تجمع بنات مصر الراغبات في جسم رشيق

على فكره يا غاده انا كمان من المنصوره انتى منين منها

roro8484;9803312:
بصى يا توفى انا هديكى الصفحه الى فيها الربط خدى الرابط الى مكتوب عليه
استخدم هذا النص في (التوقيع, المشاركات, المواضيع)
هذا عبارة عن رابط جاهز لإستخدامه في المنتدى
وهتظهر كويس عندك
http://www.forums.3roos.com/uploader.php?do=details&id=53676

انا عارفه اني طلبتي كتير بس بردو في مشكله بتظهر ليه رساله من الاداره ان في مشكله علي العموم انا هحول مره تاني وانشاء الله تنجح
شكرا علي اهتمامك

بصى يا توفى خدى رابط الصوره الى عطهولك فى الاول وانتى دورى على ايكونه فوق مربعه اما تشوارى عليها بالماوس هتكتبلك انشاء صوره حطى الرابط فيها وان شاء الله تظهر


هده هي ايقونة ~~>



http://forums.3roos.com/uploaded/235767_01245748021.gif

* كلاسيك *;9802791:
هى دى ايه tapi rollant


المشاية يعني يا بيبو ولا ايه


انا مش بعمل رياضة بس ماشية كويس ف الريجيم

وباخد خلطه كده كان دكتور شيخ بيجي ف الخليجية

قال عليها للى مش بيمشوا وحركتهم قليلة


قولولي تقصدوا ايه بدي

وهل يا بيبو الأوبتراك حلو ولا لأ المشاية بجد غالية اوى بغباء يعني :(

tapi roulant قصدها على المشاية
انا اللى عندى الاوربتراك ومعاه عداد بيعد ضربات القلب والسعرات الحرارية والمسافة
الاوربتراك ما شاء الله رائع.. المشكلة بس مش عارفة اداوم عليه على طول لانى مش دايما قاعدة فى بيتى.. بس لما بستعمله بحس كأنى بجرى كل حاجة فى جسمى بتتحرك.. وكمان مش غالى زى المشاية.. هو تقريبا ب650 جنيه وموجود فى التوحيد والنور.. لكن المشاية عشان تجيبى واحدة بالكهربا بتبقى معدية الالفين ونص تقريبًا...
ايه بقى الخلطة دى؟؟؟

فطارى يا بنات النهارده عملت 2 بيضه مسلوقه وقطعه توست عله جبنه قريش

اولا ازيكو يابنات عجبني التجمع ده واوعدكو اول ما اتجوز ان شاء الله هاجى :D

اولكشي عشان انا الحمدلله الحمدلله جسمي ناو كويس اوى

طولى 168 ووزنى بين 58 و 60 الحمدلله رب العالمين

بس شغلتى الشاغل البطنننن

الحمدلله ماليش بردو

بس كل خوفي بعد الجواز عاوزة احافظ ع وزنة وجسمي

الحمدلله من دلوأتى دايما مواظبه ع تمارين شد عضلات البطن

وكل الى متجوزين يحاولو يعملوها عالاقل وهما قاعدين فالبيت او نايمين

بتفرج ع ام بي سي فور في برنامج اسمو ذا دكتورز

بيعلم كل التمارين لكل المناطق

فحاولو وكمان يابنات فالولادة هتبقي اسهل بكتير ان شاء الله وهترجع البطن زى ما هى حتى ولو قيصري الله لا يكتبها ع كل الزوجات يارب

مساء الخير يا بنات

انا كنت داخله اسأل علي الاوربتراك هههههههههههههههههه و الحمد لله اول ما دخلت لقيت الاجابه في وشي

بس بجد يا بيبو انتي مرتاحه معاه .... طيب قوليلي انتي بتروحي لدكتور تعملي رجيم ولا ماشيه مع نفسك

و يتري خسيتي قد ايه

قصة كبيرة;9803541:

tapi roulant قصدها على المشاية
انا اللى عندى الاوربتراك ومعاه عداد بيعد ضربات القلب والسعرات الحرارية والمسافة
الاوربتراك ما شاء الله رائع.. المشكلة بس مش عارفة اداوم عليه على طول لانى مش دايما قاعدة فى بيتى.. بس لما بستعمله بحس كأنى بجرى كل حاجة فى جسمى بتتحرك.. وكمان مش غالى زى المشاية.. هو تقريبا ب650 جنيه وموجود فى التوحيد والنور.. لكن المشاية عشان تجيبى واحدة بالكهربا بتبقى معدية الالفين ونص تقريبًا...
ايه بقى الخلطة دى؟؟؟

