التخزين في مصر ههههههههههه
أ
أم ياسين العسل
مشرفة سابقة
08-06-2010 | 04:54 PM
عروسة نعومة;12281152:
بسبسة حبيبتي وحشتيني خالص مالص ضيفيني يا بنتي على السكايب عشان ايميلك ضاع مني ، ثانيا أول مرة حد يقولي جامد في الأكل دا أنا فاشل خالص زي فشلي مع حمزة كده ههههههههه ... ايه زبادي المكنة ده يعني ايه ؟ بصي أنا باعمله بطريقة سهلة خالص باجيب كوباية زبادي جاهزة و أقلبها بالمعلقة لحد ما يسيح كده و تحطي معلقة زبادي في الكوبايات اللي هاتعملي فيها الزبادي " كوبايات صغيرة في حجم علبة الزبادي الجاهزة " لو هاتعمليه في الفخار ده بقى تزودي الزبادي و بعدين باكمل الكوباية لبن و أقلبها كويس عشان الزبادي يدوب و أكون مسخنة الفرن يكون ازازه دافي كده و أحط الكوبايات في صينية و أحطها فيه و أقفل و مش باغطي الكوبايات عشان الزبادي ما يعرقش و أنا باكون شايلة القشطة من اللبن عشان ما تبقاش على وش الزبادي و على آخر اليوم يكون اتخمر و بعد كده ممكن تبقى تستخدمي واحدة من الكوبايات ديه خميرة للزبادي الجديد


رورو ازيك يا جميل و ازي جوجو طبعا فاكراكي يا بنتي ايه أخبارك و نازلة مصر امتى ؟


معنديش سكايب يا قمره

تسلم ايديكى يا جميله بس اللبن ساقه ولا سخن؟؟

عروسة نعومة;12281173:
انا ان شاء الله هاعمل قلقاس بالسلق فروزن و فراخ و رز بايت ههههههههههه


نفسى فيه جداااااااااا
عروسة نعومة;12281187:
اعملي الفرخة المحشية ديه يا بسبس و قوليلي طريقيتها



هقولهالك بس بعمل الغدا وجايه

رورو حبيبة جوجو;12281519:

الكيكه جميله انا بعملها بكاكاو حلويات خام زى مامشمش قالتلك

بسبس محتاره برده اعمل اكل ايه بس البسله ماعملتهاش من زمان ماتعملى طاجن باميه باللحمه حلو

بوسى ام عمر انا عملت مهلبيه الجزر جميله اوى لجوجو فعلا بس كنت عايزة اسالك بتحطى سكر اد ايه ونشا اد ايه لانى حسه انها ممكن تقيله على جوجو وممسكه شويه ولا ايه ؟




جوزى م بيحب الباميه :badly:

*Om Mo3az*;12282687:
علياء عن تجربة
الفاصوليا بتطلع معايا ليها نكهه مش حلوة مش عارفة ليه البامية بقى انتي عارفة ماليش فيها خاااااااااالص
ماتسالي حماتك استاذة التخزين في مصر ههههههههههه



الاتنين دول لو اتخزنوا طعمهم بيغير :sick:
ب
بيرق أمل
عروس برونزية
08-06-2010 | 05:02 PM
محبة_الرسول;12282419:
بعمل النهاردة بامية ورز وسلاطة وفلفل مقلللللى
وبسسسسس كده :)

يا بنات عندى بامية وفاصوليا كتير

ازاى اعينهم فى الفريزر ؟؟

الفاصوليا الخضرا اغسليها وسيبيها تنشف كويس وقطعيها وفي اكياس من غير اي حاجة
ولما تيجي تطبخي متخليهاش تفك من التلج، اسقطيها على الصلصة على طول والصلصة سخنة وخليها تفك في سخونية الحلة عشان تفضل خضرا ومش تنزل مية.

