تجمع بنات مصر الراغبات في جسم رشيق

بنات كنت من كام يوم دخلت وقولتلكم اني هنزلكم انظمة الرجيم اللي عندي
معلش اتاخرت عليكم بس معرفش المنتدى كان ماله مش راضي يفتح معايا خالص ولا صفحة منه في اي قسم
***المهم ****
هبدأ معاكم بقايمة السعرات الحرارية في بعض الاطعمة ودي جبتها من الدكاترة اللي رحتلهم بنفسي

ص = ملعقة صغير 5 جم ، ك = ملعقة كبيرة 15 جم
ق = قطعة ، ح = حبة
كوب = 240 مل
**********************************
أرز محشي .ك = 20.5 سعر
أرز أبيض مسلوق .ك= 12.5
أرز أحمر ( ببصلة محمرة وصلصلة ).ك =50
ايس كريم .ك =28
اناناس عصير كوب = 200
اوز 26 جم = 100
ارنب 86 جم = 100
بسلة .ك = 20
باذنجان . ك = 7
بامية 13 ملعقة كبيرة = 8
بتي فور . ق 10جم = 40
بران فليكس 3/4 كوب اي 180 مل = 100
برتقال - يوسفي ح 50جم = 40
برقوق ح 33 جم = 19
بسبوسة ق ص 30جم = 100
بسطرمة 35 جم = 100
بسكويت ق 50جم = 50
بسكويت أسمر حجم وسط ق 33 جم = 33
بصل حجم متوسط ثمرة = 17
بط 26 جم = 100
بطاطا مشوية ق متوسطة = 100
بطاطس مسلوقة ق متوسطة 37 جم = 40
بطاطس شيبسي 9 شرائح = 100
بطيخ قطع 100 جم = 28
بقلاوة ق ص 26 جم = 100
بلح . ج = 19
بيضة مسلوقة = 80
بيضة مقلية = 100
بيف برجر ق 50 جم = 100
تفاح . ح كبيرة = 100 ( وهو من أفيد الفواكه للرجيم )
تونة معلبة في الزيت 80 جم = 100
تونة معلبة في ماء 120جم = 100
تين حجم كبير ح = 33
جاتوه ق 64 جم = 200
جبن ابيض ملعقة ك = 50
جبن شيدر 25 جم = 100.
جبن قريش 1/2 كوب 120 مل = 100
جبن قليل الدسم ملعقة ك = 25
جبن كامل الدسم 27 جم = 100
جبن كيري مكعب 60جم = 200
جبن مثلثات 15 جم = 50
جبن موزيرلا ملعقة ك = 40
جريب فروت ح 90جم = 40
جزر حجم كبير ح = 25
جوز هند مفروم 17 جم = 100
جلي بالسكر 38 جم = 100
جوافة ح 100جم = 100
حلاوة طحينية ملعقة ك = 75
حليب بالشوكلاتة كوب = 200
حمص ملعقة ك = 67
خبز بلدي ابيض حجم وسط 1/3 رغيف = 100
خبز توست حجم وسط = 67
خبز عربي اسمر حجم وسط 1/4 رغيب = 100
خرشوف 130 جم = 100
خس حجم وسط حزمة = 100
خضار مشكل ملعقةك = 17
خميرة بيرة جافة 29 جم = 100 ( مهمة جدا للشعر والبشرة لأنها غنية بفيتامين بي و بعض الاحماض الامينية ومفيد ايضاً للرجيم ممكن اخذ ملعقتين صغيرة على نص كوب ماء يوميا قبل الفطار بنص ساعة )
خميرة خبز مضغوطة 91 جم = 100
خوخ 50 جم = 50
خيار كبير ح = 17
وللحديث بقية (f)
رجاء لو عجتكم مشاركتي قيموني :D

