14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

بقولكم يابنات انا نفسى راحت انى اكل ارانب فقلت لجوزى ايه رايك فقالى اوك ماشى فنزل دلوقتى يجبلى ارنبة فلقيته بيتصل بيا وبيقولى بقولك الراجل قاله الواحده تمنها 200 درهم يعنى 300ج بالمصرى فقلتله انت متاكد قالى اه انا اتصدمت ان الواحده تمنها كده فالراجل قاله اصله للتربية زى القطط والكلاب فجوزى قاله احنا هناكلها قام باصص لجوزى بااستغراب وكان عاوزة يقوله ياى فى حد ياكل الارانب اللى بتتربى حاجة تنقط بقول لجوزى معلشى ياحبيبى اخدت الصدمة لوحدك وكويس انى مكنتش معاك كنت لبسته القفص ههههههههه واعتقد انهم مش حطنهم فى قفص هتلاقيهم منيمنهم على سرير وفرشين مفرش ستان هههههههه
السؤال المهم لو فى حد هنا من بنات الامارات يقلولى اجيب منين ارانب بس يكون سعرها معقول وتكون بتتاكل هههههه مش للتربية الفافى هههههه

ههههههههههههههههه ضحكتينى ياسولا الله يرضى عنك واستحملى يبقى ماما تبعتهالى ولا حاجه ههههههههههههه

بنات اختى جاتلى امبارح والعزومه كانت حلوة اوى والاكل عجبها الحمد لله والحلو عملت حلى التمر لكيتى المبدعه وبنتها خلصته عجبته اوى وفعلا كان جميل
وسينابون عجبهم جدا بالشاى الحمدلله
اطبخ ايه بكره بقى لانى محتاااره موت وبلاش فراخ وماعنديش لحمه مفرومه

كيكه الشيكولاته

niceheart;12307738:
كيكه الشيكولاته

ما شاء الله شكلها حلو قوى ممكن الطريقة وهو ايه اللى انتى مزينة بيها ده زى جوز الهند كده ولا ايه؟

sally2007;12306500:
بقولكم يابنات انا نفسى راحت انى اكل ارانب فقلت لجوزى ايه رايك فقالى اوك ماشى فنزل دلوقتى يجبلى ارنبة فلقيته بيتصل بيا وبيقولى بقولك الراجل قاله الواحده تمنها 200 درهم يعنى 300ج بالمصرى فقلتله انت متاكد قالى اه انا اتصدمت ان الواحده تمنها كده فالراجل قاله اصله للتربية زى القطط والكلاب فجوزى قاله احنا هناكلها قام باصص لجوزى بااستغراب وكان عاوزة يقوله ياى فى حد ياكل الارانب اللى بتتربى حاجة تنقط بقول لجوزى معلشى ياحبيبى اخدت الصدمة لوحدك وكويس انى مكنتش معاك كنت لبسته القفص ههههههههه واعتقد انهم مش حطنهم فى قفص هتلاقيهم منيمنهم على سرير وفرشين مفرش ستان هههههههه
السؤال المهم لو فى حد هنا من بنات الامارات يقلولى اجيب منين ارانب بس يكون سعرها معقول وتكون بتتاكل هههههه مش للتربية الفافى هههههه

ازاي يابنتي انتي روحتي فين بلظبط
في جمعيه مش فاكره اسمعا بلظبط المهم ديه بتجيب كل حاجه مصريه حتا الجبنه القريش واسعارها كويسه هتاكد من الاسم من بابا
كمان عقبال مااساله اي جمعيه في مجمد وسعره مش كده خااااااااااااااااااااااااااالص

ساره افندي;12308576:
ازاي يابنتي انتي روحتي فين بلظبط
في جمعيه مش فاكره اسمعا بلظبط المهم ديه بتجيب كل حاجه مصريه حتا الجبنه القريش واسعارها كويسه هتاكد من الاسم من بابا
كمان عقبال مااساله اي جمعيه في مجمد وسعره مش كده خااااااااااااااااااااااااااالص

