رجيم التمر واللبن

مرحبا اختي انا والله تحمست معاك مره وان شاء الله اببدا فيه السبت..

بس ابسألك لو تعطشين ما تشربين شي غير اللبن..

واللبن او الحليب عادي.. او قليل الدسم وش نوعه اللي تستخدمينه

يعني المويه ممنوووعه؟؟؟

وشكرا لك اختي..

سبحان الله مثل مواصفاتي بالضبط
يعني موافقة تشاركيني فيه
ياليت بعد تقولين لبنات عشا ن يشاركونا عشان يكو ن في حماس وتحدي اكثر

عذبتني جروحي;9421159:
مرحبا اختي انا والله تحمست معاك مره وان شاء الله اببدا فيه السبت..

بس ابسألك لو تعطشين ما تشربين شي غير اللبن..

واللبن او الحليب عادي.. او قليل الدسم وش نوعه اللي تستخدمينه

يعني المويه ممنوووعه؟؟؟

وشكرا لك اختي..

لووووووووووووول اكيد الماي مو ممنوع

اشواريا الكويت;9421187:
سبحان الله مثل مواصفاتي بالضبط
يعني موافقة تشاركيني فيه
ياليت بعد تقولين لبنات عشا ن يشاركونا عشان يكو ن في حماس وتحدي اكثر

موافقه بليز ابي الرجيم ضروري

ان شاءالله بحاول مع اختي تشارك بالتجمع

اولا:شروط الرجيم اك ماتاكلي نشويات يعني (الخبزو العيش والفطاير والبسكويت والحلويات اكيد)
ثانيا: تاكلين من بداية الاسبوع كل شئ له علاقة بالخضروات والفواكه يعني سلطات في كل الوجبات انتي توزعينها على كيفك
واخر يوم بالاسبوع تاكلين وجبة بروتينية يعني مثلا دجاج مشوي او لحم مشوي اوحتى سمك
مشوي
على فكرة انا بديت فيه السبت


وادعييييلي(y):wink:

اشواريا الكويت;9445524:
اولا:شروط الرجيم اك ماتاكلي نشويات يعني (الخبزو العيش والفطاير والبسكويت والحلويات اكيد)
ثانيا: تاكلين من بداية الاسبوع كل شئ له علاقة بالخضروات والفواكه يعني سلطات في كل الوجبات انتي توزعينها على كيفك
واخر يوم بالاسبوع تاكلين وجبة بروتينية يعني مثلا دجاج مشوي او لحم مشوي اوحتى سمك
مشوي
على فكرة انا بديت فيه السبت


وادعييييلي(y):wink:

حلو الرجيم ان شاءالله ابد فيها اليوم

بس ما قلتي انتي جربتي الرجيم وجم نزلتي ؟؟

اهئ اهئ شكلكم ديتو

شجعتيني أختي شموخ من باجر إن شاء الله ببدأ بريجيم التمر واللبن بس بحاول أدخل معاه صحن سلطة ونوع من الفاكهة ، وبخبركم باجر جم وزني بالضبط ، وبتابع معاكم لمدة 15 يوم على هالنظام ( يا رب ) ..

وانا بعد راح ابداء معاكم من بكرة

والله يعيننا ان شاء الله

شموخ خلينا نبدا برجيم اللبن والتمر الكل يمدحه ...
وشرايك نبدا من الأربعاء إن شاء الله ..
طيب كيف نظامه يعني كلما جعتي تاكلين تمر وتشربين لبن ..
أشرحي لنا أكثر مشان يكون واضح ..
ترااااااااااااااااااااني تحمست ..

هلا ومرحبا بالجميع ، شحالكم اليوم ؟

أنا الحمدلله بديت بنظام التمر والحليب ومتحمسة وااااااااااااااااايد وااااااااااااااااايد ومتفاءلة ومصرة هالمرة بالذات في تحدي نفسي وتحدي مع الخوات اللي بيشاركون معانا ....

بالنسبة لطولي : 162
بالنسبة للوزن : 92,2

- طبعا اتبعت أنظمة ريجيم واااااايد بس هالمرة غير بلتزم بمشيئة الرحمن ، وكل ما بدخل بكتب بالضبط شو كلت أو شربت + شو الرياضة اللي مارستها وشكثر المدة ؟؟

* تقرير اليوم الثلاثاء 12/5/2009 :

- على الريق : 2 كوب ماي ...

