تجمع بنات مصر الراغبات في جسم رشيق

جوى الحنين;10091895:
ازيك يا مرهفة المشاعر
يعني ايه سلندر على البطن دي ؟
وماشاء الله عليكي فعلا انك وصلتي للوزن ده في المدة دي ربنا معاكي ويوفقك

ازيك ياجوي ان شاء الله تكوني بخير وربنا ييسر لكك امورك ويريح بالك يارب
السلندر ده زي جهاز كده فيه ذبذبات كهربائيه بيتحط علي البطن عشان يحفز الخلايا الدهنيه ويشد عضلات البطن ده طبعا مع النظام الغذائي وتمارين البطن

انا كنت عند الدكتور امبارح ونزلت كيلو الحمد لله بقيت 81 ونص ادعولي بقي العيد اوصل ل 75 حتي
النظام لحد يوم الخميس عباره عن
الافطار: 4 معالق فول + خضروات
الغدا : جبنه قريش وبرضه خضروات
العشا: 2 زبادي خالي الدسم + خيار ومفيش اي فتفوته عيش الاربع ايام دول:(
بصراحه انا لما بللتزم بلاقي نتيجه كويسه ولما بلغبط :o
حنين86 انا جيت ابعتلك وانتي معطله استقبال الرسائل شغلي الخاصيه عشان ابعتلك الرد

ما شاء الله الله اكبر يا مرهفة المشاعر
بصراحة فتحتى نفسي على الريجيم تانى حسستيني ان فى امل( و عمر كمان):D
بس فى حاجة عاوزة اسألك عليها انتى ستايل لبسك ايه و لما خسيتى بتلبسي ازاى ؟
اصلى سعات بستهبل و اقول طيب لو خسيت هلبس اييه و هرجع اجيب لبس تاااااااااانى؟؟؟:D
ربنا يكرمك يا رب و تحققى كل اللى تتمنيه
و ابعتيلي تانى انا ضيفتك كصديقه عندى و على فكرة انا مش قاصدة انى اقفل الرسايل بس بصراحه مش عارفه اعملها منين:o
و قوليلي بقى السلندر دا جهاز الذبذبات اللى هو عبارة عن 4 دواير كده بتتحط على بطنك و بتعمل ذبذبات على الجسم و لا انا بتكلم على حاجه تانية؟؟

ااه رحت للدكتور متابعة يوم السبت لقتنى زايدة كيلو كمان بقيت 111 كجم و نفسيتى بقت زفت اكتر و بقيت اكل اكتر و من يومها و انا عمالة اكل فى مانجة و فطير بلدى و ...و..... و كل يوم اقول هبدأ من بكرة


بس بجد بجد انا باذنك يا رب نويت ابدأ من بكرة فعلا لما شفت كلام مرهفة اتشجعت ربنا يحميها و يكملها على خير يا رب
باذن الله همشي على الريجيم بتاع الدكتور و هرووح اتابع يوم الاتنين الجاى ان شاء الله و هقولكو على النتيجه
الريجيم بقى عبارة عن
الفطار:ربع رغيف و بيضة و كوب لبن منزوع الدسم

الغدا:اليوم الاول :صدر فرخه و خضار سوتية و ثمرة فاكهة
اليوم التانى :2 بيضه مسلوقه او جبنة قريش و ربع رغيف و ثمرة فاكهه
اليوم التالت:جبنة بطماطم و ربع رغيف
اليوم الرابع و الخامس:2 سمكه مشوية و سلطة
اليوم السادس و السابع :3 ثمرات فاكهه

العشاء:اختار نوع من :
-سلطة خضراء
-2 ثمرة فاكهه
-2 بقسماط سن و كوب زبادى
-2 كوب زبادى
-كوب لبن

حنين86;10102575:
ااه رحت للدكتور متابعة يوم السبت لقتنى زايدة كيلو كمان بقيت 111 كجم و نفسيتى بقت زفت اكتر و بقيت اكل اكتر و من يومها و انا عمالة اكل فى مانجة و فطير بلدى و ...و..... و كل يوم اقول هبدأ من بكرة


