&همسةغلا&;8901525:
الله يوفقك دنيا وآخره
اللهم اجعل ماتقدمينه في موازين حسناتك
أنا العام كان وزني 80 وطولي 161 وسويت ريجيم ونحفت تقريبا 7 كيلوا بثلاثة أشهر وحسيته شوي مره وتركت الريجيم
واللحين زاد وزني صار 85
وطولي 161 أبغى حميه علشان أنحف وكل ماقلت اليوم أبسوي ريجيم أروح أكل
وشرايك إختي
مشكوره حبيبتي ع الدعوه الطيبة جزاج الله الف خير
حبيبتي بالعكس كل ماكان الرجييم ينحف سرييع راح يرجع الوزن مثل ما اهو واكثر يعني كل ما نحفتي ابطئ كل ما ثبت وزنج وكل ماخذيتي وقت بتعود جسمج على نمط االاكل الصحي اللي تاكلينه بالرجييم الغذائي بس مثل ما قلتي اغلبنا ماعندنا صبر نواصل نبي نتايج فوريه وطبعا النتايج السريعه مو مستحيله لكن مو ثابته ومؤقته وانتي ع حسب طولج المفروض وزنج مايقل عن 55 كجم وما يزييد عن 65 كجم كوزن مثالي يعني تقريبا محتاجه تنزليين 20 كجم وال20 كيلو يبي لها صبر ويبي لها مو اتباع رجييم خاص يبي لها نظام غذائي صحي مدى الحياة يعني غيري بنظام اكلج يعني لا تحطيين في بالج انج لازم تسويين رجييم عشان ما تحسيين انج يوعانه وتبيين تاكليين مجرد تغييرات بسيطه في نظام اكلج مع ممارسة الرياضة لو 30 دقيقه يوميا او حتى 15 دقيقة وكل يوم تزيدينهم 5 دقايق لين ما يتعود جسمج راح تكون تمام...
وهالتغيرات تقدريين تاكليين كل شي لكن باعتدال وباختيار النوعية الصحيه مثلا:
** الحليب ومنتجاته ما تحرميين روحج منهم لكن اختاري الانواع المنزوعة الدسم ومثلا بالجبن ابتعدي عن الجبن الكريم(الكاسات،او المثلثات"النستو",الكيري) لانه نسبة الدهون فيها عالية خلج على الجبن القريش او الجبن السلايس من الانواع الدايت او المنزوعة الدسم.
** الخبز استخدمي الخبز الاسمر بدل الابيض بحيث لا تكثريين عن رغيف او نصف رغيف باليوم والتوست شريحتيين ويكون بعد اسمر.
** المكرونة والرز والبقوليات اكلي منهم وقت اللي تبيين بس ما يزييد عن كوب في اليوم يعني لا تيبيين الصحن وتحطيين وتاكليين وكل ماتبيين رجعتي حطيتي لأ يبي لج كوب وحطي فيه وعقب هالكمية حطيها في الصحن واكلي.
**الحلويات والدونت والكاكو وهالسوالف كلها ابتعدي منها قد ما تقدريين يعني اكلي قطعة صغيره غلى قطعيين بالاسبوع كله وحاليا في انواع داي مثل ايسكريم باسكن روبز ومثل بعض الشوكولاته تباع في الصيدليات لمرضى السكر وتكون مناسبة للرجييم وممكن انتي بنفسج تسويين كيك خاص بالرجييم استخدمي فيه دقيق البر وبدل البيض الكامل استخدمي البياض فقط وبدل الزيت استخدمي الحليب والماء فقط وبدل السكر استخدمي السكريات الخاصه بمرضى السكر مثل السوربيتول (سكر الذره ) يباع بالسوبر ماركت وحتى لو بتحليين في مثلا الشاي او القهوه يا تشرينها بدون تحلية يا تحلينها بهذا السكر.
**وجباتج اكليها بدري وخلصيهم بدري يعني حاولي عقب الساعه 6 المغرب ما تاكليين اي شي.
** كثري من الخضروات الورقيه لانه فيها نسبة ماء كبيره والياف بتشبعج وما بتخلييج تاكليين كميات كبيرة من الاكل وفي نفس الوقت قللي من الفواكهه لانه فيها نسبة سكريات كبيرة وابتعدي عن الفواكهه المجففه والمعلبة...
** بالنسبة للحوم قللي من اللحوم الحمراء والدجاج اكلي الصدر وابتعدي عن الطيور اللي فيها نسبة دهون عالية مثل البط والسمان والحمام وهالسوالف والسمك اكلي منه على الاقل مرتيين بالاسبوع إلى ثلاث مرات...
هذي بس معلومات مختصره لو طبقتيها راح يقل وزنج بدون ما تحرميين نفسج من اي شي تحبينه