أنوش;10769271:
هاي يا بنات عاملين ايه ؟
اهلا بكل البنوتات اللي انضمو معانا يارب نوصل لهدفنا كلنا بسرعة امين
انا النهارده انا كنت متسوحة برا البيت من 11 الصبح للساعة 6 ونص بليل
ماكلتش اي حاجه من ساعة العك اللي عكيتو امبارح بليل بس لما جيت النهارده لقيت ماما عاملة ملوخية وفته ولحمه عاااااااااا
روحت اكتفيت بطبق شوربه صغير باللمون افتتحت بيه الاكل وبعدين شربت نص طبق ملوخيه صغير وقطعت فيه شرحتين لحمه مسلوقه حجمهم متوسط وبس كده لان كنت بنام وانا باكل اصلا
وانا صحيت دلوقت لو حسيت ان جعانة هاكول نص تفاحة او تفاحة صغيره وبس كده :)
شاطرة ياانوش استمرى
الحب هو الحياة;10770033:
انا النهاردة صحيت فطرت بيضين وكوباية لبن ونزلت ورجعت متاخرة متغديتش
رجعت عملت طبق سلطة كبيرة واكلت بعده فروت سلاط ولو جوعت حاعمل شاى اخضر كمان شوية
جدعة ياتوتى يلا الهمة
ناني فيبس;10771288:
وعندي خبر حلو
النهاردة قلت اقف على الميزان اشوف ايه الاخبار مع انه غلط اعمل كدة بس مش هعمل كدة تانيه
لقيت وزني 69.3 فرحت اوي :D:D واتشجعت اني استمر الحمد لله نزلت تقريبا اكتر من كيلو ونص
مبروك يانانى ايوة كدة افتحوا نفسنا
meroo012;10771525:خدووووووووووووونى معاكو يا بنات
انا وزنى 72 كيلو
طولى 173
مش تخينه لا بس عايزة انزل حوالى 4 5 كيلو كدة :worn_out:
ابتديت من دلوقتى
شربت شاى بلبن ( دة اساسى ) قبل مانزل الشغل
و ف الشغل دلوقتى جايبه معايا ( نص رغيف جبنه قريش بطماطم ) :thumbs_down:
وبرتقاله
هاكل الساندويتش وشاى سادة دلوقتى وعلى الساعه 2 الظهر هاكل البرتقاله والغدااا ان شاءء الله خفييف
تشجيع بقى عشان انا دمى حامى :mad:
ميروووو ميرو اوة اوة ههههههههههه ادينى بشجعك اهو
nemonamanemo;10771718:
صباح الخير يا بنات انا فطرت ربع رغيف و 3 معالق فول و بيضه و كوبايه لبن و الغدا ان شاء الله فراخ في الفرن و خضار و العشا ان شاء الله فاكهه
اشرى;10771785:ازيكم يا رشيقات المستقبل بأذن الله
اناا امبارح بوظت فى الشعا شوية قولت لنفسى معلشى والنهاردة فطرت كوب شاى بلبن وبقسماط والغد لسة مش عارفة
بلاش يااشرى بقسماط دكتورتى قالتلى اربع بقسماط برغيف عيش كامل انا عندى تاكلى نص رغيف ببيض او جبنة قريش احسن وافيد
اشرى;10772058:بقولكم يا بنات انا لقيت المعلومة دى وقولت افيدكم بيها هى خاصة بالمكسرات واهميتها بس طبعا منكترش منها كل شئ بالمعقول
المكسرات فوائد بالجمله
تسلم ايدك وتم التقييم وعلى فكرة الدكتورة سمحالى بحلاوة بالبندق
meroo012;10772089:على فكرة انى خوفتينى بجد بجد :'(:o
لان ناس كتير بتقولى كدة وانا اللى مش ف بالى بس خطيبى قالى لو تخنتى بعد الجواز مش هاسمحك ابدا وانا اقولو لا لا متخفش دة عشان نفسى الاول مش عشانك
ههههههههههه على راى الشاعر المحبوب عمرو دياب كلهم بيقولوا كدة فى الاول:)
أنوش;10773114:
ازيكم يا حلوات يارب تكونو بخير
ناني keep it up وعقبال ما توصلي لمرادك ان شاءالله
ولكم لكل البنات اللي انضمت لينا يارب توصلو لهدفكم باسرع وقت
الحمدلله يابنات انا بئالي بتاع 5 ايام مبطله الشيبسي والشيكولاته بشكل نهائي وبسم الله ماشاءالله والله اكبر مفيش ولا حبايه طلعتلي في وشي ولسه ماما بتقولي وشك حلو اوي يارب يديمها عليا
الفطار انا نزلت الصبح بدري كان عندي كورسات وملحقتش افطر بس لما جيت من شوية اكلت معلقتين جبنه قريش ببقدونس وخيار وزيت زتون .. وهسلق بيضه اكولها
والغدا ان شاءالله هعمل سلطه تونة ( تونه من غير زيت + زتون اسود + بصل مقطع + فلفل اخضر + شويه عصير لمون )
والعشا بإذن الله توست بجبنه كيري وتفاحة
جدعة ياانوش بس بلاش الكيرى بالليل عشان فيها دهون وتعتبر تقيلة لو بتحبيهاخليها فى الفطار
* كلاسيك *;10773498:
انا مش عايزة شاارك علشان اتعقدت وزهقت
رايحة بكرة للدكتور وربنا يستر ميرمنيش بحاجة ف وشي :(
بس انا عايزة اقولكم 4 حاجات مهمة قالي عليها مهمة جداً للريجيم
و عدمها بيسبب الكوارث اللى احنا فيها
1- تنظيم مواعيد الأكل على ان يكون بين كل وجبة والتانية 6 ساعات :(
2- عدم الشرب بين الكل نهااااااااااااااااائياً
3 - عدم تفويت اى وجبة نهااااااااااائياً
4- عدم النوم بعد اى وجبة نهاااااااااااائياً
والحمد لله انا مشكلتي بس ف الاولى :(
ليه كدة بقى يابنتى قولتيلى انه عاملك نظام دلع يبقى ايه المشكلة
وبعدين على فكرة معلومة ماتشربيش نهائى بين الوجبات مش صح خالص لانك كل ماتكترى فى شرب الماية كل متحرقى سعرات حرارية اعلى ولا تقصدى فى وسط الاكل؟
y.choclate;10774307:
بنات انا عايزه ابدا معاكو من بكره بقي ان شاء الله
انا طولي 163
ووزني 64
عايزه ابقي 60
هو انا كان نفسي ابقي 58 بس قولت بلاش طمع
مشكلتي تتركز فالبطن ورجليا من فوق اللي هي الافخاد الباقي زي الفل
حتي لما بخس شويه بطني مش بتبقي فلات بالذات البطن من تحت
وانا بدات انزل الشغل تاني وعايزاكوا تشجعوني عشان خطيبي محزرني من التخن وانا تخنت
ربنا معاكى ياقمر وشدى الهمة
انا بقى يابنات عندى الاسبوع ده 3 ايام نشويات ودهون وبروتين و3 بروتين وسلطة وخضار