معا نحو جسم رشيق .. للجادات فقط (( الجزء6 ))

الباسقة;10152272:
اهلييييييييييييييييييين فيكي انا مقررة في رمضان ابي اسوي رجيم بس ماادري اذا شفت القهوة العربية و الكنافة وسبوسك مادري وش يصير فيني

UM_FOOFOO;10152329:

:ss:انا احاتي ودي مايخترب رجيمي وادعي صرااااحه حزت الحزه مادري هههههه:tongue:احاااول بذن الله اقاااوم مدري ماسوي فطووور ولا شي :tongue:واسوي رجيييم للكل رجيم اجباري هههه:(

الباسقة;10150110:
الحمد الله وخيييييييييييييييييييييرا ان فتح الموقع انواع عذاب وانفجار:confused::confused: اش خباركم مشتاقة لكم(f)(f) وسواليفكم خبروني عنكم يارشيقات ورجيم معاكم انا وزنت وزني هو بس
اهنيكم في شهر الخيرات والمحبة وجعلنا من صيامة وقيامه امين يارب
يومياتي صحيت (o)12 شربت (c)(c)(c) ماء وساعة 5 شاي مع نص خبز مع مسحة جبن
اليوم ما سويت رياضة كل الاسبوع وانا امشي :tongue: بكرا امشي بئذن الله

bright moon;10150942:
مرحبااا بنات كيفكم مشتاااقتلكم

(f)شهر مبارك وكل عام وأنتم بخير وتقبل الله منا ومنكم صالح الأعمال(f)

وأخيرا المنتدى رجع طفشني بصراحه وكنت مشتاقتلكم والدايت من دونكم ملخبط :ss:

UM_FOOFOO;10152235:

اخبارنا بخير مشتاقين لكم اكثر

الموقع سوى لنا اعصاب ههههههههه

عندك نظاام في رمضان راح تمشين عليه ولا رمضااان وبركاته:D

على طاري بو العيال ..

اول ما شافني بالمطار .. رمقني بنظرة متكررة من فوق راسي لتحت رجولي بس من شاف نوووف الظاهر نسى اني موجودة :confused: سلمنا عليه وهبش بالنوووف كانت واحشته اكثر مني :confused:المهم ما قالي خافة ولا ضعفانة .. يوم ثاني الصبح يقولي خافة شوي بس يبيلج بعد :( قلت في روحي ايييييييييييييه ميخالف .. شعلي انا منك المهم ثيابي وسعو .. باليوم الثالث لما لبست الصبح ورحت الشغل شاف الثياب علي كنت البسهم يوم كنت امتن قالي اييه تراج خافة جد بس يبيلج بعد:ss: باليوم الرابع الي هو الجمعة .. كنت مضطرة اروح الشغل عشان اصلح برنامج غلط طالع على التلفزيون .. ولما رجعت بالليل قالي هيييييييييييييييه يا ام نوووووف الحين صج لااااااااحظت.. الكرش نصها اختفى والتضاريس ماكو الا خفيف منها .. لا لا من جد خفيتي وااااااااااااااااااااااااااااااااااااااااااااااجد .. بس تبانين نازلة اكثر من الميزان :cool: انا هني كان بيغمى علي من جد .. الحين يقولي يبي نقعد نرتب امورنا عشان متى انا امشي رياضة ومتى هو يمشي :D .. قالي الشهر الجاي هذولي الثياب ارميهم كلهم خلاص صارو وساع ومبهدلين يبيلج ثياب جدد .. :D من جد بنااااااااات تنانيري صارو طوال لانهم خقو .. والبناطلين ما ينمسكون الا لما اكفس البطن مرتين .. والاقمصة صارت اقمصة حوامل .. خخخ
صلو على النبي يا بنااااااااات .. تراني بتشقق .. انتظر يوم الاحد بفارغ الصبر عشان انزل لكم وزني الجديد ويارب اكون نزلت اكثر لاني من جد وزنت مرة ثانية ولقيتني انزل من 106 :D ..

الحين نجي لليوميات ..
اول امس الحميس ..
بديت اليوم بكوب شاي حليب بالهيل ..
وبس لحد ما رجعت البيت على الساعة 8 بالليل
اكلت البطيخ الاحمر صحن .. وشربت عصير التوت
تقريبا ثلاث اكوا ب .. ما اكلت طو اليوم لاني كنت مشغولة
جدا بالشغل فنسيت الاكل خير شر ..

وطبعا الي اكلته المغرب هذا كان سحوري :ss:...
الجمعة الحمد لله بدينا صيام رمضان ..
وكان فطوري .. صحن صغير جدا سلطة واكلتها نصها بعد ..
ووعمتي مسوية ثريد مرقة دجاج ..
فأكلت كم قطعة من لحم الفخد لدجاجة .. وكوسة بطاطا الي بالمرق
واكلت زبدية صغيرة شوربة دجاج بالخضار ..
وكله عمايل عمتي ربي يحفظها ..
وماي ..
السحور كان الساعة 11 شربت استكانة شاي صغيرة
وبعدها بساعة كوب كوفي حليب خالي من السكر ..
ولما رجعت البيت من عند اختي شربت كاس عصير توت ..
ورحت انام ..
وبس ...

rooroona;10154117:
حمدلله على سلامة زوجك..نورلك بيتك... الله لا يحرمكم منه يارب(f)

ياقلبي والله اني حاسة بشعورك..عقبال تنزلين السوق وتشترين مقاس 10 وتصيري مانيكان ..
الله يوفقك يارب
والف عافية على قلبك الي اكلتيه ..
والله يكون بعوننا جميعا..