البامية نفس الحكاية اغسليها حلو قمعيها وهاتي طاسة كبيرة حطي فيها شوية زيت نونو وعلى نار عالية جدا شوحي فيها البامية لحد ما تتشوح كده 4 دقايق وسيبيها تبرد وعبيها في اكياس ونفس الحكاية متخليهاش تفك لما تيجي تطبخي نزليها على طول في الصلصة بعد ما تتسبك
وعلى فكرة طريقة التشويح دي اصلا حتى لو نفسك تطبخي عادي وطازة بتخلي النكهة مختلفة تماماااااااا
كنت سمعت طنط جارتنا بتوصفها لبنتها في التليفون وصوتها طالع من شباك المنور :D
e
edta
عروس نشيطة
08-06-2010 | 05:34 PM
السلام عليكم
ازيكم يا بناوييت انا متابعاكم على طول الصراحة وكلكم ماشاء الله اساتذه بحس نفسي جنبكم ضايعة .... كنت عايزاكم تفيدوني لاني عندي عزومة 13 فرد + شوية اطفال حلوين كده
مع العلم اني عمري ماعملت عزومة للعدد ده قبل كده او بالاصح دي اول عزومة ليا من يوم ما اتجوزت ساعدوا اختكم المحتاسة
أ
أم ياسين العسل
مشرفة سابقة
08-06-2010 | 05:59 PM
edta;12283253:
السلام عليكم

ازيكم يا بناوييت انا متابعاكم على طول الصراحة وكلكم ماشاء الله اساتذه بحس نفسي جنبكم ضايعة .... كنت عايزاكم تفيدوني لاني عندي عزومة 13 فرد + شوية اطفال حلوين كده

مع العلم اني عمري ماعملت عزومة للعدد ده قبل كده او بالاصح دي اول عزومة ليا من يوم ما اتجوزت ساعدوا اختكم المحتاسة



بصى اعملى فراخ مشويه هتنجز معاكى اوى

وسلطة طحينه ومكرونه بالبشاميل ومحشى ورق عنب

وبطاطس شيبسى

وعيس وسلطه خضرا

وجلاش باللحمه المفرومه


كدا حاجات ممكن تتعمل قبلها بيوم وحاجات يومها هتنجزى

ويا سلام لو تنجزى اكتر وتجيبى الفراخ مشويه من بره
e
edta
عروس نشيطة
08-06-2010 | 06:10 PM
أم يـاسـيـن العسل;12283500:
بصى اعملى فراخ مشويه هتنجز معاكى اوى

وسلطة طحينه ومكرونه بالبشاميل ومحشى ورق عنب

وبطاطس شيبسى

وعيس وسلطه خضرا

وجلاش باللحمه المفرومه


كدا حاجات ممكن تتعمل قبلها بيوم وحاجات يومها هتنجزى

ويا سلام لو تنجزى اكتر وتجيبى الفراخ مشويه من بره


مش بعرف اعمل محشي ورق عنب يا بسبس وبعدين هوالاكل كده هيكفي ومش لازم يبقى في لحوم في الموضوع
&
&Nada&
عروس برونزية
08-06-2010 | 06:15 PM
منقول من منتدى اخر


الوقت هاقلكم على كذا ملحوظه ناخد بالنامنها

بصى يا حبيبتى بصفة عامة لازمتكونى عاملة من كل نوع صنف ده في الاول
يعنى ايه
يعنى النشويات يكون فيمنها صنف
والخضار صنف
والسلطة صنف
والشوربة صنف
واللحوم صنف
دهالكلام ده لو حتى ما فيش عزومة يعنى في يومك العادي علشان يبقي الاكل صحي عليالاقل
معايا لحد كدة
علش هذا الاساس بقي لازم تعملي حسابك لما يبقي عندكافراد زيادة او عزومات
تلعبى علي نفس الخطة دي بس تزودى في المقادير والكمياتوتعملي من كل صنف نوعين
انا شخصيا لما يبقي عندى ضيف بطبخ نوعين خضار مثلا
ونوعين لحوم مثلا
ونوعين نواشف
خللي بالك ده مش علشان الزيادة بس دهكمان علشان الضيف لو مش بيحب حاجة ياكل التانية

