تجمع وتجهيزات ورغي حوامل مصر لشهر شوال 1430( عيد الفطر المبارك )

هاى اميرة ازيك؟

يتصفح الموضوع حالياً: 3 (3 عضو و 0 ضيف) ‏دموع اشتياقي

DodyCat;10302687:
الله يسلمك يا هدى ربنا يقومك بالسلامة
الحمد لله دلوقتى وقف هو نقط بسيطة كده ربنا يستر وكلمنا الدكتورة دلوقتى الحمد لله ردت وهاروحلها بكره ان شاء الله

بقولك ماتوافقيش ان جوزك يسافر لوحدة لا طبعا روحى معاه ياما بلاش بصى انا مع انك تديله حريه اه شوية يخرج مع اصحابه لكن مش تفتحيها على البحرى ويسافر انجلترا لوحده نوووووووووووووووو
لازم يحس انه مبقاش زى زمان وكل اللى عايزة يعمله دلوقتى فى بيت وست هو مسؤول عنها وبنوته زى القمر ان شاء الله تيجى بالسلامة

هو مسافر مع صاحبه

و بيقولللى انتى طبعا وقتها مش هتقدرى تسافرى عشان البنت هتكون سغيرة ... و حرقلى دمى قوى

و لما قاللى انه مسافر فى شهر 3 انا شكيت لانه عيد جوازنا فى شهر 3 و احنا كنا متفقين ان احنا كل سنة نروح مكان و قلت انه عاملللى مفاجاة و هنسافر هناك لقيته جايبلى التذاكر تصوروا ...؟؟

دمى محروق منه قوووووووووووووى

CuTie KaTkOoTa;10302727:
شفتوا الجنان اللي عملناه اول يوم العيد بالليل، جوزي قاللي تيجي نسافر كانت ساعتها الساعة 1 بالليل، وهو كان نزل بيجيب حاجة، قاللي البسي وانا جاي دلوقتي عالطول ومش هطلع، المهم سافرنا اليكس الساعة 2 بالليل ووصلنا 5 الفجر، وطبعا :D:D:D استحالة نكررها تاني في الميعاد ده، عشان كنا هنموت من الجوع بعدها بساعة ولا حاجة وكل المحلات قافلة طبعا، مع ان كان فيه ناس والله كتير في الشارع وكنت مستغربة اوي، وكل ما نروح مطعم احنا عارفينه او مكان نلاقيه لسه مفتحش ويقولولنا علي الساعة 9 كده، المهم في الاخر فطرنا في ماك سموحة وطلعنا بعدها قعدنا علي الكورنيش في سان ستيفانو وقعدت اصور جوزي صور كتير في كل حتة عشان كانت ضاربة معاه تصوير اوي، وبعدين سافرنا تاني علي 9 باين وعدينا علي واحة عمر في الرجوع وقابلت هناك صاحبتي بالصدفة ومحدش فينا كان عارف ان التاني مسافر، وجبنا فطير مشلتت ومش وقشطة وعصاير من هناك، وصورته بردو مع الحيوانات اللي هناك، وكنت هتجنن واشيل غزالة صغيرة كده كانت كميلة خالص، ويادوبك وصلنا اخدنا دش ونمنا ساعة وهو قام تاني لبس ونزل علي الشغل عشان كان عنده اوفر تايم يومها شيفت بالليل، وانا اختي كانت جاية لماما علي الغدا، فنمت ساعة كمان وقمت وخلتهمهما اللي جم قعدوا معايا ومرضتش اتغدي إلا لما يرجع طبعا، واكلنا الغدا الساعة 1 بالليل :D:D، ودخلنا ننام وتاني يوم اللي هو النهاردة كان عنده شغل الصبح بقي، وانا قلقت معاه ومعرفتش انام تاني مع اني ملحقتش طبعا، وفضلت صاحية لغاية 1 الظهر، وبعدين نمت وظبطتالمنبه عشان اقوم اعمل الغداء قبل ميعاد وصوله، وكل ما يرن اجله نص ساعة وكل شوية تيجي تليفونات ومش قادرة ارد علي حد، كنت حاسة اني شاربة مخدر، وفي الاخر قمت لما هو رجع بالعافية، وسبته ينام وانا يادوبك من نصف ساعة بس كده خلصت الاكل وحطيته يستوي :o:o، يعني تقريبا ممكن ناكل علي 12 بالليل ولا حاجة :D:D

