14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

lifedrop;12283650:

ده بقى حاجه اسبيشيال موش لاى حد


منيو ابن بلد


السلطات:


سلطة خضرا +باذنجان مخلل + سلطة زبادي

الاطباقالرئيسية :


ممبار


فتة كوارع


طحال


مخ

الاطباقالجانبية

محشى ورق عنب

الشوربات :


شوربة خضار

العصائر :


عصير برتقال

الحلو :


مهلبية او ارز باللبن

فواكه


دى بقى عزومهسمك

السلطات(خضرا بابا غنوج"سلطه زبادى بالخيار"سلطهطحينه)

الشوربه شوربه سى فود(ممكن شويه سمك مقطع على شويه جمبرىوشويه كالمارى )وماتكتريش موش الكل بيحبها

سمك مشوى ومقلى (ياعادى اوفيليه نوع واحد)

الجمبرى او سبيط بكزا طريقه حسبالامكانيات


فيه ناس بتحب السمك التعابين


الارز صياديه اواحمراو ارز بالبصل

وطبعا العصاير والحلو الىيعجبك

دى عزومه عملتها فى رمضان ونالتالاعجاب

مبدئيا السلطات والمخلللات والشوربه انا بفضللسان العصفور

عكاوى بطريقه اسامه السيد كانت تحفه وخلصوها(لو ناسمنكم وعليكم سيبوها بعضمها) لو حد غريب يبفضل انكمتفصصصوها


ممبار


وطبعا فراخ للى موش يحب العكاوىوملوخيه


وخبز وارز وعملت صينيه واحده مكرونه بالبشاميلللظروف

الحلو عملت بسبوسه هايله من فتكات وكنت عامله كاستربالمكسرات


ايه رايكم

دى بقى شوربه تحفه عملتها وبحبها اوى وشكلها خطير

شوربة تورتليني

المقادير :
كوب و نصف عصير طماطم او ثلاث ارباع باستا صوص مع كوب ماء
3 ملاعق صغيرة زبدة
ملعقة ثوم صغيرة مقطعة
3 كوب مرقة دجاج
2 ملعقةاعشاب مطحونة روز ماري – اوريجانو- ريحان
ملح وفلفل
نصف كوب مكرونةتورتليني

الطريقة :
نذوب الزبدة و نضيف الثوم ثم نقلب الطماطم و المرقو الاعشاب و الملح والفلفل نستمر في التقليب لمدة 8 دقائق الى ان يغلي الخليط ثمنضيف المكرونة و نجعل الحرارة متوسطة نقلب خمس دقائق اضافية الى ان تنضج المكرونة
تقدم فورا

ودى برده لذيذه جدا وجديده

بطاطس بالليمون و الثوم

المقادير :
4 بطاطس حجم متوسط مقطعة شرائح رفيعة
1 بصلة متوسطةمقطعة شرائح رفيعة
2 ملعقة ثوم مقطع صغير
1 ملعقة بشر ليمون
نصف ملعقةصغيرة ملح
ربع ملعقة صغيرة ثوم
2 ملعقة صغيرة زبدة

وتتبل البطاطسبالموجود وفى فويل ويفتح زى كده وعلى الفرن

أم يـاسـيـن العسل;12283694:
خدى محشى ورق العنب اهو

http://forums.3roos.com/showthread.php?t=508801

بصى هو كدا هيبقى تمام

انما لو عايزه تعملى لحوم انتى حره

ممكن تعملى بوفتيك مع انها هتبقى حوسه عشان انتى مش هتقلى اقل من كيلو

او ممكن تعملى ورقة لحمه دى حلوه بس كدا هتحتاجى صوانى للركب

صوانى للمكرونه وصوانى للجلاش وصوانى لورقة اللحمه



او اقولك اعملى كباب حله بس لو هتعملى كباب حله يبقى مش اقل من كيلو ونص لحمه لان كباب الحله زى مابيقولوا ناكر للجميل تعملى كيلو يطلعلك نص :|