هدير مطر;9789567:
السلام عليكم

ازيكم يا قمرات
حبيت اقولكم شويه معلومات من اللي انا عرفتها كويس
الموضوع ده هيفيدنا اوي

http://forums.3roos.com/t462155.html

كمان الطبيعه اللي ربنا خالقها في جسمنا سبحانه بتخلي نسبه الحرق تقل الصبح من بعد الساعه 11 يعني يا حلوين الفطار لااااازم يبقي قبل الساعه 11
كمان احنا ممكن نهيأ معدتنا للاكل بأفراز انزيمات الهضم وده بيبقي عن طريق شرب من نص ل 2 كوبايه ميه قبل الاكل بنص ساعه، طبعا بنمضغ الاكل ببطأ علشان نشبع كويس وياريت نغرف في اطباق كبيره لان عينك بتفهم الطبق الكبير ان الاكل اللي فيه كميه كبيره حتي لو كانت صغيره يعني انا بفرد كميه اللاكل بتاعتي في طبق كبير عشان اوهم دماغي انها كميه كبيره
مممم ايه كمان،اه، لينا في اليوم معلقتين سكر متوزعين علي مدار اليوم وممكن نشرب مشروبات عادي بدون سكر عايزه اقولكو كمان ان ممكن نستبدل معلقتين السكر ب معلقتين عسل ابيض بنات مش عايزين نستخدم سكر دايت علشان جسمنا يتعود يقلل السكر العادي اللي بنستخدمه ويبقي ده اسلوب حياه بعد كده, كمان التوست الدايت الدكتور حذرني منه وقالي بيسحب الكالسيوم اللي في الجسم.. احنا مش ناقصين بالله عليكم
طبعا الاجبان المطبوخه زي الكيري وغيرها والمربات والمكسرات والمشروبات الغازيه والفينو والحلويات والمخللات ممنوعه
طيب هناكل
الثابت في الاكل يا حلوين الخضره او السلطه يعني
والعيش نص رغيف بلدي اسمر من بتاع الفرن بلاش الابيض
او بداله خمس معالق رز او مكرونه معالق اكل طبعا
الفطار يا حلوين عندنا اختيارات
- 4 معالق فول بمعلقه زيت ولمون وملح
-2 قرص طعميه ودي مره واحده في الاسبوع
-بيضايه مسلوقه وحته جبنه قريش قد البيضايه
كمان ممكن
-كوبايه بليله بس طبعا ركزوا في السكر لان كوبايه بليله = نص رغيف بلدي
وبجد بتشبع يا بنات

فطرنا الحمدلله
نستني ساعه علي ما ناخد حبايه فاكهه لو عايزين ولينا في اليوم 3 حبايات فاكهه
او 6 شرايح بطيخ او شمام او 6 وحدات فراوله او 4 مشمشات

في معلومه مهمه يا بنات وهي اننا مش لازم نجوع عشان ما نلخبطش والمفروض يبقي بين الوجبات مش اكتر من خمس ساعات

طيب هنتغدي يبقي الكلام ده من الساعه 2 للساعه 4 وبلاش ياريت نتأخر عن كده
الغدا بقي زي ماحنا عارفين
سلطه ثابته
نص رغيف او خمس معالق رز ثابتين
وخضار ني في ني
معاهم
- ربع فرخه بدون جلد مسلوقه او مشويه
- قطعه لحم بدون دهن
-كبده مره واحده في الاسبوع
- سمك مشوي
- علبه تونه مصفاه صغيره
كمان ممكن ناكل المفاجأه الكبيره محشي


اه والله مسموح وده لو صغير زي ورق العنب او الكرنب مسموح ب 10 صوابع
ولو كبير زي البتنجان او الكوسه او الفلفل مسموح ب 4 وياريت نكتر الخضره فيه