بس بجد بجد انا باذنك يا رب نويت ابدأ من بكرة فعلا لما شفت كلام مرهفة اتشجعت ربنا يحميها و يكملها على خير يا رب
باذن الله همشي على الريجيم بتاع الدكتور و هرووح اتابع يوم الاتنين الجاى ان شاء الله و هقولكو على النتيجه
الريجيم بقى عبارة عن
الفطار:ربع رغيف و بيضة و كوب لبن منزوع الدسم

الغدا:اليوم الاول :صدر فرخه و خضار سوتية و ثمرة فاكهة
اليوم التانى :2 بيضه مسلوقه او جبنة قريش و ربع رغيف و ثمرة فاكهه
اليوم التالت:جبنة بطماطم و ربع رغيف
اليوم الرابع و الخامس:2 سمكه مشوية و سلطة
اليوم السادس و السابع :3 ثمرات فاكهه

العشاء:اختار نوع من :
-سلطة خضراء
-2 ثمرة فاكهه
-2 بقسماط سن و كوب زبادى
-2 كوب زبادى
-كوب لبن

حنين86;10102468:
ما شاء الله الله اكبر يا مرهفة المشاعر
بصراحة فتحتى نفسي على الريجيم تانى حسستيني ان فى امل( و عمر كمان):D
بس فى حاجة عاوزة اسألك عليها انتى ستايل لبسك ايه و لما خسيتى بتلبسي ازاى ؟
اصلى سعات بستهبل و اقول طيب لو خسيت هلبس اييه و هرجع اجيب لبس تاااااااااانى؟؟؟:D
ربنا يكرمك يا رب و تحققى كل اللى تتمنيه
و ابعتيلي تانى انا ضيفتك كصديقه عندى و على فكرة انا مش قاصدة انى اقفل الرسايل بس بصراحه مش عارفه اعملها منين:o
و قوليلي بقى السلندر دا جهاز الذبذبات اللى هو عبارة عن 4 دواير كده بتتحط على بطنك و بتعمل ذبذبات على الجسم و لا انا بتكلم على حاجه تانية؟؟

ربنا يخليكي ياحنين
بصي انا حاليا بلبس اللبس اللي كنت بلبسه ف الجامعه مكنش بيدخل فيا ودلوقتي الحمد لله انا بلبس كل حاجه يعني جينزات جيب بلوزات تونيكات بس بديهات لا لاني مليانه من الضهر شويه ومش بحب الحاجات الماسكه وكمان بلبس عبايات بس مش كتير بس بقي اني رجعت البس لبسي اللي كان مش بيدخل ده اداني حافز اني استمر بس انا مش هشتري لبس جديد الا لما اثبت ان شاء الله ادعولي استمر ان شاء الله
عشان تستقبلي الرسايل هاتي لوحه التحكم هتلاقيها ف اول الصفحه فوق يمين وهاتي تعديل الخيارات واعملي علامه صح علي استقبال بريد الكتروني من الاعضاء لو معرفتيش ابعتيلي ميلك نكلم عليه
ايوة السلندر هو ده اللي بيعمل ذبذبات
اشري ياجميله مش ينفع الكسل ده شدي حيلك بقي عشان الفرح مش بريود والا غيره هيعطلنا عن حلمنا عايزين الفستان يبرق عليكي كده :wink:

مرهفه المشاعر;10104022:
ربنا يخليكي ياحنين
بصي انا حاليا بلبس اللبس اللي كنت بلبسه ف الجامعه مكنش بيدخل فيا ودلوقتي الحمد لله انا بلبس كل حاجه يعني جينزات جيب بلوزات تونيكات بس بديهات لا لاني مليانه من الضهر شويه ومش بحب الحاجات الماسكه وكمان بلبس عبايات بس مش كتير بس بقي اني رجعت البس لبسي اللي كان مش بيدخل ده اداني حافز اني استمر بس انا مش هشتري لبس جديد الا لما اثبت ان شاء الله ادعولي استمر ان شاء الله
عشان تستقبلي الرسايل هاتي لوحه التحكم هتلاقيها ف اول الصفحه فوق يمين وهاتي تعديل الخيارات واعملي علامه صح علي استقبال بريد الكتروني من الاعضاء لو معرفتيش ابعتيلي ميلك نكلم عليه
ايوة السلندر هو ده اللي بيعمل ذبذبات
اشري ياجميله مش ينفع الكسل ده شدي حيلك بقي عشان الفرح مش بريود والا غيره هيعطلنا عن حلمنا عايزين الفستان يبرق عليكي كده :wink:

طيب و جلسات الذبذبات دى جابت نتيجة لبطنك اصلى بطنى وحشة اوى و كنت بعملها فى فترة و ماما خوفتنى منها و قعدت تقولى غلط على الخلف استنى لما تخلصى خلف :confused:
و الدكتور قالك ايية عليها
انتى قدامك اد ايه على فرحك ؟؟عشان انا عايزة اقولك تخسي اكتر قبل الفرح عشان الاكل اللى بيبقى فى الاول و الحجات دى بحيث لو زدتى حاجه بسيطة اول الجواز تبقى فى الامان
ربنا يكملم على خير(f)

اشري حبيبة قلبي انا بذن الله بدات النهاردة واظبي انتى كمان بقى يا قمر و ربنا معاكى

انا فطرت النهاردة كوباية شاي بنص معلقه سكر و ربع رغيف ببيضة مسلوقة

و من بعد الفطار حاسة انى جعانه :(و كل شوية افتح التلاجة ابص على الاكل و ارجع:confused::confused: المهم ان فى الفترة دى اكلات غريبة يعنى عندنا كسكسى بلدى و فطير مشلتت و المانجة بتنادينى عاااااااااااا:confused::confused:
ربنا يسهل ان شاء الله

ان قمت جهزت غدايا بعمل فاصوليا فى شورة لحمة و حطيت عليها معلقتين رز ناييين (دى غلطة بس بجد جعانه)و هاكل حتتين لحمة باذن الله
ادعولى ربنا يسد نفسي عن الاكل :D

هو فى اية هو مبقاش فى بنوتات تخينة و لا ايه ؟؟؟؟ عموما اتمنى ذلك
انا جوعاااانة :confused: و كلت 3بلحات تمر بعد الغدا:confused:

حنين86;10106495:
اشري حبيبة قلبي انا بذن الله بدات النهاردة واظبي انتى كمان بقى يا قمر و ربنا معاكى

انا فطرت النهاردة كوباية شاي بنص معلقه سكر و ربع رغيف ببيضة مسلوقة

و من بعد الفطار حاسة انى جعانه :(و كل شوية افتح التلاجة ابص على الاكل و ارجع:confused::confused: المهم ان فى الفترة دى اكلات غريبة يعنى عندنا كسكسى بلدى و فطير مشلتت و المانجة بتنادينى عاااااااااااا:confused::confused:
ربنا يسهل ان شاء الله

ان قمت جهزت غدايا بعمل فاصوليا فى شورة لحمة و حطيت عليها معلقتين رز ناييين (دى غلطة بس بجد جعانه)و هاكل حتتين لحمة باذن الله
ادعولى ربنا يسد نفسي عن الاكل :D

ربنا يسد نفسك يا حببتي
ههههههههههههههههه
ويسد نفسي انا كمان عشان مفتوحة على البحري بقالها فاترة
نفسيتي زفت وشهيتي للاكل مفتوووووووووووووووووووحة
انا يعتبر بدات من اليوم تاني لان الفترة اللي فاتت كنت خرباها
بس ربنا يستر مضعفش قدام البلح وقمر الدين اصلي بحبه كدا وهو في ورقته بقطع واكل هم هم

جوى الحنين;10107391:
ربنا يسد نفسك يا حببتي
ههههههههههههههههه
ويسد نفسي انا كمان عشان مفتوحة على البحري بقالها فاترة
نفسيتي زفت وشهيتي للاكل مفتوووووووووووووووووووحة
انا يعتبر بدات من اليوم تاني لان الفترة اللي فاتت كنت خرباها
بس ربنا يستر مضعفش قدام البلح وقمر الدين اصلي بحبه كدا وهو في ورقته بقطع واكل هم هم