بسمة طفله;10152639:
صباح الخير رشيقاااات
^_____^

برنامجي أن شاء الرحمن في رمضان بيكون

قبل الفطور رياضه نص ساعه


الفطور 3 تمرات قهوه ماء

بعدها كوب من الزنجبيل والشاي الاخضر


بعد الصلاه وجبه خفيفه فواكه او عصير اناناس او زبادي قليل الدسم او صدر دجاجه + سلطه

بعدها بنص ساعه 2كوب شاي اخضر مع زنجبيل


السحور الوقت السحري للتخسيييس

خيارة +لبن زبادي اناناس او قريب فروت

2كوب من الخلطه

وربنا يوفقنااااا وننزل وزن ويعيننا على الصيام والقيام وقراءة القران

درة البحرين;10153696:

BrOoNzYa

:rolleyes: الله واكبر انا ظالمتج ههههههههههههههههههههههههههههههههههههه
عموما ميخالف يا ام مكدونالدز والهمبرقر ..
الحين اتركي عنج الرمس الفاضي وواصلي قبل لا انا اوصل لج واطوفج بعد
وانا اقول على الاقل كيلو ونص ولا من عدنه مولية ..
خلاص خليني اشجعج .. براااااااااااافو برروونز وزيدي الكيلوات الناقصة المرة الجاية (y)

بسمة طفله;10152639:
صباح الخير رشيقاااات
^_____^

برنامجي أن شاء الرحمن في رمضان بيكون

قبل الفطور رياضه نص ساعه


الفطور 3 تمرات قهوه ماء

بعدها كوب من الزنجبيل والشاي الاخضر


بعد الصلاه وجبه خفيفه فواكه او عصير اناناس او زبادي قليل الدسم او صدر دجاجه + سلطه

بعدها بنص ساعه 2كوب شاي اخضر مع زنجبيل


السحور الوقت السحري للتخسيييس

خيارة +لبن زبادي اناناس او قريب فروت

2كوب من الخلطه

وربنا يوفقنااااا وننزل وزن ويعيننا على الصيام والقيام وقراءة القران

درة البحرين;10154834:

بنشووووووووف .. وان ما نزلتيه تطلعي ياهل بنص كلمة :tongue:
وما بناديج الا البزر برونو ..

بالعاااااااااااااااااااااافية على قلبج بس خففي الرز والفيمتو اصلا كله شكر ..

بس تعالي قولي لي شسالفتج لون خطج اسود؟؟

شدعوة الحين رمضان لو محرم؟

ههههههههههههههههههههههه دبة

درة البحرين;10154843:

اليوم تفطرت الاتي ..

سلطة صحن صغير ..

ربع صحن مرقة دجاج اكلت اكثر شي فيها الدجاج ..

واكيد البطيخ الاحمر لانه حياتي ..

وبدأت فطوري بزبدية شوربة دجاج واكلتها كلها اليوم

وبعدين شربت ماي وبعدها عصير توت ..

وحسيت روحي حدي طفحت للعلم اني نهائيا ما ثقلت

واكلي مثل ما شفتو خفيف جدا والكمية قليلة ..

كله من البطيخ الاحمر خخ ..

المهم ركبت وبعد نص ساعة سويت رياضة لمدة 20 دقيقة

سويت كل شي اعرفه واقدر عليه ..

وبعد ما سبحت جيتكم اكتب اليوميات وبروح اشوف تلفزيون شوي ..

تشااااااااااااااو

ساسي الدلع;10155053:

ساسي الدلع تهنيكم (( برمضان المبارك )) .. و كل عام و انتوا بالف خير حبيباتي :)

و اخيرا فتح المنتدى أووووف ما بغى حشا :mad:

المهم أنا قررت أن برمضان اخفف اكلي و امشي فالاسبووع ع الاقل مرتين ..

اليووم فطرت شوربه +1 ملعقه سلطة بالبيض + 1 ملعقه سباغيتي بالسبانخ << ما كملتها لانها ما عجبتني + 2 سمبوسه و شربت نص كووب تانج ..

بس الصراحه حسيت عمرري خفيفه لاني ما كلت شرات دوووم :tongue::tongue:

و بعد صلاة التراويح كلت 4 حبات بطيخ .. و بعدها شربت شاي أخضر بالليموون ..

اليووم حاولت امشي بس حبيبي تعذر انه تعبان فبحاول اسووي تمارين بالبيت (( أحسن من لا شي )) ..

ساسي الدلع;10155067:
دروووه <<< قرت عينج حبيبتي برجعت أبو العيال :)

بروونزيه <<< مبررروك اللي نزلتيه الغلا (y)

باقي البنات الله يوفقكم حبيباتي .. و عساكم ع القوووه :D

ساسي الدلع;10155202:
بنااات بعد شووي راح اتسحر يعني ع ال 1 ونص تقريبا ..

و سحوري بيكوون سندويش أسمر بالتكه المشويه + شوية سلطه ..