بعد الغدا بساعتين بردو لينا حبايه فاكهه تانيه

العشا بقي يا بنوتات يا حلوين زي الفطار
وممكن نستبدل الجبنه بكوب زبادي بدون وش

بنات عايزه اقولكم اني كنت بعمل زيكم وامنع نفسي من الاكل وادوخ واتعب
وبعدين لاقيت الدكتور بيقولي انه مش عايزني اخس اكتر من 2 كيلو في الاسبوع
لاني لما هخس ببطء لو في زياده هتبقي ببطء ده غير ان الاسلوب ده بيخلي مفيش ترهلات ولا لاقدر الله الدهون تقل فجأه فحاجه من الاعضاء الداخليه اللي الدهون شايلاها تتأثر
بنات لازم نمشي في اليوم ولو نص ساعه
حاجه اخيره
لواستعنا بالله علي حق عشان نخس عشان نحافظ علي نعمه الصحه اللي ربنا مديهالنا وعشان نرضي ازواجنا ابتغاء وجه الكريم وانا قولت عشان نفسنا وصحتنا الاول
بجد ربنا هيكرمنا حتي لو ببطء بس ان شاء الله هنحقق هدفنا
-جربو تعملوا كل حاجه بالتسبيح الموضوع هيفرق كتير
لو سبحتي وانتي بتطبخي سبحان الله الطبيخ هيطلع حلو
لو سبحتي وانتي ماشيه عشان تخسي ان شاء الله تخسي
وهتبقي كسبتي الدنيا والاخره
ويارب اكون افدتكم
وعايزين نشجع بعض في المشي عشان انا بخس ببطء لاني مش لاقيه حد يشجعني في المشي
اسيبكم في رعايه الله

ما شاء الله عليكي يا ديرا عجبتني اوي مداخلتك دي يا قمر المعلومات والترتيب واسلوب الكلام (شكلك دمك خفيف ) بجد ربنا يجازيكي خير عن معلوماتك لأنها مهمة
بالنسبة لموضوع الكالسيوم اعتقد اننا ممكن نعوضة عن طريق رفع نسبة اللبن منزوع الدسم والزبادي منزوع الدسم والجبنة القريش والاسماك فبالتالي نعوض اللي هيسحبه العيش ده ان صح كلام الدكتور بتاعك في النقطة دي انا فعلا كنت سمعت ان العيش السن بيجيب هشاشة

بنات انا نزلت بليل وزنت نفسي كنت بدات دايت يوم 14/6
كان وزنى 88.8
ووزنى النهارده لقيته83

مبروك يا رورو وفي تقدم مستمر ان شاء الله

كنت بدور على النت على حاجة ولقيت الموضوع ده فنقلته
ماهو ما مفهوم السعرةالحراريةاوالكالوري...؟؟؟

جسم الإنسان يحتاج إلى 1 من السعرات الحرارية لكل كيلوجرام من وزنه في كل ساعة زمنية ليعمل للاحتراق الداخلي، أي أن الجسم يحتاج إلى هذه السعرات لكي تعمل جميع أعضائه وأجهزته مثل جهاز التنفس وضخ الدم والتفكير......
الإنسان الذي يزن 70 كيلو جراماً يحتاج إلى 70*24*1= 1680 سعراً حرارياً خلال أربع وعشرين ساعة. هذا الرقم هو ما يحتاج إليه الجسم ليعمل دون أي مجهودات إضافية
ولحساب السعرات التي يحتاج إليهاالإنسان ليعمل هناك ثلاثة معدلات تختلف باختلاف الجهد الذي يبذله الإنسان، ...
فإذا كان هذا الإنسان قليل الحركة (كأن يعمل في مكتب) يكون معدل احتياجه هو 1.3 سعر حراري لكل كيلوجرام من وزنه، ويكون حساب احتياجه كالتالي:
70 كيلوجراماً *24 ساعة*1.3= 2184 سعراً حرارياً.
وإذا كان يبذل مجهوداً متوسطاً فإن معدل احتياجه يزيد ليصبح 1.4لكل كيلو جرام من وزنه. ويكون حساب احتياجه كالتالي:
70 كيلو جراماً*24ساعة * 1.4= 2352 سعراً حرارياً.
وإما إذا كان يعمل عملاً مجهداًجسدياً فإنه يحتاج إلى 1.5 سعر حراري لكل كيلو جرام من وزنه. ويكون حساب احتياجه كالتالي
.70 كيلو جراماً * 24 ساعة * 1.5= 2520 سعراً حرارياً.
بعد حساب مايحتاجه جسم من سعرات حراريه يمكن
وضع جدول يناسب ويكون اقل قليلآ من عدد السعرات الحرارية المطلوبة للجسم
وعند ممارسة نشاط رياضي دائم ستجد نفسك قد ازحت وهم اسمه الرجيم سيطر على عقولنا بلاتفكير...
.وستجدي انك قد تعودت على تناول الطعام المفيد الفقير في محتواه من الدهون والسكريات.......
منقول