طيب ياريت تعرفيلى اسمها ومكانها ياقمر والله العظيم جوزى لقها بالسعر ده لان الراجل قاله دى بتتربى ومش بتتاكل زيها زى العصافير والقطط فعشان كده هى طلعت غالية فياريت متنسيش تساليلى على الجمعية ومكانها وربنا يكرمك يارب

حاضر ياسالي اول مااكلم بابا هساله هيا في ابوظبي مش دبي في منطقه المرور وهسال الاسم بلظبط
والجمعايات العاديه فيها وفيها حمام وديوك وكل الطيور ديه واسعارها كويسه بس مش مصري برازلي تقريبا
يابنات انا نويه اعمل بكره ان شاء الله بكياتا بلحمه والمشروم بس هزود خضار مشكل معها
دلوقتي الخضار اللي عندي مجمد مش الفرش ومعنديش وقت انزل اجيب فرش
عايزه طريقه اعمل بيها الخضار ده بحيث يبقا ليه طعم مش كانه مسلوق وكمان مش عايزه يتهري لانه بيبقا نص سوااا
المهم عندي يبقا ليه طعم قبل ماادمجه مع الكريمه واللحمه

عملت خلية نحل وطلعت ماشاء الله حلوة

















وعملت كمان باستا فلورا

تسلم ايدك يانايس شكلها حلو
دندن الصنفين شكلهم حلو اوى تسلم ايديكى وخليه النحل دى حلو ولا حادق؟وعايزة طريقتهالو سمحت

خلاص يابنات انا عملت البكايتا وعملت رز وجلاش علشان المجروس الصغير
الحلو عملت ايس كريم فانيلا وشوكلاته وعملت كريم كراميل

رورو حبيبة جوجو;12307259:
ههههههههههههههههه ضحكتينى ياسولا الله يرضى عنك واستحملى يبقى ماما تبعتهالى ولا حاجه ههههههههههههه

بنات اختى جاتلى امبارح والعزومه كانت حلوة اوى والاكل عجبها الحمد لله والحلو عملت حلى التمر لكيتى المبدعه وبنتها خلصته عجبته اوى وفعلا كان جميل
وسينابون عجبهم جدا بالشاى الحمدلله
اطبخ ايه بكره بقى لانى محتاااره موت وبلاش فراخ وماعنديش لحمه مفرومه

حمدلله على سلامتهم يا حبيبتى

والف هنا وشفا

بصى ممكن تعملى عجه او تعملى كبده او تعملى كبد الفراخ او كفته فراخ

او بطاطس مسلوقه وتهرسيها وتعملها بالبيض والبقسماط وتحشيها جبنه

niceheart;12307738:
كيكه الشيكولاته

ياسيدى يا سيدى :thumbs_up:

sally2007;12308435:
ما شاء الله شكلها حلو قوى ممكن الطريقة وهو ايه اللى انتى مزينة بيها ده زى جوز الهند كده ولا ايه؟

هى مزيناها بكمبوت اناناس يا سالى

DANDONA_2010;12312378:
عملت خلية نحل وطلعت ماشاء الله حلوة





وعملت كمان باستا فلورا

تسلم ايدك يا قمر شكلهم حلو اوى اوى

ساره افندي;12313289:
خلاص يابنات انا عملت البكايتا وعملت رز وجلاش علشان المجروس الصغير
الحلو عملت ايس كريم فانيلا وشوكلاته وعملت كريم كراميل

يلا الف هنا وشفا

بصوا انا مخى انهارده متربس بطريقه مش طبيعيه وزهقانه بردو جداااا ومش عارفه اطبخ ايه بس بما انى لسه فارمه اللحمه عند الراجل فا قولت خلاص هى كفته وسلطة طحيه وبصل مشوى ومكرونه بالصلصه وخلاص
وهعمل طاجن شعيريه باللحمه المفرومه :)

اكلاتك حلوة اوى يابسبس وتغيير بس انتو ماردتوش عليا عملت كباب حله بصوص مع رز بسمتى وخلاص
بس قليلى لو سمحتى طريقه البطاطس دى بالتفصيل معلش وكمان البصل المشولى والطاجن الاخير ايه ده انا غلسه اوى بس معلش عجبونى

