انا النهاردة فطرت نص رغيف عيش اسمر بجبنه بيضا ملح خفيف وبقدونس
اهتموا يا بنات بالاوراق الخضرا لانها مهمة اوي اوي للبشرة والشعر
دايما حطوا بقدونس وكسبرة خضرا في طبق السلطة بيخلي طعمها تحفة
الغدا ان شاء الله فراخ في الفرن وسلطة
والعشا تقريبا يوميا فاكهة
وعندي خبر حلو
النهاردة قلت اقف على الميزان اشوف ايه الاخبار مع انه غلط اعمل كدة بس مش هعمل كدة تانيه
لقيت وزني 69.3 فرحت اوي :D:D واتشجعت اني استمر الحمد لله نزلت تقريبا اكتر من كيلو ونص
.* اميرة *.;10767462:
اصل بصى يعنى ايه كل يوم بطاطس والغدا سمك طب واللحوم والفراخ والحاجات التانية كدة بتحرمى جسمك من حاجة وبتديله حاجة بزيادة جدا
عندك حق انا معاكي في الكلام دة وفعلا انا شايفة اننا نختار اكل صحي بمزاجنا احسن لان الورتين دة بيزهق وادينا بندخل نقول لبعض بناكل ايه وبناخد من بعض افكار عشان ما نزهقش من اكل معين
خبيره ميكب وشعر كيراتين;10768650:
وانا كمان ياريت معاكم
علشان مليت شويه بعد الولاده
اهلا بيكي معانا ادخلي كل يوم واكتبي وجباتك على مدار اليوم وان شاء الله تتشجعي وتاخدي كمان افكار من وجباتنا
أنوش;10769271:
هاي يا بنات عاملين ايه ؟
اهلا بكل البنوتات اللي انضمو معانا يارب نوصل لهدفنا كلنا بسرعة امين
انا النهارده انا كنت متسوحة برا البيت من 11 الصبح للساعة 6 ونص بليل
ماكلتش اي حاجه من ساعة العك اللي عكيتو امبارح بليل بس لما جيت النهارده لقيت ماما عاملة ملوخية وفته ولحمه عاااااااااا
روحت اكتفيت بطبق شوربه صغير باللمون افتتحت بيه الاكل وبعدين شربت نص طبق ملوخيه صغير وقطعت فيه شرحتين لحمه مسلوقه حجمهم متوسط وبس كده لان كنت بنام وانا باكل اصلا
وانا صحيت دلوقت لو حسيت ان جعانة هاكول نص تفاحة او تفاحة صغيره وبس كده :)
بصي يا انوشه ياريت بعد كدة خلي معاكي اي فاكهة وانتي برا وكمان معلقة عشان تحاولي تشتري علبة زبادي عشان غلط تفضلي اكتر من 5 ساعات من غير اكل عشان كدة الجسم بيخزن الوجبه اللى هتاكليها بعد الفترة الطويله دي ومش هيحرقها
لكن لما بناكل حاجة بسيطة بنزود بيها الحرق
تعرفي ان التفاحة الوحدة عشان تتهضم بتحتاج 160 سعره الجسم بيحرقها
وبالهنا والشفا الغدا ايوة كدة برافو عليكي مش عايزين اي اغراءات تاثر في عزيمتنا