الله يخليكى يا جوى والف شكر على المعلومات المهمه دى

فطارى النهارده يا بنات شربت كوب شاى اخضر و4 معالق فول بدون زيت وبيضه مسلوقه وكوب لبن منزوع الدسم

العفو يا قمر انا في الخدمة والقايمة لسه ليها باقي هنزله قريب ان شاء الله

على فكرة بقى انا من امبارح وانا عمالة ادور في لوحة تحكم العضو بتاعتي عشان اشوف منين اعمل توقع واحط فيه اللوجو بتاعك ومش عارفة لما احوليت

وكمان كنت طلبت منكم يا بنات حد يعلمني ازاي اعملي اكتر من اقتباس في نفس المداخلة و محدش عبرني

انا لغايه دلوقت يا جوى مبعرفش ازاى اعمل اكتر من اقتباس فى مشاركه واحده ياريت حد يعرفنا

بالنسبه للتوقيع تقريبا يا جوى انتى لسه عضوة جديده لازم مشركاتك تبقى 100 مشاركه عشان الاداره تفاعلك خاصيه التوقيع

roro8484;9814463:
انا لغايه دلوقت يا جوى مبعرفش ازاى اعمل اكتر من اقتباس فى مشاركه واحده ياريت حد يعرفنا

بالنسبه للتوقيع تقريبا يا جوى انتى لسه عضوة جديده لازم مشركاتك تبقى 100 مشاركه عشان الاداره تفاعلك خاصيه التوقيع

يا شيخة
غريبة دي اول مرة اشوف منتدى فيه الخاصية دي عموما انا معاكم وخلاص بتوقيع او بدون وشكرا للآفادة يا رورو

[FRAME="13 70"]
مبروووووووووووووووووووووك يا رورو بجد هايل الي نزلتيه كملي على كدا وانشاء الله الكل ينول مرادو انا استعملت قاطع الشاهية زين الاتات وماشي معايا هايل جدااااااااااا وكنت بستعمل الذهبية وتو بستعمل الخشبية مع الجري يوم بعد يوم انا طولي 1.65 ووزني75 انشاء الله ناوية انزل الخمسة كويس انشاء االله وكمان السكر في القهوة حاولي تحطي مكعب واحد وحاولي تقنعي نفسك انتي العزيمة هيا الكل وانشاء الله هنا في المنتدى حنشجع نفسنا
[/FRAME]

بنات انا فطرت انهاردة كوباية ونص لبن منزوع الدسم وعليهم معلقتين ص خميرة
والغداء ان شاء الله تونة دايت وخيار وطماطم وطبعا شاي اخضر طول اليوم انا بضيفله مرمرية كنت قريت مرة انها مفيدة برضو في الرجيم وانها كمان بتظبط الهرمونات وتساعد على تنزيل البريود وانا متاخرة عندي بقالها حوالي 3 شهور او اكتر بس اعتقد انه ده بسبب ادوية الاكتئاب اللي كنت باخدها

ايه يا بنات انتو بتقفلو يوم الجمعة والا ايه انا عمالة الالي مع نفسي هنا من الصبح

النهاردة اليوم المفتوح

شكلنا كلنا فتحناها ع البحري

هههههههههههه

انا اكلت بيتزا هيييييييييييه

roro8484;9814463:
انا لغايه دلوقت يا جوى مبعرفش ازاى اعمل اكتر من اقتباس فى مشاركه واحده ياريت حد يعرفنا

بالنسبه للتوقيع تقريبا يا جوى انتى لسه عضوة جديده لازم مشركاتك تبقى 100 مشاركه عشان الاداره تفاعلك خاصيه التوقيع