ههههههههه عارفة انا و انا بصلي بفضل ادعى الحجات اللى انا عاوزاها و فى الاخر اقول و كل المسلمين
فمرة و انا بصلى بقول يااااارب سد نفسي عن الاكل و حجات تانية بقى و كده و فى الاخر بقول و كل المسلميين ههههههههههه
طيب ايه ذنب كل المسلمين ان نفسهم تتسد عن الاكل هاااا؟

اه فعلا حاجة رمضان مغرية اوى بس لازم نشجع بعض و ربنا هيكرمنا ان شاء الله
انتى وزنك كام؟و طولك؟

يومى النهاردة لحد دلوقتى
الفطار:كوب شاي بنص معلقة سكر و ربع رغيف بلدى ببيضه مسلوقة
الغداء:فاصولياسوتية و حطيت عليها معلقتين رز نايين استوو معاها و حتتين لحمة
بعد الغداء:5 تمرات و 4 خيارات كوب شاي بنص معلقة سكر
3 تمرااات:confused::confused:
العشاء
ربنا يستر على باقى اليوم بقى

قولو ربنا يسد نفس حنين عن الاكل:confused:





انا الحجات الغلط ظللتها بالاسود انتو كمان ابقو اعملو كدة عشان اللى بيعملو ريجيم مش عايزيين حاجه تتظلل بالاسود تاانى

ويهل علينا الشهر الفضيل.. ويكثر
الحب والخير والتراحم.. وتتزاور الأسر.. وتعقد العزومات على موائد الافطار
والسحور.. ويحلو السمر و"اللمة" في الأمسيات.. وخلال كل ذلك تقدم الأطباق
الشهية والمشروبات اللذيذة، كما أن لشهر رمضان حلوياته المقترنة به من
كنافة وقطايف وما لذ وطاب.. ولكن.. ماذا تفعل لو كنت تتبع ريجيما لانقاص
الوزن عند حلول الشهر الكريم ؟

ان اتباع نظام غذائي لفقد الوزن
الزائد، أو للحفاظ على الوزن الحالي بدون زيادة يمكن أن يكون حقيقة واقعة
حتي في شهر رمضان المعظم.. شريطة أن تكون ارادتك قوية بعض الشيء تجاه
الحلويات والمواد الدسمة، عدا ذلك تستطيع أن تأكل وجبتي السحور والافطار
بدون حرمان أو جوع أو مشاكل صحية. والحقيقة الهامة والأساسية في أي نظام
غذائي لفقد الوزن هو التقليل من افراز الانسولين من غدة البنكرياس، وذلك
حتى لا يدخل الجسم في متاهة الافراز الزائد للانسولين ومن ثم انخفاض مستوى
السكر في الدم مما يستدعي الشعور بالجوع وبعدها الأكل بلا حدود طبعا، ثم
الزيادة في الوزن التي لا يمكن السيطرة عليها. ومن المعروف ان تناول السكر
المباشر أو النشويات التي يحللها الجسم الى سكريات أحادية هى المؤثر
الأكبر على غدة البنكرياس ودفعا لافراز الانسولين، وهو المعروف بهرمون
التخزين أي المسئول عن تخزين الطعام الزائد عن حاجة الجسم في صورة دهون
تتراكم في الجسم مؤدية الى البدانة، وأيضا زيادة نشاط البنكرياس وزيادة
افرازه للانسولين تؤدي الى ضعف ادائه وشيخوخته المبكرة أي الاصابة بمرض
السكر. هكذا، فان الحقيقة الأولى التي يجب أن تتنبه لها في شهر رمضان
المعظم هي الحذر الشديد من الحلويات والنشويات وأيضا الدهون وذلك لن يحميك من زيادة الوزن فقط، بل أيضا سيجعلك لا تشعر بالجوع في ساعات الصيام فتستطيع أن تقوم بهذه الفريضة بنشاط وصحة.