تسلم ايديكوا يارب ربنا يكرمكم

هو فعلا كباب الحلة بيخس بشكل فظيع طب والاطفال اللي جايين دولهما اغلبهم في السن مابين 7-10 يعني هياكلوا ما اعملهمش مثلا بانية؟؟

انا من رائي تعملى صنف لحمة و صنف فراخ على الاقل (انا شخصيا بعمل فى العزومات صنفين من كل نوع واللى بيتبقى بينفعنى بقيت الاسبوع مبيترماش يعنى)
اللحوم
(كباب حلو -كفتة -بفتيك-ورقة لحمة-لحمة الكبسة-كبدة)
الفراخ
(بانية -تشكين رول- فراخ مشوية-فراخ متحمرة - شيش طاووق- بطة- فراخ محشية رز)
الخضار
(ملوخية-تورلى -بامية -فاصوليا )
الصوانى
(مكرونة بالبشاميل- جلاش بالحمة المفرومة -كانيلونى-كريب بالببشاميل -معمر -نجرسكو-رقاق باللحمة المفرومة)
الرز
(كبسة_رز بالخلطة)
الشوربات
(مشروم بالكريمة -لسان عصفور)
السلطات
(سلطة بطاطس بالمايونيز- سلطة حمص بالمايونيز او الطحينة-سلطة خضرا - سلطة طحينة)
ومشروبات وعصاير كتييييييييييييير


اختارى اللى يناسبك من اللى فات

الله يسلمكم يا قمرات ميرسي اوي

لؤلؤة حياتي : الله يسلمك :) علي فكرة انا مشاركتي مش مخالفة انا كنت حاطة في الاخر اجابة لسؤال ام ياسين

يابنات لو سمحتوا عايزة طريقة حلوة اعمل بيها الديك الرومي

احم احم .. يعني ايه ورقة لحمة و لحمة الكبسة و عايزة أعرف بتعملو الكبسة ازاي ؟


و في انتظار الفرخة المحشية يا بسبوسة .. و آه صحيح اللبن في الزبادي فاتر أو ممكن ساقع بس مش سخن


و المشرفة لؤلؤة حياتي أنا ماكنتش أعرف ان مشاركتي كده مخالفة كنت فاكرة انه مسموح بالكلام الجانبي طالما ان المشاركة فيها كلام يخص الموضوع بس عموما انتي بتأدي واجبك ربنا يكرمك على حسن التعامل

بيرق أمل;12282925:

الفاصوليا الخضرا اغسليها وسيبيها تنشف كويس وقطعيها وفي اكياس من غير اي حاجة
ولما تيجي تطبخي متخليهاش تفك من التلج، اسقطيها على الصلصة على طول والصلصة سخنة وخليها تفك في سخونية الحلة عشان تفضل خضرا ومش تنزل مية.

البامية نفس الحكاية اغسليها حلو قمعيها وهاتي طاسة كبيرة حطي فيها شوية زيت نونو وعلى نار عالية جدا شوحي فيها البامية لحد ما تتشوح كده 4 دقايق وسيبيها تبرد وعبيها في اكياس ونفس الحكاية متخليهاش تفك لما تيجي تطبخي نزليها على طول في الصلصة بعد ما تتسبك
وعلى فكرة طريقة التشويح دي اصلا حتى لو نفسك تطبخي عادي وطازة بتخلي النكهة مختلفة تماماااااااا
كنت سمعت طنط جارتنا بتوصفها لبنتها في التليفون وصوتها طالع من شباك المنور :D

ماما بتعمل الفاصوليا والباميه زى ما بتقولى وبتبقى جميله
معلش عايزه اعرف الملوخيه ازاى

sosiii-cat;12284076:
الله يسلمكم يا قمرات ميرسي اوي

لؤلؤة حياتي : الله يسلمك :) علي فكرة انا مشاركتي مش مخالفة انا كنت حاطة في الاخر اجابة لسؤال ام ياسين

يابنات لو سمحتوا عايزة طريقة حلوة اعمل بيها الديك الرومي

بصى يا ستى انا بعمل الديك الرومى بطريقه حلوه اوى اوى
بصى
هتعملى تتبيله عباره عن بصل وطماطم وتوم واضربيهم فى الخلاطه مع لمونه وتوابلك وبهارات زى ماتحبى