طيب كويس

سعره حلو اوى

ان شاء الله اقول لبابا يجيبهولي ولما اتجوز ان شاء الله

اضحك عليه واخده وانا ماشية :D

شريرة (6)


منا بسأل لأنى عارفه اسعار المشايات

لو لقيتي واحده يعني مش قد كده مش اقل من الفين جنية

وممكن تبقى نص عمر لأن المانيول ف حدود 1500


الخلطه بقى يا ستي


كمون + شمر + اكليل الجبل + مرمية + بذور كرفس + بردقوش

و روند لو في امساك من الريجيم

انا بشربها مرة على الريق بدون سكر

وساعات المغرب مش بكتر عن كده لأن اكيد اى حاجة لو زادت

عن حدها ممكن تضر بس هو كان قايل 3 مرات انا اكتفيت باتنين

وهو دكتور عبد الكريم الصفدي معروف جداً

nemonamanemo;9803852:
مساء الخير يا بنات

انا كنت داخله اسأل علي الاوربتراك هههههههههههههههههه و الحمد لله اول ما دخلت لقيت الاجابه في وشي

بس بجد يا بيبو انتي مرتاحه معاه .... طيب قوليلي انتي بتروحي لدكتور تعملي رجيم ولا ماشيه مع نفسك

و يتري خسيتي قد ايه

بصى انا لسة جايباه بس مش لحقت العب عليه كتير لدرجة انى اخس.. يعنى يادوب خمس مرات كده كل مرة عشر دقايق تقريبا... مش بلعب عليه كتير عشان جوزى بيسافر دايما فباجى اقعد عند ماما :ss: وكمان جوزى كل مايشوفنى عليه يقولى ماتطوليش أحسن تكونى حامل ويحصلك حاجة :ss: وطبعا الحاجات دى عايزة مداومة.. بس بجد هو حلو قوى قوى قوى وبحس ان جسمى كله بيتحرك .. انا عايزة اقولك ان بعد الكام مرة دول حسيت بفرق وانا بطلع السلم مثلا النهجان قل وبقيت بطلع اسرع .. ما شاء الله انا عاجبنى جدا.. وكمان اعرف بنات بيروحوا جيم وهناك فى الجيم المدربة قالت انه احلى من المشاية ...
انا مش بروح لدكتور ولا حاجة وبحاول اخفف بس فى الاكل لانى مش بعرف اعمل ريجيم.. فأنا قولت الرياضة هتبقى أفضل عشان كمان تشد الجسم وتخلى الواحد عنده لياقة وتقينا من امراض السن بعد كده ان شاء الله.
ولسة مش لحقت خسيت لأن اكتر حاجة بحبها فى الاكل البطاطس المحمرة :D بس الوزن بكرة وربنا يستر

* كلاسيك *;9803877:
طيب كويس

سعره حلو اوى

ان شاء الله اقول لبابا يجيبهولي ولما اتجوز ان شاء الله

اضحك عليه واخده وانا ماشية :D

شريرة (6)


منا بسأل لأنى عارفه اسعار المشايات

لو لقيتي واحده يعني مش قد كده مش اقل من الفين جنية

وممكن تبقى نص عمر لأن المانيول ف حدود 1500


الخلطه بقى يا ستي


كمون + شمر + اكليل الجبل + مرمية + بذور كرفس + بردقوش

و روند لو في امساك من الريجيم

انا بشربها مرة على الريق بدون سكر

وساعات المغرب مش بكتر عن كده لأن اكيد اى حاجة لو زادت

عن حدها ممكن تضر بس هو كان قايل 3 مرات انا اكتفيت باتنين

وهو دكتور عبد الكريم الصفدي معروف جداً

اهااااااااا
انا جربت خلطات زى دى قبل كده بس مش داومت عليها عشان طعمها ماقدرتش استحمله.. أهم حاجة بس خلى بالك.. سمعت والله أعلم ان شرب الكمون كتير بيزود هرمون البرولاكتين -هرمون اللبن- وده زيادته بيأثر على الحمل بعد كده.. وأنا كنت بشرب كمون فى الفترة الاخيرة عشان التخسيس ولقيت الهرمون بعد كده زاد عندى وانا حاليا بتعالج .. الله أعلم دى صدفة ولا فعلا لها علاقة ببعض.. عامة خلى بالك...
بس الكرفس طبعا معروف انه حلو جدا.. وممكن الواحدة تمضغ كرفس بين الوجبات .. بفكر أجرب الموضوع ده بس مش عارفة طعمه هيبقى عامل ازاى ماكالتوش لوحده قبل كده..
والبردقوش كمان بيخسس شوية وبينزل المياه فى الجسم وبيظبط الهرمونات جامد ان شاء الله..