وفي الشهر الكريم، حيث الياميش
والمكسرات من المأكولات المألوفة والمحببة، نزف اليك خبرا سارا وهو أن
المكسرات مثل عين الجمل و اللوز والبندق والسوداني تحتوي على مؤشر سكري
منخفض يتراوح بين 15- 20، ومعنى هذا انها لا تتسبب في زيادة افراز
الانسولين من البنكرياس، وبالتالي فان تناول كمية معقولة منها لا يتسبب في
زيادة الوزن أو الاحساس بالجوع، بل أن الدراسات الحديثة اثبتت أن المكسرات
مثل اللوز وعين الجمل لها القدرة على تخفيض نسب الكوليسترول المرتفعة في
الدم. ويحتوي اللوز عل مائة سعر حراري لكل 14 حبة، والفستق على مائة سعر
لكل 20 حبة والكاشو 88 سعرا لكل 8 حبات و عين الجمل على 50 سعر لكل 4
حبات، وللمقارنة يحتوي ربع كوب من الزبيت على 107 سعرا حراريا. ومن
المعروف أن المؤشر السكري هو وسيلة لترتيب الأطعمة المختلفة بالنسبة
لتأثيرها على مستويات السكر في الدم وإرتفاعه يمثل عبئا على البنكرياس
وإفراز الإنسولين ومن ثم يؤدي إلى زيادة الوزن نسبيا.

والياميش صيدلية طبيعية كاملة،
ويحتوي على مضادات الأكسدة التي تقاوم الشوارد الحرة المدمرة للخلايا
والمسببة للأمراض. ومن مكوناته الهامة البلح والقراصيا والمشمشية والتين.
البلح الذي يوصف بسيد الفاكهة، يصفه العلماء بالغذاء الكامل وهو فاكهة
وغذاء. ويحتوي الرطب والتمر على عناصر هامة مثل الجلوكوز والفركتوز
والسكروز كما يحتوي على ألياف وبروتينات وفيتامينات ومعادن. والمائة جرام
منه تحتوي على 64 جراما من المواد السكرية و 9 جرامات من الألياف وجرامين
من البروتين و5 جرامات من الدهون، وأيضا كميات من فيتامين ( a ) و (b2)
و(b1) وفيتامين c ومعادن متعددة مثل النحاس والبوتاسيوم والصوديوم والزنك
والكبريت والكالسيوم والمغنسيوم والحديد. أما القراصيا فهي البرقوق الأسود
المجفف وتحتوي على ألياف طبيعية وفيتامينات ومعادن وفركتوز وهو سكر
الفاكهة. ويوصف البرقوق لعلاج الروماتيزم والامساك وتصلب الشرايين، وتحتوي
القراصيا على كميات كبيرة من مضادات الأكسدة فتقاوم الشيخوخة وتحافظ على
نضارة البشرة. والمشمشية وأيضا قمر الدين من أنواع الياميش المفيدة للصحة،
فهو يقلل الاحساس بالعطش، وغني بالحديث والكالسيوم والفسفور وفيتامين a.
وهو ملين خفيف وسريع الهضم. التين المجفف يحتوي على نسبة عالية من
الفيتامينات والمعادن والألياف ويساعد في علاج أمراض البرد ومقاومة
الميكروبات.

وعلى هذا يكون طبق الخشاف
المحتوي على التمر والقراصيا والمشمشية والتين طبقا صحيا مفيدا حيث أن
اجتماع كل هذه العناصر الغذائية يحقق الفائدة الصحية والغذائية الكاملة.

ومن المأكولات التي لا يخشى منها
على زيادة الوزن كل أنواع الخضروات الورقية مثل الخس والجرجير والفجل،
وأيضا الطماطم والباذنجان والفلفل الأخضر والكرنب والروكلي والخيار. يضاف
الى ذلك عش الغراب وهو غني بالبروتينات. كما أن البقوليات مثل الفاضوليا
الخضراء والبيضاء مفيدة وغير ضارة بالريجيم لأنها غنية بالألياف المفيدة.
كما أن الفول المدمس، وهو طبق السحور المفضل، له دوره الهام في الحفاظ على
النظام الغذائي في رمضان.