رورو حبيبة جوجو;12313776:
اكلاتك حلوة اوى يابسبس وتغيير بس انتو ماردتوش عليا عملت كباب حله بصوص مع رز بسمتى وخلاص
بس قليلى لو سمحتى طريقه البطاطس دى بالتفصيل معلش وكمان البصل المشولى والطاجن الاخير ايه ده انا غلسه اوى بس معلش عجبونى

يا فرحتى يا فرحتى لما رورو هانم بنفسها تطلب طريقه لاكلاتى

:062: :062: :062::062:

بصى يا ستى الاول البطاطس

1- اسلقيها واهرسيها هرس متوسط لا ناعم ولا خشن اوك

2- حطى عليها معلقتين بقسماط وشوية بقدونس مفروم و فص توم بس دا اختيارى

3- بصى عارفه طريقه الكبيبه الشامى؟؟ بتتعمل قراطيس وتحطى اللحمه جواها وتقفلى صح
لا دى بقى هتعمليها وتحطى الجبنه اللى تعجبك جواها وتقفلى وبعدين دقيق وبيض وبقسماط واقليها وبس

تانى حاجه بقى : البصل المشوى بقى بقطعه دواير كدا وسط ولا تخينه ولا رفيعه وبعدين لما الكفته بتستوى بروح رصاها على وش الكفته كلها وادخلها الفرن معاها تشوى على الشوايه وبس طعمها بيبقى روووووعه انا بعملها اصلا عشان اغمزها لوحدها

تالت حاجه بقى طاجن الشعيريه

بصى يا ستى هتعصجى لحمه مفرومه عادى خالص وبعدين تحطى عليها معلقة صلصه اوك او طماطم بس انا انجزت بالصلصه عشان يويو نايم والخلاط هيصحيه

وبدين تحمرى الشعيريه وتخليها غامقه شويه مش فاتحه وياريت تتحمر بالسمنه مش بلزيت اوك

وبعدين تروحى طاشه الشعيريه على اللحمه وتقلبى على النار لمده 30 ثانيه يادوب يختلطوا بس وبعدين تحطى مايه بقى ومكعب ماجى وفلفل اسود وسيبيها تستوى بس خليها بصوص شويه وبعدين لما تستوى تلت تربع سواا تحطيها فى طاجن وتغطيه بالفويل وتدخليه الفرن 10 دقايق وبعدين افتحى الفويل وحمريها من فوق بس يا ستى

انا اصلا اكلت منه دلوقتى لقيته روعه واحلى حاجه فيها مابياخدش وقت نهائى :thumbs_up:

سارة افندى تسلميلى ياقمر بس هى فى ابو ظبى بعيده عليا اصلى انا فى الشارقة بس لو يعرف فى دبى يبقى كتر خيرك وخير بباكى اصل هيبقى صعب مثلا ان جوزى يروح يجيب من هناك عاملة زى ماانتى تكونى قاعده فى القاهرة وهى فى اسكندرية فاهمة قصدى فربنا يكرمك يارررررررررب على اهتمامك

بسبس تسلمى ياقمر على ردك عليا

احنا اكلنا النهارده لازانيا بالحمة المفرومة وكان طعمها تحفففففففة قوى

DANDONA_2010;12312378:
عملت خلية نحل وطلعت ماشاء الله حلوة


وعملت كمان باستا فلورا

أم يـاسـيـن العسل;12314042:

تالت حاجه بقى طاجن الشعيريه

بصى يا ستى هتعصجى لحمه مفرومه عادى خالص وبعدين تحطى عليها معلقة صلصه اوك او طماطم بس انا انجزت بالصلصه عشان يويو نايم والخلاط هيصحيه

وبدين تحمرى الشعيريه وتخليها غامقه شويه مش فاتحه وياريت تتحمر بالسمنه مش بلزيت اوك

