(قروب الرابح الأكبر) ....> معنا نحووو الرشاقة وقوام مشوقه

هلا قلبي لا تنقهري ولاشي بالعكس كذا يعطيك دافع انك تنزلي اكثر بالايام الجايه لاتحطمين
بس اهم شي تشدي ع نفسج شوي

وننطر نتيجة الاسبوع الجاي وان شاء الله اتكوني نازله

وبعدين القروب مارح يتقفل اذا تبون نكمل بنكمل وبنستمر لين كل وحده تحقق هدفها

مشكوره شهيرو ع القصه تشجيعيه وعقبال ماتصيري زيها وتلبسين الي تبينه

وعقبالنا احنا بعد

ايه والله القروب احسن واونس الكل يشجع ثاني الله يتمم علينا

بس عاد انا الحين بدون ثنائي:ss:

بشوف منو بيكون وياي ونشجع بعض

انا يومي كان عادي مره

مافطرت
وتغديت شمام بس

بس باقي الدبدوبات وينهم ماشوف الكم حس ابد:tongue:

امممممم

انا نظام الي اتبعه من الابر الصينيه طبعنا ماخد الابر بس اخذت نظام من عندهم

طبعنا اسبوعيا اروح الها وتعطيني نظام وكل اسبوع تقلل لي من سعرارت الحراريه

moonshadow508 ابشري من عيوني بحطه وكنت بحطه من اول بس انشغلت وكنت امس بنزله بس منتدى مقفل


وهذا هو نظامي لعيونك

طبعنا كتبت الي بالورق بالحرف الواحد

عدد السعرات الحرارية اليوم 1100 سعر حراري

الإفطار 200 سعر حراري

1/شريحة من الجبن الكرافت الخاليه الدسم + حلقات من طماطم والخيار + نصف خبز بر بالنخالة+ شاي اوقهوه بدون سكر

أو

2/ملعقة طعام ممسوحة من اللبنة + شريحتين توست بر+حلقات خيار + شاي اوقهوه بدون سكر

أو

3/6 ملاعق كورن فليكس+ نصف كوب حليب قليل الدسم + شاي بدون سكر بس أنا أحط سكر قليل أصلنا

ماينطاق بدون سكر

الغداء 400 سعر حراري

1/ طبق من السلطة بدون زيت مع تقليل من الجزر + نصف خبز بر بالنخالة + ربع من الدجاج المسلوق أو

المشوي + كبشة غرف من الخضار المشكلة بدون دهون مع تقليل من الجزر والبسلة والابتعاد عن البطاطس أنا

أحط بالخضار ماجي

أو

2/ طبق من السلطة الخضراء بدون زيت مع التقليل من الجزر + نصف خبز بر بالنخالة + ربع كيلو من السمك

المشوي أو المطهي داخل الفرن بدون دهون

أو

3/ طبق من السلطة الخضراء بدون زيت مع تقليل الجزر + نصف خبز بر بالنخالة + 12 حبه من الجمبري مشوي أو المطهي بالفرن

ملاحظه
يمكن استبدال الخبز بكوب من رز أنا أكل أربع ملاعق رز

طبعنا أنا بعض الحين ماتقيد بالمكتوب اكتفي بشمام بس

بين الوجبات 200 سعر حراري

كوب عصير برتقال طازج بدون سكر

العشاء 200 سعر الحراري

1/ شكشوكه عبارة عن بيض وحده ويمكن إضافة طماطم والبصل ولكن بدون زيت + نصف خبزبر

أو
2/ كوب زبادي القليل الدسم + شريحتين توست بر+ حلقات من الخيار

أو

3/ نصف علبة من التونة بعد تصفيتها من الزيت وإضافة الخل والليمون اليها + نصف خبز بر

أو

4/ شوربة كويكر عبارة عن ملعقتين من شوفان ويضاف اليها كمية الماء المرغوبة مع خضار + نصف خبز بر