ثم نأتي الى الفواكه التي تعتبر
من الأطعمة الصحية صديقة النظام الغذائي لتخفيف الوزن، ويمكن تناولها في
وجبة الافطار بدون أي خوف على النظام الغذائي. ومن أهم الفواكه المفيدة في
هذا المضمار التفاح والكمثرى والجوافة والبرتقال والخوخ والمشمش والفراولة
والجزر الطازج مع التحذير منه مطبوخا حيث أن مؤشره السكري يرتفع من
35طازجا الى 85 بعد الطبخ.

يأتي بعد ذلك دور الحديث عن
البروتينات الحيوانية من لحوم ودواجن وأسماك، وهي بالطبع أطعمة مهمة
ومفيدة للصحة في حدود كمياتها المعتدلة، وستكون موجودة على مائدة الافطار
بصفة دائمة. ويفضل أن تطهى بطريقة صحية أي ان تكون كمسلوقة أو مشوية، مع
الابتعاد عن المقليات والمسبكات واللحوم الدسمة، كما يجب نزع الجلد عن
الدواجن قبل أكلها.

ويجب على الصائم ألا يغفل عن شرب
الماء بكمية كبيرة في الفترة ما بين الافطار والامساك، على ألا يكون الشرب
وسط الأكل. ويراعى ألا تقل كمية الماء يوميا عن 8 أكواب حتي تستطيع
الكليتين القيام بعملهما دون قصور، وبالتالي يتمتع الجسم بصحة طيبة.

وعلى الرغم من أن ربة البيت
تستعرض كل فنونها في أمور المطبخ في شهر رمضان المعظم، الا أنه يفضل أن
تكون أساليب طهيها للطعام بسيطة وصحية، فيفضل اللجوء الى المسلوق والمشوي،
وأساليب الطهي "نيء في نيء" ، مع التقليل ما أمكن من الصواني والطواجن
والدهون المشبعة مثل السمن والزبد، ولا مانع من كميات معقولة من زيت الذرة
في الطبخ حماية لصحة الأسرة. وهذا الكلام ينطبق بالطبع على من يريدون
الحفاظ على أوزانهم الصحية في رمضان.
أما في السهرات التي تحلو في
رمضان، والتي لاتخلو من أكل وشرب بالطبع، فان من يريد أن يحافظ على وزنه
أو على نظامه الغذائي لخفض الوزن يستطيع أن يتناول بعض الخضروات الطازجة
من خيار وطماطم وفلفل أخضر، كما يمكنه شرب الشاي والقهوة باللبن خال
الدسم، مع استخدام المحليات الصناعية. ويمكن لهواة المياه الغازية شرب
المشروبات الغازية بالسكر الصناعي " الدايت"، على أن يأخذوا حذرهم من
العصائر الطبيعية حتى المكتوب عليها " غير مضاف مسكر" حيث أنها تحتوي على
كمية كبيرة من السعرات الحرارية تقترب من 120 سعر في الكوب الواحد وهي
كمية كبيرة مقارنة بكوب من المشروبات الغازية العادية التي تحتوي على 80
سعر، بينما لا تحتوي المشروبات الغازية الدايت على أي سعر. وكما اسلفنا
فان بعض المكسرات بكمية معقولة سيكون مفيدا وليس ضارا.

انا حاسة انى بدن فى ماالطة:confused: انتو فيييييييييييين؟؟؟

عموما مسيركو تيجو:21_112: تانى:whistling::whistling:

فى معلومة عايزة اقولكو عليها
1-ان اى حد لية معلقتين سكر ابيض فى اليوم حتى لو بتعملى ريجيم عشان السكر دا هو اللى بيغدى المخ و خدو معلقتين سكر بس و بلاش الدايت سويت و الحجات دى خطررررر جداااا
2-كمان غسيل السنان مرتين فى اليوم الصبح و بليل مهم اوى فى الدايت و حاولى تستخدمى معجون نكهتة قوية عشان يسد الشهية
3-ربع رغيف بلدي=رغيف سن= 3 بقسماط
4-متسهريش عشان متطريش تاكلى بليل و اكل بليل دا بقى للى عاوزة تخس مصيييبة


