تجمع حوامل قطر لشهر ذو القعده *1430ه*

كروشاتي العزيزات اعذروني المنتدى بطئ ويمرض :(

بكرة باحط لكم الجدول من الدوام

يلا تصبحون على خير

انشق حلجي من كثر مااتثااوب خخخخخ

حبيبتي عقروبه مالج الا خياااط البحرين وهذا اذا فصل لج اعتقد بيقولل متأأخره!!

روحي له وشوفي الثياب عنده بيعجبونج ^.^

خالتي خذت حق حموووودي من البحرين يجنووون واحد بيج والشد بني والثاني ابيض والشد ذهبي شوفي اذا في احد ف البحرين يجيب لج ..

انا للعيد بالبسه ثوووب قطرري ومعاه ازره وغتره وعقال وبسسس^.^

لاشد ولا مترهل هههههههههههه

أأحلى ام

الف مبروووك البيبي بوي وحمدالله على سلامتج

صباااااااااااااااااااااااااااااااااااح النور

عفروبة مثل ماقالت لج هيوووبة

خياط البحرين او تحصلين بعد في سوق العلي

صباح الخيرات ..

بااااااااااااك قبل النوم خخخخخخ


الحمدلله العرس عدى على خير الله يبارك للمعاريس و يهنيهم و يرزقهم الذرية الصالحة .. قولوا آآآمين .. :)


ام الحلوووين / نور :: عاد لا تغترون وااايد تراني عاااااااااااااادية جدا :)
فديتكم انتوا الحلوين و اللي تجننون و كل شي .. والله احرجتوني و ان الله كتب بنشوف بعض ..


كااامي :: انا فلت لج من قبل اني اثق في ذوقج .. بس من اليوم صرت واااثقة مليووون في ذوقج ماشاءالله عليج ذووق وماعمرج مدحتي حد ما يكون تماام ..
الله يجزيج خير .. غانيا فنانة و عجبني شغلها و ناوية ان شاءالله احجز عندها المرة الجاية ..
ماقصرتي ام سوسو :)



.
.
.

باقول لكم عن لوكي -- كان كلاسيك شيك على كلام كل من شافني و صج انا اول مرة اطلع بهاللوك :

** الميك آب : لميا بوجيري .. طلبت منها مكياج مشمشي مع فضي .. فحطت لي المشمشي و شوي اورنج و تتشز بسيطة اسود و الفضي تحت الحواجب .. و بلاشر و روج مشمشي على اورنج .. وهي من قبل كانت مسوية الشادو المموه تحت العين بس هالمرة قلت لها غيري و رسمت عيني عادي .. فطلع مكياجي غير ..
عموماً كان ناعم حلووو و مايغير .. و كل وحدة فينا انا وخواتي مكياجها غير عن الثانية ..


** الشعر : غانيا .. بدعت في شعورنا بصراحة .. حبيت ستايلها و هو اللي ادوره من زمااان .. ابي وحدة فاهمة شغلها و تعرف شتسوي ..
تاخذ رايج شتحبين ماتحبين تبين كذا ماتبين كذا ... الخ .. تعاملها حلو و مريح و نفسيتها خفيفة .. وأهم شي مب هذارة بزيااادة ..

سوت لي شعري كله بالفير ..بعدين تبرم الخصل على خفيف و تثبتهم خاصة على الجوانب و فوق و من ورى يكون الشعر كله ويفي , قريبة من هالصورة : على ويفي اكثر و الشعر كله على ورى بس نزلت قذلتي على جنب ..






مع اكسسوار ناعم ..

العيب الوحيد بس انها تترس الشعر سبراي لكن شغلها ما عليه كلام ..


** فستاني :: اسود ستان مطفي طويل و من تحت واسع خذته من كوست دبنهامز ( فستان النجدة ) :






لبست معاه شال شيفون مشمشي ..و لفيته بطريقة مريحة و شيك .. و طلع حلووو .. بس بدون اي اضافات ثانية .. عشان يكمل اللوك لقيت المجوهرات انسب شي مع الفستان .. وصندل اسود .. ووبس شرحت وااايد .. :)

ماشااااااااااااااااااااااااء الله عليج دح دح الله يحفظج من الوصف كان لوكج كيووت يعني شي يبرد الخاطر الحمدلله ان شاااء الله العرس الجاي ان شاااء الله بعدتطعلين وواوو

والله يهني معاريسكم


وواول مرة اسمع عن غانيااا يبيلي احجزها حق عرس اختي بإذن الله

وعجبيني وصفج فستااااااااااان النجدة سبحان الله لازم فستان الطواري حق اللحظات الاخيرة اسوووود


وع قوووولة الماميزز دومج قمر

صباح الخير

شخبار الماميييييز والكروشات ؟

::

دوحانيه

ممكن رقم غانيا ؟ وشلون أسعارها ؟

::

عقربه

مثل ماقالوا الماميز .. خياط البحرين ويمكن تحصلين عنده جاهز

صباح الورد

عيوووني تحرررررقني :(

صباح الورد

عيوووني تحرررررقني :(

صباح النور عروس

ليش ما نمتي عدل ؟

كروشات قلبي عورني

على الشاب اللي توفى أمس يوم ينزل من الطيارة عنده تدريب سلاح الجو وطاح لأن الحلقة الموصلة له من الطيارة انكسرت فطااح

ايه عليه الله يرحمه عمره 20 سنة وتوه متزوج :(

الله يرحمه برحمته ويصبر اهله وزوجته ياااااااااارب ويمسح على قلوووووووبهم

الله يثبته عند السؤال

صباااااااااااااااااااح الخيرات والليرات

شخبارج اللولو شخبارج عروس

لولوة

امبلا نمت عدل

بس من فترة يصيدني حرقان في عيني :(

ب ر ب

بارتاح شوي

الله يرحمة يارب ويثبتة عند السؤال ويصبر اهلة يارب وياجرهم في مصابهم

عروس يمكن عينج صايدها جفاف ومحتاجة قطرة ترطيب

صباح النعاااااااس :(:(

صباح الخير

الله يرحمه ويغفر له..



امس ماكلين من مطعم هندي اليوم قايمة بطني يعورني :(