برده ملاحظه تانيه كانت قالتهالى اختهنا


1- لما تعمليعزومة مافيش دايى للافتكاسات يعنى الاختراعات بالعكس اعملي الحاجات العاديةالتقليدية المجربة (بصراحة كمان علشان ما تحرجيش الضيف افرض عملتيله سلطة مايونيزبالشامبينيوه وطلع يا حبة عينى ما يعرفش غير المحشى بتاع امه يبقي كدة احرجتيه ولالأ ) ايه رأيك وعلشانك انتى برضه افرضي باظت منك لا قدر الله


2- اعمليالحاجات اللي سهلة في التقديم والغرف والاكل يعنى كل ما تعملى حاجة تتاكل بالايد اوالملعقة اقصي حاجة (شفتى اقصى حاجة الملعقة ) يبقي احسن علشان مش هايسرك قوى منظرضيوفك وهما محتارين ومكسوفين مش عارفين يغرفوا حاجة او ياكلوها

3- الحلوياتبرده ابعدى عن الكريمات والملزقات (يعنى الحاجات اللي بتبوظ ايد الواحد بسرعة ) والمدلعات فاهمانى طبعا (برده علشان وعلشان ما تتعبيش في التقديم للناس)

4- العصاير خليها حاجة اساسية علشان الواحد بيحب يشرب حاجة بعد الاكل
وخليها بردهحاجة تقليدية ومعروفة

اساسيات
لازم طبعاتقديم شوربه سلطات مخللات عشان لو نسيت حاجه وطبعا الخبز وعصاير وحاجهحلوه
&
&Nada&
عروس برونزية
08-06-2010 | 06:16 PM

نقول اول عزومه

بفتيك وفراخ محمره صينيه رقاق باللحم
مكرونه بيض استكلندى
شوربه لسان عصفور
سلطات(خضره -زبادى-طحينه)
بطاطس شيبس
ومخلل
الحلو كوكتيل



تانى عزومه

ارز معمر بالفرن
فراخ بالفرن
تورلى لحم وخضار
جلاش باللحم المفروم
وسمبلوسه بالخضار والجبن وشوربه لسان العصفور والسلطات والمخللات




ثالث قائمه

شيش طاووك او فراخ بانيه
لحم مسلوق ومحمر وشوربه خضار
صينيه كوسه بالبشاميل
سمبوسه او بيف باسترى محشى الى يعجبك
وطبعا السلطات والمخللات
والحلو جلى بالفواكه




رابع قائمه

كفته لحم يا مشويه يا محمره

صينيه فراخ بالبطاطس
مكرونه بالصلصه ممكن كمان باللحم المفرووم
شوربه عدس وممكن تقطعى الخبز وتحمصيه ويقدم معاه
والسلطات والمخللاتوطبعا عصاير والحلو انا بفضله خفيف كوكتيل جيلى بالفواكه مثلا





عزومه اخرى
السلطات
سلطة خضرا + وبابا غنوج +وسلطة فاصوليا او بطاطس

المقبلات
سمبوسة باللحمة المفرومة والسبانخ

الشوربة
شوربة خضار
الاطباق الرئيسية

كفتة
فراخ في الفرن
لحمة كباب حلة

الخضار
بامية او اي صنف خضار

الاطباق الجانبية
محشى كوسة او مشكل +جلاش باللحمة المفرومة

ارز طبعا طالما فيه خضار مطبوخ


الحلو :اي كيكة او تشيز كيك +فروت سلاط او كوكتيل

العصاير (مافيش احسن من عصير البرتقال دايما طازة وحلو وممكن عصير فراولة)


&
&Nada&
عروس برونزية
08-06-2010 | 06:16 PM


ده بقى حاجه اسبيشيال موش لاى حد
منيو ابن بلد
السلطات:
سلطة خضرا +باذنجان مخلل + سلطة زبادي