كل سنة و انتوا طيبين و ربنا يخليكم لبعض :D

و ريحى بقى كام يوم عشان مجهود اليومين الللى فاتوا دول مياثرش عيكى بعد الشر

البرج اليسر;10302738:
اللهم امين الحمد لله هي لغاية دلوقتي دافية بس رحت للدكتور قالي بداية برد ولو الحرارة عليت اديها مضاد حيوي

ان شاء الله خير و الحرارة مش هتعلى ان شاء الله

أمةالله;10302759:
دودي ألف سلامة عليكي يا بنتي

خدي بالك من نفسك والصراحة جوزك ملوش دعوة بحوار الشغالة أصلا ... ما هو بالعقل يعني شغل وحمل وتنضيف إزاي يعني؟؟

طمنيانا عليكي

(y) (y) (y)

DodyCat;10302772:
الله يسلمك يا مى يا قمر جوزى اترعب من الشغالات لأن حصل فى عيلته حالات سرقه من الشغالات
اللولى عامل ايه انا بدأت أحب الولاد اهه هههههههههههه

المفروض انه ميتدخش فى حوار الشغاة و صوابعك مش زى بعضها و المفروض اصلا انك تحرسى فى كل الاحوال

يعنى انا اشغاة بتاعتى امينة ما شاء الله

بس ما بتيجى بقفل على دهبى و عينى عليها فى كل حتة و بتعدى لكن فى حاجات كتير بصراحة الشغالة بتعملللها انا ايكن اعمها و مقدرش اصلا :)

البرج اليسر;10302789:
جزاك الله خير يا هدي علي سوالك عن يارا يارب يفرحك كده بالولي

آمييييييييييييييييييييين

DodyCat;10302797:
انا تعبت من القاعده هاقوم افرد ضهرى سلام وميرسى لكل اللى سئلو عليا

ربنا يطمننا عليكى يارب

love_me_more307;10303065:
السلام عليكم ازيكم يا بنات وحشتونى اووي
الحمد لله الحمد لله ربنا جبرني وماشاء الله ولا قوه الا بالله شوفت حبيب ماما النهارده وشوفت نبضات قلبه الحمد لله الف حمد وشكر ليك يارررب
وقالي ان الحمل دلوقت 6 اسابيع و6 ايام بس يا بنات كتبلي على حبوب مثبتات نوع واحد بس اخد واحده الصبح وواحده بالليل وكتبلي على حقنة بنسلين طويله المفعول كل اسبوعين مش عارفه ليه وبتووجع اووووووووووووي هل كل الحوامل بياخدوها ولا عشان انا قلتله ان عندي حرقان والتهابات وكتبلي على اسبرين اطفال بنات الاسبرين ده مش بيضر الحمل؟؟؟
وكمان كتبلي على لبوس مهبلي كده وقالي ده كويس بس ازاي اخد لبوس وانا حامل؟؟؟؟؟؟؟؟؟؟؟؟



يلا باركولي بئاا الحمد لله اطمنت واتبطيت ومعدتش هقلقكم معايااااا بحبكم اووي

ما شاء الله تبارك اللله

الف مبروك يا ندى ربنا يثبته و يحفظه يارب

و بانسبة ك اللى كتبوا الدكتور ده عادى

المثبت للاحتياط و مفيش منه اى ضرر

و اسبرين الاطفال بيدووه للضغط و كمان بيساعد عى زيادة السيولة فى الدم و بيوص الدم لبيبى احسن فى المشيمة و مفيش منه اى ضرر ان شاء الله الدكتور بتاعك بيعمل كل الاحتياطاات انه بعض الدكاترة بتاخف يكون فى تجلط فى الدم و الدم يوصلش للبيبى