وبعدين حطيهم فى شاشه واللى هينزل من الشاشه دا هو اللى هتاخديه وتجيبى سرنجه وتاخدى من السائل دا وتحقنى الديك فى حتت متفرقه كدا فى كل الديك والتفل اللى فى الشاشه بقى هتاخديه وتتبلى بيه الديك من جوا كدا وبره

وبعدين تقطعى خضار زى ماتحبى بس تقطيع كبير مش صغير وتتبليه بردو باللى يعجبك وبعدين تحطى الديك فوقيه وتغلفيه بفويل وتدخليه الفرن على درجة 200

وتسيبيه كدا ساعتين

وبعدين تفتحى الفويل تغرزى السكينه فى الورك مش اى حته تانيه لو طلع سائل شفاف يبقى تمام استوى

ولو طلع دم يبقى عايز شوية وقت لسه


وبعد ما يستوى افتحى الفويل وادهنيه بخلطه عباره عن زيت وزعتر وخل وافتحى الشوايه هتلاقى لونه بقى رووعه وقدميه مع رز بالمكسرات

عروسة نعومة;12284145:
احم احم .. يعني ايه ورقة لحمة و لحمة الكبسة و عايزة أعرف بتعملو الكبسة ازاي ؟


و في انتظار الفرخة المحشية يا بسبوسة .. و آه صحيح اللبن في الزبادي فاتر أو ممكن ساقع بس مش سخن

الكبسه بتاعتى :

بصى يا ستىى هنجيب بصله ونقطعها صغنون خالص ونحطها فى زيت ولما تدبل انزلى عليها بكل التوابل اللى تحبيهاولون عندك لمون مجفف اوك معندكيش مش مهم وبعدين تحطى الفراخ وتقلبى تقلبى لغايه لما الفراخ تتشوح شويه تقومى موطيه النار

هتلاقى الفراخ طلعت مايه كتييير

سيبيها تستوى فى المايه دى وبعدين شوفيها لو لقيتيها لسه محتاجه مايه عشان تستوى تحطى نص كوبايه بس ولما تشربها شوحى الفراخ شويه وشوفى عايزه مايه تانى تحطى نص كوبايه وهكزا لغايه لما تستوى

اول ما تستوى عندك حل من اتنين : الاول انك تاخدى الفراخ وتدهنيها بصلصه وزعتر وتدخليها الفرن تاخد وش وتسوى الرز مكان الفراخ

التانى بقى انك تحطى الرز على الفراخ وتسويه تسوية الرز العادى وبس

وبيبقى روعه بالوز المحمص والزبيب :thumbs_up:

أم رفيده;12284715:
ماما بتعمل الفاصوليا والباميه زى ما بتقولى وبتبقى جميله
معلش عايزه اعرف الملوخيه ازاى

عايزه طريقة تخزينها يعنى؟؟

بصى انا بجيبها واخرطها وعلطول بسرعه ااقوم حطاها فى كيس وابططها كدا عشان متبقاش كوره واشيلها فى الفريزر

ولما اجى اسويها بقى بغلى الشوربه واحط فيها الملوخيه متلجه من غير ماتفك واوطى النار خاااااالص ععليها لمدة 10 دقايق وبعدين اعمل الطشه واحطها عليها وبس

أم رفيده;12284715:
ماما بتعمل الفاصوليا والباميه زى ما بتقولى وبتبقى جميله
معلش عايزه اعرف الملوخيه ازاى

طريقتي في الملوخيه بجيب نص كيلو طازة طبعا و أقطفه و أغسله كويس و أسيبه ينشف و بضربه في موليكس فرامة الملوخيه و أسخن شوربه الفراخ أحلي من اللحمة و أحط الملوخيه المفرومة في حله و أبدأ أصب عليها الشوربه لحد ما أوصل للتقل المظبوط و قبل كده أكون مفصصه 5 فص توم كبار ( صيني ) عليهم رشه ملح و 1 م ص كزبره ناشفه في الهون أدقهم كويس و أخد حته أحطها علي الملوخيه و الباقي أعملهم طشه و لما الملوخيه تغلي أسقطها عليها و دومتم