بين الوجبات توخذ لمرة واحد 100 سعر الحراري

1/ حبة برتقال صغيرة الحجم +10 حبات كرز

أو

2/ حبة كمثرى متوسطة حجم

أو

3/ شريحة من الأناناس + 10 حبات كرز

أو


4/ حبة يوسفي متوسطه الحجم

أو

5/ حبة تفاحه متوسطة الحجم

أو


6/ ثلاث حبات كيوي

أو


7/ شريحة من البطيخ

أو


8/ شريحة من الشمام + حبة خوخ

أو

9/ حبة خوخ+ حبة تين
أو

10/ حبة من الفرو اله

نصائح عامة :

1/ ينصح بالإكثار من شرب السوائل الخالية من السعرات الحرارية طوال اليوم لما لها من ايجابيات في المساعدة على الرجيم كالمساعدة في تنشيط الدورة الدموية وتقليل نسبة احتمال الترسبات في الكلى والتقليل من تأثير الأحماض والإفرازات على المعدة الخالية

2/ ينصح بالإكثار من تناول الخضروات الطازجة مثل الخيار والخس والجرجير للشعور بالامتلاء والشبع ولتجنب الإمساك أثناء الرجيم

3/ينصح بشرب كوبين من الماء قبل الوجبة ب 10 دقائق وكوب أثناء الوجبة للإحساس بالشبع

4/ ينصح بالابتعاد عن السوائل المحتوية على السعرات الحرارية مثل العصائر سواء أن كانت طازجة اومعلبه والابتعاد عن المشروبات الغازية العادية

5/ ينصح بممارسة الرياضة المشي ويفضل أن تكون ساعة يوميا إذا أمكن ذلك

6/ينصح بممارسة رياضه البطن ( شفط البطن) باستمرار أثناء المشي أو الجلوس وذلك للمساعدة في تخلص من الكرش

7/ يسمح بشرب الشاي والقهوة واليانسون والنعناع والحبك مع استعمال المحلى الصناعي (الفور)

8/ يسمح باستخدام التوابل والبهارات والليمون والخل والبصل والثوم في تحضير الطعام ويفضل تقليل الملح

9/ يجب الابتعاد عن المكسرات بأنواعها والفسفس والحلويات بأنواعها

10/ يجب الالتزام بكمية الفاكهة المحدودة في البرنامج فقط

11/عدم وزن الجسم يوميا وإنما ينصح فقط كل عشرة أيام ومره واحدة في الأسبوع فقط في وضع سجل زمني بالوزن لتجنب الإحباط واليأس

12/ يجب الالتزام بالبرنامج الغذائي المحدد لتحقيق النتائج المرجوة

13/ يمكن تناول بسكويت نخالة بين الوجبات بدل الفاكهة .

اموول فديتج انااا من قدي عندي من يدافع عني

الله يوفقج يارب انتبهي لدرستج

المغرومه ماتشوفين شرررر

بس وين باقي القروب ماعد اشوف احد فيهم ام ادم وعهود ومليك وغيرهم عسى ماشرر

القروب مو حلووو صاير مره

شيهرو تعالي انضمي معاي شو رايج(a)

اما عن يومي راح يكون

فطوري راح يكون شاهي بدون سكر مع شاتوره

اهلين دبدوبات شلوونكم

عجبتك الفكرره شهيرو خلاص اقلبي اسود زيي

وكلامج صحيح لازم يكون في تنظيم شوي ..

الحين منو من الفرق اللي ماشي تمام معانا ؟
والله انا بشوف هذا الاسبوع منو الامستمر معنا لانه اغلب القروب ماشوفهم بنتظر واشوف ضروف كل وحده واذا كان بحاجه اني اضيف بنات بدالهم راح يصير شي هذا
ودي يكون في احصاء كامل لعددنا وكم فريق بالضبط ، خل نكون واضحين شوي بلييييز يعني اتمنى انا بعد اعرف شي هذا

عروسه مبروك نزول الوزن يلا شدي حيلك ونزلي اكثرر

شهيرو باقي عندك وقت وان شاء الله تنزلي وتوصلي لوزن الي تحلمين فيه

شهيرو الموضوع هذا للكل وشوركم بعد مهم يعني اخذو راحتكم والله انا تشتت مخي مو عارفه الفريق الباقي منو والي موموجود وهذا شي بيبين خلال الاسبوع هذا وبعيد تنظيم القروب حسب البنات الموجودت خلال الاسبوع هذي