اما البنسلين برضه عادى و آمن فى الحمل انا صاحبتى كانت بتاخده للالتهابات طول الحمل و جابت بنوتة زى القمر عقبالك

متقلقيش خاص و ريحى نفسيتك اهم حاجة

و فكرى فى انك ان شاء اله ربنا هيرزقك ببيبى جميل و بسسسسسسسس :)

دموع اشتياقي;10303643:
السلام عليكم

و عليكم السلام و رحمة الله و بركاته

ازيك يا ايمى ...؟؟

اخبار بودى و النونو ايه ...؟؟

عملتوا ايه فى العيد ...؟؟

اهه الحمد لله يا جميل خرجنا في سنتر كبير كده هنا فيه كل حاجه ملاهي ومحلات ومطاعم

اتمشينا ولاعبنا بودي واتعشينا وروحنا وكنا متغديين رنجه ممممممممممم وبصل اخضر بس الحمد لله كان يوم جميل

هدي هوه جوزك مسافر فين

دودو هو قرر خلاص يسافر؟؟
هو مش كان لسة بيسألك؟؟

مساء الخير ياقمرات

انا مش قريت حاجة من اللى فات بس لمحت اللى حصل لهدى وللأناناسة كان لازم تزحلقى الست دى يا هدى باى طريقة او اهم شئ انك طول الوقت طول الوقت تفضلى تقولى (( ماشاء الله لاقوة الا بالله )) بجد والله كانت حتحميكى انتى والنونو من عنيها .. يالا الحمد لله جات سليمة بس بلاش تخليها تيجى تانى اتحججى باى حاجة وخلعى نفسك دى الحلوة خوخة جات بعد دوخة ههههههههههههه ربنا يحفظك يارب انتى ونور ويباركلك فيها وتقوملنا بالف سلامة يارب

مبارك التجمع الجديد يابنات ووش الخير علينا باذن الله

صباح الخير علموجودين

صباح النور يا قمرة

ازيك يا جميل

تمام ياقمر انتى اخبارك ايه واخبارك الحمل

الدكتورة كتبالى دوا حديد حلو اوى اسمه فيروز - اف بس لازم يتمضغ طعمه سئ جدا ولونه بطعم الشيكولا بس وحش اوى
والكالسيوم اوسكال - 500 والحباية كبيرة جدا اكبر من الماترنا والله هههههههههه بتتبلع بالعافية والمشكلة انى كل ما ابلعها تتبلع بالعرض وتقف فى زورى مش عارفة ليه هههههههههههههههههههههههه

انتى فى الشهر الكام وبتاخدى علاج ايه ؟

اختارولى اسم يا بنات انا محتارة بين ادهم او معاذ

مع العلم ان ولادى اسمهم عمر و زياد

عايزة حاجة تبقى ماشية مع اسامى ولادى اختار ايه ادهم ولا معاذ

روشى واحشانى مووووووووووووووووووت يابت

اخبار الولاد ايه


انا من راى تسمى معاذ

انا باخد برضه فيروز ده بس مش لازم يتمضغ انا مكتوب عندي لا اما تبلعيه لا اما تشربيه عادي بميه

عمر وزياد ومعاذ ماشاء الله معاذ هيبقي حلو اوي

انا في الشهر السادس يا جميل ودوا الكالسيوم مش فاكره اسمه مكسله اقوم اشوفه ههههههههههههه

ودوا كمان مجموعه كده من الفيتامينات وبس

ازيك يا ايمى

الحمد لله يا فراشه يا جميله

ازى العيد فى السعوديه

اهئ اهئ متفكرنيش

لييييه بس