الاطباق الرئيسية :
ممبار
فتة كوارع
طحال
مخ


الاطباق الجانبية

محشى ورق عنب


الشوربات :
شوربة خضار

العصائر :
عصير برتقال

الحلو :
مهلبية او ارز باللبن

فواكه

دى بقى عزومه سمك

السلطات(خضرا بابا غنوج"سلطه زبادى بالخيار"سلطه طحينه)

الشوربه شوربه سى فود(ممكن شويه سمك مقطع على شويه جمبرى وشويه كالمارى )وماتكتريش موش الكل بيحبها

سمك مشوى ومقلى (ياعادى او فيليه نوع واحد)

الجمبرى او سبيط بكزا طريقه حسب الامكانيات
فيه ناس بتحب السمك التعابين
الارز صياديه او احمراو ارز بالبصل

وطبعا العصاير والحلو الى يعجبك



دى عزومه عملتها فى رمضان ونالت الاعجاب

مبدئيا السلطات والمخلللات والشوربه انا بفضل لسان العصفور

عكاوى بطريقه اسامه السيد كانت تحفه وخلصوها(لو ناس منكم وعليكم سيبوها بعضمها) لو حد غريب يبفضل انكم تفصصصوها
ممبار
وطبعا فراخ للى موش يحب العكاوى وملوخيه
وخبز وارز وعملت صينيه واحده مكرونه بالبشاميل للظروف

الحلو عملت بسبوسه هايله من فتكات وكنت عامله كاستر بالمكسرات
ايه رايكم



دى بقى شوربه تحفه عملتها وبحبها اوى وشكلها خطير


شوربة تورتليني

المقادير :
كوب و نصف عصير طماطم او ثلاث ارباع باستا صوص مع كوب ماء
3 ملاعق صغيرة زبدة
ملعقة ثوم صغيرة مقطعة
3 كوب مرقة دجاج
2 ملعقة اعشاب مطحونة روز ماري – اوريجانو- ريحان
ملح وفلفل
نصف كوب مكرونة تورتليني

الطريقة :
نذوب الزبدة و نضيف الثوم ثم نقلب الطماطم و المرق و الاعشاب و الملح والفلفل نستمر في التقليب لمدة 8 دقائق الى ان يغلي الخليط ثم نضيف المكرونة و نجعل الحرارة متوسطة نقلب خمس دقائق اضافية الى ان تنضج المكرونة
تقدم فورا



ودى برده لذيذه جدا وجديده


بطاطس بالليمون و الثوم

المقادير :
4 بطاطس حجم متوسط مقطعة شرائح رفيعة
1 بصلة متوسطة مقطعة شرائح رفيعة
2 ملعقة ثوم مقطع صغير
1 ملعقة بشر ليمون
نصف ملعقة صغيرة ملح
ربع ملعقة صغيرة ثوم
2 ملعقة صغيرة زبدة

وتتبل البطاطس بالموجود وفى فويل ويفتح زى كده وعلى الفرن


أ
أم ياسين العسل
مشرفة سابقة
08-06-2010 | 06:20 PM
edta;12283598:
مش بعرف اعمل محشي ورق عنب يا بسبس وبعدين هوالاكل كده هيكفي ومش لازم يبقى في لحوم في الموضوع



خدى محشى ورق العنب اهو

http://forums.3roos.com/showthread.php?t=508801

بصى هو كدا هيبقى تمام

انما لو عايزه تعملى لحوم انتى حره

ممكن تعملى بوفتيك مع انها هتبقى حوسه عشان انتى مش هتقلى اقل من كيلو

او ممكن تعملى ورقة لحمه دى حلوه بس كدا هتحتاجى صوانى للركب

صوانى للمكرونه وصوانى للجلاش وصوانى لورقة اللحمه



او اقولك اعملى كباب حله بس لو هتعملى كباب حله يبقى مش اقل من كيلو ونص لحمه لان كباب الحله زى مابيقولوا ناكر للجميل تعملى كيلو يطلعلك نص :|
X