- بعدين سويت رياضة لمدة ساعتين تقريبا متنوعة ما بين المشاية والدراجة وصعود الدري وتمارين للبطن ، وشربت 6 أكواب ماي مع الرياضة ...

- الريوق : 5 حبات تمر + 3 م طعام روب قليل الدسم ...

_ الحين قاعدة أسويلي كابتشينو + مغلف صغيرون من سكر سبليندا للريجيم ...

ولي عودة إن شاء الله مع الخوات الحلوات المصرات على الوصول لوزن مثالي وصحي .....

هلا بالأخت فاقدة الحبايب ....

بالنسبة لسؤالج عن كيفية تطبيق الريجيم ، فهو يعتمد على أكل 21 تمرة و 3 أكواب حليب أو لبن ،موزعين على ثلاث وجبات رئيسية يعني 7 تمرات وكاس حليب فكل وجبة أو لج حرية الاختيار مثلا 5 تمرات مع كاس حليب عالريوق
وعالساعة 10 أو 11 ص : تمرتين
وعالغدا 7 تمرات مع كاس الحليب
والعصر : تمرتين
وعالعشا 5 تمرات مع كاس الحليب ....

وإذا حابة تشوفين تجارب البنات مع هالنظام اكتبي ريجيم التمر واللبن في قوقل ، وشد حيلج أختي بس يا ريت لو تحطين طولج ووزنج ، وتحطين لج يوم توزنين فيه ، وأتمنى إنج تكتبين شو أكلت وإذا لعبت رياضة ، علشان نشجع بعض وحتى إنت بتتشجعين إن شاء الله ....

بالنسبة لوجبة الغدا : كلت 5 تمرات + 3 م أكل روب قليل الدسم + قطعتين صغيرونات يح + نص كوب عصير برتقال ...

العصر : شربت كوبين ماي ...

وبرجع لكم بعدين مع وجبة العشا ...

اسمحولي كنت تعبانة وما حسيت بعمري إلا وأنا راقدة ...

بالنسبة للعشا : 7 تمرات + 4 م أكل روب قليل الدسم + صنطرة صغيرة + 5 أوراق خس + جزرة + كوب ماي...

أما بالنسبة لليوم الأربعاء الموافق 13/5/2009 :

فالريوق : 7 تمرات + 3 م أكل روب قليل الدسم ...

وتوني شربت كابتشينو مخصص للي يسوون ريجيم مع مغلف صغير من سكر سبليندا + كوب ماي ...

وبروح أسوي رياضة ويوم برد بكمل لكم ، ....

أتمنى من جميع الخوات التشجيع وكل وحدة تدخل يا ريت تحط يومياتها صدقوني بتشجع أكثر ...

(y)(y)(y)(y)(y)(y)(y)(y)(y)(y)

مسا الخير للجميع ...

سويت رياضة لمدة ساعة ونص تقريبا ما بين المشاية والدراجة ، وشربت خلالها 5 أكواب ماي وعقب بسوي تمارين للبطن والأرداف إن شاء الله ...

الغداء : كيوي + مشمشة + شريحة يح + تفاحة خضرا + تمرة وحدة + 4 م ط روب قليل الدسم ...

وانتظروني مع وجبة العشا ....

وينكم خواتي وخاصة صاحبة الموضوع ( شموووووووخ ) أريد أعرف هل مكملة على هالنظام وشكثر نزلت ؟؟؟

رديت لكم مع تقريري ( نشرة أخبار ههههههههههههههه )

العصر : شربت كابتشينو مع مغلف صغير من سكر سبليندا + كوب ماي ...

العشا : كوب ماي + كورن فليكس بحليب خالي الدسم ،...

وعقب حسيت بيوع : شربت كوب ماي + كلت روب بالخيار ...

وما زلت بانتظار البنات يدخلون ويشجعوني وأشجعهم ....

سوووووووووووووووووووووري بنات

والله مشغوووووووووووووله

وقفت رجيم الفواكه و ان شاءالله باجر ارجع على رجيم التمر واللبن

ام ريااااان حلوه يومياتج ان شاءالله من باجر اكتب يومياتي

بس مشكله هاليومين عندي مناسبات شنو اكل مابي اقولهم رجيم؟؟