جعااااااااانة عاااااااااااا

ازيكوا يا بنات كل سنه وانتوا طيبين انا ماشيه على الرجيم بطريقه شبه معقوله با كل طبعا كل حاجه شوكلاته وارز ومكرونه وكل حاجه بس بكميات قليله جدا يعنى الشيكولاته ممكن اكل قطعه فى حجم عقله الاصبع كل يومين او3 والارز والمكرونه يدوب معلقتين او3 بس بكتر من السلطه والفاكهه الطازه ومقلله من الكولا والعصائر وربنا يقدرنا ونكمل ونوصل للى بنتمناه باذن الله ويعود علينا رمضان بخير وبالحب والايمان يارب

حنين86;10107859:
انا حاسة انى بدن فى ماالطة:confused: انتو فيييييييييييين؟؟؟

عموما مسيركو تيجو:21_112: تانى:whistling::whistling:

فى معلومة عايزة اقولكو عليها
1-ان اى حد لية معلقتين سكر ابيض فى اليوم حتى لو بتعملى ريجيم عشان السكر دا هو اللى بيغدى المخ و خدو معلقتين سكر بس و بلاش الدايت سويت و الحجات دى خطررررر جداااا
2-كمان غسيل السنان مرتين فى اليوم الصبح و بليل مهم اوى فى الدايت و حاولى تستخدمى معجون نكهتة قوية عشان يسد الشهية
3-ربع رغيف بلدي=رغيف سن= 3 بقسماط
4-متسهريش عشان متطريش تاكلى بليل و اكل بليل دا بقى للى عاوزة تخس مصيييبة


جعااااااااانة عاااااااااااا

انتي عسل والله
بس في حاجة مهمة اخدتها في كورسات البرمجة اللغوية العصبية
انك لو فضلتي تقولي جعانة حتى لو بتهريج عقلك الباطن هيخزنها وينفذها بجد وهتفضلي حاسة انك جعانة والصح انك تقولك انك كدا شبعتي فعلا او هتشبعي من الكمية دي عشان عقلك الباطن يرسل اشارات لمركز الشبع في المخ وتشبعي فعلا وتقولي شبعت مش تقولي مش هجوع لأن العقل الباطن برضو هيشيل كلمة مش اللي في الاول دي وهيخلي هجوع فالمهم تركزي على الانتي عايزاه وانت بتبرمجي نفسك.. فهمتيني يا سكر وتستخدمي صياغة ايجابية مباشرة ومتستخدميش النفي
وشكرا على المعومات المهمة عن الصيام والانسولين

roro8484;10109194:
ازيكوا يا بنات كل سنه وانتوا طيبين انا ماشيه على الرجيم بطريقه شبه معقوله با كل طبعا كل حاجه شوكلاته وارز ومكرونه وكل حاجه بس بكميات قليله جدا يعنى الشيكولاته ممكن اكل قطعه فى حجم عقله الاصبع كل يومين او3 والارز والمكرونه يدوب معلقتين او3 بس بكتر من السلطه والفاكهه الطازه ومقلله من الكولا والعصائر وربنا يقدرنا ونكمل ونوصل للى بنتمناه باذن الله ويعود علينا رمضان بخير وبالحب والايمان يارب

ازيك يا جميل
انا كمان تقريبا عاملة زيك كدا بس ساعات بخربها

جوى الحنين;10109923:
انتي عسل والله
بس في حاجة مهمة اخدتها في كورسات البرمجة اللغوية العصبية
انك لو فضلتي تقولي جعانة حتى لو بتهريج عقلك الباطن هيخزنها وينفذها بجد وهتفضلي حاسة انك جعانة والصح انك تقولك انك كدا شبعتي فعلا او هتشبعي من الكمية دي عشان عقلك الباطن يرسل اشارات لمركز الشبع في المخ وتشبعي فعلا وتقولي شبعت مش تقولي مش هجوع لأن العقل الباطن برضو هيشيل كلمة مش اللي في الاول دي وهيخلي هجوع فالمهم تركزي على الانتي عايزاه وانت بتبرمجي نفسك.. فهمتيني يا سكر وتستخدمي صياغة ايجابية مباشرة ومتستخدميش النفي
وشكرا على المعومات المهمة عن الصيام والانسولين