* كلاسيك *;9802791:
هى دى ايه tapi rollant


المشاية يعني يا بيبو ولا ايه


انا مش بعمل رياضة بس ماشية كويس ف الريجيم

وباخد خلطه كده كان دكتور شيخ بيجي ف الخليجية

قال عليها للى مش بيمشوا وحركتهم قليلة


قولولي تقصدوا ايه بدي

وهل يا بيبو الأوبتراك حلو ولا لأ المشاية بجد غالية اوى بغباء يعني :(

الاوربتراك احلى بكتير من المشايه لانها بتحرك الجسم كله

ممكن تكتبي الخلطة دي ايه وياترى فعلا جايبه معاكي نتيجه ؟

توفي نودي;9802898:
انا انهرده مرحتش الجيم مليش نفس و بعدين لقيت نفسي زيده نصف كيلو معرفش ليه بقول يمكن من نظام التمر واللبن انا بقالي 3 ايام عليه وساعات مبخدش غير وجبه وحده مش عرفه اكمل فيه ولا ايه بس خيفه اكمل فيه القي نفسي زيده اكتر قلولي اعمل ايه

هو الرجيم بتاع التمر بيخسس وانا كنت ماشيه عليه بس مكنتش باخد ال 7 بلحات كنت باخد 4 بس وخسيت عليه

ghadasoliman;9803398:
ممكن انضم ليكو يابنات انا اختكوا في الوزن الزايد واللي زاد اكتر بعد الجواز
ممكن تتبنوني

اهلا بيكي معانا نورتي واهك حاجة الجدية والالتزام وتدخلي باستمرار تعرفينا يومك كان ازاي من اكل ورياضة
ويوم الخميس من كل اسبوع بيبقى يوم الوزن ان شاء الله

شجعتيني اجيبه اوى يا بيبو

ان شاء الله اقول لبابا عليه

برضه دكتور بهاء ناجى شكر فيه وبيقول انه بيعمل شيب حلو للجسم

شكل يعني بالافرنجي :D

بيبو الرياضة لوحدها طبعا مش هتخسس بالعكس انتي هتلاقي نفسك بتزيدي في الوزن لان الرياضة بتكون عضلات والعضلات بتقل الجسم

وكمان يا حبيبتي 10 دقايق دي مش هتحرق 50 سعره اصلا

وكمان عشان نبدا نحرق دهون لازم نلعب رياضة اكتر من 20 دقيقة لان اول 20 دقيقة بيحرقوا الكربوهيدرات وبعد كدة يبدا في حرق الدهون يعني لعب الرياضة مايكنش اقل من نص ساعه

ومعلش اتعودي تاكلي اكل صحي مش لازم رجيم بس حاولي تطبخي من غير زيت وسمنه

والله انا باكل كل حاجة من غير زيت وسمنه وطعمها لذيذ جدا

والحاجة اللى بتضرك المفروض تكرهيها مش تحبيها يعني البطاطس المحمرة دي ملهاش اي فايدة لازم نعود نفسنا احنا اللى نتحكم في الاكل مش الاكل اللى يتحكم فينا

الوزن بكرةوانا متحمسة جدا حاسة نفسي خفيفة اوي وبطني نازلة كتير بشكل ملحوظ ان شاء الله كمان الميزان الاقيه نازل

وانتوا كمان ان شاء الله

ان شاء الله يا نانى بس للاسف انا معنديش ميزان وبوزن نفسي يوم الاحد لما انزل فعزرينى انا وهبقى اعرفكوا وزنى لما انزل ان شاء الله اروح لماما يوم الاحد

انا وزنت نفسى
والحمد لله نزلت كيلو واحد بس

بنات انا رورة من مصر.. ممكن اشترك معاكو

انا متزوجة وأم لطفلين وعندي 26 سنة وشريط الوزن فتوقيعي كافي ليحكيلكو حكايتي..

المهم، انا ببدأ معاكو من يوم السبت القادم إن شاء الله، يعني من بداية الأسبوع الجاي هيكون يوم 27-6-2009

وإن شاء الله هيكون نظامي التخفيف.. يعني بس النوم من غير عشا.. والفطار بس كوب نسكافه مع حليب قليل الدسم + سكر دايت.
أما الغدا هيكون عادي من أكل البيت..

ومشي نصف ساعة في اليوم إن شاء الله أو اكتر، لأني ناوية انزل اشتري الجهاز بأمر الله يوم السبت القادم ادعولي بس اتوفق في جهاز مشي كويس.. ومفيش حاجة تحصل تعطل الموضوع

هدفي إني اخس 10 كيلو في الشهر.. يعني هدفي 01-08-2009 يكون وزني إن شاء الله وصل ل85 كيلو

وانا الحين 95.600 كجم

إدعولي لأن عندي اكتئاب فظيع من السمنة الي انا فيها

ومتوفقين إن شاء الله

roro8484;9805889:
ان شاء الله يا نانى بس للاسف انا معنديش ميزان وبوزن نفسي يوم الاحد لما انزل فعزرينى انا وهبقى اعرفكوا وزنى لما انزل ان شاء الله اروح لماما يوم الاحد

اوك يا رورو يا حبيبتي انتي تؤمري ومستنينك وزنك الجديد يوم الاحد وان شاء الله تكوني نازلة

قصة كبيرة;9807992:
انا وزنت نفسى
والحمد لله نزلت كيلو واحد بس

مبروووووووووك يا بيبو مش مهم كيلو المهم انك بتنزلي ودة اللى احنا عايزينه المهم ان مفيش زيادة ولا ثبات وزن

بس ياريت تكتبي انتي كنتي كام وبقيتي كام كدة يعني عشان البنات تتشجع ويبقى في متابعه للناس الجديدة
ودي بدايه كويسة هتشجعك وحاولي بالترديج تاكلي الاكل الصحي

رورة;9808039:
بنات انا رورة من مصر.. ممكن اشترك معاكو

انا متزوجة وأم لطفلين وعندي 26 سنة وشريط الوزن فتوقيعي كافي ليحكيلكو حكايتي..

المهم، انا ببدأ معاكو من يوم السبت القادم إن شاء الله، يعني من بداية الأسبوع الجاي هيكون يوم 27-6-2009

وإن شاء الله هيكون نظامي التخفيف.. يعني بس النوم من غير عشا.. والفطار بس كوب نسكافه مع حليب قليل الدسم + سكر دايت.
أما الغدا هيكون عادي من أكل البيت..

ومشي نصف ساعة في اليوم إن شاء الله أو اكتر، لأني ناوية انزل اشتري الجهاز بأمر الله يوم السبت القادم ادعولي بس اتوفق في جهاز مشي كويس.. ومفيش حاجة تحصل تعطل الموضوع

هدفي إني اخس 10 كيلو في الشهر.. يعني هدفي 01-08-2009 يكون وزني إن شاء الله وصل ل85 كيلو

وانا الحين 95.600 كجم

إدعولي لأن عندي اكتئاب فظيع من السمنة الي انا فيها

ومتوفقين إن شاء الله

اهلا بيكي معانا حبيبتي وان شاء الله تخيسي معانا بصحة اهم حاجة تيجي تدخلي كل يوم تكتبي يومك عامل ازاي عشان تحسي بتشجيع وان ناس بتابعك

وان شاء الله تلاقي جهاز حلو والاحسن لو لقيتي اوربتراك
وان شاء الله تحققي هدفك

وحاولي كمان في اكل البيت العادي انك تبعدي عن المقليات على قد ماتقدري وتخليكي في المشوي والمسلوق ليكوا كلكوا
واستخدمي الزيت في الطبخ في اضيق الحدود وبلاش معالق السمنه اللى بنملى بيها الاكل
وربنا معاكي ان شاءالله

صباح الفل يا احلى رشيقات

انا اتوزنت الحمد لله ومبسوطة اوي لاني كنت 68 ودلوقت بقيت 67 بالظبط (اصل عندي ميزان ديجيتال فبيطله بالجرامات عشان كدة بقول بالظبط )

يعني نزلت كيلو الحمد لله فرحانه اوي لان دة يعتبر معدل كويس جدا ليا لان الوزن كل ما يقل معدل النزول بيكون بطيء

وفطاري النهاردة ان شاء الله برتقاله وتفاحة

والغدا جمبري مع بصل وفص توم وبهارات ونقطتين ليمون هحطهم على النار يستوا مع بعض من غير اي دهون وهاكلهم بنص رغيف عيش اسمر مع السلطة


والعشا موحد دايما بيكون زبادي لايت او كوب حليب لايت

انا ناوية ان شاء الله يا نانى لما ارجع بيتى اطبخ من غير زيت وكده.. انا بس الايام دى عند ماما وماما بتحط سمنة كتير فى الاكل :S

انا كنت 80 كيلو وبقيت 79 كيلو... وحاسة ان جسمى هبط شوية..

انا معاكى فعلا فى ان الرياضة لازم تكون اكتر من نص ساعة.. انا بس الوقت اللى فات ماكنتش بلحق العب كتير كان بيبقى فى ظروف وكده وجوزى كان قاعدلى على الواحدة زى مابيقولوا :D

وانتى عملتى ايه فى الوزن؟

مبروك يا نانى الحمد لله :D

يارب كلنا نخس ونفضل بصحتنا وكويسين ونبقى احلى فى عيون اجوازنا