بصى يا جميل بالنسبه للاقتباس المتعدد
هتلاقى جنب الايقونه اللى بتعملى منها اقتباس ايقونه تانيه مكتوب عليها اقتباس متعدد
اضغطى عليها هيتعمل حواليها دايره حمرا
افضلى اضغطى على كل رد عايزه تعملى له اقتباس لحد اخر رد اعملى اقتباس بس
هتلاقى الردود ورا بعض وتردى على كل واحد براحتك
بس متعمليش اقتباسات كتير فى المره الواحده اعتقد اكتر من 10 مش بيظهر تقريبا

على طريق العرس;9818595:
بصى يا جميل بالنسبه للاقتباس المتعدد
هتلاقى جنب الايقونه اللى بتعملى منها اقتباس ايقونه تانيه مكتوب عليها اقتباس متعدد
اضغطى عليها هيتعمل حواليها دايره حمرا
افضلى اضغطى على كل رد عايزه تعملى له اقتباس لحد اخر رد اعملى اقتباس بس
هتلاقى الردود ورا بعض وتردى على كل واحد براحتك
بس متعمليش اقتباسات كتير فى المره الواحده اعتقد اكتر من 10 مش بيظهر تقريبا

شكرا يا قمر نورتي المحكمة:D
انتو فين يا بنات انا حاسة بوحدة منغيركم:confused:
عااااااااااااااااااااااااااااااااااااااااااااااااااااااااااااااااااااااااااااا

في ايه يا جماعة هي الاجازة الاسبوعية الجمعة والسبت :qaq:
طب مش كان حد يقوللي :sad:

طب لما ترجعو بالسلامة بصو على اللنكين دول حلوين اوي
منتديات عروس - مشاهدة المشاركة منفردة - بنت عذاري (تمارين بالصور و لبشرة بلا تشققات وبلا تصبغات من بنت عذارى)
منتديات عروس - مشاهدة المشاركة منفردة - بالداخل ( تمارين بنت عذاري للتخلص من الكرش وترهل البطن وشد الظهر والأفخاذ والأرداف)

وحشتوووووووووووووووووني

الف الف مبروك يا رورو يارب تفضلي كده علي طول ومن غير حسد هههههههههههههه

جوي معلوماتك حلوه جدا وخصوصا انا كان نفسي اعرف سعرات الخميره اد ايه تسلم اديكي وانتي مش لوحدك يا قمر انا موجوده اهو

كان ورايه حاجات في شقتي خلصتها وجيت قلت ادخل اشفكم عملين ايه
انا انهارده فطرت جبنه قريش ونسكافيه
واتغديت سمك وسلطه
ومش هتعشه لاني مش جعانه

المهم طمنوني عليكم كلكم

اه علي فكره يا جوي حجات بنت عذاري روعه انا عملت مقشر شهر العسل طلع يجنن جربي حجتها مش هتندمي ربنا يبارك لها بجد

السلام عليكم ازيكم يا بنات
معلش انا امبارح كنت مسافره عشان كده مادخلتش وموضوع الاداره ده عصبني عشان طلعوني في الاخر مش مؤدبه عشان مجموعه المقبلات علي الزواج اللي كنت عاملاها
يلا ماعلينا
رورو مبروك النزول وتكملي علي خير بأذن الله وعوقبالنا كلنا
جوي الحنين ربنا يباركلك يا قمر وان شاء الله توصلي للوزن اللي انتي عايزاه
انا امبارح الحمدلله مالخبطتش في الاكل رغم ان حماتي كانت عامله اكل طعم خالص
وانهارده الحمدلله فطرت نص رغيف بلدي و 1 جبنه كيري و2 معلقه مبربي دايت وكوبايه زبادي
واتغديت 2 بيض وبتنجان مخلل انا متبلاه بس مسلوق
والعشا لسه بفكر فيه
انا هدير مطر بالمناسبه

توفي نودي;9824733:

جوي معلوماتك حلوه جدا وخصوصا انا كان نفسي اعرف سعرات الخميره اد ايه تسلم اديكي وانتي مش لوحدك يا قمر انا موجوده اهو

كان ورايه حاجات في شقتي خلصتها وجيت قلت ادخل اشفكم عملين ايه
انا انهارده فطرت جبنه قريش ونسكافيه
واتغديت سمك وسلطه ومش هتعشه لاني مش جعانه