ربنا يخليكي انتى اللى سكر بس تعالى هنا بقى قوليلي كورس البرمجه اللغوية دا خدتية فين و بكام و مع ميين اصلي سألت عليه لقيته ب 1600 :confused:
و بتاخدو فيه ايه و هل فادك فعلا و لا اييه؟

حنين86;10110594:
ربنا يخليكي انتى اللى سكر بس تعالى هنا بقى قوليلي كورس البرمجه اللغوية دا خدتية فين و بكام و مع ميين اصلي سألت عليه لقيته ب 1600 :confused:
و بتاخدو فيه ايه و هل فادك فعلا و لا اييه؟

لا مش اوي كدا
انا اخدت كورس كان معمول في قاعة المؤتمرات من فترة ومش فاكرة سعره
والتاني كان في قاعة اوليمبك كان يوم واحد ب150
وواحد للذاكرة كان في جميعة كدا تبع مسجد الحصري عندنا كان ب 100
والباقي بقى ابحاث على النت ودروس لطارق سويدان وابراهيم الفقي
لو عايزه حاجة منهم هرفعهالك واديكي اللنك بتاعها



توفي انتي فين وحشتيني اوي

الزيادة اللى زودتها امبارح:sad: معلقتين رز نايين بقو كتير طبعا بعد السوا و 10 تمرات :confused: و مانجاية و شوية لب صغيرين
و رحت عملت جلسة ذبذبات عند الدكتور بليل
و ربنا يسهل و النهاردة اقلل الحجات الزيادة عن نظام الدايت
و هعمل بنصيحة جوي و هقول انا شبعااااااانة ايييه دا الاكل كابس على نفسي مش قادرة :B_wink:



فطرت النهاردة ربع رغيف ببيضة مسلوقة و كوباية شاي بنص معلقة سكر:21_91:


:sm229::sm229:يا رب يا رب يا رب اخس تلاتة اربعة كيلو الاسبوع دا ....و ابقى 108 حتى:ss: بطنى بقت وحشة اوى تخيلو واحدة صاحبتى بقلها كتير مشفتنيش فكرتنى حامل:cry:و انا اساسا لسه مش متجوزة :cry: ...................... ادعولى :sm229::sm229:

معلش يا قمر ربنا معاكي
وفعلا يعني
ايه الاكل الكتييييييييييير ده منجا وشوية رز وحركات كتير كدا :bomb::bomb::bomb:
شدي حيلك كدا مينفعش :UP202::UP202:
وابقي انزل امشي شوية عشان متفكريش في الاكل وبس وكمان حلو للرجيم

انا فطرت النهاردة بضيتين مسلوقين وحتة جبنة بزيت زيتون من غير عيش او توست حتى ولسه مش عارفة هاكل ايه تاني
بس هشرب قهوة سادة دلوقتي عشان اسرع عملية الايض شوية

حنين86;10113176:
الزيادة اللى زودتها امبارح:sad: معلقتين رز نايين بقو كتير طبعا بعد السوا و 10 تمرات :confused: و مانجاية و شوية لب صغيرين
و رحت عملت جلسة ذبذبات عند الدكتور بليل
و ربنا يسهل و النهاردة اقلل الحجات الزيادة عن نظام الدايت
و هعمل بنصيحة جوي و هقول انا شبعااااااانة ايييه دا الاكل كابس على نفسي مش قادرة :B_wink:



فطرت النهاردة ربع رغيف ببيضة مسلوقة و كوباية شاي بنص معلقة سكر:21_91:


:sm229::sm229:يا رب يا رب يا رب اخس تلاتة اربعة كيلو الاسبوع دا ....و ابقى 108 حتى:ss: بطنى بقت وحشة اوى تخيلو واحدة صاحبتى بقلها كتير مشفتنيش فكرتنى حامل:cry:و انا اساسا لسه مش متجوزة :cry: ...................... ادعولى :sm229::sm229: