14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

نانى معلش عاوزة الصوص الابيض بتاع السينابون

lifedrop;12264363:
طب سؤال متعلق بمادة الصلصة:
هيا الصلصلة لما تتخزن وهيا محطوط فيها بصل وتوم بتنفع لكل الاكلات ولا لنوع معين؟؟
يعنى مش فيه اكلات صلصتها بتتعمل بالبصل واكلات تانية بتوم؟؟
يا ريت حد يفهمنى دى؟؟

انا عشان كدا بعملها من غير اى حاجه احسن عشان اعملها زى ما احب وخصوصا ان جوزى بيميز التوم والبصل فى كل حاجه

Boody we zady;12265515:
ان شاء الله بعد بكره حأحاول أعمل الأكلير و أنزلها بالصور بالتفصيل الممل في الموقع

بنات اللي عندها ماكينة الزبادي بتأخد وقت قد ايه؟؟؟؟؟؟؟؟؟

بصى ماما كانت بتسيبها 12 ساعه تقريبا

بيرق أمل;12265738:

الف الف سلامة على سااااارة

بس هي مين سارة يا بنات يعني النيم بتاعها في عروس ايه :(
ربنا يشفيها ويعافيها ويجعله في ميزان حسناتها

بنات قولولي عندي عجينة عيش باقية ينفع اشيلها في الفريز ولا مش ينفع؟؟؟

اه انا بشيلها عادى :thumbs_up:

nanoo99;12267615:
ازيكم يابنات وحشتونى اوى
بالله عليكم ادعوا لعمر ابنى بالشفاء لان من يوم الفطام وهو تعبان وانا نفسيتى زفتتتتتتتت
بالله عليكم ادعوله ربنا يعفى عنه ياااااااااااااااارب
بتعملوا الجلاش الحلو ازى

يا حبيبتى الف سلامه عليه

بصى الجلاش الحلو نفس تكنيك الحادق راقات وبين كل راق سمنه او زيت وبعد ماتحطى نص كمية الراقات تحطى مكسرات وفوقيها باقى الرقات التانى ودخليه الفرن من تحت يادوب يحمر ومن فوق على الشوايه وبعدين تسقيه وبس

وبيتقطع قبل التسويه مش بعدها

ساره افندي;12267729:
بنات انا عندي كريمه الطبخ ولسه مفتحتهاش بس المشكله العلبه كبيره وانا مش هحتاجه الا مره واحده ينفع استخدمها والباقي احطته في الفريز؟؟؟ وايه رايكم لو فضتتها في ازازه بدل العلبه الكرتون متهيالي مش هيجري ليها حاجه مش كده لان انا مره شلت كيس لبن مفتوح في الفريز ومجراش حاجه ليه

عادى افتحيها وخدى على قدك والباقى فى كيس وعلى الفريزر

ام عمر افندى;12267863:
نانى هيه عجينه الاكلير نفس عجينه بلح الشام ولا الطريقه بس ولا الزهايمر عندى شغاااال وياريت لو عملتى قبل كده كريم باتسيرى قوليلى عليه

اه هى هى بس بلح الشام بالزيت والاكليز بالزبده او السمنه :thumbs_up:

ام عمر افندى;12249780:
القاهره نورت يا موزة ياللى تخنتى 3كيلو ونص هههههههه يا بنتى بطلى قهر فيا انا نفسى اخس شويه وعماله اشرب فى رويال كلوب لحد ما استويت ومن الواضح ان اهلك مستغلينك اسوء استغلال هههههههههههههه انا بهدى النفوس ههههههه
والله يا بنتى لحد دلوقتى مش فاكره انا كنت عاوزة منك ايه الزهايمر شغال الله ينور بس عموما هيه طريقه حاجه ايه بقا مش فاكره
وبالمرة بقا قولى طريقه الوافل بالتفصيل الملل مش عشان المخالفه لاااااااااااا بجمله الاستغلال ههههههههههههههههههههههههههههههههههههههههههه:lol::lol::lol::lol::lol::lol:

:D

جمايلى عليكى كترت يا موزموزيل :p


بصى يا ستى الوافل

عملت بيضه عليها ربع كوباية لبن وشوية فانيليا واضربى بالشوكه كدا وبعدين تحطى معلقه كبيره سكر واضربى عشان تدوب وبعدين تحطى 3 معالق كبيره هرميه دقيق ومعاها معلقه صغيره بيكنج بودر


وبعدين بقى نيجى للتسويه اللىاهم من العجينه

بصى طاسه تيفال هتحطى فيها شوية زيت صغننين وبعدين تحطى كبشتين تلاته من العجينه دى عشان تبقى تخيييييييينه ومتحركيش العجينه يمين وشمال عشان تتفرد فى الطاسه لا سيبيها تفرد مع نفسها وكل دا على نار هاديه
متحركيش الطاسه نهائى على نار هاديه
هتلاقى العجينه من فوق بدأت تنشف كدا والسائل يجمد
تقومى بالشياله بتاعة المكرونه بالبشاميل تقلبيها على الوش التانى ومفيش 30 ثانيه وتشيليها

اول ما تطلع تقومى حطاها فى طبق وعليها شيكولاته نيوتلا

وسيبيها تهدى بس مش تبرد وبعدين قدميها مع ايس كريم

بتبقى وهميه :thumbs_up::thumbs_up:

at2ota;12265141:
تسلمى يانانى ربنا يكرمك يارررررررررررب بس انا ملاحظه انها مش بيتحطلها بيكنج بودر ولا حتى خميرة فوريه طيب كدة هتعلى ازاىىىىى

الله يسلمك يا بسبسه

اه مش بيتحط لانها بتنفش بالبيض

at2ota;12265148:
وياترى ينفع احشيها صوص شوكلاته وكنت عايزة اعرف ابدا افتحها امتى وهى سخنه ولا لما تبرد

اه طبعا ينفع وافتحيها لما تبرد

at2ota;12265169:
و80 جرام زبدة يعنى اد ايه كام معلقه ولا اد ايه من الكوبايه

بصي هاتي الباكوا ال 100 جرام دة وشيلي منه حته صغيره او حطي مثلا 4 معالق كبار

اصل انا عندي ميزان فمجربتش اعايرهابحاجة تانيه

ساره افندي;12267729:
بنات انا عندي كريمه الطبخ ولسه مفتحتهاش بس المشكله العلبه كبيره وانا مش هحتاجه الا مره واحده ينفع استخدمها والباقي احطته في الفريز؟؟؟ وايه رايكم لو فضتتها في ازازه بدل العلبه الكرتون متهيالي مش هيجري ليها حاجه مش كده لان انا مره شلت كيس لبن مفتوح في الفريز ومجراش حاجه ليه

لا مش بينفع تتحط في الفريزر يا سارة وهتلاقي مكتوب عليها يفضل انها ما تتجمدتش لانها لما بتجمد وتفك بتفصل

انا رايي افتحيها وهي بتعيش 4 ايام مفتوحة خلال الفترة دي اعملي رز باللبن او ام علي او مكرونه بالبشاميل ا و كيش او مكرونه بالوايت صوص او مكرونه بالسي فود والوايت صوص او نجرسكوا

ام عمر افندى;12267754:
نانى انت سكر خاااالص شفت صوره الفستان ونص وشك ههههههههه رقيقه موت
وبالنسبه للصلصه انا من ساعه جوازى بعملها كده وماشيه تمام اهم حاجه ميبقاش فيها ميه خاالص وتاخدى منها بمعلقه ناشفه ونضيفه والزيت بيبقا على وش البرطمان وهتريحك اووووووووووووووووووووى يا دوب هتحطى على الخضار وتقلبى وتزودى الشوربه وبس

ربنا يخليكي يا حبيبتي دة من ذوقك يا قمر

وانا عملت الصلصه وطلعت تحفة تسلم ايدك

ام عمر افندى;12267863:
نانى هيه عجينه الاكلير نفس عجينه بلح الشام ولا الطريقه بس ولا الزهايمر عندى شغاااال وياريت لو عملتى قبل كده كريم باتسيرى قوليلى عليه

اه نفسها بس الفرق زي ما بسبس قالت وكمان البلح بيتقلي والشو بيدخل الفرن

ام عمر افندى;12267927:
نانى معش عاوزة الصوص الابيض بتاع السينابون

سكر بودرة وكريمة سايله وقطعه جبنه كيري وحنة زبدة وشويه فانيليا بيكون تقيل وماسك نفسه شويه واول ما بيتحط على السينابون وهو سخن بيسيح

وعلى فكرة السينابون المفروض انه بيتاكل دافي مش بارد والصوصات مش بتتحط عليها كله لا بتتحط عليه وقت التقديم والاكل بس

بنات انا طلعت فراخ ومش عارفه اعمل غدا ايه وزهقانه ومخى رابط على صينية بطاطس وجوزى زهق منها خلاص

:-o

أم يـاسـيـن العسل;12269872:
بنات انا طلعت فراخ ومش عارفه اعمل غدا ايه وزهقانه ومخى رابط على صينية بطاطس وجوزى زهق منها خلاص

انا هاكل صنية بطاطس بالفراخ النهارده هههههههه ورز وسلطة وشربة
بصى انتى بقى اعملى فراخ بالكارى مع رز بالخضار وطبق سلطة خضراء
او اعملى شورما فراخ
او فراخ مع ملوخية ورز بالشعرية او رز ابيض
او فراخ مشوية مع مكرونة
او اى خضار عندك مع رز والفراخ
او بيتزا بالفراخ
او كفتة فراخ ياقمر
او كوردن بلو
او شيش طاووف مع مكرونة وسلطة وبطاطس محمرة

sally2007;12270082:
:-o
انا هاكل صنية بطاطس بالفراخ النهارده هههههههه ورز وسلطة وشربة
بصى انتى بقى اعملى فراخ بالكارى مع رز بالخضار وطبق سلطة خضراء
او اعملى شورما فراخ
او فراخ مع ملوخية ورز بالشعرية او رز ابيض
او فراخ مشوية مع مكرونة
او اى خضار عندك مع رز والفراخ
او بيتزا بالفراخ
او كفتة فراخ ياقمر
او كوردن بلو
او شيش طاووف مع مكرونة وسلطة وبطاطس محمرة

بردو :badly:

ايه رأيك اعملى مندى وملوخيه :thumbs_up:

ام عمر افندى;12267927:
نانى معلش عاوزة الصوص الابيض بتاع السينابون

الصوص يا قمر عبارة عن سكر بودر و لبن بس كام نقطة لبن كدا بس

يعنى حطى سكر الاول و حطى نقطة لبن وشوفى لحد ما يتخلط ويعمل معاكى صوص

النهاردا عملت سبانخ ولحمه

om asmaa;12271189:
النهاردا عملت سبانخ ولحمه

الف هنا يا قمر

انا عملت صينية فراخ ورز وملوخيه

أم يـاسـيـن العسل;12272073:
الف هنا يا قمر

انا عملت صينية فراخ ورز وملوخيه

الف هنا وشفا:thumbs_up:

om asmaa;12272151:
الف هنا وشفا:thumbs_up:

الله يهنيكى
كنت عايزه اعمل حاجه حلوه بس عندى فاكهه كتير ومستحرمه

بنات وحشتووووووووونى اوى شكل كده محدش سال عليا ف الغيبه دى ولو حد سال فيه الخير ولو مسالتوش برده بحبكم لان الدنيا تلاهى
انا كنت تعبانه الييومين دول بس الحمدلله ربنا عافانى وقمت زى الحصان على راى جوزى بس الحمدلله وقعت قلبه شويه ودلعنى هههههههههههههههههههه
انا عندى كزا حاجه بالله عليكم فيدونى
اولا انا جايلى واختى وجوزهامن اخر الدنيا اخيرا هشوفها وهيا حامل وهتموت على كفته رز وملوخيه وفراخ كنتاكى وبتقولى بس كده ومش هاكل غير كده انا وجوزى لانها قرفانه من الاكل كله وكده وبقالها كزا يوم بتاكل هيا وجوزها من برا مع العلم انها مش هتاكل الا كفته وملوخيه بس داينفع
عرفونى اعمل ايه بالظبط مع العلم انها هتزعل لو كترت عن كده
وهعمل حلو سينابون وباف سترى محشى تفاح الصوص بتاع ام بودى ونانى ده ان شاء الله هيا هتجيلى الخميس وانا عايزة اعمل الاكل بسرعه يعنى اكون مجهزه كل حاجه قبلها بحيث ااقعد معاها فتره كبيره باذن الله وابقى مش تعبانه يلا مستنياكم ياشاطرين جدا وبالذات نانى فيدينى لانك عامله عزومه قريب ومبدعه دايما هستناكم
بالنسبه لصوص السينابون انا ماعنديش الا جبنه كريم قابله للدهن وعندى سكر برده وعندى زبده ياريت تقولولى طريقته وبيتعمل ازاى وبيتحط ازاى عليه
بالنسبه ل اللبن للبنات اللى فى الخارج بيبوظ عندى بسرعه لانى مش بستعمله كتير وطبعا الصلاحيه اربع ايام فبرميه على طول ينفع احطه ف الفريزر واخرجهع ولا ضرر لانه متبستر
برده انا كنت عملت كريمه وحطيتها ف الفريزر عادى ولا لا؟ واما اطلعها اسيبها تفك واحطها عادى على مشروب الاوريو ده واحطها ازاى بالشكل ولا عشوائى معلقه عل الوش
وبكده يبقى كتر خيركم مستنياكم لانى طازة زى ماانتو عارفين بس بجد ببدع واكلى حلو بس لجوزى بس خايفه اوى من العزومات حتى لو لواحد

انا النهاردة عملت قرنبيط مقلي

بموت فيه

وكان جنبه سلطة تركيه وسلطة مسبحة والاتنين جاهزين عشان محدش يقولي الطريقة ايه ههههه

أم يـاسـيـن العسل;12272316:
الله يهنيكى
كنت عايزه اعمل حاجه حلوه بس عندى فاكهه كتير ومستحرمه

اعملي جيلي بالفاكهة

ويسلام لو تحطي معاهم كريم شانتيه مخلوطة مع الجيلي والفاكهة بيبقى تحفة وتغير وحلو اوي في الحر

رورو حبيبة جوجو;12272676:
بنات وحشتووووووووونى اوى شكل كده محدش سال عليا ف الغيبه دى ولو حد سال فيه الخير ولو مسالتوش برده بحبكم لان الدنيا تلاهى
انا كنت تعبانه الييومين دول بس الحمدلله ربنا عافانى وقمت زى الحصان على راى جوزى بس الحمدلله وقعت قلبه شويه ودلعنى هههههههههههههههههههه
انا عندى كزا حاجه بالله عليكم فيدونى
اولا انا جايلى واختى وجوزهامن اخر الدنيا اخيرا هشوفها وهيا حامل وهتموت على كفته رز وملوخيه وفراخ كنتاكى وبتقولى بس كده ومش هاكل غير كده انا وجوزى لانها قرفانه من الاكل كله وكده وبقالها كزا يوم بتاكل هيا وجوزها من برا مع العلم انها مش هتاكل الا كفته وملوخيه بس داينفع
عرفونى اعمل ايه بالظبط مع العلم انها هتزعل لو كترت عن كده
وهعمل حلو سينابون وباف سترى محشى تفاح الصوص بتاع ام بودى ونانى ده ان شاء الله هيا هتجيلى الخميس وانا عايزة اعمل الاكل بسرعه يعنى اكون مجهزه كل حاجه قبلها بحيث ااقعد معاها فتره كبيره باذن الله وابقى مش تعبانه يلا مستنياكم ياشاطرين جدا وبالذات نانى فيدينى لانك عامله عزومه قريب ومبدعه دايما هستناكم
بالنسبه لصوص السينابون انا ماعنديش الا جبنه كريم قابله للدهن وعندى سكر برده وعندى زبده ياريت تقولولى طريقته وبيتعمل ازاى وبيتحط ازاى عليه
بالنسبه ل اللبن للبنات اللى فى الخارج بيبوظ عندى بسرعه لانى مش بستعمله كتير وطبعا الصلاحيه اربع ايام فبرميه على طول ينفع احطه ف الفريزر واخرجهع ولا ضرر لانه متبستر
برده انا كنت عملت كريمه وحطيتها ف الفريزر عادى ولا لا؟ واما اطلعها اسيبها تفك واحطها عادى على مشروب الاوريو ده واحطها ازاى بالشكل ولا عشوائى معلقه عل الوش
وبكده يبقى كتر خيركم مستنياكم لانى طازة زى ماانتو عارفين بس بجد ببدع واكلى حلو بس لجوزى بس خايفه اوى من العزومات حتى لو لواحد

توصل بالسلامة يارب وتشوفيها

بصي مدام هي طلبت كدة يبقى خلاص ماتتعبيش نفسك في حاجات مش هتتاكل

انتي جهزي الكفته من قبلها واقليها وسبيها على الصلصه بس وكمان تبلي الفراخ وسبيها على القلي

والملوخيه في ساعتها مش بتاخد حاجة وكمان اعملي رز بالشعريه عشان الملوخيه والكفته

وممكن تعملي سمبوسه كمان وسلطة وشوربه وكدة تبقى السفرة كامله

السينابون اعمليه قبلها بيوم ووقت التقديم سخنيه وحطي عليه الصوص

بصي لو عندك علبه حليب مكثف حطيها في ميه بتغلي على النار لمدة ساعتين هتبقى صوص كراميل حلو اوي اوي مع السينابون