رورو حبيبة جوجو;12281519:


بوسى ام عمر انا عملت مهلبيه الجزر جميله اوى لجوجو فعلا بس كنت عايزة اسالك بتحطى سكر اد ايه ونشا اد ايه لانى حسه انها ممكن تقيله على جوجو وممسكه شويه ولا ايه ؟

ممكن الطريقه ؟


بنات
عملت رز ريزو وشيش طاووق الرز حلو اوى لكن الشيش للاسف :'(طلع مش حلو اوى

اسف ياشاهى غصب عنى وامسحى ولايهمك المخالف وانا هحاول اخد بالى ربنا معاكى
جومانه معلش ماتزعليش طب وحش ليه ؟
المهلبيه بطريقه بوسى بتجيبى جزر وتقطعيه حلقات وتسلقيه مع شويه ميه وتفرميه ف الخخلاط بعد مايستوى مع عصير برتقال وحبه سكر وبعد كده تحطيهم على النار واما يغلى تحطى معلقه نشا مدوباهم ف ميه وتحطيهم عل الجزر لغايه مايتماسك قوامه وتسيبيها تبرد ف التلاجه بجد حلوة اوى
بس المقادير حاولى تقلليها لو لطفل خليكى ف الوسط احسن وهتبقى حلوة باذن الله

انا اول مره ادخل الموضوع ده معاكوا بس صراحه حست بجوع وان ريحه الاكل طالعه عليا من شاشه

انا بقي عندي سوال محيراني هو شوفان ده ايه يعني هو قمح ولاشعير واي اصله بالضبط

وبيدخل في الاكل ازاي يعني ايه الاصناف اللي يتعمل بيها؟؟؟؟؟؟

كمان عايزه اعرف طريقه التوميه؟

edta;12283598:
مش بعرف اعمل محشي ورق عنب يا بسبس وبعدين هوالاكل كده هيكفي ومش لازم يبقى في لحوم في الموضوع

في ورق عنب بيتباع جاهز وملوف يدوب علي التسويه احسن واحد عجبني بتع مدام خشاب

دعوة للتفاؤل;12288015:
انا اول مره ادخل الموضوع ده معاكوا بس صراحه حست بجوع وان ريحه الاكل طالعه عليا من شاشه

انا بقي عندي سوال محيراني هو شوفان ده ايه يعني هو قمح ولاشعير واي اصله بالضبط

وبيدخل في الاكل ازاي يعني ايه الاصناف اللي يتعمل بيها؟؟؟؟؟؟

كمان عايزه اعرف طريقه التوميه؟

أهلا بيكي يا جميل منورة بصي يا ستي الشوفان ده عباره عن حاجة شبه القمح يعني نبات قصدي و بيتعمل منه أطباق حلو و شوربات و بيتحط علي أطباق حادقه و فيه ناس بتغلف بيه بدل البقسماط ......... أنا بعمله شوربه ذرة و فيه بنوته هنا بتحطه علي شوربه العدس و فيه بنوته عملت بسكويت و طعمه حلو و بيشرب ميه في الأكلل زيه زي الحبوب و بينفش شويه و لو عايزة أي وصفه من دول ان شاء الله نفولهللك

التوميه دي طريقه سارة أفندي كانت منزلها في الجزء الأول و سهله و حلوة

التومية.....


(انا استخدمت بياض واحد للتومية


المقادير


[COLOR=magenta]**3 بياض بيض
**2 فص توم كبير مهروس ناعم
**كوب زيت ذرة (طبعا زيت الزيتون مينفعش هيغير طعمها جدا)
**ملح وفلفل ابيض
**ممكن عصرة ليمون(اضافة من عندي)


الطريقة


يخفق بياض البيض مع الملح والفلفل والتوم...


بالمضرب الكهربائي...نضيف الزيت قطرة قطرة.....او حبة حبة ونخفق على سرعة عالية. مع ملاحظة اننا لا نضيف زيت الا بعد اختفاء الجزء الاول منه في الخفق وهكذا نضرب ...حتى نحصل عالقوام المطلوب


[/COLOR]

edta;12283253:

السلام عليكم

ازيكم يا بناوييت انا متابعاكم على طول الصراحة وكلكم ماشاء الله اساتذه بحس نفسي جنبكم ضايعة .... كنت عايزاكم تفيدوني لاني عندي عزومة 13 فرد + شوية اطفال حلوين كده

مع العلم اني عمري ماعملت عزومة للعدد ده قبل كده او بالاصح دي اول عزومة ليا من يوم ما اتجوزت ساعدوا اختكم المحتاسة

بصي انا في العزومات العدد الكبير دي على طول بعمل اسهل الاكلات زي

ملوخيه
ورز

وخصوصا ان في اطفال


صينة بطاطس باللحمة او صينيه مسقعهة باللحمة المفرومة

اعملي بانيه او فراخ مشويه في الفرن او عرق (لحمة)

وصينيه مكرونه بالبشاميل

او مكرونه بالصلصه وكبدة اسكندراني

ميرسي يا بسبوسة على الكبسة بس صباح الطناش في الفرخة المحشية .... احضري حالا

و هوا الرز البسمتي بنحطله مايه قد ايه ؟ و يعني ايه ورقة لحمة يا بناويت كمان عايزة أسألكم على قطعيات اللحمة من عند الجزار عشان أنا فاشل جدا في الموضوع ده فلة شمعة منورة يعني ايه الحتت الحلوة و بنعمل بيها ايه ؟

Boody we zady;12254522:
[QUOTE=om asmaa;12253877]ازيكم يا مبدعات يا قمرات مصر :)
ايه اخباركم فى الحر:badly:
ايه هى طريقه السينابون[/
QUOTE]

[QUOTE=om asmaa;12253939]ام بودى عملتيه ازاى احكيلنا
وخلاص انا فضتلكوا خلصت الحمد لله الماستر وعندى اجازة سنه وبعدين ابدا الدكتوراه الحمد لله[/

QUOTE]

السينابون موجود في الموقع يا قمر بالتفصيل الممل و البفتيك يا جميل انتظريه بكره بالتصوير الممل هههههههههههههه هناك برضه



المجروش مليش فيه لكن العيش الفينو بحطه جوة الفرن بعد ما أكون سويت فيه أكل و أطفي الفرن و أسيبه و بعد ساعتين كده طليعه سيبيه برضه بره و تضربيه في الكبه حيبقي بقسماط

جزاك الله خيرا يا أم بودي

بيرق أمل;12254579:

بتقطعي الفينو حلقات وتدهني الوش زبدة بسيط او من غير ما تدهني وتدخليه الفرن على الشواية يبقى دهبي اقلبي الحلقات ودخليه تاني الشواية ياخد لون وطلعيه يبرد هينشف مع نفسه بس مش تعلي الشواية عشان بيتحرق بسرعة

وكليه بالجبنة بيكون جميل جدا
انا سعات بادهنه زبدة بسكر وادخله الفرن

ربنا يكرمك يا جميلة مش ديه نفس طريقة العيش اللي بيبقو حاطينه كمقبلات في مطاعم الايطاليان فوود بس بيبقو حاطين عليها كزبرة

يارب سهل;12257693:
التلج المجرووش بصى هاتى كيس بتاع الساندوتشات دا واقفليه كويس جواه التلج طبعا ودقيه بايد الهون

البقسماط هتحمصى العيش وبعدين لما تخرجيه تهرسيه فى الكبة او ساعات بستسهل واعمله فى الهووون:Dوعلى فكرة جربى البقسماط برضه تعملى معاه كدا هيعجبك اكتر من العيش كمااااان

بناااااااااااااااااااااااات محدش رد عليا لييييييييييه الاكلير اول ما طلع هبط

جزاك الله خيرا يا توتا معنديش هون .. ممكن أعمله بالشاكوش بقى ههههههههه

أم رفيده;12284715:
ماما بتعمل الفاصوليا والباميه زى ما بتقولى وبتبقى جميله
معلش عايزه اعرف الملوخيه ازاى

دعوة للتفاؤل;12288015:
انا اول مره ادخل الموضوع ده معاكوا بس صراحه حست بجوع وان ريحه الاكل طالعه عليا من شاشه

انا بقي عندي سوال محيراني هو شوفان ده ايه يعني هو قمح ولاشعير واي اصله بالضبط

وبيدخل في الاكل ازاي يعني ايه الاصناف اللي يتعمل بيها؟؟؟؟؟؟

كمان عايزه اعرف طريقه التوميه؟

عروسة نعومة;12290520:

ربنا يكرمك يا جميلة مش ديه نفس طريقة العيش اللي بيبقو حاطينه كمقبلات في مطاعم الايطاليان فوود بس بيبقو حاطين عليها كزبرة

Jumanaa;12286983:
ممكن الطريقه ؟


بنات
عملت رز ريزو وشيش طاووق الرز حلو اوى لكن الشيش للاسف :'(طلع مش حلو اوى

انتى تبلتى الشيش بايه؟؟

انا بعمله تتبيله وهميه بجد روعه بتبقى زبادى ومسترده وبهارات ومعلقة صلصه وملح وفلفل اسود وزعتر ولمونه واسيبه فى التتبيله دى ساعتين وبعدين احطه فى اسياخ وفى طاسه تيفال سخنننننننه اقوم شوياهم عليها وبس

دعوة للتفاؤل;12288015:
انا اول مره ادخل الموضوع ده معاكوا بس صراحه حست بجوع وان ريحه الاكل طالعه عليا من شاشه

انا بقي عندي سوال محيراني هو شوفان ده ايه يعني هو قمح ولاشعير واي اصله بالضبط

وبيدخل في الاكل ازاي يعني ايه الاصناف اللي يتعمل بيها؟؟؟؟؟؟

كمان عايزه اعرف طريقه التوميه؟

بصى التوميه فى طريقتين :
واحده سهله وفى الانجاز وهى مايونيز وعليه فصين توم ومعلقه خل وبس

وواحده تانيه عباره عن بطاطس مسلوقه وعلبة زبادى ومعلقتين ماينونيز وفصين توم وملح وعصره لمون واضربيهم فى الخلاط وبس

عروسة نعومة;12290358:
ميرسي يا بسبوسة على الكبسة بس صباح الطناش في الفرخة المحشية .... احضري حالا

و هوا الرز البسمتي بنحطله مايه قد ايه ؟ و يعني ايه ورقة لحمة يا بناويت كمان عايزة أسألكم على قطعيات اللحمة من عند الجزار عشان أنا فاشل جدا في الموضوع ده فلة شمعة منورة يعني ايه الحتت الحلوة و بنعمل بيها ايه ؟

يعنى شوفى قولتلك كام طريقه يا مفتره
اكيد مخدتش بالى من الفراخ

بصى يا ستى الفرخه المحشيه
الاول بجيب فرخه وزنها صغير يعنى بالكتير كيلو و 200 جرام

وبعدين نجيب الكبد والاوانص بتاعة الفراخ ونغسلها ونقطعها ونقطع بصله صغنون خالص

هنحط البصله على النار اول ما تدبل تنزلى بالاونص بس وتاخد تقلبتين وتحطى نص كوباية مايه ولما تتشرب تحطى الكبد وتقلبى بملح وفلفل اسود وتقلبتين وتحطى الرز يستوى نص سوا

وبعدين تسيبيه يبرد وتحشى بيها الفرخه

وتسلقى الفرخه فى البريستو وتحمريها فى الفرن بقى وبس



ورقة اللحمه بتتعمل بشرايح الفلتو التخينه نوعا ما :thumbs_up:

أم يـاسـيـن العسل;12291484:
انتى تبلتى الشيش بايه؟؟

انا بعمله تتبيله وهميه بجد روعه بتبقى زبادى ومسترده وبهارات ومعلقة صلصه وملح وفلفل اسود وزعتر ولمونه واسيبه فى التتبيله دى ساعتين وبعدين احطه فى اسياخ وفى طاسه تيفال سخنننننننه اقوم شوياهم عليها وبس