وبعدين تروحى طاشه الشعيريه على اللحمه وتقلبى على النار لمده 30 ثانيه يادوب يختلطوا بس وبعدين تحطى مايه بقى ومكعب ماجى وفلفل اسود وسيبيها تستوى بس خليها بصوص شويه وبعدين لما تستوى تلت تربع سواا تحطيها فى طاجن وتغطيه بالفويل وتدخليه الفرن 10 دقايق وبعدين افتحى الفويل وحمريها من فوق بس يا ستى

انا اصلا اكلت منه دلوقتى لقيته روعه واحلى حاجه فيها مابياخدش وقت نهائى :thumbs_up:

بنات محدش يكتب كذا رد ورا بعض ياريت نجمع كل الاسئلة و الاجوبة فى رد

مش القى ردين ورا بعد فى نفس الوقت لو نسيتى حاجة تقدرى تعملى تعديل

بنات ازيكو وحشتوني

تاني تاني رجعت للمطبخ تاني ههههههههههههههههه
انا بقى لي اسبوع ماطبختش بصراحة رااااااحة
انهرده طبخت كشري مصري ماكنش عندي ولا فراخ ولا لحمة وجوزي ماكنش جاب حاجة

المهم قولولي اطبخ ايه بكرة بقى ضروري عاوزة اكلة جديدة كده وقيمة شوية غير تقليدية يعني
عشان انا انهرده لما عملت كشري جوزي بص له كده وقال لي كشري :!!:
هههههههههههههههه

niceheart;12307738:
كيكه الشيكولاته

شكلها حلو اوي يا قمر
تسلم ايييييييييدك

DANDONA_2010;12312378:
عملت خلية نحل وطلعت ماشاء الله حلوة

وعملت كمان باستا فلورا

ايه الشطارة دي
ماشاء الله عليكو يا بنات بجد كلكو مبدعين والله
تسلم ايديكي يا جميل

السلام عليكم ورحمه الله و بركاته
أزيكم يا بنات أنا أول مرة أشارك معاكم لكن دايما متبعاكم من بعيد أنتو بجد مبدعات
كل لما افتح موضوعكم أحس بالجووووووووووووع و أشم ريحة الاكل من الشاشة

دندن الصنفين اللى انتى عملاهم شكلهم حلو قوى
ممكن أعرف طريقتهم ؟

للى طلبوا طريقة خلية النحل

المقادير:
2 ونص مج دقيق-بيضة-م ص ملح-رشة سكر -ملقتين خميرة فورية -نص مج زيت-ماء دافىء للعجن-حبة البركة- سمسم-زعتر (وممكن الاستغناء عن اخر اتنين)-جبنة اى نوع تحبية

الطريقة:
حطيت الدقيق وعلية البيضة والزيت والملح ورشة السكر ودوبت الخميرة فى كوباية مية دافية وحطيتهم وعجنت لحد ما العجينة مبفتش تلزق فى الايد..سبتها تخمر لمدة ساعة فى مكان دافىء
اما خمرت جبت صينية ودهنتها زيت بسيط قوى لان العجينة نفسها فيها زيت وبقيت اخد حتة عجينة صعيرة وافردها على كف ايدة واحط الجبنة واقفل واشكلها على هيئة كورة بس كدة لحد ما خلصت الكمية كلها ..جبيت بعد كدة بيضة وحطيتها فى طبق وعليها شوية زعتر ومطحون حبة البركة عشان اضيع الزفارة الى فيها ودهنتها على الوش وبعدين رشيت سمسم وحبة البركة وشوية صغننة زعتر .. وغطيت الصنية لمدة ربع ساعة كمان خمرت كمان ماشاء الله ..دخلتها فرن متوسط الحرارة للحد ما احمرت من تحت والجناب وفتحت الشواية عشان تتحمر من فووق

اهم حاجة بقى بعد ما طلعيها من الفرن حتلاقيها ناشفة اصبرى لحد ما تبرد وشيلها من الصنية وحطيها فى طبق وغطيها بنايلون او اى كيس حتلاقيها تانى ييوم طرية وزى الفل ..
وبالنسبة للجبنة ياريت تكون من النوع الى ماسك نفسة شوية وممكن كمان نستعمل جبنة مثلثات او كيرى بتبقى حلوة

وبالهنا والشفا