والصوص الابيض حطي زبدة وسكر ولبن بس لو معندكيش كريمة ولا كيري

رورو بالنسبه للبن بلاش تجيبي العلبه الكبيرة هاتي العلب الصغيرة ال 200 مل وافتحي العلبه على قد الاستخدام احسن من تجميد اللبن لان انتي مش هتجمديه مرة وحدة لا انتي هتفضلي تجمدي وتفكي في كل مرة تحتاجي شويه ومش هيبقى حلو

انا بصراحة كل حياتي علب صغيرة لاستخدام مرة وحدة مريحة اكتر اه هي مش اوفر بس لو حسبتيها هتلاقي انها اوفر لسبب اننا بنرمي باقي العلبه الكبيرة فيبقى هي هي

رورو حبيبة جوجو;12272676:
بنات وحشتووووووووونى اوى شكل كده محدش سال عليا ف الغيبه دى ولو حد سال فيه الخير ولو مسالتوش برده بحبكم لان الدنيا تلاهى
انا كنت تعبانه الييومين دول بس الحمدلله ربنا عافانى وقمت زى الحصان على راى جوزى بس الحمدلله وقعت قلبه شويه ودلعنى هههههههههههههههههههه
انا عندى كزا حاجه بالله عليكم فيدونى
اولا انا جايلى واختى وجوزهامن اخر الدنيا اخيرا هشوفها وهيا حامل وهتموت على كفته رز وملوخيه وفراخ كنتاكى وبتقولى بس كده ومش هاكل غير كده انا وجوزى لانها قرفانه من الاكل كله وكده وبقالها كزا يوم بتاكل هيا وجوزها من برا مع العلم انها مش هتاكل الا كفته وملوخيه بس داينفع
عرفونى اعمل ايه بالظبط مع العلم انها هتزعل لو كترت عن كده
وهعمل حلو سينابون وباف سترى محشى تفاح الصوص بتاع ام بودى ونانى ده ان شاء الله هيا هتجيلى الخميس وانا عايزة اعمل الاكل بسرعه يعنى اكون مجهزه كل حاجه قبلها بحيث ااقعد معاها فتره كبيره باذن الله وابقى مش تعبانه يلا مستنياكم ياشاطرين جدا وبالذات نانى فيدينى لانك عامله عزومه قريب ومبدعه دايما هستناكم
بالنسبه لصوص السينابون انا ماعنديش الا جبنه كريم قابله للدهن وعندى سكر برده وعندى زبده ياريت تقولولى طريقته وبيتعمل ازاى وبيتحط ازاى عليه
بالنسبه ل اللبن للبنات اللى فى الخارج بيبوظ عندى بسرعه لانى مش بستعمله كتير وطبعا الصلاحيه اربع ايام فبرميه على طول ينفع احطه ف الفريزر واخرجهع ولا ضرر لانه متبستر
برده انا كنت عملت كريمه وحطيتها ف الفريزر عادى ولا لا؟ واما اطلعها اسيبها تفك واحطها عادى على مشروب الاوريو ده واحطها ازاى بالشكل ولا عشوائى معلقه عل الوش
وبكده يبقى كتر خيركم مستنياكم لانى طازة زى ماانتو عارفين بس بجد ببدع واكلى حلو بس لجوزى بس خايفه اوى من العزومات حتى لو لواحد

الف مليون سلامه عليكى يا رورو بالنسبه لاكل زى ما نانى قالتلك بالظبط وممكن بدل فطيره التفاح اعملى رز بالبن او ايس كريم الواحده الحامل بتبقا نفسها فى الحاجات اللى تشبع وفى نفس ذات الوقت خفيفه ومتعملش حموضه وياسلام بقا لو عملتى الاتنين وحطيتى على الرز باللبن بوله ايس كريم ومكسرات وعسل ابيض يبقا تماااااااااااااام اوى
بالنسبه للبن هاتى النوع طويل الاجل اسمه نادك انا بجيبه وحلو انا كنت بجيب المراعى فى الاول وفعلا يوميت تلاته وارميه وبقيت استحرم اوووى فبقيت اجيب دا احسن
واعملى برضوا عصاير فريش برضوا هتبقا حلوه واديها كل شويه وان شاء الله تبقا عزومه حلوه