بصى التوميه فى طريقتين :
واحده سهله وفى الانجاز وهى مايونيز وعليه فصين توم ومعلقه خل وبس

وواحده تانيه عباره عن بطاطس مسلوقه وعلبة زبادى ومعلقتين ماينونيز وفصين توم وملح وعصره لمون واضربيهم فى الخلاط وبس



يعنى شوفى قولتلك كام طريقه يا مفتره
اكيد مخدتش بالى من الفراخ

بصى يا ستى الفرخه المحشيه
الاول بجيب فرخه وزنها صغير يعنى بالكتير كيلو و 200 جرام

وبعدين نجيب الكبد والاوانص بتاعة الفراخ ونغسلها ونقطعها ونقطع بصله صغنون خالص

هنحط البصله على النار اول ما تدبل تنزلى بالاونص بس وتاخد تقلبتين وتحطى نص كوباية مايه ولما تتشرب تحطى الكبد وتقلبى بملح وفلفل اسود وتقلبتين وتحطى الرز يستوى نص سوا

وبعدين تسيبيه يبرد وتحشى بيها الفرخه

وتسلقى الفرخه فى البريستو وتحمريها فى الفرن بقى وبس



ورقة اللحمه بتتعمل بشرايح الفلتو التخينه نوعا ما :thumbs_up:

تسلميلي يا بسبوستي:087::087::087: بس أصلي بحب الخدمة تكون كاملة :lol::p


الكبسة بقى أحوطلها ماية قد ايه و مش هاعرف أعمل الفرخة المحشية دلوقتي عشان اللي عندي فروزن من غير كبد و قوانص أعمل ايه طريقة جديدة للفراخ مش عايزة أسلقها

Jumanaa;12286983:
ممكن الطريقه ؟


بنات
عملت رز ريزو وشيش طاووق الرز حلو اوى لكن الشيش للاسف :'(طلع مش حلو اوى

شكل الاكل حلو ياقمر بس ليه طلع مش حلو مع ان شكله حلو
طيب ممكن طريقة الريزو لو سمحتى ؟

Boody we zady;12289680:

أهلا بيكي يا جميل منورة بصي يا ستي الشوفان ده عباره عن حاجة شبه القمح يعني نبات قصدي و بيتعمل منه أطباق حلو و شوربات و بيتحط علي أطباق حادقه و فيه ناس بتغلف بيه بدل البقسماط ......... أنا بعمله شوربه ذرة و فيه بنوته هنا بتحطه علي شوربه العدس و فيه بنوته عملت بسكويت و طعمه حلو و بيشرب ميه في الأكلل زيه زي الحبوب و بينفش شويه و لو عايزة أي وصفه من دول ان شاء الله نفولهللك

التوميه دي طريقه سارة أفندي كانت منزلها في الجزء الأول و سهله و حلوة

التومية.....


(انا استخدمت بياض واحد للتومية


المقادير


[COLOR=magenta]**3 بياض بيض
**2 فص توم كبير مهروس ناعم
**كوب زيت ذرة (طبعا زيت الزيتون مينفعش هيغير طعمها جدا)
**ملح وفلفل ابيض
**ممكن عصرة ليمون(اضافة من عندي)


الطريقة


يخفق بياض البيض مع الملح والفلفل والتوم...


بالمضرب الكهربائي...نضيف الزيت قطرة قطرة.....او حبة حبة ونخفق على سرعة عالية. مع ملاحظة اننا لا نضيف زيت الا بعد اختفاء الجزء الاول منه في الخفق وهكذا نضرب ...حتى نحصل عالقوام المطلوب


[/COLOR]

منحرمش منك يارب ميرسي علي الرد السريع

طيب انا عيزه طريقه شوربه الدره دي لاني مش اعرفها

وياريت لو ببسكويت الشوفان ههههههههههه طمع بقي:adore:

وبالنسبه للتوميه عادي مش فيه مشاكل من استعمال البيض نيي انا بخاف منه كده لاني مره حتي شوفت طرقه لموس الشيكولاته بس مش جربتها بسبب البيض الني ده برده:o