14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

ام عمر افندى;12326444:
والله يارورو مكنتش ناويه اكتب تانى هنا بس عشان خاطر عيونك هقولك
عندك كل انواع الخضار الباميه البطاطس البسله الفاصوليا المسقعه بس اهم حاجه اول لما يبقوا دافيين تحطيهم فى علبه على اد الاكله وتدخلى الفريز علطووول
بالنسبه للرز مش عارفه انا مره حماتى عملتلى ممبار وسلقته ولما جيت هنا خليته يفك خااالص وعدين حمرته كان زى الفل وحلو اوووى مش عارفه بقا الرز العادى ايه نظامه لو عاوزة تعملى بيتزا اعملى العجينه عادى وافرديها فى الصنيه ودخليها الفرن 5 دقايق بحيث انها تعمل قشره من برا كده فاهمانى وبعدين خرجيها وحطى عليها اللى انت عاوزاة ودخليها الفريزر ولما تطلعيها دخليها الفرن علطووول ولو هتعملى مكرونه بالبشاميل برضوا تنفع اعمليها عادى وسويها تلات تربع سوا وطلعيها على الفرن برضوا على نار هااااديه هتكمل سوا وتحمر وتبقا تمااام
اه وعاوزة اقولك على خبر تحفه عارفه كارفور اللى فى غرناطه فى هناك منتجات القصيم الكرنب بتاعه روووووووووووووووووعه بجد زى بتاع مصر وحلو اووووى الكرنبايه ب5ريال احسن من التانى مليون مره ابقى جربيه

أم يـاسـيـن العسل;12317835:

والله وانتى كمان وكنت هسئل عليكى وقولت اكيد بتمتحن وشوفت واحده رديت فى موضوع مبدعات مصر وقولت لوتس هتصلحه ازاى دا 8o|


حلوو مدام حلو كدا الايس كريم يبقى اعمله واطلع منه بدل الملل اللى الواحد فيه :thumbs_up:



بنات عايزه اعمل حاجه حلوه شورو عليا

لؤلؤة حياتى;12317945:
فين طريقة الايس كريم يا لوتس بعد أذنك يا قمر عوزاها:o

رورو حبيبة جوجو;12323581:
:lol::lol: كامله

وانتى كمان يالوتس ربنا يوفقك شدى حيلك وبالف هنا واتغذى كويس عشان الامتحانات ولو سمحت عايزة طريقه الايس كريم

ايمى حبيبتى ام معاذ وانتى كمان وحشتينا اوى اعملى كوسه بالبشاميل وفراخ مشويه ف الفرن بجد اكله رائعه F::adore:

ام عمر افندى;12326444:
والله يارورو مكنتش ناويه اكتب تانى هنا بس عشان خاطر عيونك هقولك

*Om Mo3az*;12330229:
بنات انا حاسة ان كل البنات المصريات ف المنتدى مابقوش يدخلو زي الاول ليه
في كل التجمعات اللي بنتجمع فيها حاسة ان المشاركات قلت اوي
ليه كده
عاوزين نفضل مع بعض على طول



المهم هسالكو في سؤال
عندي جمبري مقشر عاوزة له طريقة غير الكفتة بلييييييييييز ضروري تردو عليا

على خطى الحبيب;12317660:
وحشتوووني وحشتووني

عملت الايس كريم بتاع بيتو طلع جامد جدا جدا جدا جدا عملت كمية وشيلته في الفريزر وكل شوية اخد طبق

كمان عملت البسكوت بنفس الطريقة بس بمقادير مختلفة وطلع زي الجاهز بالظبط

ويسقط اي رجيم

*Om Mo3az*;12330229:
بنات انا حاسة ان كل البنات المصريات ف المنتدى مابقوش يدخلو زي الاول ليه
في كل التجمعات اللي بنتجمع فيها حاسة ان المشاركات قلت اوي
ليه كده
عاوزين نفضل مع بعض على طول

المهم هسالكو في سؤال
عندي جمبري مقشر عاوزة له طريقة غير الكفتة بلييييييييييز ضروري تردو عليا

Boody we zady;12333536:
تسلمي يا رورو علي سؤالك يا قمر أنا موجودة أهو وحشتوني كلكم أنا عملت فول بالخلطة و قالب كفته بالخضار ابقوا شوفوهم هناك



ده شكله قبل ما أدخله الفرن


ده شكله بعد التقطيع



ده طبق الفول

أم يـاسـيـن العسل;12330338:
اعمليه صينيه او رز بالجمبرى او شوربه :thumbs_up:

بيرق أمل;12332290:

طيب طريقة الايس كريم دي نفس اللي ب اعملها بس من غير الكريم شانتيه
دلوقتي بقى في سؤال تكتيكي كده :D
لو حبيت اعمل شيكولاتة كده احط ايه جيلي؟؟ ولا استغنى عنه ولا استبدله بايه؟؟ عشان عايزة اجرب الشيكولاتة