ناني فيبس;12273372:
انا النهاردة عملت قرنبيط مقلي

بموت فيه

وكان جنبه سلطة تركيه وسلطة مسبحة والاتنين جاهزين عشان محدش يقولي الطريقة ايه ههههه





اعملي جيلي بالفاكهة

ويسلام لو تحطي معاهم كريم شانتيه مخلوطة مع الجيلي والفاكهة بيبقى تحفة وتغير وحلو اوي في الحر

جوزى مابيحبش الجيلى بيحب الكريم كراميل بس


بجد زهقنى كل حاجه مابيحبهاش

نفسى اكل سبانخ وقلقاس يا ناس وهو مابيحبهومش :thumbs_down:

ناني فيبس;12273391:
رورو بالنسبه للبن بلاش تجيبي العلبه الكبيرة هاتي العلب الصغيرة ال 200 مل وافتحي العلبه على قد الاستخدام احسن من تجميد اللبن لان انتي مش هتجمديه مرة وحدة لا انتي هتفضلي تجمدي وتفكي في كل مرة تحتاجي شويه ومش هيبقى حلو

انا بصراحة كل حياتي علب صغيرة لاستخدام مرة وحدة مريحة اكتر اه هي مش اوفر بس لو حسبتيها هتلاقي انها اوفر لسبب اننا بنرمي باقي العلبه الكبيرة فيبقى هي هي

ايوه العلب الصغيره فعلا مريحه وانضف بصراحه بدلزحمة التلاجه :thumbs_up:

أم يـاسـيـن العسل;12268997:
:D

جمايلى عليكى كترت يا موزموزيل :p


بصى يا ستى الوافل

عملت بيضه عليها ربع كوباية لبن وشوية فانيليا واضربى بالشوكه كدا وبعدين تحطى معلقه كبيره سكر واضربى عشان تدوب وبعدين تحطى 3 معالق كبيره هرميه دقيق ومعاها معلقه صغيره بيكنج بودر


وبعدين بقى نيجى للتسويه اللىاهم من العجينه

بصى طاسه تيفال هتحطى فيها شوية زيت صغننين وبعدين تحطى كبشتين تلاته من العجينه دى عشان تبقى تخيييييييينه ومتحركيش العجينه يمين وشمال عشان تتفرد فى الطاسه لا سيبيها تفرد مع نفسها وكل دا على نار هاديه
متحركيش الطاسه نهائى على نار هاديه
هتلاقى العجينه من فوق بدأت تنشف كدا والسائل يجمد
تقومى بالشياله بتاعة المكرونه بالبشاميل تقلبيها على الوش التانى ومفيش 30 ثانيه وتشيليها

اول ما تطلع تقومى حطاها فى طبق وعليها شيكولاته نيوتلا

وسيبيها تهدى بس مش تبرد وبعدين قدميها مع ايس كريم

بتبقى وهميه :thumbs_up::thumbs_up:

ربنا يخليكى وجمايلك تكتر اكتر واكتر واكتر
وميرسى يا قمر هجربها اكيييد شكلها تحففففففففففففه



نانى تسلم ايدك انت يا قمر اللى عملتيها وبالهنا والشفا

قولولى اعمل غدا اييييه بكرا زهقتتتتتتتتتتتتتتتت
النهارده كنت عامله فته

تسلمى يانانى انتى بجد خدومه تسلمى وبجد رستينى طيب الفراخ انا هتبلها بس هسلقها الاول وبعد كده احمرها صح كده
والكفته اعمل عجينتها قبلها بيوم واحطها ف الفريزر ولا ايه ؟
والسينابون انا عندى عجينته ف الفريزر هطلعها تفك واعمله ف يومها وبالنسبه للصوص ماينفعش اعمله بالجبنه الكريمه دى
انا قرات عزومتك حلوة اوى اوى بجد تسلم ايديكى بس الملوخيه بتعمليها ازاى ؟ عايزاها حلوة لانها هتبقى الطبق الرئيسى انا بعملها حلوة بس اشوف طريقتك

بوسى تسلمى الرز باللبن اختى مش بتحبه خااااااااااالص ولا انا ؟ بس عايزة اسال سؤال هوا ازاى يتحط فوقيه الايس غريبه اوى وينفع ايس مانجه ولا لازم ايه ؟
وانا مبحبش اللبن طويل الاجل فيه ماده حافظه انا فعلا بجيب الوقتى الصغيرده زى مانانى وبسبس قالو لانى مش كييفه لبن