المهم طمنوني عليكم كلكم

اه علي فكره يا جوي حجات بنت عذاري روعه انا عملت مقشر شهر العسل طلع يجنن جربي حجتها مش هتندمي ربنا يبارك لها بجد

تسلمي يا جميل ويا رب تخلصي شقتك على خير ان شاء الله
وبالنسبة لحاجات بنت عذاري هي فعلا شكلها تحفة وهجرب منها ان شاء الله بس المهم في موضوعنا هنا التمارين اللي هي عملاها خصوصا بتاعة الصدر لأني عندي ترهلات فظيعة في المنطقة دي

*حبيبة حبيبي*;9825201:
السلام عليكم ازيكم يا بنات
معلش انا امبارح كنت مسافره عشان كده مادخلتش وموضوع الاداره ده عصبني عشان طلعوني في الاخر مش مؤدبه عشان مجموعه المقبلات علي الزواج اللي كنت عاملاها
يلا ماعلينا
رورو مبروك النزول وتكملي علي خير بأذن الله وعوقبالنا كلنا
جوي الحنين ربنا يباركلك يا قمر وان شاء الله توصلي للوزن اللي انتي عايزاه
انا امبارح الحمدلله مالخبطتش في الاكل رغم ان حماتي كانت عامله اكل طعم خالص
وانهارده الحمدلله فطرت نص رغيف بلدي و 1 جبنه كيري و2 معلقه مبربي دايت وكوبايه زبادي
واتغديت 2 بيض وبتنجان مخلل انا متبلاه بس مسلوق
والعشا لسه بفكر فيه
انا هدير مطر بالمناسبه

حمدلله على السلامة يا ديرا كويس انك عاملة حسابك وليكي اسمين على المنتدى حبيبة حبيبي ده حلو اوي
و آمين على دعائك اني اوصل للوزن اللي عايزاه
وبرافو عليكي انك قاومتي اكل حماتك الطعم (f)
وانا برضو لسه متعشتش بس مليش نفس خالص

عن عائشة رضي الله عنها كانت تأمر بالتلبينة للمريض و للمحزون على الهالك ، و كانت تقول : إني سمعت رسول الله صلى الله عليه و سلم يقول : " إن التلبينة تَجُمُّ فؤاد المريض ، و تذهب ببعض الحَزَن " . صحيح البخاري في الطب 5689
وقد أثبتت الدراسات العلمية أن الشعير يخفض كولسترول الدم حيث يدخل في صناعة الكبد للكولسترول . و نشرت مجلة ليبيدز عام 1985 مقالاً حول فوائد الشعير و غيره من النباتات في معالجة ارتفاع كولسترول الدم جاء فيه : لقد قام خبراء من قسم الزراعة في أمريكا في إجراء بحوث على الشعير فتبين أنه يحتوي على ثلاثة عناصر كلها تقوم بخفض كولسترول الدم و فيه مواد كيميائية تثبِّط فعل المواد المُسَرطنة في الأمعاء .

و هذا يظهر الإعجاز فيقول النبي صلى الله عليه و سلم : " التلبينة مجمة لفؤاد المريض " أي مريحة لقلب المريض .

والجدير بالذكر أن الشعير غني بالألياف ، و لهذا فقد أجريت تجارب على المرضى المصابين بالإمساك المزمن ، فأعطي فيها هؤلاء البسكويت المصنوع من الشعير فتبين أنَّ 80 % من هؤلاء الذين تناولوا ثلاثة أقراص من بسكويت الشعير يومياً قد شفوا تماماً من الإمساك و أقلعوا عن استعمال المسهلات .

ممكن تعملوها بلبن منزوع الدسم مفيدة للرجيم وكفاية انها سنه بس ادام بتقلل الكولسترول يبقى حلوة للرجيم
هي بتتجاب من عند العطار وبتحطي 3 كوبيات لبن عليهم معلقة ونص طعام شعير وتفضلي تقلبي فيهم لحد ما يغلي عشان ميلزقش