بصي الجمبري اعملي بيه رز صيادية تحفة قووووووي عمتو عملته لضيوف كانو عندنا
تجيبي الجمبري رشي عليه شوية فلفل اسمر وملح بسيط كده في طبق على جمب
وفي الحلة حطي زيت ولما يقدح نزلي الجمبري افضلي قلبيه لحد ما يتغير لونه انزلي بمعلقة كبيرة كركم وقلبي كده دقيقة وانشلي الجمبري من الحلة في الطبق تاني على جمب ويكون الجمبري ماسك نفسه بيشد ومستوي اوعي تهريه الشيف قال كده بيكون احلىىىى
ونزلي في الحلة بصلة نونو مبشورة طبعا مش هتتحمر معاكي قوي عشان خاطر الكركم مش بيحمر الحاجة لما بيتحط بدري وانزلي عليه بالرز قلبيه وبعدين معيار المية وسيبيه يتشرب
لما يبقى خلاص فاضل 5 دقايق وتطفي عليه حطي الجمبري تاني عليه وقلبي الرز كله بيه وسيبيه 5 دقائق واطفي عليه. او حطي الجمبري في طبق السلطانية من تحت واغرفي عليه الرز واقلبي الطبق هيطلع الجمبري فوق والرز من تحت دي حركة شيك برضه لكل واحد طبقة بشوية الجمبري بتاعه بدل ما حد يقعد يلقط الجمبري من الرز ويخلصه والباقيين بيتفرجو عليه :lol:

وممكن تعملي بيه طبق كشكش رهيييييييييييييييييييييب انا باعشقه بالجمبري

Boody we zady;12333536:
تسلمي يا رورو علي سؤالك يا قمر أنا موجودة أهو وحشتوني كلكم أنا عملت فول بالخلطة و قالب كفته بالخضار ابقوا شوفوهم هناك



ده شكله قبل ما أدخله الفرن


ده شكله بعد التقطيع



ده طبق الفول

أم يـاسـيـن العسل;12334402:
بنات سؤال ضروووووووورى جداااااا

جوزى جايبلى سمان

وانا مش عارفه اعمل فيه ايه

وسمعت انه زفر (يع)

ياريت اللى ليهم فيه يقلولى ايه نظامه

praivet;12334461:
لا يابسبس مش يع ولا حاجة انا بعملة وبيطلع جميل خالص
تغسلية كويس اوي بالدقيق وملح ولمون
وتحشية رز بالخلطة وتسلقية وتحمرية زي الحمام بالظبط
وبيتعمل طاجن بردو بس انا مش فاكراه لو عايزة اجيبلك الطريقة
او شوحية وحطية في الرز المعمر

أم يـاسـيـن العسل;12334517:
تسلميلى يا حبى بس قوليلى بياخد بقى تسويه ولا ايه

والرز انا لما بعمله فى الحمام بسويه قبلها
ايه نظام السمان بقى؟؟؟

praivet;12334530:
الرز انا مش بسوية ولا للحمام ولا للسمان بس بنقعة قبلها
والتسوية مش عارفة اد اية بالظبط بس مش بيغيب يعني انتي ابقي حطي فية طرف السكينة كده وشوفية استوا ولا لسة حبة
ولو هتعملية في الارز المعمر قطعية وشوحية الاول وحطية في الطاجن وعلية الرز واللبن

praivet;12334539:
نسيت اقولك مش تكدسية رز عشان ميفرقعش منك

أم يـاسـيـن العسل;12334596:
لامانا بسئلك عشان هسلقه فى البريستو


خلاص هعمله فى حله بره واجرب عشان ميفرقعش

بالنسبه بقى لشوربته اخبارها ايه؟؟ ارميها ولا كويسه؟؟

praivet;12334630:
لا مترميهاش انا بعمل عليها ملوخية جمب السمان

أم يـاسـيـن العسل;12334642:
ممكن اعملها شوربه عادى يعنى ولا هتبقى زفره؟؟؟

انا خايفه اوى منه والله

:(

praivet;12334630:
لا مترميهاش انا بعمل عليها ملوخية جمب السمان

علي فكرة نسيت اقولك اني عملت الحواوشي زي ماقلتي حطيت اللحمة نية
بس طلع وهم جدا وفعلا طلع الطعم بيفرق جدا غير لما كنت بسوي اللحمة الاول


وعملت الحواوشي برضو بمفروم الفراخ وطلع حلو جدا جدا

praivet;12334678:
لايابنتي مش زفرة خالص
ولابيبقا فية ريحت الزفارة خالص طالما غسلتية كويس
حطي معاه وهو بيتسلق بصلة وحبهان وورقة لورو وفلفل اسود بتبقا جميلة